ໃນຖະແຫຼງການ, ກຸ່ມສະມາຊິກລັດຖະສະພາມິດຕະພາບຫວຽດນາມ - ກູບາ ຊີ້ແຈ້ງວ່າ: ດ້ວຍພື້ນຖານການພົວພັນທາງການເມືອງອັນດີງາມ ແລະ ຄວາມສາມັກຄີທີ່ເປັນມູນເຊື້ອ, ຊາວຫວຽດນາມ ແລະ ກູບາ ຍາມໃດກໍ່ເຄົາລົບ, ຮັກສາ ແລະ ເຮັດໃຫ້ສາຍພົວພັນສາມັກຄີມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ - ກູບາ ນັບມື້ນັບເລິກເຊິ່ງ ແລະ ເຂັ້ມແຂງ. ບົນຈິດໃຈນັ້ນ, ກຸ່ມສະມາຊິກລັດຖະສະພາມິດຕະພາບຫວຽດນາມ - ກູບາ ຢືນຢັນຄວາມສະເໝີຕົ້ນສະເໝີປາຍຍາມໃດກໍ່ສາມັກຄີ, ສະໜັບສະໜູນພາລະກິດປະຕິວັດອັນຊອບທຳຂອງປະຊາຊົນກູບາ.
 |
| ຖະແຫຼງການສະໜັບສະໜູນກູບາ ຂອງກຸ່ມສະມາຊິກລັດຖະສະພາມິດຕະພາບຫວຽດນາມ - ກູບາ. ພາບ: ສະຖານທູດກູບາ ປະຈໍາຫວຽດນາມ |
ກຸ່ມສະມາຊິກລັດຖະສະພາມິດຕະພາບຫວຽດນາມ - ກູບາ ແບ່ງປັນ ແລະ ສະແດງຄວາມເຫັນອົກເຫັນໃຈຢ່າງເລິກເຊິ່ງຕໍ່ບັນດາຄວາມຫຍຸ້ງຍາກ, ຄວາມລຳບາກ ເຊິ່ງປະຊາຊົນ ກູບາ ຕ້ອງທົນທຸກຍ້ອນບັນດາຜົນກະທົບຢ່າງຫຍໍ້ທໍ້ຂອງນະໂຍບາຍປິດລ້ອມ ແລະ ຂວ້ຳບາດທີ່ແກ່ຍາວ ໂດຍ ອາເມລິກາ ຈັດວາງມາເປັນເວລາກວ່າ 60 ປີຜ່ານມາ; ພ້ອມກັນນັ້ນ, ກໍ່ຮຽກຮ້ອງໃຫ້ ອາເມລິກາ ຖອນ ກູບາ ອອກຈາກບັນຊີລາຍຊື່ປະເທດອຸປະຖໍາການກໍ່ການຮ້າຍໂດຍໄວ, ຍົກເລີກຂວ້ຳບາດຢ່າງສິ້ນເຊີງ, ມຸ່ງໄປເຖິງການຫັນການພົວພັນລະຫວ່າງ 2 ປະເທດເປັນປົກກະຕິບົນພື້ນຖານສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ, ເຄົາລົບເອກະລາດອະທິປະໄຕແຫ່ງຊາດ, ລະບອບລະບຽບການການເມືອງຂອງກັນ.
ກຸ່ມສະມາຊິກລັດຖະສະພາມິດຕະພາບຫວຽດນາມ - ກູບາ ເຊື່ອໝັ້ນວ່າ ດ້ວຍຄວາມມານະພະຍາຍາມຢ່າງບໍ່ຢຸດຢັ້ງ, ປະຊາຊົນ ກູບາ ຈະຜ່ານຜ່າທຸກຄວາມຫຍຸ້ງຍາກ ແລະ ສິ່ງທ້າທາຍ, ຍາມໃດກໍ່ກ້າວໄປຕາມເສັ້ນທາງທີ່ໄດ້ເລືອກໄວ້ຢ່າງໝັ້ນແກ່ນ. ຫວຽດນາມ ພ້ອມແລ້ວທີ່ຈະແບ່ງປັນປະສົບການ, ປະກອບສ່ວນຢ່າງຕັ້ງໜ້າເຂົ້າໃນຂະບວນການເຈລະຈາ, ສ້າງຄວາມໄວ້ເນື້ອເຊື່ອໃຈລະຫວ່າງ ກູບາ ແລະ ອາເມລິກາ, ກ້າວໄປເຖິງການປັບປຸງການພົວພັນສອງຝ່າຍ ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ ແລະ ການພັດທະນາຢູ່ພາກພື້ນ ແລະ ໃນໂລກ.
ບູນມີ
