ຕາງໜ້າໃຫ້ຄະນະປະຈຳພັກແຂວງ, ສະຫາຍ ນາງ ດິງທິຮົ່ງມິງຮອງເລຂາພັກແຂວງ ໄດ້ສະແດງຄວາມປິຕິຊົມຊື່ນເມື່ອໄດ້ຕ້ອນຮັບຄະນະປະຕິບັດງານຂອງຄະນະກຳມະການແນວລາວສ້າງຊາດ ແຂວງ ເຊກອງ ໄປຢ້ຽມຢາມ ແລະ ເຮັດວຽກຢູ່ແຂວງ ກວາງຫງາຍ. ກວາງຫງາຍ ຍາມໃດກໍຖືການພົວພັນຮ່ວມມືກັບບັນດາແຂວງພາກໃຕ້ຂອງ ລາວ ເປັນສຳຄັນ, ໃນນັ້ນມີແຂວງ ເຊກອງ; ຍາມໃດກໍສະໜັບສະໜູນພາລະກິດແຫ່ງການປ່ຽນແປງໃໝ່ຂອງ ລາວ ຢ່າງເຂັ້ມແຂງ, ຮອບດ້ານ.
 |
| ສະຫາຍ ນາງ ດິງທິຮົ່ງມິງ ຮອງເລຂາພັກແຂວງ ກວາງຫງາຍ ໄດ້ມອບຂອງຂັວນທີ່ລະນຶກໃຫ້ຄະນະປະຕິບັດງານແຂວງ ເຊກອງ. (ພາບ: ໜັງສືພິມ ກວາງຫງາຍ) |
ຫວ່າງມໍ່ໆມານີ້, ກວາງຫງາຍ ໄດ້ຕ້ອນຮັບ ແລະ ບຳລຸງສ້າງນັກສຶກສາມາຈາກ ລາວ; ສ້າງເງື່ອນໄຂໃຫ້ບັນດາວິສາຫະກິດ ແລະ ນັກລົງທຶນຂອງສອງແຂວງດຳເນີນການສຳຫຼວດ, ຄົ້ນຄ້ວາທ້ອງຕະຫຼາດ, ຊອກຫາກາລະໂອກາດລົງທຶນ; ເຊັນສັນຍາເສດຖະກິດ, ສັນຍາການຄ້າ ແລະ ການລົງທຶນໃນການຜະລິດ, ດຳເນີນທຸລະກິດ; ໜູນຊ່ວຍບັນດາວິສາຫະກິດແຂວງ ກວາງຫງາຍ ເຂົ້າຮ່ວມການໂຄສະນາຜະລິດຕະພັນ, ເປີດກວ້າງທ້ອງຕະຫຼາດຢູ່ບັນດາແຂວງພາກໃຕ້ຂອງລາວ...
ສະຫາຍ ນາງ ດິງທິຮົ່ງມິງ, ຮອງເລຂາພັກແຂວງ ໄດ້ສະແດງຄວາມປາດຖະໜາວ່າ ໃນໄລຍະຈະມາເຖິງ, ແຂວງ ກວາງຫງາຍ ແລະ ແຂວງ ເຊກອງ ຈະສືບຕໍ່ສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍບັນດາຂໍ້ຕົກລົງຢ່າງມີປະສິດທິຜົນ; ເພີ່ມທະວີການພົບປະແລກປ່ຽນ, ແບ່ງປັນປະສົບການໃນບັນດາຂົງເຂດ, ປະກອບສ່ວນນຳການພົວພັນຮ່ວມມືລະຫວ່າງສອງປະເທດນັບມື້ນັບໃຫ້ກ້າວເຂົ້າສູ່ລວງເລິກ, ແທດຈິງ, ມີປະສິດທິຜົນ.
ຕາງໜ້າຄະນະປະຕິບັດງານແຂວງ ເຊກອງ, ສະຫາຍ ນາງ ບຸນຮຽງ ບຸນຈິດ ໄດ້ສະແດງຄວາມຊົມເຊີຍບັນດາໝາກຜົນທີ່ບັນລຸໄດ້ໃນການພົວພັນຮ່ວມມືຮອບດ້ານລະຫວ່າງແຂວງເຊກອງ ແລະ ແຂວງກວາງຫງາຍ; ຂອບໃຈນ້ຳໃຈອັນລ້ຳຄ່າ ແລະ ຄວາມເອົາໃຈໃສ່, ໜູນຊ່ວຍຂອງແຂວງກວາຫງງາຍ ທີ່ມີຕໍ່ແຂວງ ເຊກອງ.
 | ພິທີມອບ-ຮັບໂຄງການກໍ່ສ້າງແສງໄຟເຍືອງທາງໃຫ້ແຂວງ ເຊກອງ (ລາວ) ຍສໝ - ໂຄງການກໍ່ສ້າງແສງໄຟເຍືອງທາງ ດ້ວຍການໃຊ້ພະລັງງານໄຟຟ້າແສງຕາເວັນ ລວມມີ ເສົາໄຟເຫຼັກ 15 ຕົ້ນ ແລະດອກໄຟແສງຕາເວັນ 31 ດອກ ດ້ວຍຍອດມູນຄ່າເກືອບ 100 ລ້ານດົ່ງ. |
 | ແຂວງກວາງນາມ ຮັບ ແລະ ບຳລຸງພາສາຫວຽດ ໃຫ້ນັກສຶກສາແຂວງ ເຊກອງ, ລາວ 43 ຄົນ ຄະນະກໍາມະການປະຊາຊົນແຂວງ ຮຽກຮ້ອງພະແນກພົວພັນຕ່າງປະເທດ ເປັນປະທານ, ສົມທົບກັບບັນດາອົງການທີ່ກ່ຽວຂ້ອງສືບຕໍ່ຮັບ, ມອບນັກສຶກສາ ລາວໃຫ້ມະຫາວິທະຍາໄລກວາງນາມ ຄຸ້ມຄອງ, ບໍາລຸງສ້າງ; ສົມທົບກັບ ມະຫາວິທະຍາໄລກວາງນາມ ແລະບັນດາທ້ອງຖິ່ນ, ຫົວໜ່ວຍທ່ີກ່ຽວຂ້ອງ ຄຸ້ມຄອງ ແລະແກ້ໄຂທັນການບັນດາບັນຫາທີ່ກ່ຽວຂ້ອງເຖິງນັກສຶກສາລາວ ໃນໄລຍະທີ່ຮໍ່າຮຽນ, ດໍາລົງຊີວິດຢູ່ແຂວງກວາງນາມ ໃຫ້ຖືກຕ້ອງຕາມ ການກໍານົດ... |
ມີງດຶກ
