| ດານັງ ຈະໜູນຊ່ວຍ, ສ້າງທຸກເງື່ອນໄຂໃຫ້ບັນດາວິສາຫະກິດ ແລະ ນັກລົງທຶນ ຝະລັ່ງ | |
| ຊຸກຍູ້ການໜູນຊ່ວຍການຮຽນຮູ້, ກຳນົດທິດອາຊີບໃຫ້ແກ່ຊາວໜຸ່ມ, ນັກສຶກສາ ຫວຽດນາມ ຢູ່ ສາທາລະນະລັດເຊັກໂກ |
ໂຄງການເຂດ ບ໋າເທຶອກ 2 ໂດຍອົງການ World Vision International (WVI) ອາເມລິກາ - ຫ້ອງການຜູ້ຕາງໜ້າຢູ່ ຫວຽດນາມ ອຸປະຖຳກ່ຽວກັບເປົ້າໝາຍມຸ່ງໄປເຖິງຮັບປະກັນຊີວິດແບບຍືນຍົງໃຫ້ແກ່ເດັກນ້ອຍທຸກຍາກ, ພິເສດແມ່ນເດັກທີ່ຖືກຄວາມສ່ຽງງ່າຍທີ່ສຸດຢູ່ບັນດາຕາແສງຄື: ແທງເລີ່ມ, ໂຄ໋ຫຼູ່ງ, ຫຼູ່ງກ່າວ, ເລືອງຈຸ່ງ ແລະ ເລືອງໂນ້ຍ ຂຶ້ນກັບ ເມືອງ ບ໋າເທຶອກ (ແຂວງ ແທງຮວ໋າ).
ລາຍການນີ້ມີ 4 ໂຄງການ. ໂຄງການສາທາລະນະສຸກ ແລະ ໂພຊະນາການ ດ້ວຍເປົ້າໝາຍຫຼຸດຜ່ອນການຕິດເຊື້ອ ແລະ ພະຍາດຕ່າງໆໃນເດັກອາຍຸຕ່ຳກວ່າ 5 ປີ ລວມມີ: ປັັບປຸງການປະຕິບັດເບິ່ງແຍງດ້ານສຸຂະພາບ ແລະ ໂພຊະນາການໃນເດັກອາຍຸຕ່ຳກວ່າ 5 ປີ ແລະ ແມ່ຍິງຖືພາໃຫ້ດີຂຶ້ນ; ປັບປຸງການປະຕິບັດກ່ຽວກັບນໍ້າສະອາດ, ອະນາໄມສິ່ງແວດລ້ອມ, ອະນາໄມສ່ວນຕົວໃຫ້ດີຂຶ້ນ ເພື່ອປ້ອງກັນການຕິດເຊື້ອ ແລະ ພະຍາດໃນເດັກ; ປັບປຸງສິ່ງແວດລ້ອມຜັນຂະຫຍາຍ ແລະ ປະຕິບັດບັນດານະໂຍບາຍທີ່ກ່ຽວຂ້ອງເຖິງສຸຂະພາບ, ໂພຊະນາການ ແລະ ນ້ຳສະອາດ, ອະນາໄມສິ່ງແວດລ້ອມ ແລະ ອະນາໄມສ່ວນຕົວໃຫ້ດີຂຶ້ນ.
 |
| ໂຄງການເຂດ ບ໋າເທຶອກ 2 ມຸ່ງໄປເຖິງຮັບປະກັນຊີວິດແບບຍືນຍົງໃຫ້ແກ່ເດັກນ້ອຍທຸກຍາກ, ພິເສດແມ່ນເດັກທີ່ຖືກຄວາມສ່ຽງງ່າຍທີ່ສຸດ - (ພາບ: ສະຖານີ PTTT ແທງຮວ໋າ). |
ໂຄງການປົກປ້ອງເດັກ ແລະ ການເຂົ້າຮ່ວມຂອງເດັກ ດ້ວຍເປົ້າໝາຍໃຫ້ເດັກຊາຍ ແລະ ເດັກຍິງ ໄດ້ຮັບການປົກປ້ອງຈາກການຖືກກະທຳ, ການໃຊ້ຄວາມຮຸນແຮງ ແລະ ເຂົ້າຮ່ວມຂະບວນການຕັດສິນໃຈ, ໂດຍສະເພາະ: ເດັກຊາຍ ແລະ ເດັກຍິງ, ພິເສດແມ່ນບັນດາເດັກທີ່ຖືກຄວາມສ່ຽງງ່າຍທີ່ສຸດ ໄດ້ມີກຳລັງຄວາມສາມາດ ແລະ ສຽງເວົ້າໃນການປົກປ້ອງຕົນເອງ ແລະ ໝູ່ເພື່ອນຂອງເຂົາເຈົ້າຈາກການຖືກກະທຳ, ກສຍໃຊ້ຄວາມຮຸນແຮງ; ຊຸມຊົນ, ລວມທັງພໍ່ແມ່ ແລະ ຜູ້ເບິ່ງແຍງ, ສະແດງໃຫ້ເຫັນບັນດາພຶດຕິກໍາທີ່ຮັບປະກັນສະພາບແວດລ້ອມການດູແລ ແລະ ການປົກປ້ອງໃຫ້ເດັກຊາຍ ແລະ ເດັກຍິງທຸກຄົນ, ພິເສດແມ່ນບັນດາເດັກທີ່ຖືກຄວາມສ່ຽງງ່າຍທີ່ສຸດ.
