ບຣູໄນ ດາຣູຊາລາມ ຍາມໃດກໍຢືນຄຽງຂ້າງພ້ອມກັບ ຫວຽດນາມ ບົນບັນດາເສັ້ນທາງການພັດທະນາ

ຍສໝ - ວັນທີ 10 ສິງຫາ, ສະຖານທູດ ຫວຽດນາມ ປະຈຳ ບຣູໄນ ໄດ້ຈັດຕັ້ງງານລ້ຽງສະເຫຼີມສະຫຼອງ 79 ປີແຫ່ງວັນຊາດ 2 ກັນຍາ.

	ຮ່າຕິ້ງ ຍາມໃດກໍ່ຮັກສາ, ປັບປຸງສາຍພົວພັນມິດຕະພາບ ແລະ ການຮ່ວມມືຮອບດ້ານກັບບັນດາທ້ອງຖິ່ນຂອງ ລາວ
	ຕ້ອງເຮັດແນວໃດເພື່ອເຮັດໃຫ້ການທ່ອງທ່ຽວ ຫວຽດນາມ ເລີ່ມຕົ້ນສີສັນໃໝ່ຢູ່ສະໜາມຫຼິ້ນສາກົນ?

ທີ່ເຫດການ, ສະຖານທູດ ຫວຽດນາມ ປະຈຳ ບຣູໄນ ເປັນກຽດເມື່ອໄດ້ຕ້ອນຮັບຄະນະຜູ້ແທນສະພາແຫ່ງຊາດ ຫວຽດນາມ ໂດຍທ່ານຮອງປະທານສະພາແຫ່ງຊາດ ຫງວຽນຄັກດິ້ງ ເປັນຜູ້ນຳໜ້າ ທີ່ພວມມີການຢ້ຽມຢາມ, ເຮັດວຽກຢູ່ ບຣູໄນ ມາເຂົ້າຮ່ວມ. ນອກຈາກນັ້ນຍັງມີການເຂົ້າຮ່ວມຂອງ ທ່ານ Haji Abdul Manaf bin Haji Metussin ລັດຖະມົນຕີກະຊວງຊັບພະຍາກອນທຳມະຊາດ ແລະ ທ່ອງທ່ຽວ, ຜູ້ຕາງໜ້າລັດຖະບານ ບຣູໄນ, ພ້ອມກັນກັບແຂກຮັບເຊີນ 100 ຄົນ ເຊິ່ງແມ່ນຊະມາຊິກລັດຖະສະພາ ບຣູໄນ ແລະ ເອກອັກຄະລັດຖະທູດບັນດາປະເທດ, ບັນດາອົງການອ້ອມຂ້າງ, ຜູ້ຕາງໜ້າປະຊາຄົມ ແລະ ບັນດາສະມາຄົມ.

Brunei Darussalam ຍາມໃດກໍຢືນຄຽງຂ້າງພ້ອມກັບ ຫວຽດນາມ ບົນບັນດາເສັ້ນທາງພັດທະນາ

ທ່ານຮອງປະທານສະພາແຫ່ງຊາດ ຫງວຽນຄັກດີ້ງ ແລະທ່ານເອກອັກຄະລັດຖະທູດ ເຈີ່ນແອງຫວູ ໄດ້ຖ່າຍຮູບທີ່ລະນຶກກັບເອກອັກຄະລັດຖະທູດບັນດາປະເທດ ປະຈຳ ບຣູໄນ. (ພາບ: TTXVN)

ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດ ເຈີ່ນແອງຫວູ ໄດ້ຍົກໃຫ້ເຫັນຄວາມໝາຍຂອງວັນຊາດ ວັນທີ 2 ກັນຍາ 1945, ພ້ອມກັນນັ້ນ ກໍ່ເນັ້ນໜັກເຖິງບັນດາຜົນງານດ້ານການເມືອງ, ເສດຖະກິດ ແລະ ສັງຄົມຂອງພັກ, ລັດ ແລະ ລັດຖະບານໃນໄລຍະຜ່ານມາ. ທ່ານເອກອັກຄະລັດຖະທູດ ກໍ່ໄດ້ຢືນຢັນວ່າ ບັນດາຜົນງານດັ່ງກ່າວສະແດງໃຫ້ເຫັນນະໂຍບາຍຂອງລັດຖະບານພວມໄດ້ຮັບການປະຕິບັດຢ່າງມີຜົນສັກສິດ, ມີປະສິດທິຜົນ. ທ່າອ່ຽງພັດທະນາໄປສູ່ພື້ນຖານເສດຖະກິດດີຈີຕອນ, ເສດຖະກິດສີຂຽວ ພວມໃຫ້ເຫັນບັນດາຈຸດຄ້າຍຄືກັນ ແລະ ທ່າໄດ້ປຽບຂອງ ຫວຽດນາມ ໃນທ່າອ່ຽງທົ່ວໄປຂອງພາກພື້ນ ແລະ ໃນໂລກ.

