| ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ | |
| ນັກສຶກສາແມ່ນນັກການທູດເພື່ອເພີ່ມພູນຄູນສ້າງການພົວພັນມິດຕະພາບ ຫວຽດນາມ - ຍີ່ປຸ່ນ |
ເຫດການດັ່ງກ່າວ ໄດ້ຕອບສະໜອງການເຄື່ອນໄຫວ “ຄວາມເອກອ້າງທະນົງໃຈຂອງພູຜາປ່າໄມ້ ແລະ ແມ່ນ້ຳລຳເຊ” ໂດຍສູນກາງຄະນະຊາວໜຸ່ມປຸກລະດົມ ເພື່ອເພີ່ມທະວີການສຶກສານ້ຳໃຈຮັກຊາດ, ສະຕິກ່ຽວກັບອະທິປະໄຕຂອງຊາດ, ຊົນເຜົ່າ. ໂດຍຜ່ານການປຸກລະດົມ ເພື່ອໃຫ້ສະມາຊິກຊາວໜຸ່ມ, ຊາວໜຸ່ມເຍົາວະຊົນ ແຂວນແຜນທີ່ ຫວຽດນາມ ຢູ່ບ່ອນຮ່ຳຮຽນ, ອອກແຮງງານ, ເຮັດວຽກ.
ກ່າວຄຳປາໄສທີ່ພິທີ, ທ່ານສະຖານກົງສູນໃຫຍ່ ຫວຽດນາມ ປະຈຳ Osaka ໂງຈິ້ງຮ່າ ໃຫ້ຮູ້ວ່າ ປະຈຸບັນ, ປະຊາຄົມຊາວ ຫວຽດນາມ ຢູ່ ຍີ່ປຸ່ນ ມີກ່ວາ 530.000 ຄົນ, ນີ້ແມ່ນປະຊາຄົມໜຸ່ມ, ພັດທະນາຢ່າງວ່ອງໄວ ແລະ ມີນ້ຳໃຈຮັກຊາດ.
ໂດຍຜ່ານການເຄື່ອນໄຫວທີ່ມີຄວາມໝາຍໃນວັນນີ້, ທ່ານສະຖານກົງສູນ ຫວຽດນາມ ໂງຈິ້ງຮ່າ ປາດຖະໜາວ່າ ບັນດາເພື່ອນມິດ ຍີ່ປຸ່ນ ຈະມີຄວາມເຂົ້າໃຈຢ່າງເລິກເຊິ່ງກ່ຽວກັບປະເທດຊາດ, ປະຊາຊົນ ຫວຽດນາມ, ສະໜັບສະໜູນອະທິປະໄຕຜືນແຜ່ນດິນຂອງ ຫວຽດນາມ ແລະ ເຜີຍແຜ່ການເຄື່ອນໄຫວນີ້. ທ່ານສະຖານກົງສູນໃຫຍ່ ຫວຽດນາມ ໂງຈິ້ງຮ່າ ກໍໄດ້ແບ່ງປັນວ່າ: “ພວກຂ້າພະເຈົ້າຫວັງວ່າ ເພື່ອນມິດ ຍີ່ປຸ່ນ ຈະສະໜັບສະໜູນພວກຂ້າພະເຈົ້າໃນການໂຄສະນານີ້".
ທ່ານນາງ ເລເທື່ອງ, ປະທານສະມາຄົມຊາວ ຫວຽດນາມ ຢູ່ Kansai ໃຫ້ຮູ້ວ່າ ແຜນທີ່ ຫວຽດນາມ ແມ່ນມີລັກສະນະເປັນສັນຍາລັກຂອງອະທິປະໄຕແຫ່ງຊາດ, ແມ່ນຄວາມພາກພູມໃຈຂອງຊາວ ຫວຽດນາມ ແຕ່ລະຄົນ, ທົ່ວປວງຊົນທັງຊາດ.
ດ້ວຍແຕ່ລະແຜນທີ່ທີ່ໄດ້ແຂວນ, ຊາວ ຫວຽດນາມ ທີ່ພວມອາໄສ, ເຮັດວຽກ ແລະ ຮ່ຳຮຽນຢູ່ ຍີ່ປຸ່ນ ຫຼາຍຄົນຈະເຂົ້າໃຈກວ່າກ່ຽວກັບບັນດາແນະນຳພູມີສາດຂອງປະເທດ, ກ່ຽວກັບບັນດາສະຖານທີ່ຕິດພັນກັບປະຫວັດສາດນັບພັນປີແຫ່ງການສ້າງສາ ແລະ ປົກປັກຮັກສາປະເທດຊາດ.