ພ້ອມກັນນັ້ນ, ໂຄງການນີ້ກໍລວມມີ: ບັນດາກົນໄກປົກປ້ອງເດັກທີ່ໄດ້ເພີ່ມທະວີ ເພື່ອຮ່ວມມືໃນການສະໜອງການບໍລິການປົກປ້ອງເດັກທີ່ມີຄຸນນະພາບຢ່າງປະສິດທິຜົນ, ເພື່ອປົກປ້ອງເດັກທີ່ຖືກຄວາມສ່ຽງງ່າຍຕໍ່ທຸກຮູບການຖືກກະທຳ, ການໃຊ້ຄວາມຮຸນແຮງ; ເພີ່ມທະວີຄວາມຮັບຜິດຊອບອະທິບາຍ ແລະ ການປະຕິບັດນະໂຍບາຍປົກປ້ອງເດັກ.
ໂຄງການຫາລ້ຽງຊີບດ້ວຍເປົ້າໝາຍໃຫ້ຄອບຄົວມີລາຍຮັບທີ່ໝັ້ນຄົງປະກອບສ່ວນເຂົ້າໃນການຮັບປະກັນຊີວິດການເປັນຢູ່ຂອງເດັກ, ລະອຽດແມ່ນ: ເພີ່ມທະວີຜະລິດຕະຜົນບັນດາຜະລິດຕະພັນກະສິກຳ ແລະ ປອດກະສິກຳແບບຍືນຍົງ; ປັບປຸງການເຂົ້າເຖິງທ້ອງຕະຫຼາດ ແລະ ຄວາມສາມາດແກ່ງແຍ້ງສໍາລັບຄົວເຮືອນ.
ໂຄງການຊຸມຊົນເຂົ້າຮ່ວມ ແລະ ອຸປະຖຳເດັກດ້ວຍເປົ້າໝາຍໃນການກໍ່ສ້າງຊຸມຊົນທີ່ມີຄວາມເຊື່ອໝັ້ນ ແລະ ເບິ່ງແຍງເດັກຢ່າງບໍ່ຢຸດຢັ້ງໃນບັນດາເຂດໂຄງການ, ລະອຽດ: ຄະນະຄຸ້ມຄອງໂຄງການຂັ້ນເມືອງ, ຕາແສງ, ຄະນະພັດທະນາບ້ານ ແລະ ຊຸມຊົນເລກທີ 3 ສ້າງແຜນງານ, ປະຕິບັດ, ຕິດຕາມ ແລະ ກວດກາຄືນບັນດາການແຊກແຊງ.
ນອກຈາກນັ້ນ, ຄູ່ຮ່ວມງານຂອງຊຸມຊົນ ກໍໄດ້ນໍາໃຊ້ການອຸປະຖຳເດັກເພື່ອດູແລເດັກນ້ອຍ, ນໍາເອົາປະສົບການທີ່ອຸດົມສົມບູນໄປສູ່ຊີວິດຂອງເດັກຊາຍ ແລະ ເດັກຍິງ, ຄອບຄົວ, ຊຸມຊົນ ແລະ ຜູ້ອຸປະຖຳ; ເພີ່ມທະວີຄວາມສາມາດໃນການຕ້ານທານຂອງຊຸມຊົນເພື່ອຮັບມືກັບໄພທຳມະຊາດ ແລະ ການປ່ຽນແປງດິນຟ້າອາກາດ.
ມິງດຶກ