ທ່ານເອກອັກຄະລັດຖະທູດຢືນຢັນວ່າ ຫວຽດນາມ ຖືການພົວພັນມິດຕະພາບ ແລະ ການຮ່ວມມືກັບບັນດາປະເທດ ອາຊຽນ ເປັນສຳຄັນທີ່ສຸດ, ໃນນັ້ນ ມີການພົວພັນຄູ່ຮ່ວມມືຮອບດ້ານກັບ ບຣູໄນ ດາຣູຊາລາມ. ບຣູໄນ ດາຣູຊາລາມ ຍາມໃດກໍ່ແມ່ນເພື່ອນຮ່ວມເດີນທາງ, ຢືນຄຽງຂ້າງກັບ ຫວຽດນາມ ບົນບັນດາເສັ້ນທາງພັດທະນາຂອງປະເທດ. ນັບແຕ່ສ້າງຕັ້ງການພົວພັນທາງການທູດໃນປີ 1992, ການພົວພັນລະຫວ່າງສອງປະເທດ ໄດ້ຮັບການປັບປຸງຢ່າງບໍ່ຢຸດຢັ້ງ, ບົນພື້ນຖານຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ.

ໃນປີ 2024, ການຮ່ວມມືລະຫວ່າງສອງປະເທດມີບາດກ້າວພັດທະນາຢ່າງຕັ້ງໜ້າໃນຫຼາຍດ້ານ. ພິເສດ, ການຢ້ຽມຢາມເປັນທາງການຂອງທ່ານຮອງປະທານສະພາແຫ່ງຊາດ ຫງວຽນຄັກດິ້ງ ແລະ ຄະນະຜູ້ແທນສະພາແຫ່ງຊາດ ຫວຽດນາມ ໄປຍັງບຣູໄນ ດາຣູຊາລາມ ໄດ້ສະແດງໃຫ້ເຫັນຄວາມມານະພະຍາຍາມເພື່ອເພີ່ມທະວີການພົວພັນແລກປ່ຽນ ແລະ ການຮ່ວມມືລະຫວ່າງສອງອົງການນິຕິບັນຍັດ ແລະ ເຈົ້າກະສັດ ບຣູໄນ ຫວັງວ່າ ຈະມາຢ້ຽມຢາມຫວຽດນາມ ໂດຍໄວໃນໄລຍະຈະມາເຖິງ. ການແລກປ່ຽນດ້ານເສດຖະກິດລະຫວ່າງສອງປະເທດ ໄດ້ມີຈຸດເນັ້ນພິເສດເມື່ອການຄ້າສອງສົ້ນລະຫວ່າງ ຫວຽດນາມ - ບຣູໄນ ໃນເຄິ່ງຕົ້ນປີ 2024 ໄດ້ເພີ່ມຂຶ້ນເກືອບ 3 ເທົ່າເມື່ອທຽບໃສ່ໄລຍະດຽວກັນຂອງປີ 2023.

ປະຈຸບັນ ບຣູໄນ ດາຣູຊາລາມ ແມ່ນນັກລົງທຶນໃຫຍ່ອັນດັບ 20 ຂອງຫວຽດນາມ. ນັບມື້ນັບມີຫຼາຍວິສາຫະກິດ ຫວຽດນາມ ໃຫ້ຄວາມສົນໃຈເຖິງທ້ອງຕະຫຼາດ ບຣູໄນ ແລະ ການສ້າງຕັ້ງການພົວພັນຄູ່ຮ່ວມມືກັບບັນດາວິສາຫະກິດ ບຣູໄນ ໃນບັນດາຂົງເຂດພະລັງງານ, ພະລາທິການ, ອຸດສາຫະກຳສະບຽງອາຫານ Halal ແລະ ສິນທະເລ.

ກ່ອນໜ້ານັ້ນ, ທີ່ການພົບປະກັບປະຊາຄົມຊາວຫວຽດນາມ ຢູ່ສະຖານທູດ, ທ່ານເອກອັກຄະລັດຖະທູດ ເຈີ່ນແອງຫວູ ໄດ້ລາຍງານຕໍ່ ທ່ານ ຫງວຽນຄັກດິ້ງ ແລະ ຄະນະຜູ້ແທນກ່ຽວກັບສະພາບການປະຊາຄົມ. ຕາມທ່ານເອກອັກຄະລັດຖະທູດແລ້ວ, ດ້ວຍຊາວຫວຽດນາມ 300 ກວ່າຄົນອາໄສຢູ່ ບຣູໄນ, ເເຕ່ຊຸມຊົນກໍ່ໄດ້ມີການປະກອບສ່ວນທີ່ປະທັບໃຈໃຫ້ແກ່ພື້ນຖານເສດຖະກິດຂອງ ບຣູໄນ. ຊຸມຊົນ ກໍ່ມີຄວາມສາມັກຄີ, ເຄົາລົບກົດໝາຍປະຈຳຖິ່ນ.

