ອາຊີ ສຸມກຳລັງແຮງເຂົ້າໃນການກູ້ໄພ, ຮັບມືກັບພາຍຸ Yagi

ຍສໝ - ບັນດາປະເທດທີ່ໄດ້ຮັບຜົນກະທົບຈາກພະຍຸ Yagi ແມ່ນ ຈີນ, ຫວຽດນາມ, ລາວ, ກຳປູເຈຍ, ໄທ ພວມຮັບມືກັບພາຍຸຢ່າງຮີບດ່ວນ, ກະກຽມບັນດາເງື່ອນໄຂທີ່ຈຳເປັນໃຫ້ແກ່ວຽກງານກູ້ໄພ.

	ຫວຽດນາມ ເພີ່ມທະວີການຮ່ວມມືຢ່າງມີປະສິດທິຜົນກັບ WTO
	ອາຊຽນ ແລະ ບັນດາປະເທດອາຊີຕາເວັນອອກ ຈະຍົກລະດັບການຮ່ວມມືປ້ອງກັນໄພທຳມະຊາດ

ດ້ວຍລົມລະດັບແຮງທີ່ສຸດເຖິງ 234 ກິໂລແມັດຕໍ່ຊົ່ວໂມງ ໃກ້ກັບສູນກາງຂອງພະຍຸ, Yagi ໄດ້ຖືກບັນທຶກວ່າເປັນພະຍຸເຂດຮ້ອນທີ່ແຮງທີ່ສຸດເປັນອັນດັບສອງຂອງໂລກນັບແຕ່ຕົ້ນປີ 2024 ຈົນເຖິງປັດຈຸບັນ, ຖັດຈາກພາຍຸລະດັບ 5 Beryl ໃນມະຫາສະໝຸດອັດລັງຕິກ. ປະເທດທີ່ໄດ້ຮັບຜົນກະທົບຈາກພະຍຸ Yagi ແມ່ນຟີລິບປິນ, ຈີນ, ຫວຽດນາມ, ລາວ, ກໍາປູເຈຍ, ແລະ ໄທ ເລັ່ງຮັບມືກັບພະຍຸ.

ສະພາຄຸ້ມຄອງ ແລະ ຫຼຸດຜ່ອນຄວາມສ່ຽງໄພພິບັດທາງທຳມະຊາດແຫ່ງຊາດ ຟີລິບປິນ (NDRRMC) ຫາກໍ່ປະກາດຜົນຮ້າຍຂອງພະຍຸ Yagi (ແຕ່ວັນທີ 1 ຫາວັນທີ 4 ກັນຍາ): ຈຳນວນຜູ້ເສຍຊີວິດເພີ່ມຂຶ້ນເປັນ 16 ຄົນ, ຄວາມເສຍຫາຍດ້ານພື້ນຖານໂຄງລ່າງປະມານ 4 ລ້ານ USD. ຈໍານວນຄອບຄົວທີ່ໄດ້ຮັບຜົນກະທົບຈາກສະພາບອາກາດບໍ່ດີແມ່ນຫຼາຍກວ່າ 538.000 ຄອບຄົວ, ເທົ່າກັບປະມານ 2 ລ້ານຄົນ, ໃນນັ້ນມີຫຼາຍກວ່າ 9.000 ຄົວເຮືອນທີ່ອາໄສຢູ່ໃນສູນອົບພະຍົບ. ກະຊວງສະຫວັດດີການສັງຄົມ ແລະ ພັດທະນາ ຟີລິບປິນ ພ້ອມກັບບັນດາອົງການອຳນາດການປົກຄອງທ້ອງຖິ່ນ ໄດ້ສະໜອງອາຫານ ແລະ ບັນດາການຊ່ວຍເຫຼືອອື່ນໆດ້ວຍຍອດມູນຄ່າຫຼາຍກວ່າ 92 ລ້ານ ເປໂຊ (1,6 ລ້ານ USD) ໃຫ້ແກ່ເຂດປະສົບໄພ.

