ເພີ່ມຫຼາຍບ້ວງຊ່ວຍເຫຼືອຈາກສາກົນ ຊ່ວຍ ຫວຽດນາມ ຜ່ານຜ່າຜົນຮ້າຍຢ້ອນຫຼັງຈາກພະຍຸ Yagi

ຍສໝ - ອິນເດຍ ໄດ້ຂົນສົ່ງເຄື່ອງຊ່ວຍເຫຼືອສຸກເສີນ 35 ໂຕນ ເພື່ອໜູນຊ່ວຍ ຫວຽດນາມ ຜ່ານຜ່າຜົນຮ້າຍທີ່ຕາມມາຈາກພະຍຸ Yagi. ນູແວນເຊລັງ ຫາກໍ່ປະກາດການປະກອບສ່ວນເງີນ 1 ລ້ານໂດລານູແວນເຊລັງ ເພື່ອໜູນຊ່ວຍບັນດາຄວາມມານະພະຍາຍາມຂອງ ຫວຽດນາມ ຜ່ານຜ່າຜົນສະທ້ອນທີ່ຮ້າຍແຮງຂອງພາຍຸ Yagi.

	ສຸມທຸກກຳລັງເພື່ອຊ່ວຍເຫຼືອຜູ້ປະສົບເຄາະຮ້າຍຈາກພະຍຸລູກທີ 3
	ບັນດາລັດຖະມົນຕີການຕ່າງປະເທດອາຊຽນ ອອກຖະແຫຼງການກ່ຽວກັບຜົນກະທົບຂອງພາຍຸ Yagi

ອິນເດຍ ໄດ້ສົ່ງເຄື່ອງຊ່ວຍເຫຼືອສຸກເສີນ 35 ໂຕນ ດ້ວຍມູນຄ່າ 1 ລ້ານ USD ເພື່ອໜູນຊ່ວຍ ຫວຽດນາມ ພາຍຫຼັງພາຍຸ Yagi

ໃນຂອບເຂດຍຸດທະນາການ Sadbhav (Goodwill - ເຈດຕະນາດີ), ລັດຖະບານ ອິນເດຍ ໄດ້ຂົນສົ່ງເຄື່ອງຊ່ວຍເຫຼືອສຸກເສີນໄປ ຫວຽດນາມ ໃນວັນທີ 15 ກັນຍານີ້ ເພື່ອໜູນຊ່ວຍຊຸມຊົນທີ່ໄດ້ຮັບຜົນກະທົບຢູ່ບາງແຂວງ, ນະຄອນທາງພາກເໜືອຂອງຫວຽດນາມ ພາຍຫຼັງພາຍຸ Yagi.

ເພີ່ມຫຼາຍບ້ວງຊ່ວຍເຫຼືອຈາກສາກົນ ຊ່ວຍ ຫວຽດນາມ ຜ່ານຜ່າຜົນຮ້າຍຢ້ອນຫຼັງຈາກພະຍຸ Yagi

ອິນເດຍ ສົ່ງເຄື່ອງຊ່ວຍເຫຼືອມະນຸດສະທຳໃຫ້ ຫວຽດນາມ ດ້ວຍມູນຄ່າ 1 ລ້ານ USD

ຫວ່າງມໍ່ໆມານີ້, ຕາງໜ້າໃຫ້ລັດຖະບານ ແລະ ປະຊາຊົນ ອິນເດຍ, ທ່ານນາຍົກລັດຖະມົນຕີ ອິນເດຍ Narendra Modi ໄດ້ສົ່ງຄຳແບ່ງປັນຄວາມເຫັນໃຈ ແລະ ສະແດງຄວາມສາມັກຄີກັບທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ. ທ່ານ ລັດຖະມົນຕີກະຊວງການຕ່າງປະເທດ ອິນເດຍ, ປອ S. Jaishankar ກໍ່ໄດ້ສົ່ງຄຳແບ່ງປັນຄວາມເຫັນໃຈມາຍັງຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຕ່າງປະເທດ ຫວຽດນາມ, ທ່ານ ບຸ່ຍແທງເຊີນ ກ່ຽວກັບຄວາມເສຍຫາຍຈາກພາຍຸ.

ລັດຖະບານ ອິນເດຍ ຢືນຢັນວ່າ ການເຄື່ອນໄຫວຊ່ວຍເຫຼືອດ້ານມະນຸດສະທຳໃຫ້ແກ່ຫວຽດນາມ ແມ່ນຫຼັກຖານພະຍານໃຫ້ແກ່ສາຍພົວພັນອັນຍາວນານທີ່ໝັ້ນແກ່ນລະຫວ່າງສອງປະເທດ, ໄດ້ຂີດໝາຍໂດຍການພົວພັນຄູ່ຮ່ວມມືຍຸດທະສາດຮອບດ້ານ. ຍຸດທະນາການ Sadbhav (ເຈດຕະນາດີ) ແມ່ນສ່ວນຫນຶ່ງຂອງຄວາມພະຍາຍາມຂະຫນາດໃຫຍ່ຂອງ ອິນເດຍ ເພື່ອປະກອບສ່ວນເຂົ້າໃນການເຄື່ອນໄຫວໜູນຊ່ວຍດ້ານມະນຸດສະທໍາ ແລະ ການຊ່ວຍເຫຼືອໄພພິບັດຢູ່ພາກພື້ນ ອາຊຽນ, ເໝາະສົມກັບ 'ນະໂຍບາຍກະທຳມຸ່ງໄປທາງຕາເວັນອອກ' ອັນຍາວນານຂອງ ອິນເດຍ.

