ວັນທີ 2 ມິຖຸນາ, ຢູ່ນະຄອນ Sydney (ອົດສະຕຣາລີ) ໄດ້ດຳເນີນກອງປະຊຸມໃຫຍ່ປະຈຳປີຄັ້ງທຳອິດຂອງສະມາຄົມປັນຍາຊົນ ແລະ ຊ່ຽວຊານ ຫວຽດນາມ ຢູ່ ອົດສະຕຣາລີ (VASEA). ເຂົ້າຮ່ວມກອງປະຊຸມໃຫຍ່ມີທ່ານ ຫງວຽນດັງຖັງ ກົງສຸນໃຫຍ່ ຫວຽດນາມ ຮັບຜິດຊອບບັນດາລັດ New South Wales, Queensland ແລະ ອົດສະຕຣາລີ ໄຕ້ ພ້ອມກັນກັບສະມາຊິກ VASEA ກວ່າ 120 ທ່ານ ແລະ ແຂກທີ່ເປັນນັກຊ່ຽວຊານ, ນັກວິຊາການ ແລະ ຜູ້ຕາງໜ້າຂອງຫຼາຍອົງການຢູ່ ອົດສະຕຣາລີ ແລະ ຫວຽດນາມ.
 |
| ທ່ານ ຫງວຽນດັງຖັງ ກົງສຸນໃຫຍ່ ຫວຽດນາມ ຮັບຜິດຊອບບັນດາລັດ New South Wales, Queensland ແລະ ອົດສະຕຣາລີ ໄຕ້. (ພາບ: TTXVN) |
ກ່າວຄຳປາໄສທີ່ກອງປະຊຸມໃຫຍ່, ທ່ານສາດສະດາຈານ ຫງຽມດຶກລອງ, ປະທານ VASEA ໃຫ້ຮູ້ວ່າ ນັບແຕ່ເດືອນສິງຫາ 2023 ເປັນຕົ້ນມາ, ສະມາຄົມ ບັນລຸໄດ້ບັນດາຜົນງານເບື້ອງຕົ້ນ. ສະມາຄົມ ໄດ້ເຂົ້າຮ່ວມ, ຈັດຕັ້ງການເຄື່ອນໄຫວຫຼາຍຢ່າງ ເພື່ອຕ້ອນຮັບບັນດາຄະນະຜູ້ແທນຂັ້ນສູງ ຫວຽດນາມ ຍັງໄປ ອົດສະຕຣາລີ. VASEA ຍັງໄດ້ລົງນາມໃນບົດບັນທຶກຊ່ວຍຈຳ (MOU) ກັບສະຖາບັນເຕັກໂນໂລຢີໄປສະນີ ໂທລະຄົມ (ເດືອນສິງຫາ 2023), ກັບມະຫາວິທະຍາໄລສັບພະວິຊາ ຮ່າໂນ້ຍ (ມີນາ 2024).
ນອກຈາກນັ້ນ, VASEA ກໍ່ໄດ້ຈັດຕັ້ງສຳເລັດການສໍາມະນາແບບເຊິ່ງໜ້າ, ອອນໄລໂດຍບໍ່ເສຍຄ່າ ແລະ ບັນດາຫຼັກສູດໄລຍະສັ້ນ ໂດຍກະຊວງການຕ່າງປະເທດ ແລະ ການຄ້າ ອົດສະຕຣາລີ (DFAT) ແລະ ຫຼາຍອົງການຈັດຕັ້ງອື່ນໆທີ່ອຸປະຖຳທັງ ອົດສະຕຣາລີ ແລະ ຫວຽດນາມ ກ່ຽວກັບຫຼາຍຂົງເຂດເຊັ່ນ: ການຫັນເປັນດິຈິຕອນ; ການປ່ຽນແປງຂອງດິນຟ້າອາກາດ; ພັດທະນາການທ່ອງທ່ຽວ, ເສດຖະກິດດີຈີຕອນ; ການຫັນປ່ຽນພະລັງງານ…
ຜູ້ຕາງໜ້າຄະນະບໍລິຫານງານ VASEA ໄດ້ມີການຢ້ຽມຢາມ ແລະ ເຮັດວຽກຢ່າງເປັນທາງການກັບສູນນະວັດຕະກຳ (NIC) ຂຶ້ນກັບກະຊວງແຜນການ ແລະ ການລົງທຶນ ຫວຽດນາມ ໃນເດືອນພຶດສະພາ 2024, ເປີດໂອກາດການຮ່ວມມືຍຸດທະສາດຫຼາຍຢ່າງລະຫວ່າງ VASEA ແລະ NIC ໃນໄລຍະຈະມາເຖິງ.
