 | ສີ່ໜ້າທີ່ສຳຄັນຂອງສະມາຄົມມິດຕະພາບ ຫວຽດນາມ - ກຳປູເຈຍ ຢູ່ນະຄອນ ຮ່າໂນ້ຍ ໃນ 6 ເດືອນທ້າຍປີ |
| ສົມທົບກັນຈັດຕັ້ງວັນວັດທະນະທຳ ຫວຽດນາມ - ສ.ເກົາຫຼີ ປີ 2024 ຢູ່ນະຄອນ ເກີນເທີ |
ຂໍ້ມູນຈາກປ່າສະຫງວນແຫ່ງຊາດ ກຸກເຟືອງ ສະໜອງວ່າ ໃນພິທີມອບລາງວັນທີ່ໄດ້ຮັບການຈັດຕັ້ງໂດຍ World Travel Awards ໃນຕອນຄ່ຳວັນທີ 3 ກັນຍາ ຢູ່ Manila, ຟີລິບປິນ, ປ່າສະຫງວນແຫ່ງຊາດ ກຸກເຟືອງ ຂອງ ຫວຽດນາມ ໄດ້ລື່ນກາຍຫຼາຍຄູ່ແຂ່ງທີ່ແຂ່ງຂັນອື່ນໆໃນໂລກຄື: ປ່າສະຫງວນແຫ່ງຊາດ Fuji-Hakone-Izu ຂອງ ຍີ່ປຸ່ນ, ປ່າສະຫງວນແຫ່ງຊາດ Chitwan ຂອງ ເນປານ, ປ່າສະຫງວນແຫ່ງຊາດ Minnieriya ຂອງ ສີລັງກາ, ປ່າສະຫງວນແຫ່ງຊາດ Kinabalu ແລະ Taman Negara ຂອງ ມາເລເຊຍ ແລະ ປ່າສະຫງວນແຫ່ງຊາດ ກ໋າດຕ່ຽນ ຂອງ ຫວຽດນາມ ເພື່ອໄດ້ຮັບການເຊີດຊູໃນປະເພດປ່າສະຫງວນແຫ່ງຊາດແຖວໜ້າຂອງ ອາຊີ ປີ 2024 (Asia's Leading National Park 2024). ນີ້ກໍ່ແມ່ນຄັ້ງທີ 6 ລຽນຕິດນັບແຕ່ປີ 2019 ທີ່ປ່າສະຫງວນແຫ່ງຊາດ ກຸກເຟືອງ ໄດ້ຮັບນາມມະຍົດອັນສູງສົ່ງນີ້.
 |
| ປ່າສະຫງວນແຫ່ງຊາດ ກຸກເຟືອງ ໄດ້ເຊີດຊູໃນປະເພດປ່າສະຫງວນແຫ່ງຊາດແຖວໜ້າຂອງ ອາຊີ ປີ 2024 (Asia's Leading National Park 2024). (ພາບ: World Travel Awards). |
ອີງຕາມບັນດາເງື່ອນໄຂກ່ຽວກັບເຂດປ່າທຳມະຊາດຢູ່ເທິງພູຫີນປູນ, ດ້ວຍຖານະເປັນປ່າສະຫງວນແຫ່ງຊາດແຫ່ງທຳອິດຂອງ ຫວຽດນາມ; ປ່າສະຫງວນແຫ່ງຊາດ ກຸກເຟືອງ ໄດ້ຮັບການຕີລາຄາແມ່ນໜຶ່ງໃນບັນດາຫົວໜ່ວຍພາລະກິດສາທາລະນະຂອງລັດ ທີ່ໄດ້ ແລະ ພວມນຳໃຊ້ແຫຼ່ງກຳລັງລົງທຶນຂອງລັດຖະບານ, ການໜູນຊ່ວຍຈາກບັນດາອົງການພາຍໃນ ແລະ ສາກົນຢ່າງມີປະສິດທິຜົນ. ດ້ວຍທິດນຳເອົາປະສິດທິຜົນ ແລະ ອະນຸລັກຊີວະພາບອັນຫຼາກຫຼາຍ ເປັນຜະລິດຕະພັນຮັບໃຊ້ການຄົ້ນຄ້ວາວິທະຍາສາດ, ສຶກສາສິ່ງແວດລ້ອມປ່າ, ການບໍລິການການທ່ອງທ່ຽວນິເວດ ເພື່ອຍົກສູງຄວາມຮັບຮູ້, ພັດທະນາການຫາລ້ຽງຊີບຊຸມຊົນ, ພ້ອມທັງປະກອບສ່ວນພັດທະນາເສດຖະກິດຢ່າງວ່ອງໄວ, ສີຂຽວ, ຍືນຍົງ. ລາງວັນນີ້ ສືບຕໍ່ຢືນຢັນຄວາມຈັບໃຈຂອງການທ່ອງທ່ຽວນິເວດ - ການທ່ອງທ່ຽວປະເພດນີ້ ໄດ້ ແລະ ພວມຮັບການຂຸດຄົ້ນຢູ່ບັນດາປ່າສະຫງວນແຫ່ງຊາດ, ເຂດອະນຸລັກຢູ່ຫວຽດນາມ. ນີ້ແມ່ນກຳລັງຜັກດັນອັນໃຫຍ່ຫຼວງເພື່ອໃຫ້ບັນດາອົງການຄຸ້ມຄອງປ່າໄມ້ຂອງຫວຽດນາມ ສືບຕໍ່ພັດທະນາຢ່າງເຂັ້ມແຂງ, ເພື່ອຊຸກຍູ້ ແລະ ເສີມຂະຫຍາຍລັກສະນະປະໂຫຍດທີ່ຫຼາກຫຼາຍຂອງປ່າໄມ້; ພ້ອມກັນນັ້ນ, ກໍ່ຕັ້ງຫວັງວ່າຈະແມ່ນກາລະໂອກາດທອງເພື່ອໂຄສະນາຮູບພາບກ່ຽວກັບທຳມະຊາດທີ່ສວຍງາມ ແລະ ການທ່ອງທ່ຽວ ຫວຽດນາມ ໄປທົ່ວໂລກ.
ລາງວັນການທ່ອງທ່ຽວໂລກແມ່ນລາງວັນແຖວໜ້າຂອງໂລກໃນຂະແໜງການທ່ອງທ່ຽວ ທີ່ໄດ້ຈັດຕັ້ງເປັນປະຈຳປີນັບຕັ້ງແຕ່ປີ 1993. ມາຮອດປັດຈຸບັນ, ລາງວັນດັ່ງກ່າວ ໄດ້ກາຍເປັນເຄື່ອງໝາຍການຄ້າທີ່ມີອິດທິພົນ ແລະ ເປັນກຽດທີ່ສຸດໃນໂລກໃນການເຊີດຊູບັນດາຜົນງານອັນພົ້ນເດັ່ນຂອງຂະແໜງການທ່ອງທ່ຽວໃນທຸກຂົງເຂດ. ລາງວັນນີ້ ຍັງຖືວ່າເປັນລາງວັນ Oscar ຂອງການທ່ອງທ່ຽວໂລກ.
ປ່າສະຫງວນແຫ່ງຊາດ ກຸກເຟືອງ ມີເນື້ອທີ່ 22.408 ເຮັກຕາ, ຕັ້ງໃນບໍລິເວນຂອງ 14 ຕາແສງ, 4 ເມືອງຂຶ້ນກັບ 3 ແຂວງຄື: ນິງບິ່ງ, ຮວາບິ່ງ ແລະ ແທງຮວາ. ປ່າສະຫງວນນີ້ມີລັກສະນະເປັນປ່າດົງດິບເຂດຮ້ອນທີ່ມີຄຸນຄ່າທາງດ້ານຊີວະນາໆພັນອັນລ້ຳຄ່າ, ແມ່ນໜຶ່ງໃນສະຖານທີ່ທີ່ມີລັກສະນະຊີວະພາບອັນຫຼາກຫຼາຍສູງຂອງ ຫວຽດນາມ ດ້ວຍສັດ, ພຶກສາສາດທີ່ມີຄ່າຫາຍາກຫຼາຍຊະນິດ ທີ່ມີຊື່ໃນປຶ້ມປົກແດງຂອງ ຫວຽດນາມ. ນອກຈາກຄວາມຫຼາກຫຼາຍຂອງພືດຊະນິດຕ່າງໆແລ້ວ, ເຂດລະບົບສັດຂອງ ກຸກເຟືອງ ຍັງມີຄວາມອຸດົມສົມບູນ ແລະ ເປັນເອກະລັກສະເພາະທີ່ສຸດ.