ເອກອັກຄະລັດຖະທູດອິນເດຍ ປະຈຳ ຫວຽດນາມ ໄດ້ມອບບັນດາເຄື່ອງຊ່ວຍເຫຼືອໃຫ້ຫົວໜ້າກົມ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເພື່ອມອບໃຫ້ກົມຄຸ້ມຄອງຄັນຄູ ແລະ ປ້ອງກັນ, ຕ້ານໄພພິບັດທຳມະຊາດຂອງກະຊວງນີ້ ແລະ ຜູ້ຕາງໜ້າແຂວງ ຕວຽນກວາງ.

ເນື່ອງໃນໂອກາດນີ້, ທ່ານເອກອັກຄະລັດຖະທູດ ໄດ້ສົ່ງຄຳແບ່ງປັນຄວາມເຫັນໃຈຢ່າງເລິກເຊິ່ງຂອງປະຊາຄົມຊາວ ອິນເດຍ ຕໍ່ຜູ້ປະສົບເຄາະຮ້າຍຈາກພາຍຸ Yagi ແລະ ກ່າວວ່າ ບັນດາວິສາຫະກິດ ແລະ ສະມາຊິກຂອງປະຊາຄົມຊາວ ອິນເດຍ ຢູ່ ຫວຽດນາມ ໄດ້ໜູນຊ່ວຍ ແລະ ປະກອບສ່ວນຫຼາຍດ້ານໃຫ້ແກ່ປະຊາຊົນທີ່ໄດ້ຮັບຜົນກະທົບຈາກພາຍຸ Yagi ແລະ ອົງການເຈົ້າໜ້າທີ່ຂອງ ຫວຽດນາມ.

ນູແວນເຊລັງ ປະກອບສ່ວນຊ່ວຍໃຫ້ຫວຽດນາມຜ່ານຜ່າຜົນຮ້າຍຈາກພາຍຸ Yagi

ລັດຖະບານ ນູແວນເຊລັງ ໄດ້ປະກາດການປະກອບສ່ວນເງີນ 1 ລ້ານໂດລານູແວນເຊລັງ ເພື່ອໜູນຊ່ວຍບັນດາຄວາມມານະພະຍາຍາມຂອງ ຫວຽດນາມ ຜ່ານຜ່າຜົນສະທ້ອນທີ່ຮ້າຍແຮງຂອງພາຍຸ Yagi. ບ້ວງຊ່ວຍເຫຼືອນີ້ ຈະຖືກສົ່ງໃຫ້ຜ່ານບັນດາອົງການບໍ່ຂຶ້ນກັບລັດຖະບານທີ່ເປັນຄູ່ຮ່ວມມືຮັບມືກັບໄພພິບັດຂອງ ນິວຊີແລນ ແລະ ອົງການສະຫະປະຊາຊາດ ປະຈຳ ຫວຽດນາມ, ໂດຍສຸມໃສ່ການຮັບມືສຸກເສີນ ແລະ ການຟື້ນຟູການຫາລ້ຽງຊີບ.

ໃນຈົດໝາຍຝາກເຖິງຮອງນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດ ຫວຽດນາມ, ທ່ານ ບຸ່ຍແທງເຊີນ ລົງວັນທີ 16 ກັນຍາ, ຮອງນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດ ແລະ ການຄ້າ ນູແວນເຊລັງ, ທ່ານ Winston Peters ຂຽນວ່າ: “ລັດຖະບານ ນູແວນເຊລັງ ຂໍແບ່ງເບົາຄວາມເສົ້າສະຫຼົດໃຈຢ່າງສຸດຊຶ້ງ ເຖິງຜູ້ປະສົບເຄາະຮ້າຍຈາກພາຍຸ Yagi ຢູ່ພາກເໜືອຂອງຫວຽດນາມ. ປະຊາຊົນ ນູແວນເຊລັງ ທຸກຄົນໄດ້ມຸ່ງເຖິງບັນດາຜູ້ໄດ້ຮັບຜົນກະທົບ ແລະ ກຳລັງກູ້ໄພຢູ່ດ່ານໜ້າ… ນູແວນເຊລັງ ຫວັງວ່າຈະໝູນໃຊ້ຫຼາຍດ້ານຂອງການພົວພັນສອງຝ່າຍ ເພື່ອເພີ່ມທະວີຄວາມສາມາດຟື້ນຟູ ແລະ ຄວາມຕ້ານທານຂອງ ຫວຽດນາມ ຕໍ່ໜ້າໄພພິບັດທີ່ຮ້າຍກາດດັ່ງກ່າວໃນອະນາຄົດ”.

