 | ແນະນຳກາລະໂອກາດການທ່ອງທ່ຽວ ແລະ ການລົງທຶນຢູ່ ຫວຽດນາມ ໃຫ້ປະເທດເພື່ອນມິດ |
| VASEA: ຈະໃຫ້ບຸລິມະສິດບັນດາການເຄື່ອນໄຫວ, ໂຄງການທີ່ ອົດສະຕຣາລີ ແລະ ຫວຽດນາມ ໄດ້ຕົກລົງເປັນເອກະພາບກັນ |
ໂດຍເຂົ້າຮ່ວມເວທີປາໄສມີ ທ່ານ ຫງວຽນດັ່ງຖັງ, ຫົວໜ້າສະຖານກົງສູນໃຫຍ່ ຫວຽດນາມ ປະຈຳລັດ New South Wales, ລັດ Queensland ແລະ ລັດ ອົດສະຕຣາລີ ໃຕ້; ຜູ້ຕາງໜ້າສະພາວິສາຫະກິດ ອົດສະຕຣາລີ - ຫວຽດນາມ; ຜູ້ຕາງໜ້າສະມາຄົມນັກທຸລະກິດ ຫວຽດນາມ ຢູ່ Sydney (VEAS); ພ້ອມກັບຜູ້ຕາງໜ້າຫຼາຍວິສາຫະກິດ, ນັກລົງທຶນ ແລະ ດຳເນີນທຸລະກິດຂອງທັງສອງປະເທດ.
 |
| ເວທີປາໄສເຊື່ອມຕໍ່ການຮ່ວມມືດ້ານການຄ້າ ແລະ ການລົງທຶນລະຫວ່າງແຂວງ ຢາລາຍ ຂອງ ຫວຽດນາມ ກັບລັດ New South Wales ຂອງ ອົດສະຕຣາລີ. (ພາບ: TTXVN) |
ກ່າວຄຳປາໄສທີ່ເຫດການ, ທ່ານ ເຈົ່າຫງອກຕ໋ວນ ໃຫ້ຮູ້ວ່າ ຕາມວາງແຜນຂອງແຂວງ ຢາລາຍ ໄລຍະ 2021-2030, ວິໄສທັດຮອດປີ 2050 ໄດ້ຮັບການອະນຸມັດຈາກນາຍົກລັດຖະມົນຕີ, ແຂວງ ຢາລາຍ ພັດທະນາຢ່າງວ່ອງໄວ, ມີປະສິດທິຜົນ ແລະ ຍືນຍົງ, ຍົກສູງຄຸນນະພາບການເຕີບໂຕ, ມຸ່ງໄປເຖິງເປົ້າໝາຍການເຕີບໂຕສີຂຽວ, ເປັນສູນກາງຂອງເຂດໄຕງວຽນເໜືອ ແລະ ແມ່ນກຳລັງຜັກດັນໃນສາມຫຼ່ຽມພັດທະນາ ຫວຽດນາມ - ລາວ - ກຳປູເຈຍ. ເພື່ອບັນລຸເປົ້າໝາຍດັ່ງກ່າວ, ນອກຈາກແຫຼ່ງທຶນການລົງທຶນ, ການພັດທະນາຂອງລັດຖະບານ ແລະ ແຂວງ ຢາລາຍ ແລ້ວ, ຄະນະການນຳແຂວງ ຍັງໄດ້ກຳນົດແຫຼ່ງທຶນການລົງທຶນຕ່າງປະເທດແມ່ນສຳຄັນ, ປະກອບສ່ວນພັດທະນາເສດຖະກິດຢ່າງວ່ອງໄວ, ມີປະສິດທິຜົນ ແລະ ຍືນຍົງ.
ທ່ານ Harry ເຈີ່ນ, ຜູ້ຕາງໜ້າສະມາຄົມນັກທຸລະກິດ ຫວຽດນາມ ປະຈຳ Sydney (VEAS) ຕີລາຄາວ່າ ນີ້ແມ່ນໂອກາດທີ່ດີເພື່ອໃຫ້ບັນດາວິສາຫະກິດຢູ່ ອົດສະຕຣາລີ ໄດ້ພົບປະໂດຍກົງກັບບັນດາການນຳຂອງແຂວງ ຢາລາຍ, ຮັບຟັງການແບ່ງປັນບັນດາຂໍ້ມູນອັນລ້ຳຄ່າກ່ຽວກັບຄວາມສາມາດບົ່ມຊ້ອນພັດທະນາຂອງແຂວງ. ໃນທິດທາງກົງກັນຂ້າມ, ນີ້ກໍ່ແມ່ນໂອກາດເພື່ອໃຫ້ບັນດາວິສາຫະກິດແຂວງ ຢາລາຍ ໄດ້ຊອກຫາທ່າແຮງຂອງ ອົດສະຕຣາລີ, ພ້ອມກັນນັ້ນ ກໍ່ເຊື່ອມຕໍ່ກັບບັນດາຄູ່ຮ່ວມມືຂອງປະເທດ ທະວີບມະຫາສະໝຸດ ນີ້. ທ່ານຍັງໄດ້ແບ່ງປັນກັບຄະນະຜູ້ແທນກ່ຽວກັບປະສົບການໃນການດຶງດູດນັກລົງທຶນຂອງ ອົດສະຕຣາລີ.
