 | UN Women ຕີລາຄາສູງໂຄງການກະທຳແຫ່ງຊາດ ກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງຂອງ ຫວຽດນາມ |
| ເພີ່ມທະວີນໍ້າໃຈສາມັກຄີ, ການຮ່ວມມື ແລະມິດຕະພາບລະຫວ່າງສະຫະພັນແມ່ຍິງກອນຕູມ ແລະສະຫະພັນແມ່ຍິງອັດຕະປື, ເຊກອງ (ລາວ) |
ທີ່ການພົບປະເຮັດວຽກ, ທ່ານ ຫງວຽນແກ໋ງ - ຮອງປະທານຜູ້ປະຈຳສະມາຄົມມິດຕະພາບ ຫວຽດນາມ - ລາວ ແຂວງ ກວາງນາມ ໃຫ້ຮູ້ວ່າ 2 ຝ່າຍໄດ້ເລີ່ມປະຕິບັດບັນດາໂຄງການຮ່ວມມືນັບແຕ່ປີ 2012.
ໃນໄລຍະ 2012 – 2024, ສະມາຄົມມິດຕະພາບ ຫວຽດນາມ - ລາວ ແຂວງ ກວາງນາມ ໄດ້ຈັດຕັ້ງ 13 ການໄປປະຕິບັດງານດ້ານມະນຸດສະທຳຢູ່ແຂວງ ເຊກອງ ເພື່ອກວດ, ປິ່ນປົວ, ແຈກຢາຍຢຸກຢາໃຫ້ປະຊາຊົນເກືອບ 11.000 ຄົນໂດຍບໍ່ເສຍຄ່າ; ມອບຂອງຂວັນກວ່າ 2.500 ພູດໃຫ້ບັນດາຄອບຄົວທີ່ດ້ອຍໂອກາດ... ລວມຍອດມູນຄ່າບັນດາການເຄື່ອນໄຫວອຸປະຖຳໃຫ້ບັນດາການໄປປະຕິບັດງານດ້ານມະນຸດສະທໍາແມ່ນເກືອບ 7,3 ຕື້ດົ່ງ.
 |
| ພາບທີ່ການເຮັດວຽກ. ພາບ: Quangnam.gov |
ບັນດາການເຄື່ອນໄຫວພົບປະແລກປ່ຽນ, ຊອກຮູ້ວັດທະນະທຳຂອງສອງປະເທດ ຫວຽດນາມ - ລາວ ຍາມໃດກໍ່ໄດ້ຮັບການຖືເປັນສຳຄັນ; ຍູ້ແຮງການພົບປະແລກປ່ຽນວັດທະນະທຳ - ສິລະປະລະຫວ່າງບັນດາມະຫາວິທະຍາໄລ, ວິທະຍາໄລຢູ່ ກວາງນາມ ຈັດຕັ້ງ. ສົມທົບກັນເພື່ອຮຽບຮຽງ ແລະ ເປີດຈຳໜ່າຍປຶ້ມ “ດານັງ, ກວາງນາມ ຍາມໃດກໍ່ຮັກສາສາຍພົວພັນມິດຕະພາບແບບພິເສດ ຫວຽດນາມ - ລາວ ຕະຫຼອດໄປ”; ຈັດຕັ້ງບັນດາໂຄງການພົບປະແລກປ່ຽນເພື່ອສະເຫຼີມສະຫຼອງ 55 ປີ, 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີ, 50 ປີແຫ່ງວັນລົງນາມໃນສົນທິສັນຍາມິດຕະພາບ, ການຮ່ວມມື ຫວຽດນາມ - ລາວ.
ນອກຈາກນັ້ນ, 2 ສະມາຄົມຍັງໄດ້ສົມທົບກັນຢ່າງຕັ້ງໜ້າ, ເປັນຂົວຕໍ່ໃຫ້ແກ່ບັນດາອົງການ, ຫົວໜ່ວຍເພື່ອພົບປະ, ແບ່ງປັນປະສົບການ, ຮ່ວມມື ເປັນຕົ້ນແມ່ນ: ສະມາຄົມກາແດງ 2 ແຂວງ, ໂຮງໝໍຫຼາຍຂະແໜງສູນກາງ ກວາງນາມ ແລະ ໂຮງໝໍແຂວງເຊກອງ... ບັນດາສາຂາສະມາຄົມມິດຕະພາບ ຫວຽດນາມ - ລາວ ຢູ່ບັນດາໂຮງຮຽນ ພ້ອມກັນກັບຫຼາຍຫົວໜ່ວຍ, ທ້ອງຖິ່ນໄດ້ຈັດຕັ້ງການເຄື່ອນໄຫວຫຼາຍຢ່າງເພື່ອສະເຫຼີມສະຫຼອງວັນບຸນສຳຄັນຂອງປະເທດລາວ, ປ້ອງກັນພະຍາດໂຄວິດ-19.
