ຊາວ​ໜຸ່ມ​ ແລະ ​ນັກ​ສຶກສາ​ຢູ່​ຕ່າງປະ​ເທດ​ ໄປ​ຢ້ຽມຢາມຮ່ອງຮອຍແຫ່ງຊາດພິເສດ ທາດ​ ໂປ ກຣອງ ຢາ ລາຍ ຢູ່​ນະຄອນ ຟານລ່າງ -ທາບຈາມ ແຂວງນິ່ງທ້ວນ (ພາບ: ຕູ່ນຫວຽດ)

ດ້ວຍ​ຈຸດ​ປະ​ສົງຊອກ​ຮູ້​ວັດ​ທະ​ນະ​ທຳ​ທີ່​ຫຼາກ​ຫຼາຍ​ຂອງ​ຫວຽດ​ນາມ, ຊາວ​ໜຸ່ມ ແລະ ນັກ​ສຶກ​ສາ​ຢູ່​ຕ່າງ​ປະ​ເທດ​ໄດ້​ໄປ​ຢ້ຽມ​ຢາມ​ເຂດຮ່ອງຮອຍ​ພິ​ເສດ​ລະດັບ​ຊາດ ທາດ​ ໂປ ກຣອງ ຢາ ລາຍ ຢູ່​ນະຄອນ ຟານລ່າງ -ທາບຈາມ ແຂວງນິ່ງທ້ວນ.

ທາດ​ ໂປ ກຣອງ ຢາ ລາຍ ຕັ້ງຢູ່ເທິງພູເຈົ່າ.​ ໂປ ກຣອງ ຢາ ລາຍ ແມ່ນຊື່ທົ່ວໄປຂອງກຸ່ມຫໍທາດ ເຊິ່ງລວມມີຫໍຫຼັກ, ທາດປະຕູໂຂງ ແລະ ຫໍໄຟ, ສ້າງຂຶ້ນໃນທ້າຍສະຕະວັດທີ 13 - ຕົ້ນສະຕະວັດທີ 14.

ຕາມການບອກເລົ່າສູ່ກັນຟັງວ່າ: ທາດ​ ໂປ ກຣອງ ຢາ ລາຍ ສ້າງຂຶ້ນເພື່ອສະແດງຄວາມຮູ້ບຸນຄຸນ ແລະ ຄວາມເຄົາລົບຕໍ່ພະມະຫາກະສັດ​ ໂປ ກຣອງ ຢາ ລາຍ ແລະ ໄດ້ສ້າງຂຶ້ນໂດຍກະສັດ ສີຫາວາມານ. ຜ່ານ​ເຫດການ​ປະຫວັດສາດ ​ແລະ​ ການເປ່ເພ​ຕາມການ​ເວລາ, ທາດ​ຍັງ​ຄົງ​ຮັກສາ​ບັນດາ​ວັດ​ຖຸບູຮານ ​ແລະ ຄຸນຄ່າ​ພື້ນ​ເມືອງ​ຢ່າງຄົບຖ້ວນ.

ທາດ​ ໂປ ກຣອງ ຢາ ລາຍ, ຄວາມເອກອ້າງທະນົງໃຈຂອງຊາວຈໍ່າ ຢູ່ນີ່ງທ້ວນ. (ພາບ: ຕູ່ນຫວຽດ)

ສະຖານທີ່ແຫ່ງນີ້ ໄດ້ຮັບຖືວ່າເປັນສະຖານທີ່ງົດງາມມະຫັດສະຈັນ ແລະ ເປັນເອກະລັກສະເພາະໃນບັນດາທາດບູຊາຂອງຊາວເຜົ່າຈໍ່າ ທີ່ຍັງເຫຼືອຢູ່ ຫວຽດນາມ, ແມ່ນໜຶ່ງໃນບັນດາຮ່ອງຮອຍປະຫວັດສາດຂອງແຂວງ ນິ່ງທ້ວນ ທີ່ດຶງດູດແຂກທ່ອງທ່ຽວມາທ່ຽວຊົມ ແລະ ຊອກຮູ້ກ່ຽວກັບວັດທະນະທຳທີ່ເປັນເອກະລັກສະເພາະຂອງຊາວຈຳປາ .