ທີ່ເວທີປາໄສ, ບັນດາຜູ້ແທນໄດ້ຊົມບາງຄລິບແນະນຳກ່ຽວກັບຄວາມສາມາດບົ່ມຊ້ອນພັດທະນາ ແລະ ທ່າແຮງຂອງແຂວງ ຢາລາຍ ກໍ່ຄືບາງວິສາຫະກິດພົ້ນເດັ່ນຂຶ້ນກັບບໍລິເວນແຂວງ. ໃນພາກສ່ວນຖາມ-ຕອບ ແລະ ເຊື່ອມຕໍ່, ບັນດາຜູ້ແທນເຂົ້າຮ່ວມ ກໍ່ໄດ້ສະແດງຄວາມຕື່ນເຕັ້ນ ແລະ ຄວາມສົນໃຈຕໍ່ບັນດາທ່າແຮງຂອງແຂວງ, ພ້ອມກັນນັ້ນ ກໍ່ຫວັງວ່ານີ້ຈະແມ່ນບາດກ້າວທຳອິດທີ່ດີງາມໃຫ້ແກ່ການເຊື່ອມຕໍ່ະຫວ່າງບັນດາວິສາຫະກິດ ແລະ ນັກລົງທຶນລະຫວ່າງ ຫວຽດນາມ - ອົດສະຕຣາລີ ເວົ້າລວມ ແລະ ລະຫວ່າງແຂວງ ຢາລາຍ ກັບລັດ New South Wales ເວົ້າສະເພາະ.
 |
| ທ່ານ Marco Zammarrelli, ປະທານສະພາທຸລະກິດ ອົດສະຕຣາລີ - ຫວຽດນາມ. (ພາບ: TTXVN) |
ຕາມທ່ານ Marco Zammarrelli, ປະທານສະພາທຸລະກິດ ອົດສະຕຣາລີ - ຫວຽດນາມ ແລ້ວ, ມີຫຼາຍການເຄື່ອນໄຫວດ້ານການຄ້າ ແລະ ການລົງທຶນສອງຝ່າຍທີ່ບັນດາວິສາຫະກິດແຂວງ ຢາລາຍ ແລະ ລັດ New South Wales ສາມາດຮ່ວມມື ເຊັ່ນ ການສຶກສາ, ຊັບພະຍາກອນແຮ່ທາດ, ການບໍລິການ ແລະ ກະສິກໍາ. ນອກຈາກນັ້ນ, ທ່ານຍັງໄດ້ຊຸກຍູ້ ແລະ ສົ່ງເສີມໃຫ້ແຂວງ ຢາລາຍ ລົງທຶນເຂົ້າໃນບັນດາຂົງເຂດຕ່າງໆຢູ່ລັດ New South Wales ແລະ ກົງກັນຂ້າມ, ບັນດາວິສາຫະກິດ ອົດສະຕຣາລີ ລົງທຶນເຂົ້າໃນຫຼາຍຂົງເຂດທີ່ໄດ້ຄັດເລືອກເພື່ອຊຸກຍູ້ບັນດາຂະແໜງການອຸດສາຫະກໍາຢູ່ ຢາລາຍ.
ຕາມທ່ານ ຫງວຽນດັ່ງຖັງ ແລ້ວ, ການພົວພັນອັນດີງາມລະຫວ່າງລັດຖະບານ, ບັນດາອົງການອຳນາດການປົກຄອງ, ວິສາຫະກິດ ແລະ ປະຊາຊົນສອງປະເທດ ຫວຽດນາມ - ອົດສະຕຣາລີ ແມ່ນພື້ນຖານເພື່ອຊຸກຍູ້ການຮ່ວມມືດ້ານການຄ້າ, ການລົງທຶນ, ດຳເນີນທຸລະກິດ, ການສຶກສາ, ການທ່ອງທ່ຽວ 2 ຝ່າຍ. ທ່ານ ຢືນຢັນວ່າ ສະຖານກົງສຸນໃຫຍ່ ຫວຽດນາມ ປະຈຳ Sydney ຈະສືບຕໍ່ໜູນຊ່ວຍ, ຮ່ວມເດີນທາງພ້ອມກັບບັນດາທ້ອງຖິ່ນຂອງ ຫວຽດນາມ ເພື່ອຊຸກຍູ້ການທູດເສດຖະກິດ, ເຊື່ອມຕໍ່ບັນດາແຂວງຂອງ ຫວຽດນາມ ກັບບັນດາລັດທີ່ກົງສຸນໃຫຍ່ຮັບຜິດຊອບຄື New South Wales, South Australia ແລະ Queensland.
 | ຍູ້ແຮງການຮ່ວມມື ຫວຽດນາມ - ອົດສະຕຣາລີ ໃນຂົງເຂດກໍ່ສ້າງ ຍສໝ - ກຸ່ມບໍລິສັດ Pistis Group ໄດ້ຈັດຕັ້ງເວທີປາໄສສົ່ງອອກວັດສະດຸກໍ່ສ້າງ ແລະ ຮ່ວມມືໃນຂົງເຂດກໍ່ສ້າງ, ອະສັງຫາລິມະຊັບ ຫວຽດນາມ - ອົດສະຕຣາລີ 2024. |
 | ອົດສະຕຣາລີ ຊຸກຍູ້ການຕ່າງປະເທດວິທະຍາສາດໃນອາຊີ-ປາຊີຟິກ ຍສໝ - ອົດສະຕຣາລີ ເປີດຕົວກອງທຶນການຕ່າງປະເທດວິທະຍາສາດຮອບທຳອິດ ທີ່ມີມູນຄ່າ 40 ລ້ານໂດລາ ອົດສະຕຣາລີ. ຂໍ້ລິເລີ່ມນີ້ ເພື່ອເພີ່ມທະວີກຳລັງແຮງອ່ອນຂອງປະເທດນີ້ໃນອາຊີ-ປາຊີຟິກ. |
ມີງດຶກ
