 | ບຣູໄນ ດາຣູຊາລາມ ຍາມໃດກໍຢືນຄຽງຂ້າງພ້ອມກັບ ຫວຽດນາມ ບົນບັນດາເສັ້ນທາງການພັດທະນາ |
| ໂຮ້ຍອານ ໄດ້ຈັດອັນດັບທີ 4 ໃນບັນຊີລາຍຊື່ 25 ນະຄອນທີ່ນິຍົມທີ່ສຸດໃນໂລກ |
ນັກຂ່າວ: ຂໍຮຽນທ່ານເອກອັກຄະລັດຖະທູດ, ຂໍຮຽນທ່ານໃຫ້ຮູ້ ເປົ້າໝາຍ, ຄວາມໝາຍຂອງການໄປຢ້ຽມຢາມ ສະຫະພັນລັດເຊຍ ຢ່າງເປັນທາງການຂອງທ່ານປະທານສະພາແຫ່ງຊາດ ເຈີນແທງເໝີນ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ?
ທ່ານເອກອັກຄະລັດຖະທູດ ດັ້ງມິງຄອຍ: ໂດຍຕອບສະໜອງຕາມຄຳເຊີນຂອງປະທານ Duma ແຫ່ງລັດສະຫະພັນ ລັດເຊຍ, ທ່ານ Vyacheslav Volodin, ທ່ານປະທານສະພາແຫ່ງຊາດ ເຈີນແທງເໝີນ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໄດ້ມີການໄປຢ້ຽມຢາມ ສະຫະພັນລັດເຊຍ ຢ່າງເປັນທາງການນັບແຕ່ວັນທີ 8 ຫາ 10 ກັນຍາ 2024.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ສະຫະພັນລັດເຊຍ ຕອບສຳພາດນັກຂ່າວ ປະຈຳ ລັດເຊຍ. (ພາບ: NGUYEN HOANG) |
ການຢ້ຽມຢາມຄັ້ງນີ້ຂອງທ່ານປະທານສະພາແຫ່ງຊາດ ເຈີນແທງເໝີນ ມີຄວາມໝາຍສຳຄັນຫລາຍຢ່າງ, ສະແດງໃຫ້ເຫັນໃນບັນດາຈຸດສຸມດັ່ງນີ້:
ກ່ອນອື່ນໝົດ, ການຢ້ຽມຢາມໄດ້ສະແດງໃຫ້ເຫັນເຖິງການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດສືບຕໍ່ໄດ້ຮັບການສືບທອດ, ປັບປຸງ ແລະ ພັດທະນາຢ່າງບໍ່ຢຸດຢັ້ງໃນສະພາບການໃໝ່, ຕອບສະໜອງຄວາມມຸ່ງມາດປາດຖະໜາຂອງການນຳ ແລະ ປະຊາຊົນສອງປະເທດ, ເໝາະສົມກັບຄວາມຕ້ອງການພາວະວິໄສຂອງສອງປະເທດໃນພາລະກິດແຫ່ງການສ້າງສາ ແລະ ພັດທະນາປະເທດຊາດຂອງແຕ່ລະປະເທດໃນໄລຍະປະຈຸບັນ.
ທີສອງ, ການຢ້ຽມຢາມໄດ້ສະແດງໃຫ້ເຫັນການຮັກສາບັນດາການຢ້ຽມຢາມ ແລະ ການພົບປະຂັ້ນສູງລະຫວ່າງການນຳຂອງສອງປະເທດ ທີ່ມີຄວາມໝາຍສຳຄັນທີ່ສຸດ ມີລັກສະນະຕັດສິນໃນການຊຸກຍູ້ການພັດທະນາຮອບດ້ານຂອງການພົວພັນສອງປະເທດ, ພິເສດແມ່ນໃນສະພາບການໂລກ ແລະ ພາກພື້ນທີ່ພວມປະສົບກັບການຜັນແປສັບສົນຫຼາຍຢ່າງໃນປະຈຸບັນ.
ທີສາມ, ການຢ້ຽມຢາມຄັ້ງນີ້ຂອງທ່ານປະທານສະພາແຫ່ງຊາດ ເຈີນແທງເໝີນ ໄດ້ສະແດງໃຫ້ເຫັນວ່າ ສະພາແຫ່ງຊາດຂອງ ຫວຽດນາມ ນັບມື້ນັບເສີມຂະຫຍາຍບົດບາດສຳຄັນໃນພາລະກິດແຫ່ງການປົກປັກຮັກສາ, ສ້າງສາ ແລະ ພັດທະນາປະເທດຊາດ ກໍ່ຄືການຍົກສູງລະດັບການພົວພັນຕ່າງປະເທດຂອງ ຫວຽດນາມ ກັບບັນດາປະເທດ, ພິເສດແມ່ນໃນໄລຍະທີ່ ຫວຽດນາມ ພວມກ້າວເຂົ້າສູ່ສັງກາດໃໝ່ແຫ່ງບືນຕົວຂອງຊາດ ຫວຽດນາມ.