ລາຍງານແຜນການເຄື່ອນໄຫວໄລຍະ 2024-2025 ແລະ ຊຸມປີຕໍ່ໄປຂອງສະມາຄົມ, ທ່ານສາດສະດາຈານ ຫງຽມດຶກລອງ ໃຫ້ຮູ້ວ່າ ນອກຈາກບັນດາການເຄື່ອນໄຫວປະຈຳປີຂອງ VASEA ເຊັ່ນ ການສຳມະນາປະຈຳເດືອນ, ສະມາຄົມ ຈະຈັດຕັ້ງບັນດາລາຍການຍົກສູງຄວາມຮູ້, ບຳລຸງປະສົບການ ແລະ ໜູນຊ່ວຍຄວາມສາມາດນຳພາໃຫ້ແກ່ສະມາຊິກຊາວໜຸ່ມ.
“VASEA ຈະບຸລິມະສິດບັນດາການເຄື່ອນໄຫວ ແລະ ໂຄງການໃນບັນດາຂົງເຂດສຳຄັນທີ່ ອົດສະຕຣາລີ ແລະ ຫວຽດນາມ ໄດ້ເຫັນດີເປັນເອກະພາບເພື່ອປະກອບສ່ວນຫຼາຍກວ່າອີກໃຫ້ແກ່ການຮ່ວມມືສອງຝ່າຍລະຫວ່າງ 2 ປະເທດ; ພ້ອມກັນນັ້ນ, ກໍ່ສືບຕໍ່ຜັນຂະຫຍາຍບັນດາໂຄງການແລກປ່ຽນວິທະຍາສາດ, ຖ່າຍທອດເຕັກໂນໂລຢີ, ບຳລຸງສ້າງຮັບໃຊ້ບັນດາບັນຫາສຳຄັນຄື: ເສດຖະກິດໝູນວຽນ, ການຮັບມືກັບການປ່ຽນແປງຂອງດິນຟ້າອາກາດ, ພິເສດແມ່ນເຂດທົ່ງພຽງແມ່ນ້ຳຂອງ ແລະ ບັນດາແຂວງອື່ນໆ ທີ່ຍັງຕ້ອງໄດ້ຮັບການໜູນຊ່ວຍຫຼາຍຢ່າງ”, ທ່ານສາດສະດາຈານ ຫງຽມດຶກລອງ ກ່າວ.
ຕາມທ່ານ ຫງວຽນແມ້ງດົງ,ຮອງປະທານຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດແລ້ວ, ລຸ້ນຄົນຊາວຫວຽດນາມ ອາໄສຢູ່ຕ່າງປະເທດມີຫຼາຍສາສະດາຈານ, ນັກຊ່ຽວຊານແຖວໜ້າຂະແໜງການໃນຫລາຍຂົງເຂດ, ໃນນັ້ນ ອົດສະຕຣາລີ ແມ່ນສະຖານທີ່ເຕົ້າໂຮມແຫຼ່ງຊັບພະຍາກອນມະນຸດທີ່ລ້ຳຄ່ານີ້ ເປັນຈຳນວນຫຼວງຫຼາຍ.