ຢູ່​ທີ່​ນີ້, ຊາວ​ໜຸ່ມ ​ແລະ ນັກ​ສຶກສາ​ຢູ່​ຕ່າງປະ​ເທດ​ໄດ້​ຊອກ​ຮູ້​ກ່ຽວ​ກັບ​ໜຶ່ງ​ໃນ​ບັນດາ​ຜົນງານ​ສະຖາປັດຕະຍະກຳ​ທີ່​ເປັນ​ເອກະລັກ​ສະ​ເພາະ, ມີ​ຄຸນຄ່າ​ວັດທະນະທຳ ​ແລະ ປະຫວັດສາດ​ທີ່ເອກອ້າງທະນົງ​ໃຈ​ຂອງ​ຊາວ​ເຜົ່າ​ຈ່ຳ.

ເພື່ອນ ເຈິນດຶກມີ່ງ, ຊາວ​ຫວຽດນາມ ອາ​ໄສ​ຢູ່ ມາ​ເລ​ເຊຍ ຢູ່​ຕ່າງປະ​ເທດ ​ຊອກ​ຮູ້​ວັດທະນະທຳ​ຈຳປາ. (ພາບ: ຕູ່ນຫວຽດ)

ໂດຍແບ່ງປັນກັບໜັງສືພິມໂລກ ແລະ ຫວຽດນາມ, ເພື່ອນ ເຈີ່ນດຶກມິງ, ຊາວຫວຽດນາມ ອາໄສຢູ່ປະເທດມາເລເຊຍ ມີຄວາມມັກຫຼາຍເມື່ອໄດ້ຊອກຮູ້ວັດທະນະທໍາທີ່ເປັນເອກະລັກສະເພາະຂອງຊາວເຜົ່າຈໍ່າ. “ນ້ອງ​ມັກ​ຊອກ​ຮູ້​ວັດ​ທະ​ນະ​ທຳ ​ທີ່​ແຕກ​ຕ່າງ​ກັນ​, ແຕ່​ວັດ​ທະ​ນະ​ທຳ​ຫວຽດ​ນາມ ຍາມ​ໃດ​ກໍ່​ສ້າງ​ຄວາມ​ປະ​ທັບ​ໃຈ​​ໃຫ້​ຂ້າ​ພະ​ເຈົ້າທີ່​ສຸດ. ປະຈຸ​ບັນ ​ຂ້າພະ​ເຈົ້າ​ໄດ້ມາ​ຢູ່​ທີ່​ນີ້, ​ໄດ້​ສຳ​ຜັດ​ບັນດາ​ກ້ອນ​ຫີນ​ທີ່ສ້າງ​​ທາດດ້ວຍມືຕົນເອງ, ​ໄດ້​ຮັບ​ຟັງ​ບັນດາ​ເລື່ອງເລົ່າ ​ແນະນຳ​ວັດທະນະທຳ​ຈຳປາ, ຂ້າພະ​ເຈົ້າ​ໄດ້ມີຄວາມ​ຮູ້​ໃໝ່​ທີ່​ມີ​ປະ​ໂຫຍ​ດ ​ແລະ ໜ້າ​ສົນ​ໃຈ​ກ່ຽວ​ກັບ​ວັດທະນະທຳ​ທີ່​ເປັນ​ເອກະລັກ​ສະ​ເພາະ​ນີ້.

“ນີ້​ແມ່ນ​ຄັ້ງ​ທຳ​ອິດ​ທີ່​ຂ້າພະ​ເຈົ້າ​ໄດ້​ມາຊອກ​ຮູ້​ວັດທະນະທຳ​ຈຳປາ. ເມື່ອກັບ​ຄືນເມືອ​ມາ​ເລ​ເຊຍ, ຂ້າ​ພະ​ເຈົ້າ​ຈະ​ແນະ​ນຳ​ໃຫ້​ໝູ່ເພື່ອນ​ຮູ້​ກ່ຽວ​ກັບທາດ​ໃຫຍ່​ທີ່​ສວຍ​ງາມ​ຂອງ​ຫວຽດ​ນາມ ແລະ ວັດ​ທະ​ນະ​ທຳ​ພິ​ເສດ​ຂອງ​ຊາວ​ເຜົ່າ​ຈ່ຳ”.

ຊາວໜຸ່ມ, ນັກສຶກສາທີ່ອາໄສຢູ່ຕ່າງປະເທດໄດ້ໄປຢ້ຽມຢາມບ້ານ ບ່າວຈຸກ, ເມືອງ ເຟືອກເຊິ່ນ ແລະ ມອບລົດຖີບ 12 ຄັນ, ມູນຄ່າ 20 ລ້ານດົ່ງ, ໃຫ້ແກ່ເດັກນ້ອຍທີ່ມາຈາກບັນດາຄອບຄົວທຸກຍາກ. (ພາບ: ຕູ່ນຫວຽດ)