UN Women ຕີລາຄາສູງໂຄງການກະທຳແຫ່ງຊາດ ກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງຂອງ ຫວຽດນາມ

ຍສໝ - ວັນທີ 8 ສິງຫາ, ລັດຖະບານຫວຽດນາມ ໄດ້ປະກາດຢ່າງເປັນທາງການຂອງໂຄງການກະທຳແຫ່ງຊາດ (NAP) ຄັ້ງທໍາອິດ ກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງ, ເຊິ່ງເປັນຂີດໝາຍປະຫວັດສາດໃນຄໍາໝັ້ນສັນຍາຂອງຫວຽດນາມ ກ່ຽວກັບຄວາມສະເໝີພາບລະຫວ່າງຍິງ-ຊາຍ ແລະການມອບສິດໃຫ້ແກ່ແມ່ຍິງໃນຂົງເຂດສັນຕິພາບ ແລະຄວາມໝັ້ນຄົງ.

	ຊອກຮູ້ກ່ຽວກັບຮູບແບບລ້ຽງຊີບຂອງບັນດາເປົ້າໝາຍທີ່ໄດ້ຮັບຜົນປະໂຫຍດຈາກໂຄງການ UN WOMEN
	ຮັບປະກັນຊີວິດສັງຄົມ, ເພີ່ມທະວີພະລັງຄວາມສາມາດ, ສ້າງໂອກາດໃຫ້ແກ່ແມ່ຍິງ ແລະ ເດັກຍິງ

NAP ໄດ້ຖືກສ້າງຂຶ້ນໂດຍອີງໃສ່ 4 ເສົາຄໍ້າຂອງໂຄງການດຳເນີນງານກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງ, ລະອຽດລວມມີ: ການເຂົ້າຮ່ວມ, ການປົກປັກຮັກສາ, ປ້ອງກັນ ແລະຊ່ວຍເຫຼືອການຟື້ນຟູ. ໂຄງການຍັງກ່າວເຖິງການຮ່ວມມືສາກົນ, ເນັ້ນໜັກເຖິງຄໍາໝັ້ນສັນຍາຂອງຫວຽດນາມ ໃນການຮ່ວມມືກັບປະຊາຄົມທົ່ວໂລກ ເພື່ອແນໃສ່ຊຸກຍູ້ໂຄງການດຳເນີນງານກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ.

Ông Đỗ Hùng Việt, Thứ trưởng Bộ Ngoại giao phát biểu tại lễ công bố. (Ảnh: UN Women) ທ່ານ ໂດຮຸ່ງຫວຽດ ຮອງລັດຖະມົນຕີກະຊວງການຕ່າງປະເທດປະກອບຄໍາເຫັນໃນພິທີປະກາດຢ່າງເປັນທາງການ. (ພາບ: ແມ່ຍິງສະຫະປະຊາຊາດ)

ທ່ານ ໂດຮຸ່ງຫວຽດ ຮອງລັດຖະມົນຕີກະຊວງການຕ່າງປະເທດ ຫວຽດນາມ ປະກອບຄໍາເຫັນໃນພິທີປະກາດຢ່າງເປັນທາງການ. (ພາບ: UN Women)

ທ່ານນາງ Sima Bahous ຜູ້ອຳນວຍການຝ່າຍບໍລິຫານທົ່ວໂລກ ຂອງອົງການສະຫະປະຊາຊາດ ເພື່ອສົ່ງເສີມບົດບາດຍິງ-ຊາຍ ແລະຄວາມກ້າວໜ້າຂອງແມ່ຍິງ (UN Women) ສະແດງຄວາມສະໜັບສະໜູນຕໍ່ NAP ຂອງຫວຽດນາມ: “ການຜັນຂະຫຍາຍໂຄງການກະທຳແຫ່ງຊາດຂອງຫວຽດນາມ ໄດ້ດຳເນີນໃນຊ່ວງເວລາສຳຄັນ, ເມື່ອສິ່ງທ້າທາຍຕ່າງໆທົ່ວໂລກ ກໍາລັງສົ່ງຜົນກະທົບໃສ່ພວກເຮົາໝົດທຸກຄົນ. ແມ່ຍິງ ແລະເດັກນ້ອຍໃນທົ່ວໂລກສືບຕໍ່ປະເຊີນໜ້າກັບຄວາມເສຍຫາຍ ແລະການຈຳແນກການປະພຶດຫຼາຍຢ່າງ. ສະນັ້ນ ການເປີດຕົວໂຄງການກະທຳແຫ່ງຊາດນີ້ ຈິ່ງກາຍເປັນມີສຳຄັນຫຼາຍກ່ວາເກົ່າ. UN Women ພ້ອມທີ່ຈະຊ່ວຍເຫຼືອລັດຖະບານ ຫວຽດນາມ ເປີດກວ້າງການພົວພັນຄູ່ຮ່ວມມື, ໝູນໃຊ້ບັນດາແຫຼ່ງກຳລັງເພື່ອຮັບປະກັນບໍ່ໃຫ້ແມ່ຍິງ ຫຼືເດັກນ້ອຍຖືກປະຢູ່ເບື້ອງຫຼັງ”.