ກ່າວຄຳໄປສາທີ່ການພົບປະເຮັດວຽກ, ທ່ານ ເຈີ່ນແອງຕ໋ວນ, ຮອງປະທານຄະນະກຳມະການປະຊາຊົນແຂວງ, ປະທານສະມາຄົມມິດຕະພາບ ຫວຽດນາມ - ລາວ ແຂວງ ກວາງນາມ ໄດ້ຕີລາຄາວ່າ ໃນໄລຍະມໍ່ໆມານີ້, ສະມາຄົມມິດຕະພາບສອງແຂວງ ກວາງນາມ ແລະ ແຂວງ ເຊກອງ ແມ່ນຂົວເຊື່ອມຕໍ່ເພື່ອໃຫ້ສອງແຂວງຮັກສາ ແລະ ເສີມຂະຫຍາຍມູນເຊື້ອມິດຕະພາບ, ຄວາມສາມັກຄີແບບພິເສດລະຫວ່າງປະຊາຊົນສອງປະເທດ ຫວຽດນາມ - ລາວ ອ້າຍນ້ອງ.
ຜ່ານນັ້ນ ກໍ່ປະກອບສ່ວນເພີ່ມທະວີສາຍພົວພັນມິດຕະພາບສາມັກຄີ ແລະ ການຮ່ວມມືລະຫວ່າງບັນດາອົງການມິດຕະພາບປະຊາຊົນສອງປະເທດ, ປະກອບສ່ວນຊຸກຍູ້ເສດຖະກິດ, ສັງຄົມ, ຮັກສາການປ້ອງກັນຊາດ ປ້ອງກັນຄວາມສະຫງົບ, ສ້າງພື້ນຖານການພົວພັນມິດຕະພາບລະຫວ່າງສອງແຂວງໃຫ້ໝັ້ນຄົງເຂັ້ມແຂງ.
ບົນພື້ນຖານເນື້ອໃນການປະສານງານເຄື່ອນໄຫວ, ທ່ານ ເຈີ່ນແອງຕ໋ວນ, ຮອງປະທານຄະນະກຳມະການປະຊາຊົນແຂວງ ໃຫ້ຮູ້ວ່າ ໃນໄລຍະຈະມາເຖິງ, ສະມາຄົມມິດຕະພາບສອງແຂວງຈະສືບຕໍ່ຮັດແໜ້ນບັນດາທັດສະນະ, ນະໂຍບາຍຂອງສອງພັກ, ສອງລັດໃນທຸກຂົງເຂດ . ພິເສດແມ່ນເສີມຂະຫຍາຍບົດບາດຂອງສະມາຄົມໃນການປະຕິບັດງານການພົວພັນທາງການທູດປະຊາຊົນ, ຫັນບັນດາການເຄື່ອນໄຫວມິດຕະພາບ, ການຮ່ວມມືເພື່ອພັດທະນາແບບຍືນຍົງເປັນຫຼາຍຮູບຫຼາຍແບບ.
 |
| ສອງຝ່າຍໄດ້ລົງນາມໃນບົດບັນທຶກການຮ່ວມມືໃນໄລຍະຈະມາເຖິງ. ພາບ: Quangnam.gov |
ໂດຍແລກປ່ຽນກ່ຽວກັບທິດທາງການຮ່ວມມືມິດຕະພາບໃນໄລຍະຈະມາເຖິງ, ທ່ານ ນາງ ບຸນຮຽງ ບຸນຈິດ, ປະທານສະມາຄົມມິດຕະພາບ ລາວ-ຫວຽດນາມ ແຂວງ ເຊກອງ ໃຫ້ຮູ້ວ່າ ສອງຝ່າຍຈະສືບຕໍ່ໂຄສະນາເຜີຍແຜ່ໃຫ້ບັນດາປະຊາຊົນທຸກຊັ້ນວັນນະຂອງສອງປະເທດກ່ຽວກັບແນວທາງ, ແຜນການນະໂຍບາຍຂອງພັກ ແລະ ນະໂຍບາຍ, ກົດໝາຍຂອງລັດກ່ຽວກັບວຽກງານການຕ່າງປະເທດ ເວົ້າລວມ ແລະ ການທູດປະຊາຊົນ ເວົ້າສະເພາະ ຂອງແຕ່ລະປະເທດ. ສົມທົບກັນໃນບັນດາການເຄື່ອນໄຫວລະດົມປະຊາຊົນຢູ່ບັນດາເມືອງທີ່ມີເສັ້ນທາງຊາຍແດນຮ່ວມ, ກໍ່ສ້າງເສັ້ນຊາຍແດນ “ສັນຕິພາບ, ມິດຕະພາບ, ການຮ່ວມມື, ພັດທະນາ”.