ອາຊີ ສຸມກຳລັງແຮງເຂົ້າໃນການກູ້ໄພ, ຮັບມືກັບພາຍຸ Yagi

ຄວາມແຮງຂອງພະຍຸ Yagi ສົ່ງຜົນກະທົບເຖິງຫຼາຍປະເທດ ອາຊີ

ກະຊວງຊັບພະຍາກອນນ້ຳຂອງຈີນ ໄດ້ຕິດຕາມສະພາບພະຍຸ ແລະ ໄພນ້ຳຖ້ວມທີ່ເກີດຈາກຝົນຕົກໜັກ ຢ່າງເຂັ້ມງວດ, ພ້ອມກັນນັ້ນ ກໍ່ແນະນຳອຳນາດການປົກຄອງຂອງບັນດາທ້ອງຖິ່ນກ່ຽວກັບຄວາມພະຍາຍາມປ້ອງກັນ. ລັດຖະບານຈີນ ໄດ້ສົ່ງກຳລັງພິເສດໄປ ກວາງຕຸ້ງ ແລະ ໄຫໜານ ເພື່ອແນະນຳກ່ຽວກັບການປ້ອງກັນໄພນ້ຳຖ້ວມ ແລະ ພະຍຸ. ພະນັກງານກູ້ໄພດ່ວນ 2.178 ຄົນ, ອຸປະກອນ 492 ເຄື່ອງສຳລັບເຂດປ້ອງກັນໄພນ້ຳຖ້ວມ ແລະ ພະຍຸທີ່ສຳຄັນ ແລະ 70.000 ອຸປະກອນບັນເທົາທຸກໄພພິບັດໄດ້ຖືກຈັດສົ່ງໄປ.

ພາຍຸ Yagi ໄດ້ພັດເຂົ້າຕົວເມືອງ ເວີນຊາງ ຂຶ້ນກັບແຂວງ ໄຫໜານ, ທາງພາກໃຕ້ຂອງຈີນ ໃນວັນທີ 6 ກັນຍາ. ພາຍຸດັ່ງກ່າວ ໄດ້ນຳເອົາຝົນຕົກໜັກມາໃນບໍລິເວນກວ້າງ, ເຮັດໃຫ້ສາຍໄຟຟ້າຫຼາຍສາຍຖືກຕັດຂາດ. ແຂວງ ໄຫໜານ ໄດ້ເຫັນປະຈັກຕາສະພາບການຕັດໄຟຟ້າສົ່ງຜົນກະທົບຕໍ່ 830.000 ຄອບຄົວໃນແຂວງ. ອົງການສະໜອງໄຟຟ້າຂອງແຂວງ ໄຫໜານ ໄດ້ສ້າງຕັ້ງໜ່ວຍງານສຸກເສີນ 7.000 ຄົນ ເພື່ອເລີ່ມສ້ອມແປງຢ່າງທັນທີເມື່ອເງື່ອນໄຂ. ຮອດຕອນຄ່ຳວັນທີ 6 ກັນຍາ, ປະຊາຊົນປະມານ 260.000 ຄອບຄົວໄດ້ມີໄຟຟ້າໃຊ້ແລ້ວ.

ຕອນຄ່ຳວັນທີ 6 ກັນຍາ, ພະຍຸ Yagi ໄດ້ເຄື່ອນຂ້າມຊ່ອງແຄບ Qiongzhou ທາງພາກເໜືອຂອງແຂວງ ໄຫໜານ ແລະ ໄດ້ສົ່ງຜົນສະທ້ອນເຖິງແຂວງ ກວາງຕຸ້ງ. ປະຊາຊົນຫຼາຍກວ່າ 574.500 ຄົນໄດ້ຖືກຍົກຍ້າຍອອກຈາກເຂດທີ່ມີຄວາມສ່ຽງ. ຫຼາຍກວ່າສອງສ່ວນສາມຂອງຄົນເຫຼົ່ານີ້ມາຈາກເມືອງ Zhanjiang. ເຮືອຫາປາທັງໝົດ 84.873 ລຳ ໄດ້ຊອກຫາບ່ອນພັກຢູ່ໃນທ່າເຮືອ. ໂຮງຮຽນໃນ 10 ຕົວເມືອງກໍ່ໄດ້ປິດເປັນການຊົ່ວຄາວ.