ໂຄງການ NAP ໄດ້ລະບຸເປົ້າໝາຍສະເພາະຢ່າງລະອຽດ, ລວມມີ ການເຂົ້າຮ່ວມຢ່າງຄົບຖ້ວນ, ສະເໝີພາບ ແລະມີຄວາມໝາຍຂອງແມ່ຍິງໃນດ້ານການເມືອງ, ການທູດ, ການປ້ອງກັນຊາດ, ປ້ອງກັນຄວາມສະຫງົບ ແລະການຮັບມືກັບການໃຊ້ຄວາມຮຸນແຮງທາງເພດ. NAP ກໍ່ນໍາເອົາບັນຫາບົດບາດຍິງຊາຍເຂົ້າໃນບັນດາຍຸດທະສາດການຮັບມືກັບຂໍ້ຂັດແຍ່ງ, ການປະທະກັນ, ວິກິດການ, ໄພພິບັດ ແລະບັນດາສິ່ງທ້າທາຍດ້ານຄວາມປອດໄພແບບໃຫມ່ເຊັ່ນ ການປ່ຽນແປງດິນຟ້າອາກາດ ແລະຄວາມປອດໄພທາງອິນເຕີເນັດ.

Các đại biểu tham dự Hội thảo xây dựng Chương trình triển khai NAP. (Ảnh: UN Women) ບັນດາຜູ້ແທນເຂົ້າຮ່ວມກອງປະຊຸມກ່ຽວກັບການກໍ່ສ້າງໂຄງການຜັນຂະຫຍາຍ NAP. (ພາບ: ແມ່ຍິງສະຫະປະຊາຊາດ)

ບັນດາຜູ້ແທນເຂົ້າຮ່ວມກອງປະຊຸມສຳມະນາກ່ຽວກັບການສ້າງໂຄງການຜັນຂະຫຍາຍ NAP. (ພາບ: UN Women)

ເນື່ອງໃນໂອກາດພິທີປະກາດຢ່າງເປັນທາງການທີ່ດຳເນີນຢູ່ນະຄອນດ່າໜັງ, ກະຊວງການຕ່າງປະເທດຫວຽດນາມ ແລະ UN Women ໄດ້ຈັດກອງປະຊຸມສໍາມະນາການສ້າງໂຄງການດໍາເນີນງານ NAP. ກອງປະຊຸມຄັ້ງນີ້ແນໃສ່ເພື່ອປະຕິບັດໂຄງການຢ່າງມີປະສິດທິຜົນ, ກຳນົດການປະສານງານຢ່າງຈະແຈ້ງ, ການພົວພັນຄູ່ຮ່ວມມື ແລະການລົງທຶນຢ່າງເຂັ້ມແຂງແມ່ນກຳລັງໜູນສຳຄັນໃນການປ່ຽນແປງຊີວິດການເປັນຢູ່ຂອງແມ່ຍິງ ແລະເດັກຍິງ, ກໍ່ຄືການປະກອບສ່ວນຮັກສາສັນຕິພາບຢູ່ ຫວຽດນາມ.

ໂຄງການດຳເນີນງານກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງ ຮຽກຮ້ອງໃຫ້ມີການປະສານສົມທົບກັນກັບຂະແໜງການປະສົມລະຫວ່າງຫຼາຍພາກສ່ວນທີ່ກ່ຽວຂ້ອງ, ນັບແຕ່ການນຳຂັ້ນສູງເຖິງບັນດາອົງການແມ່ຍິງ, ສຳມະນາກອນ ແລະບັນດາອົງການຈັດຕັ້ງຊຸມຊົນໃນທົ່ວປະເທດ.

ທ່ານນາງ Ryce Chanchai ຜູ້ຄຸ້ມຄອງຂົງເຂດໂຄງການກ່ຽວກັບການບລິຫານ ແລະແມ່ຍິງ, ສັນຕິພາບ, ຄວາມໝັ້ນຄົງໃນອາຊຽນຂອງUN Women ໄດ້ໃຫ້ຄຳເຫັນວ່າ: “ເປັນໂຄງການໜຶ່ງທີ່ຜັນຂະຫຍາຍຢ່າງຈະແຈ້ງ ແລະສາມາດວັດແທກໄດ້ຈະສ້າງພື້ນຖານອັນໜັກແໜ້ນໃຫ້ແກ່ການອຸປະຖໍາ ແລະຮຽກຮ້ອງໃຫ້ມີການເພີ່ມການລົງທຶນເຂົ້າໃນໂຄງການດຳເນີນງານກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ. ສິ່ງນີ້ຈະຊ່ວຍຮັກສາກໍາລັງໜູນ ແລະສືບຕໍ່ດຶງດູດການສະໜັບສະໜູນຈາກບັນດາກະຊວງ ແລະອົງການຫຼັກແຫຼ່ງທີ່ກ່ຽວຂ້ອງຢູ່ ຫວຽດນາມ”.