ໃນຖານະທີ່ເປັນຄູ່ຮ່ວມມືຍຸດທະສາດຂອງ ຫວຽດນາມ, ນູແວນເຊລັງ ຢູ່ຄຽງຂ້າງກັບລັດຖະບານ ແລະ ປະຊາຊົນ ຫວຽດນາມ ໃນໄລຍະຫຍຸ້ງຍາກທີ່ສຸດນີ້.

ທ່ານນາງ Caroline Beresford, ເອກອັກຄະລັດຖະທູດ ນູແວນເຊລັງ ປະຈຳ ຫວຽດນາມ ໃຫ້ຮູ້ວ່າ “ໃນຖານະທີ່ເປັນຄູ່ຮ່ວມມືຍຸດທະສາດຂອງ ຫວຽດນາມ, ນູແວນເຊລັງ ຢູ່ຄຽງຂ້າງກັບລັດຖະບານ ແລະ ປະຊາຊົນ ຫວຽດນາມ ໃນໄລຍະຫຍຸ້ງຍາກທີ່ສຸດນີ້. ພວກຂ້າພະເຈົ້າຫວັງວ່າການໜູນຊ່ວຍຂອງຕົນຈະໄປເຖິງຜູ້ທີ່ມີຄວາມຕ້ອງການໄດ້ຢ່າງວ່ອງໄວ, ປະກອບສ່ວນເຂົ້າໃນຄວາມພະຍາຍາມສຸກເສີນ ແລະ ຊ່ວຍເຫຼືອຊຸມຊົນທີ່ຖືກຜົນກະທົບໄດ້ຟື້ນຟູຊີວິດຂອງເຂົາເຈົ້າ”.

ພາຍຸ Yagi ແມ່ນພາຍຸທີ່ແຮງທີ່ສຸດໃນທະເລຕາເວັນອອກໃນຮອບ 30 ປີຜ່ານມາ ແລະ ເປັນພາຍຸທີ່ແຮງທີ່ສຸດທີ່ພັດເຂົ້າແຜ່ນດິນ ຫວຽດນາມ ໃນຮອບ 70 ປີຜ່ານມາ. ພາຍຸຫົວນີ້ ແລະ ສິ່ງທີ່ເຫຼືອຢູ່ໄດ້ສ້າງຄວາມເສຍຫາຍໄປທົ່ວພາກເໜືອຂອງຫວຽດນາມ. ມາຮອດວັນທີ 15 ກັນຍາ, ມີລາຍງານວ່າມີຜູ້ເສຍຊີວິດ ແລະ ຫາຍສາບສູນ330 ຄົນ, ມີປະມານ 800 ຄົນຮັບບາດເຈັບຫລັງຈາກເກີດໄພນ້ຳຖ້ວມເປັນວົງກວ້າງ, ດິນເຈື່ອນ ແລະ ຕົ້ນໄມ້ຫັກ. ຄາດຄະເນການສູນເສຍດ້ານເສດຖະກິດເບື້ອງຕົ້ນບັນລຸ 40 ຕື້ດົ່ງ (1,6 ຕື້ USD).

ອາເມລິກາ ຈະໜູນຊ່ວຍສຸກເສີນ 1 ລ້ານ USD ໃຫ້ ຫວຽດນາມ ເພື່ອແກ້ໄຂຄວາມເສຍຫາຍຈາກພະຍຸລູກທີ 3

ຍສໝ - ຂໍ້ມູນດັ່ງກ່າວໄດ້ລົງພິມໃນວັນທີ 11 ກັນຍາ ຢູ່ເວັບໄຊຂອງສະຖານທູດ ແລະ ສະຖານກົງສຸນໃຫຍ່ ອາເມລິກາ ປະຈຳ ຫວຽດນາມ.

ນາຍົກລັດຖະມົນຕີ ຮຽກຮ້ອງການອຸປະຖໍາຊ່ວຍເຫຼືອປະຊາຊົນທີ່ໄດ້ຮັບຄວາມເສຍຫາຍຈາກພະຍຸລູກທີ 3

ຍສໝ - ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາທ້ອງຖິ່ນສະໜອງເຂົ້າສານສໍາຮອງໃຫ້ປະຊາຊົນໂດຍໄວ, ພ້ອມກັນນັ້ນ ກໍ່ຮຽກຮ້ອງໃຫ້ປະຊາຊົນເສີມຂະຫຍາຍມູນເຊື້ອສາມັກຄີຮັກແພງ... ຂໍ້ມູນໄດ້ຍົກຂື້ນໃນກອງປະຊຸມຕີລາຄາວຽກງານຊີ້ນຳການຮັບມື, ສະພາບຄວາມເສຍຫາຍ ແລະ ຜັນຂະຫຍາຍບັນດາມາດຕະການແກ້ໄຂຮີບດ່ວນຂອງພະຍຸລູກທີ 3 ເຊິ່ງໄດ້ດຳເນີນໃນວັນທີ 8 ກັນຍາ ຢູ່ຮ່າໂນ້ຍ ໂດຍການເປັນປະທານຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິ້ງ.

ມີງດຶກ