ກ່າວຄຳເຫັນທີ່ກອງປະຊຸມ, ທ່ານນາງ ເຈີ່ນທິເຟືອງ, ຮອງປະທານສະຫະພັນສະຫະພັນບັນດາອົງການມິດຕະພາບ ຮ່າໂນ້ຍ ໄດ້ເຫັນດີເປັນເອກະພາບບັນດາໜ້າທີ່ສຳຄັນໃນ 6 ເດືອນທ້າຍປີ 2024 ຂອງສະມາຄົມມິດຕະພາບ ຫວຽດນາມ - ກຳປູເຈຍ ຢູ່ ຮ່າໂນ້ຍ.
 |
| ກອງປະຊຸມສະຫຼຸບ 6 ເດືອນຕົ້ນປີ 2024 ຂອງສະມາຄົມມິດຕະພາບ ຫວຽດນາມ - ກໍາປູເຈຍ ຢູ່ຮ່າໂນ້ຍ. (ພາບ: HAUFO) |
ທ່ານນາງໃຫ້ຮູ້ວ່າ ສະມາຄົມມິດຕະພາບ ຫວຽດນາມ - ກຳປູເຈຍ ຢູ່ ຮ່າໂນ້ຍ ແມ່ນໜຶ່ງໃນບັນດາສະມາຄົມທີ່ມີການເຄື່ອນໄຫວຫຼາຍຢ່າງດ້ວຍເນື້ອໃນ, ຮູບແບບທີ່ອຸດົມສົມບູນ, ມີປະສິດທິຜົນຢ່າງແທດຈິງ, ປະກອບສ່ວນເຂົ້າໃນການປະຕິບັດໜ້າທີ່ວຽກງານການທູດຂອງປະຊາຊົນນະຄອນຫຼວງ 6 ເດືອນຕົ້ນ ປີ 2024. ການເຄື່ອນໄຫວຂອງສະມາຄົມແມ່ນມີຄວາມຟົດຟື້ນຫຼາຍ, ແຕ່ຕ້ອງປັບປຸງລະບົບຂໍ້ມູນຂ່າວສານ, ລາຍງານໃຫ້ທັນເວລາຕື່ມອີກ ເພື່ອໃຫ້ຄະນະປະຈຳສະມາຄົມໄດ້ສະຫຼຸບສັງລວມ, ລາຍງານໃຫ້ສະຫະພັນບັນດາອົງການຈັດຕັ້ງມິດຕະພາບ ຮ່າໂນ້ຍ ນຳເຂົ້າໃນບົດລາຍງານວຽກງານການທູດປະຊາຊົນນະຄອນຫຼວງ. ທ່ານນາງຍັງຮຽກຮ້ອງໃຫ້ບັນດາສະມາຄົມສົມທົບກັນຢ່າງແໜ້ນແຟ້ນກ່ວາອີກ ເພື່ອປະກອບສ່ວນສ້າງກຳລັງແຮງ ແລະ ຄວາມສາມັກຄີລວມໃຫ້ກັບສະມາຄົມ.
ທ່ານ ເລວັນຕຸຍ, ຮອງປະທານຜູ້ປະຈຳການສູນກາງສະມາຄົມມິດຕະພາບ ຫວຽດນາມ - ກຳປູເຈຍ ຫວັງວ່າ ສະມາຄົມມິດຕະພາບ ຫວຽດນາມ - ກຳປູເຈຍ ຈະສືບຕໍ່ສົມທົບກັບສູນກາງສະມາຄົມ ແລະ ສະຫະພັນບັນດາອົງການຈັດຕັ້ງມິດຕະພາບ ຮ່າໂນ້ຍ ເພື່ອສຳເລັດບັນດາເປົ້າຫມາຍລວມ ແລະ ສ້າງກິດຈະກໍາທີ່ມີຄວາມຫມາຍ ແລະ ແທດຈິງກວ່າເກົ່າ.
ຕາມບົດລາຍງານທີ່ນຳສະເໜີທີ່ກອງປະຊຸມ, ໃນ 6 ເດືອນຕົ້ນປີ, ສະມາຄົມມິດຕະພາບ ຫວຽດນາມ - ກຳປູເຈຍ ຢູ່ ຮ່າໂນ້ຍ ໄດ້ຈັດຕັ້ງພິທີສະເຫຼີມສະຫຼອງ 45 ປີແຫ່ງວັນໄຊຊະນະສົງຄາມປົກປັກຮັກສາເຂດຊາຍແດນພາກຕາເວັນຕົກສຽງໃຕ້ຂອງປະເທດຊາດ ຮ່ວມກັບທະຫານປະຊາຊົນ ກຳປູເຈຍ ຍາດເອົາຊະນະລະບອບດັບສູນເຊື້ອຊາດ Polpot. ສະມາຄົມກໍ່ປະຕິບັດຫຼາຍກິດຈະກຳສຶກສາມູນເຊື້ອ, ຫຼໍ່ລ້ຽງມິດຕະພາບ... ສະມາຄົມໄດ້ມານະພະຍາຍາມປະຕິບັດບັນດາໜ້າທີ່ຈຸດສຸມ, ໃນນັ້ນ ສຸມໃສ່ຍູ້ແຮງວຽກງານໂຄສະນາເຜີຍແຜ່ ເພື່ອຍົກສູງຄວາມຮັບຮູ້ໃຫ້ແກ່ຖັນແຖວພະນັກງານຄະນະບໍລິຫານງານ, ສາຂາສະມາຄົມ ແລະ ການເຄື່ອນໄຫວການທູດປະຊາຊົນ, ສັນຕິພາບ ແລະ ມິດຕະພາບ... ເອົາໃຈໃສ່ເຖິງການກໍ່ສ້າງ ແລະ ເພີ່ມທະວີການເຄື່ອນໄຫວຂອງສະມາຄົມ, ກິດຈະກຳເບິ່ງແຍງດູແລສະມາຊິກ ແລະ ມີຄວາມໝາຍກັບເພື່ອນຮ່ວມງານ; ຮັກສາ, ເສີມຂະຫຍາຍ ແລະ ພັດທະນາການພົວພັນກັບສະຖານທູດ ກຳປູເຈຍ ປະຈຳ ຫວຽດນາມ; ຕັ້ງໜ້າເຂົ້າຮ່ວມບັນດາການເຄື່ອນໄຫວຂອງສູນກາງສະມາຄົມ ແລະ ສະຫະພັນບັນດາອົງການມິດຕະພາບ ຮ່າໂນ້ຍ ຈັດຕັ້ງ.
ອ.ສະຫວັດ