ທ່ານຜູ້ອຳນວຍການໃຫຍ່ Haduco ເຈີ່ນກວາງຮຸ່ງ ລາຍງານຕໍ່ ທ່ານຮອງປະທານສະພາແຫ່ງຊາດ ຫງວຽນຄັກດີ້ງ ແລະ ຄະນະຜູ້ແທນສະພາແຫ່ງຊາດ. (ພາບ: TTXVN)

ໂດຍຮັບເອົາບັນດາຂໍ້ສະເໜີຂອງຜູ້ຕາງໜ້າບັນດາປະຊາຄົມຄື ອາຈານຮັບຜິດຊອບວິຊາພາສາຫວຽດນາມ ຢູ່ມະຫາວິທະຍາໄລແຫ່ງຊາດ ບຣູໄນ (UBD) ເຈີ່ນຈ້ອງເຫງີຍ ແລະ ທ່ານຜູ້ອຳນວຍການໃຫຍ່ Haduco ເຈີ່ນກວາງຮຸ່ງ, ທ່ານ ຫວຽນຄັກດິ້ງ ໄດ້ຕີລາຄາສູງບັນດາຄວາມມານະພະຍາຍາມຂອງປະຊາຄົມໃນການກໍ່ສ້າງ ແລະ ປົກປັກຮັກສາຮູບພາບ, ເຜີຍແຜ່ວັດທະນະທໍາ ຫວຽດນາມ ຢູ່ຕ່າງປະເທດ.

ທ່ານຮອງປະທານສະພາແຫ່ງຊາດ ໄດ້ຊົມເຊີຍ ທ່ານເອກອັກຄະລັດຖະທູດ ເຈີ່ນແອງຫວູ ແລະ ລວມໝູ່ພະນັກງານ, ລັດຖະກອນຂອງສະຖານທູດ ຫວຽດນາມ ທີ່ໄດ້ເຮັດວຽກງານກ່ຽວກັບຊາວຫວຽດນາມ ຢູ່ຕ່າງປະເທດເປັນຢ່າງດີ, ປະກອບສ່ວນເຂົ້າໃນການເຊື່ອມໂຍງ ແລະ ໜູນຊ່ວຍປະຊາຊົນທີ່ປະສົບກັບຄວາມຫຍຸ້ງຍາກ. ທ່ານຮອງປະທານສະພາແຫ່ງຊາດ ກໍ່ໄດ້ຕີລາຄາສູງ ທ່ານເອກອັກຄະລັດຖະທູດ ເຈີ່ນແອງຫວູ ແລະ ລວມໝູ່ພະນັດງານ ທີ່ໄດ້ປະກອບສ່ວນເຂົ້າຜົນສຳເລັດໃນການຢ້ຽມຢາມຂອງຄະນະຜູ້ແທນດ້ວຍຫຼາຍໂຄງການທີ່ມີຄວາມໝາຍ.

ທ່ານເອກອັກຄະລັດຖະທູດ Yamada Takio: ຈະມານະພະຍາຍາມປະກອບສ່ວນເຂົ້າໃນການພົວພັນມິດຕະພາບ, ການຮ່ວມມືລະຫວ່າງປະຊາຊົນ ຫວຽດນາມ - ຍີ່ປຸ່ນ.

ຍສໝ - ນີ້ແມ່ນຄຳປາໄສຂອງທ່ານ ເອກອັກຄະລັດຖະທູດຜູ້ມີອຳນາດເຕັມ ແຫ່ງຍີ່ປຸ່ນ ປະຈຳ ຫວຽດນາມ Yamada Takio ທີ່ການຮັບຫຼຽນກາລະນຶກ “ເພື່ອສັນຕິພາບ, ມິດຕະພາບລະຫວ່າງບັນດາຊົນເຜົ່າ” ຂອງສະຫະພັນບັນດາອົງການມິດຕະພາບ ຫວຽດນາມ ໃນວັນທີ 23 ເມສາຢູ່ ຮ່າໂນ້ຍ. ຫຼຽນກາລະນຶກ ແມ່ນລາງວັນເພື່ອຮັບຮູ້ບັນດາການປະກອບສ່ວນໃນການຊຸກຍູ້ການພົວພັນມິດຕະພາບ, ການຮ່ວມມືລະຫວ່າງປະຊາຊົນຫວຽດນາມ ແລະ ຍີ່ປຸ່ນ.

ທ່ານນາງຜູ້ສຳເລັດຣາຊະການ Cindy Kiro ຢືນຢັນວ່າ ຍາມໃດກໍໃຫ້ການໜູນຊ່ວຍ, ໃຫ້ຄວາມສົນໃຈສຳລັບປະຊາຄົມຊາວ ຫວຽດນາມ ຢູ່ ນິວຊີແລນ

ຍສໝ - ຕອນບ່າຍວັນທີ 11 ມີນານີ້, ຢູ່ນະຄອນຫຼວງ Wellington, ໃນລາຍການການຢ້ຽມຢາມ ນິວຊີແລນ ຢ່າງເປັນທາງການ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການພົບປະກັບທ່ານນາງ Cindy Kiro ຜູ້ສຳເລັດຣາຊະການ ນິວຊີແລນ.

ມີງດຶກ