ທີສາມ, ການຢ້ຽມຢາມຄັ້ງນີ້ຂອງທ່ານປະທານສະພາແຫ່ງຊາດ ເຈີນແທງເໝີນ ຈະປະກອບສ່ວນເພີ່ມທະວີການຮ່ວມມືຮອບດ້ານລະຫວ່າງ 2 ປະເທດໃນທຸກຂົງເຂດການເມືອງ, ເສດຖະກິດການຄ້າ ແລະ ການພົບປະແລກປ່ຽນປະຊາຊົນ.
ນັກຂ່າວ: ຂໍຮຽນທ່ານເອກອັກຄະລັດຖະທູດ, ທ່ານສາມາດແບ່ງປັນກ່ຽວກັບຈຸດພົ້ນເດັ່ນຂອງກອງປະຊຸມຄະນະກຳມະການການຮ່ວມມືລະຫວ່າງລັດຖະສະພາ ຫວຽດນາມ - ລັດເຊຍ ຄັ້ງທີ 3 ແລະ Duma ແຫ່ງຊາດ ສະພາສະຫະພັນລັດເຊຍ ໄດ້ບໍ?
ທ່ານເອກອັກຄະລັດຖະທູດ ດັ້ງມິງຄອຍ: ໃນຂອບເຂດການຢ້ຽມຢາມ, ນອກຈາກບັນດາການເຄື່ອນໄຫວຢ່າງເປັນທາງການຄື ການເຈລະຈາ, ການພົບປະຂັ້ນສູງກັບການນຳສະຫະພັນລັດເຊຍ, ທ່ານປະທານສະພາແຫ່ງຊາດ ເຈີນແທງເໝີນ ຈະພ້ອມກັບປະທານ Duma ແຫ່ງຊາດສະພາສະຫະພັນລັດເຊຍ, ທ່ານ Vyacheslav Volodin ເປັນປະທານກອງປະຊຸມຄະນະກຳມະການການຮ່ວມມືລະຫວ່າງລັດຖະສະພາ ຫວຽດນາມ - ລັດເຊຍ ຄັ້ງທີ 3 ເພື່ອປຶກສາຫາລືຢ່າງຮອບດ້ານກ່ຽວກັບບັນດາຂົງເຂດຮ່ວມມືລະຫວ່າງ 2 ປະເທດ.
ທີ່ກອງປະຊຸມຄັ້ງນີ້, 2 ຝ່າຍຈະປຶກສາຫາລື 7 ຫົວຂໍ້ໃຫຍ່, ແບ່ງປັນບົດຮຽນປະສົບການດ້ານນິຕິບັນຍັດ, ບົດບາດຕິດຕາມກວດກາຂອງສະພາແຫ່ງຊາດ ກ່ຽວກັບການຮ່ວມມືລະຫວ່າງ 2 ປະເທດ, ກໍຄືການແລກປ່ຽນບັນດາມາດຕະການລະອຽດ ເພື່ອກຳນົດທິດໃຫ້ລັດຖະບານ 2 ປະເທດແກ້ໄຂບັນດາຄວາມຫຍຸ້ງຍາກ, ຂໍ້ຄົງຄ້າງທີ່ລະອຽດໃນການຮ່ວມມືລະຫວ່າງສອງປະເທດໃນໄລຍະປະຈຸບັນ.
ນັກຂ່າວ: ຂໍຮຽນທ່ານເອກອັກຄະລັດຖະທູດ, ໃນສະພາບການພາກພື້ນ ແລະ ໂລກປະຈຸບັນ, ຫວຽດນາມ ແລະ ສະຫະພັນລັດເຊຍ ຕ້ອງເຮັດແນວໃດ ເພື່ອເຮັດໃຫ້ກ່ວາການພົວພັນຄູ່ຮ່ວມມືຍຸດທະສາດຮອບດ້ານເລິກເຊິ່ງ ແລະ ເເທດຈິງກ່ວາອີກ?
ທ່ານເອກອັກຄະລັດຖະທູດ ດັ້ງມິງຄອຍ: ປີນີ້ສອງປະເທດພວກເຮົາ ສະເຫຼີມສະຫຼອງ 30 ປີແຫ່ງວັນເຊັນສົນທິສັນຍາກ່ຽວກັບບັນດາຫຼັກການພື້ນຖານຂອງການພົວພັນມິດຕະພາບລະຫວ່າງ 2 ປະເທດ ແລະ ປີໜ້າແມ່ນສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ.