ຄຽງຂ້າງ ກຸກເຟືອງ, World Travel Awards ໄດ້ເຊີດຊູ ຮ່າຢາງ ເປັນຈຸດໝາຍປາຍທາງວັດທະນະທຳແຖວໜ້າຂອງອາຊີ; ນະຄອນ ໂຮ່ຈິມິນ ແມ່ນຈຸດໝາຍປາຍທາງທ່ອງທ່ຽວດຳເນີນທຸລະກິດແຖວໜ້າຂອງ ອາຊີ; ພະແນກວັດທະນະທຳ, ກິລາ ແລະ ທ່ອງທ່ຽວ ແຂວງ ກວາງນາມ ໄດ້ຮັບນາມມະຍົດໃນໝວດອົງການຄຸ້ມຄອງການທ່ອງທ່ຽວທ້ອງຖິ່ນແຖວໜ້າຂອງອາຊີ 2024; ໂຮ້ຍອານ-ກວາງນາມ ໄດ້ຮັບນາມມະຍົດເປັນຈຸດໝາຍປາຍທາງນະຄອນວັດທະນະທໍາແຖວໜ້າຂອງອາຊີ ເປັນຄັ້ງທີ 5; Vietravel ໄດ້ຮັບ 3 ລາງວັນກ່ຽວກັບການທ່ອງທ່ຽວ ແລະ ການບໍລິຫານ tour.
ລາງວັນການທ່ອງທ່ຽວໂລກ (World Travel Awards) ໄດ້ສ້າງຕັ້ງຂຶ້ນໃນປີ 1993, ເປັນລາງວັນທີ່ມີອິດທິພົນ ທີ່ໄດ້ຮັບການຍອມຮັບໃນທົ່ວໂລກ ແລະ ຖືກຖືວ່າເປັນ "Oscar ຂອງຂະແໜງການທ່ອງທ່ຽວ". ລາງວັນດັ່ງກ່າວ ໄດ້ຈັດຂຶ້ນເປັນປະຈຳປີ ເພື່ອເຊີດຊູບັນດາຈຸດໝາຍປາຍທາງທີ່ດີເດັ່ນ, ບັນດາອົງການຄຸ້ມຄອງການທ່ອງທ່ຽວ, ຜູ້ໃຫ້ບໍລິການທ່ອງທ່ຽວທີ່ມີຄຸນນະພາບ, ລວມມີຫຼາຍປະເພດເຊັ່ນ: ສາຍການບິນ, ໂຮງແຮມ, ເຂດທ່ອງທ່ຽວພັກຕາກອາກາດ, ບໍລິສັດທ່ອງທ່ຽວ, ຈຸດໝາຍປາຍທາງການທ່ອງທ່ຽວ.
 | ຍສໝ - ວັນທີ 25 ກໍລະກົດ, ຊາວໜຸ່ມ, ນັກສຶກສາຫວຽດທີ່ຢູ່ຕ່າງປະເທດໄດ້ມີໂອກາດໄປຮຽນຮູ້ກ່ຽວກັບວັດທະນະທໍາຈໍ່າ, ມໍລະດົກຫໍ, ທາດ ແລະ ວັດທະນະທໍາຊົນເຜົ່າຈໍ່າຢູ່ເຂດພື້ນທີ່ມີລົມຫາດຊາຍ ນິ່ງທ້ວນ ແລະ ບິ່ງທ້ວນ. |
 | 5 ກຸ່ມເປົ້າໝາຍວຽກງານຂອງ 6 ເດືອນທ້າຍປີ 2024 ຍສໝ - ກອງປະຊຸມ ໄດ້ດຳເນີນໃນວັນທີ 16 ກໍລະກົດ, ຢູ່ຮ່າໂນ້ຍ ໂດຍການນຳສະຫະພັນບັນດາອົງການມິດຕະພາບ ຫວຽດນາມ ເປັນປະທານ ພ້ອມກັນກັບອົງການຜູ້ປະຈຳທັງໝົດທີ່ເຂົ້າຮ່ວມ. |
ມີງດຶກ