ເປັນເສນາທິການໃຫ້ຄະນະພັກບັນດາຂັ້ນ, ອຳນາດການປົກຄອງແຂວງ ກວາງນາມ ແລະ ແຂວງ ເຊກອງ ຢ່າງຕັ້ງໜ້າໃນການໂຄສະນາ, ດຶງດູດ ແລະ ສົ່ງເສີມການລົງທຶນ. ໃນນັ້ນ, ສຸມໃສ່ຂົງເຂດປູກຝັງ, ລ້ຽງສັດ ແລະ ຂະແໜງອາຊີບ ເຊິ່ງທັງສອງຝ່າຍມີທ່າແຮງ.
ແລກປ່ຽນຂໍ້ມູນ, ແບ່ງປັນປະສົບການ, ສົມທົບກັນເພື່ອຈັດຕັ້ງການເຄື່ອນໄຫວພົບປະແລກປ່ຽນມິດຕະພາບ, ການເຄື່ອນໄຫວມະນຸດສະທຳ ເປັນປະຈຳ. ຍູ້ແຮງບັນດາການເຄື່ອນໄຫວໂຄສະນາເຜີຍແຜ່, ແນະນຳຄວາມສວຍງາມຂອງວັດທະນະທຳພື້ນເມືອງ, ຜືນແຜ່ນດິນ, ປະຊາຊົນສອງແຂວງຢ່າງຕັ້ງໜ້າ. ຜ່ານນັ້ນ, ກໍ່ເພີ່ມທະວີຄວາມເຂົ້າໃຈ, ການຊ່ວຍເຫຼືອເຊິ່ງກັນ ແລະ ກັນສອງປະເທດ ຫວຽດນາມ - ລາວ ເວົ້າລວມ ແລະ ສອງແຂວງ ກວາງນາມ - ເຊກອງ ເວົ້າສະເພາະ.
 | ຫວຽດນາມ ສະໜັບສະໜູນລາວ ໃນການປະຕິບັດບັນດາເປົ້າໝາຍພັດທະນາແບບຍືນຍົງ ຍສໝ -ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ຊົມເຊີຍບັນດາຜົນງານຂອງລາວໃນໄລຍະຜ່ານມາ, ພິເສດແມ່ນໃນສະພາບການປະສົບກັບຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ. |
 | ຮວ່າບິ່ງ-ຫົວພັນ ຍົກລະດັບການພົວພັນມິດຕະພາບ, ການຮ່ວມມື ຍສໝ - ແບ່ງປັນຄວາມຫຍຸ້ງຍາກ, ຂອງການນຳແຂວງຫົວພັນ, ພ້ອມທັງວາງອອກບັນດາເປົ້າໝາຍ, ທິດທາງເປີດກວ້າງການພົວພັນຮ່ວມມືມິດຕະພາບລະຫວ່າງ 2 ແຂວງ, ທ່ານ ຫງວຽນຟີລອງ, ກໍາມະການສໍາຮອງຄະນະບໍລິຫານງານສູນກາງ, ເລຂາພັກແຂວງ ເນັ້ນໜັກວ່າ: ດ້ວຍນ້ຳໃຈອ້າຍນ້ອງ ແລະເພື່ອນມິດສະຫາຍ “ຄອບຄົວດຽວກັນ” ທີ່ສະໜິດສະໜົມ, ຮວ່າບິ່ງ ແລະຫົວພັນ ສືບຕໍ່ສະໜັບສະໜູນ, ປຸກລະດົມ ແລະໜູນຊ່ວຍກັນກໍ່ສ້າງ 2 ປະເທດ ແລະ ... |
ມີງດຶກ
