ວັນທີ 15 ກໍລະກົດນີ້, ໃນຂອບເຂດສັບປະດາລັດຖະມົນຕີ ເວທີປາໄສການເມືອງຂັ້ນສູງກ່ຽວກັບການພັດທະນາແບບຍືນຍົງໄດ້ດໍາເນີນວາລະສະເໜີບົດລາຍງານຄວາມສະໝັກໃຈກ່ຽວກັບການຈັດຕັ້ງປະຕິບັດບັນດາເປົ້າໝາຍການພັດທະນາແບບຍືນຍົງ.
 |
| ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດລາວ ແລະ ທ່ານເອກອັກຄະລັດຖະທູດ ດັ້ງຮ່ວາງຢາງ. |
ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດລາວ ໄດ້ຕາງໜ້າໃຫ້ຄະນະຜູ້ແທນໄດ້ສະເໜີບົດລາຍງານ VNR ຂອງລາວ, ແນະນຳຄວາມພະຍາຍາມ ແລະ ໝາກຜົນທີ່ບັນລຸໄດ້, ພ້ອມທັງບັນດາຄວາມຫຍຸ້ງຍາກ ແລະ ສິ່ງທ້າທາຍຂອງລາວໃນການປະຕິບັດບັນດາເປົ້າໝາຍພັດທະນາແບບຍືນຍົງ ແລະ ຫວັງວ່າຈະສືບຕໍ່ໄດ້ຮັບການສະໜັບສະໜູນຈາກປະຊາຄົມໂລກໃນບັນຫານີ້.
 |
| ທ່ານເອກອັກຄະລັດຖະທູດ ດັ້ງຮວ່າງຢາງ ກ່າວຄຳເຫັນທີ່ກອງປະຊຸມ. |
ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດ ດັ້ງຮວ່າງຈູງ, ຫົວໜ້າຄະນະຫວຽດນາມ ປະຈຳສະຫະປະຊາຊາດ ໄດ້ຊົມເຊີຍລາວ ກ່ຽວກັບບັນດາຜົນງານທີ່ບັນລຸໄດ້ໃນໄລຍະຜ່ານມາ, ພິເສດແມ່ນໃນສະພາບການທີ່ຕ້ອງປະສົບກັບຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ, ໄດ້ຕີລາຄາສູງວິວັດການຮອບດ້ານ ກ້າວໄປສູ່ການພັດທະນາແບບຍືນຍົງ ໂດຍການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ພາຍໃຕ້ 6 ເສົາຄ້ຳການຫັນປ່ຽນ ເພື່ອເສີມຂະຫຍາຍການປະຕິບັດ ແລະ ສ້າງເສັ້ນທາງພັດທະນາແບບຍືນຍົງ.
ທ່ານເອກອັກຄະລັດຖະທູດກໍ່ຫວັງຢາກໃຫ້ລາວ ແບ່ງປັນປະສົບການກັບບັນດາປະເທດໃນການຮັບປະກັນການເຊື່ອມຈອດ ລະຫວ່າງການປະຕິບັດບັນດາບຸລິມະສິດພັດທະນາປະເທດຊາດ, ປະຕິບັດບັນດາເປົ້າໝາຍພັດທະນາແບບຍືນຍົງ ແລະ ການຫຼຸດພົ້ນອອກຈາກກຸ່ມປະເທດດ້ອຍພັດທະນາ, ຄາດວ່າຮອດປີ 2026.
ຊ ສະຫວັດ