ໃນຂະນະນັ້ນ, ກົມອຸຕຸນິຍົມ ແລະ ອຸທົກກະສາດຂອງໄທ (TMD) ໄດ້ແນະນຳໃຫ້ປະຊາຊົນ ກຽມພ້ອມຮັບມືກັບຝົນຕົກໜັກຕິດມານຳລົມພັດແຮງຢູ່ພາກເໜືອ ແລະ ພາກຕາເວັນອອກສຽງເໜືອຂອງປະເທດໄທ. ເຂດທະເລ Andaman ແລະ ອ່າວພາກເໜືອຂອງໄທ ຄາດວ່າຈະມີລົມພັດແຮງ, ທະເລມີຄື້ນສູງເຖິງ 3 ແມັດ ຫຼື ຫຼາຍກວ່ານັ້ນໃນເຂດທີ່ມີພະຍຸ. ເຈົ້າຂອງເຮືອໄດ້ຮັບການແນະນຳຄວນລະມັດລະວັງທີ່ສຸດ, ຫຼີກລ້ຽງການເຄື່ອນທີ່ໃກ້ກັບເຂດທີ່ມີພະຍຸ ຫຼື ເປັນເຈົ້າການໃນການຈອດຢູ່ຝັ່ງ.

ປະຊາຊົນຢູ່ເຂດທີ່ໄດ້ຮັບຜົນກະທົບ, ພິເສດເເມ່ນເຂດໃກ້ພູ ຫຼື ທາງນໍ້າ ແລະ ເຂດທີ່ຕໍ່າ, ໄດ້ຮັບການແນະນຳວ່າ ຕ້ອງລະວັງຕໍ່ຄວາມສ່ຽງທີ່ອາດຈະເກີດໄພນໍ້າຖ້ວມກະທັນຫັນ ແລະ ຄວາມເປັນໄປໄດ້ຂອງນໍ້າທີ່ໄຫຼລົ້ນຝັ່ງ ເນື່ອງຈາກຝົນຈະຕົກຫຼາຍ, ເລັ່ງປະຕິບັດມາດຕະການປ້ອງກັນ ເພື່ອຫຼຸດຜ່ອນຜົນກະທົບຈາກພະຍຸຝົນ.

ກະຊວງຊັບພະຍາກອນນ້ຳ ແລະ ອຸຕຸນິຍົມ, ອຸທົກກະສາດຂອງກຳປູເຈຍ (MOWRAM) ພວມຕິດຕາມການຜັນແປທີ່ສັບສົນຂອງດິນຟ້າອາກາດຢ່າງໃກ້ຊິດ ແລະ ອັບເດດຂໍ້ມູນຂ່າວສານດິນຟ້າອາກາດເປັນປະຈຳ.

ທ່ານນາຍົກລັດຖະມົນຕີ ຟ້າມມິງຈິງ ມີການໂອ້ລົມສົນທະນາກັບບັນດາກອງທຶນການລົງທຶນກ່ຽວກັບການຮ່ວມມືເພື່ອເປົ້າໝາຍພັດທະນາແບບຍືນຍົງ

ຍສໝ - ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກເຖິງເລື່ອງ ຫວຽດນາມ ແລະ ອາເມລິກາ ພ້ອມກັນຍົກລະດັບເປັນ ການພົວພັນຄູ່ຮ່ວມມືຍຸດທະສາດຢ່າງຮອບດ້ານເພື່ອສັນຕິພາບ, ການຮ່ວມມື ແລະ ການພັດທະນາແບບຍືນຍົງ