ຫວຽດນາມບັນລຸໄດ້ຄວາມກ້າວໜ້າຫຼາຍຢ່າງກ່ຽວກັບຄວາມສະເໝີພາບຍິງ-ຊາຍ, ພິສູດໃຫ້ເຫັນໂດຍຜ່ານການຈັດອັນດັບທົ່ວໂລກຂອງຫວຽດນາມ ກ່ຽວກັບຄວາມສະເໝີພາບຍິງ-ຊາຍຂອງ ຫວຽດນາມ ທີ່ໄດ້ເລື່ອນຈາກອັນດັບທີ 83 ຂຶ້ນເປັນ 72 ໃນຈຳນວນ 146 ປະເທດ ນັບແຕ່ໄດ້ຜ່ານໂຄງການດຳເນີນງານ ປີ 2030 ກ່ຽວກັບການພັດທະນາແບບຍືນຍົງ. ຫວຽດນາມກໍ່ໄດ້ປະກາດໃຊ້ກົດໝາຍວ່າດ້ວຍຄວາມສະເໝີພາບຍິງ-ຊາຍ (2006), ຍຸດທະສາດແຫ່ງຊາດກ່ຽວກັບຄວາມສະເໝີພາບຍິງ-ຊາຍ (2021-2030) ແລະກົດໝາຍວ່າດ້ວຍການປ້ອງກັນ ແລະ ຕ້ານການໃຊ້ຄວາມຮຸນແຮງໃນຄອບຄົວ (2022).

ໃນເວທີສາກົນ, ຫວຽດນາມຍາມໃດກໍ່ອອກສຽງຢ່າງເຂັ້ມແຂງໃນການສະໜັບສະໜູນໂຄງການດຳເນີນງານກ່ຽວກັບແມ່ຍິງ, ສັນຕິພາບ ແລະຄວາມໝັ້ນຄົງ. ພິເສດ, ຫວຽດນາມໄດ້ເປັນຜູ້ນຳໜ້າການສະເໜີມະຕິ 1889 ຂອງສະພາຄວາມໝັ້ນຄົງ ສະຫະປະຊາຊາດໃນປີ 2009, ສຸມໃສ່ບົດບາດຂອງແມ່ຍິງໃນການສ້າງສັນຕິພາບພາຍຫຼັງການປະທະກັນ. ໃນອາຍຸການດຳລົງຕຳແໜ່ງເປັນສະມາຊິກບໍ່ຖາວອນ ຂອງສະພາຄວາມໝັ້ນຄົງ ສະຫະປະຊາຊາດ (2020-2021), ຫວຽດນາມໄດ້ຈັດຕັ້ງກອງປະຊຸມສາກົນ “ຍົກສູງບົດບາດຂອງແມ່ຍິງໃນການສ້າງ ແລະປັບປຸງສັນຕິພາບ: ຈາກຄຳໝັ້ນສັນຍາໄປສູ່ຜົນສໍາເລັດ” ແລະຜ່ານຄຳໝັ້ນສັນຍາການກະທຳ ຮ່າໂນ້ຍ ກັບຜູ້ອຸປະຖໍາຮ່ວມຂອງ 75 ປະເທດສະມາຊິກສະຫະປະຊາຊາດ. ຫວ່າງມໍ່ໆມານີ້, ຫວຽດນາມໄດ້ຢືນຢັນຄຳໝັ້ນສັນຍານີ້ອີກເທື່ອໜຶ່ງ ໂດຍໄດ້ຮັບການເລືອກຕັ້ງເຂົ້າໃນສະພາຄະນະບໍລິຫານງານ UN Women ອາຍຸການ 2025-2027.

ນັບແຕ່ປີ 2021 ເປັນຕົ້ນມາ, UN Women ໄດ້ໃຫ້ການສະໜັບສະໜູນດ້ານເຕັກນິກແກ່ລັດຖະບານຫວຽດນາມ ໃນຂະບວນການສ້າງ NAP, ໂດຍຮັບການສະໜັບສະໜູນຈາກລັດຖະບານການາດາ, ລາຊະອານາຈັກອັງກິດ, ອຽກລັງ ເໜືອ, ອົດສະຕາລີ ແລະ ສ.ເກົາຫຼີ.

ທອງມີ ສີຫາວົງ