“ຂ້າພະເຈົ້າຮູ້ສຶກວ່າ ນີ້ແມ່ນການເຄື່ອນໄຫວທີ່ມີຄວາມໝາຍທີ່ສຸດ ເພາະວ່າ ແຜນທີ່ບໍ່ພຽງແຕ່ເປັນບັນດາແນະນຳພູມີສາດຂອງປະເທດ, ບັນດາຊື່ເຂດດິນແດນ, ຈຸດຫຼັກໝາຍຊາຍແດນການບໍລິຫານເທົ່ານັ້ນ, ຫາກຍັງແມ່ນຮູບຮ່າງຂອງບ້ານເກີດເມືອງນອນ, ບ່ອນເກີດຂອງພວກຂ້າພະເຈົ້າ. ການປຸກລະດົມຂອງຂະບວນການນຳໃຊ້ແຜນທີ່ ຫວຽດນາມ ຢ່າງກວ້າງຂວາງ ແລະ ໄດ້ເລີ່ມຕົ້ນຈາກໄວໜຸ່ມແມ່ນສັນຍານອັນດີກ່ອນປີໃໝ່ 2024. ນີ້ກໍ່ເປັນການກ່າວເຖິງອະທິປະໄຕອັນສັກສິດຂອງປະເທດຊາດທີ່ບໍ່ເຄີຍຢຸດຢ່ອນໃນຈິດໃຈຂອງຊາວຫວຽດນາມ, ໂດຍສະເພາະແມ່ນພວກເຮົາ - ຊາວ ຫວຽດນາມ ອາໄສຢູ່ຕ່າງປະເທດ” ທ່ານນາງ ເລເທື່ອງ ແບ່ງປັນ.
 | |
|
ທີ່ພິທີປຸກລະດົມ, ຄະນະຈັດຕັ້ງ ໄດ້ມອບແຜນທີ່ ຫວຽດນາມ ໃຫ້ມະຫາວິທະຍາໄລ Osaka, ສະມາຄົມມິດຕະພາບ ຍີ່ປຸ່ນ - ຫວຽດນາມ, ສະມາຄົມເພື່ອນມິດສະໜິດແໜ້ນ ຍີ່ປຸ່ນ - ຫວຽດນາມ, YouTuber Betonamu kun, ສະມາຄົມຊາວ ຫວຽດນາມ Fukuoka, ສະມາຄົມຊາວ ຫວຽດນາມ Toyama, Jvs...
ທ່ານສາດສະດາຈານ Shimizu Misaki, ຫົວໜ້າພາກວິຊາພາສາ ຫວຽດນາມ ມະຫາວິທະຍາໄລ Osaka, ໜ່ວຍງານ ໄດ້ຮັບແຜນທີ່ ຫວຽດນາມ ທີ່ພິທີປຸກລະດົມເນັ້ນໜັກວ່າ: “ການຮັບເອົາແຜນທີ່ຈະຊ່ວຍໃຫ້ນັກສຶກສາພາກວິຊາ ພາສາຫວຽດນາມ ຢູ່ມະຫາວິທະຍາໄລຂອງພວກເຮົາ ຮຽນພາສາຫວຽດນາມ ໄດ້ເປັນຢ່າງດີກ່ວາ, ເຂົ້າໃຈກ່ຽວກັບພູມີສາດປະຫວັດສາດ ຫວຽດນາມ ທີ່ຖືກຕ້ອງທີ່ສຸດ. ນີ້ແມ່ນຄັ້ງທຳອິດທີ່ພວກເຮົາໄດ້ຮັບແຜນທີ່ຈາກ ຫວຽດນາມ. ຂ້າພະເຈົ້າຖືວ່າ ກິດຈະກຳນີ້ມີຄວາມໝາຍທີ່ສຸດ ແລະ ແທດຈິງ, ພິເສດແມ່ນໃນການສອນ ແລະ ການຮຽນຂອງນັກສຶກສາສາກົນ ໄດ້ເຂົ້າໃຈກ່ຽວກັບ ຫວຽດນາມ".
ມິງດຶກ