ເພື່ອເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດເລິກເຊິ່ງ ແລະ ເເທດຈິງກ່ວາອີກ, ການນຳຂັ້ນສູງຂອງສອງປະເທດ ໄດ້ເຫັນດີເປັນເອກະພາບໃນໄລຍະຈະມາເຖິງ ຕ້ອງເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ສືບຕໍ່ຮັກສາ ແລະ ເພີ່ມທະວີບັນດາການຢ້ຽມຢາມ ແລະ ພົບປະຂັ້ນສູງ, ພະຍາຍາມປະຕິບັດບັນດາຂໍ້ຕົກລົງທີ່ບັນລຸໄດ້ລະຫວ່າງການນຳຂັ້ນສູງຂອງສອງປະເທດຢ່າງມີປະສິດທິຜົນ; ຍົກສູງປະສິດທິຜົນຂອງບັນດາກົນໄກຮ່ວມມືທີ່ມີຢູ່ແລ້ວ, ໃນນັ້ນ ມີກົນໄກຄະນະກຳມະການຮ່ວມມືລະຫວ່າງລັດຖະສະພາ, ສ້າງບັນດາກົນໄກຮ່ວມມືໃໝ່, ສົມທົບກັນຢ່າງທັນການເພື່ອແກ້ໄຂຄວາມຫຍຸ້ງຍາກ, ຂໍ້ຄົງຄ້າງໃນການຮ່ວມມືສອງຝ່າຍ.
ຍູ້ແຮງການພົບປະຕາມຊ່ອງທາງຂອງພັກ, ສະພາແຫ່ງຊາດ ແລະ ການທູດປະຊາຊົນ, ເພີ່ມທະວີຄວາມເຂົ້າອົກເຂົ້າໃຈ ແລະ ສະໜັບສະໜູນເຊິ່ງກັນ ແລະ ກັນລະຫວ່າງປະຊາຊົນສອງປະເທດ. ສືບຕໍ່ຖືການຮ່ວມມືທາງການທູດ, ປ້ອງກັນຊາດ, ປ້ອງກັນຄວາມສະຫງົບເປັນສຳຄັນ, ເພີ່ມທະວີການສົມທົບກັນຢູ່ບັນດາເວທີປາໄສສາກົນ ແລະ ພາກພື້ນ. ເອົາໃຈໃສ່ເພີ່ມທະວີການຮ່ວມມືດ້ານພະລັງງານ, ເສດຖະກິດ, ການຄ້າ, ການລົງທຶນລະຫວ່າງສອງປະເທດ, ແກ້ໄຂຄວາມຫຍຸ້ງຍາກໃນປະຈຸບັນ, ເສີມຂະຫຍາຍທ່າແຮງຂອງແຕ່ລະຝ່າຍ ແລະ ຊອກຫາບັນດາຈຸດເຕີບໂຕໃໝ່, ຂົງເຂດຮ່ວມມືໃໝ່ລະຫວ່າງ 2 ປະເທດ. ຖືເປັນສຳຄັນ ແລະ ສ້າງໃໝ່ຂົງເຂດການຮ່ວມມືທີ່ເປັນມູນເຊື້ອລະຫວ່າງ 2 ປະເທດໃນຂົງເຂດສຶກສາບຳລຸງສ້າງ, ແລກປ່ຽນປະຊາຊົນ ແລະ ການທ່ອງທ່ຽວ.
ນັກຂ່າວ: ຂໍຂອບໃຈທ່ານເອກອັກຄະລັດຖະທູດ!
 | 5 ນະຄອນຂອງຫວຽດນາມ ທີ່ນັກທ່ອງທ່ຽວອົດສະຕາລີ ໄດ້ເຂົ້າຄົ້ນຫາໃນສື່ສັງຄົມອອນລາຍຫຼາຍທີ່ສຸດ ຍສໝ - 5 ນະຄອນຂອງຫວຽດນາມ ທີ່ນັກທ່ອງທ່ຽວອົດສະຕາລີ ໄດ້ເຂົ້າຄົ້ນຫາໃນສື່ສັງຄົມອອນລາຍຫຼາຍທີ່ສຸດ ແຕ່ເດືອນ 6 ຫາວັນທີ 24 ມິຖຸນາ ລວມມີ: ນະຄອນ ໂຮ່ຈີມິນ, ດານັງ, ຮ່າໂນ້ຍ, ໂຮ້ຍອານ, ຢ່າຈາ່ງ. |
 | ຍສໝ - ຕັ້ງຄ້າຍລະດູຮ້ອນ ໂດຍຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ນະຄອນ ສົມທົບກັບຄະນະຊາວໜຸ່ມນະຄອນ ໂຮ່ຈີມິນ ແລະ ພະແນກການຕ່າງປະເທດນະຄອນດ່າໜັງ ຈັດຂື້ນ. ນີ້ແມ່ນໂອກາດເພື່ອໃຫ້ນັກທ່ອງທ່ຽວຕັ້ງແຄ້ມແຕ່ລະຄົນໄດ້ສຳຜັດກັບລະດັບຄວາມແຕກຕ່າງກັນກ່ຽວກັບບັນດາສະຖານທີ່ທີ່ຕົນໄປ, ວັດທະນະທຳ, ຮີດຄອງ, ປະເພນີຂອງຊາດຫວຽດນາມ ແລະ ບັນດາການເຄື່ອນໄຫວທີ່ຕົນເຂົ້າຮ່ວມ. |
ມິງດຶກ (ແປຕາມ Xuan Hung/ໜັງສືພິມປະຊາຊົນ)
