 |
| 5 điểm đến du lịch Việt Nam được khách Úc tìm kiếm nhiều nhất. 5 ແຫຼ່ງທ່ອງທ່ຽວຂອງຫວຽດນາມ ທີ່ນັກທ່ອງທ່ຽວ ອົດສະຕາລີ ໄດ້ເຂົ້າຄົ້ນຫາໃນສື່ສັງຄົມອອນລາຍຫຼາຍທີ່ສຸດ |
ລະອຽດ, ໂປຼແກຼມການທ່ອງທ່ຽວອອນໄລນ໌ Agoda ໄດ້ຢັ້ງຢືນການເຂົ້າຄົ້ນຫາໃນສື່ສັງຄົມອອນລາຍທີ່ເພີ່ມຂຶ້ນ 26% ແຕ່ວັນທີ 6 ຫາວັນທີ 24 ມິຖຸນາ ເມື່ອທຽບກັບປີ 2023 ໃນຈໍານວນການເຂົ້າຄົ້ນຫາຈຸດໝາຍປາຍທາງຢູ່ຫວຽດນາມ ຈາກນັກທ່ອງທ່ຽວອົດສະຕາລີ.
ບັນດາຈຸດໝາຍປາຍທາງຂອງນັກທ່ອງທ່ຽວ ອົດສະຕາລີ ເຂົ້າໄປຄົ້ນຫາຫລາຍທີ່ສຸດແມ່ນນະຄອນ ໂຮ່ຈີມິນ, ດານັງ, ຮ່າໂນ້ຍ, ໂຮ້ຍອານ, ແລະ ຍ່າຈ່າງ. ຕາມບັນດານັກຊ່ຽວຊານແລ້ວ, ຫວຽດນາມ ບໍ່ພຽງແຕ່ແມ່ນສະຖານທີ່ທີ່ອົບອຸ່ນ ແລະ ຮັກແພງແຂກຄົນເທົ່ານັ້ນ ຫາກຍັງແມ່ນສະຖານທີ່ເໝາະສົມສຳລັບນັກທ່ອງທ່ຽວທີ່ມັກວັດທະນະທຳ, ອາຫານທີ່ອຸດົມສົມບູນ, ພູມສັນຖານ ແລະ ທ່ອງທ່ຽວບັນດາຕົວເມືອງທີ່ມີຊີວິດຊີວາ. ນອກຈາກສອງນະຄອນໃຫຍ່ແລ້ວ, ນະຄອນດານັງ, ໂຮ້ຍອານ ແລະ ຍ່າຈ່າງ ຍັງດຶງດູດນັກທ່ອງທ່ຽວອົດສະຕາລີ ມາພັກຜ່ອນຢູ່ຫາດຊາຍທະເລ, ທ່ອງທ່ຽວບັນດາມໍລະດົກວັດທະນະທຳ, ໃຈກາງນະຄອນ ແລະ ຜ່ອນຄາຍກັບອາກາດທີ່ອົບອຸ່ນ, ເປັນທາງເລືອກທີ່ດີເລີດເມື່ອທຽບໃສ່ອາກາດໜາວໃນບ້ານເກີດຂອງເຂົາເຈົ້າ.
ສ່ວນຝ່າຍຫວຽດນາມ, ຈໍານວນການເຂົ້າຄົ້ນຫາທີ່ພັກຢູ່ອົດສະຕາລີຂອງນັກທ່ອງທ່ຽວຫວຽດນາມ ກໍ່ເພີ່ມຂຶ້ນ 36% ເມື່ອທຽບໃສ່ປີ 2023, ສຸມຢູ່ນະຄອນ ຊິດນີ, Melbourne, Perth, Adelaide, ແລະ Brisbane. ອົດສະຕາລີ ໄດ້ນຳມາເຊິ່ງບັນດາປະສົບການທີ່ຫຼາກຫຼາຍໃຫ້ແກ່ນັກທ່ອງທ່ຽວຫວຽດນາມ. ສະຖານທີ່ແຫ່ງນີ້ບໍ່ພຽງແຕ່ມີຊາວຫວຽດນາມ ຈໍານວນຫລາຍ (ນັກສຶກສາຕ່າງປະເທດເກືອບ 30.000 ຄົນ) ເທົ່ານັ້ນ, ຫາກຍັງດຶງດູດນັກທ່ອງທ່ຽວດ້ວຍທິວທັດທຳມະຊາດອັນສວຍງາມ ແລະ ບັນດາຕົວເມືອງທີ່ມີສີສັນວັດທະນະທຳທີ່ເປັນເອກະລັກສະເພາະອີກດ້ວຍ. ບໍ່ວ່າຈະໄປຮອດເມືອງໃດ ຫຼື ເຂດໃດໃນອົດສະຕາລີ, ນັກທ່ອງທ່ຽວຈະມີໂອກາດໄດ້ປະສົບການຄົ້ນຫາທີ່ຫນ້າສົນໃຈ, ປະກອບສ່ວນເສີມສ້າງຄວາມຮູ້ກ່ຽວກັບການເດີນທາງຂອງເຂົາເຈົ້າ. ການເພີ່ມຂຶ້ນຂອງຄວາມຕ້ອງການທ່ອງທ່ຽວສອງສົ້ນລະຫວ່າງ ອົດສະຕາລີ ແລະ ຫວຽດນາມ ກໍ່ສະແດງໃຫ້ເຫັນຄວາມເປັນໜ້າສົນໃຈຂອງສອງປະເທດ.
 | ເຍື່ອງອາຫານ ແລະ ວັນນະຄະດີ ຫວຽດນາມ ໄດ້ດຶງດູດນັກທ່ອງທ່ຽວ ຝຣັ່ງ |
| ຍາຈາງ ນອນໃນ top 8 ສະຖານທີ່ພັກຕາກອາກາດຢູ່ຫາດຊາຍທີ່ສວຍງາມທີ່ສຸດໃນໂລກສຳລັບຜູ້ອອກກິນເບ້ຍບຳນານ. |
ອ.ສະຫວັດ