 |
| ທ່ານ ຫງວຽນແມ້ງດົງ, ຮອງປະທານຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ ກ່າວຄຳປາໄສແບບອອນໄລ ທີ່ກອງປະຊຸມໃຫຍ່. (ພາບ: TTXVN) |
ທ່ານ ຫງວຽນແມ້ງດົງ ໄດ້ຕີລາຄາສູງບັນດາການເຄື່ອນໄຫວທີ່ແທດຈິງຂອງ VASEA ເຊິ່ງປະກອບສ່ວນຊຸກຍູ້ການຮ່ວມມືລະຫວ່າງ 2 ປະເທດ. ຄະນະບໍລິຫານງານຂອງສະມາຄົມ, ເຖິງວ່າຫຍຸ້ງກັບວຽກງານຄົ້ນຄວ້າ ແລະ ການສອນ, ແຕ່ຍັງໄດ້ໃຊ້ເວລາ ແລະ ກະຕືລືລົ້ນໃຫ້ການເຄື່ອນໄຫວມຸ່ງເຖິງບ້ານເກີດເມືອງນອນ. ການປະກອບສ່ວນຂອງຄະນະນັກຊ່ຽວຊານປັນຍາຊົນ ແລະ ນັກທຸລະກິດຫວຽດນາມ ຢູ່ຕ່າງປະເທດ ແມ່ນມີຄວາມສຳຄັນ ແລະ ມີຄວາມຈຳເປັນຫຼາຍສຳລັບ ຫວຽດນາມ ແລະ ສາກົນ, ພິເສດແມ່ນໃນສະພາບການວິທະຍາສາດເຕັກໂນໂລຢີ, ນະວັດຕະກຳ, ການຫັນປ່ຽນດີຈີຕອນ ແລະ ການຫັນປ່ຽນສີຂຽວພວມພັດທະນາຢ່າງເຂັ້ມແຂງ.
ທ່ານຮອງເອກອັກຄະລັດຖະທູດ ຫວຽດນາມ ປະຈຳ ອົດສະຕຣາລີ ຫງຽມຊວນຮວ່າ ຢືນຢັນວ່າ ກະຊວງການຕ່າງປະເທດ, ສະຖານທູດ ແລະ ບັນດາອົງການການຕ່າງປະເທດຂອງ ຫວຽດນາມ ປະຈຳ ອົດສະຕຣາລີ ມີຄວາມສົນໃຈຫຼາຍ ແລະ ໃຫ້ຄຳໝັ້ນສັນຍາຍາມໃດກໍ່ຈະຮວມເດີນທາງພ້ອມກັບບັນດາອົງການປັນຍາຊົນຄື VASEA, ສົມທົບ, ໜຸນຊ່ວຍໃຫ້ການເຄື່ອນໄຫວ ແລະ ການພັດທະນາຂອງ VASEA ຕາມຄະຕິ, ເປົ້າໝາຍທີ່ໄດ້ວາງໄວ້ ແລະ ບັນລຸໄດ້ຜົນງານຢ່າງແທດຈິງ, ລະອຽດ.
 | ລັດຖະບານ ໄດ້ຕົກລົງຈະຊື້ໄຟຟ້າຈາກໂຄງການ ເຈື່ອງເຊີນ ຢູ່ລາວ ຍສໝ - ກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ຮັບຮອງເອົາແຜນນະໂຍບາຍຊື້ໄຟຟ້າຈາກໂຄງການໄຟຟ້າແຮງລົມ ເຈື່ອງເຊີນ (ລາວ) ແລະ ລົງທຶນຕາໜ່າງເພື່ອເຊື່ອມຕໍ່ກັບ ຫວຽດນາມ. |
 | ນຳການເຄື່ອນໄຫວຂອງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໃຫ້ມີປະສິດທິຜົນ ແລະ ມີຄຸນນະພາບກ່ວາອີກ ຍສໝ - ວັນທີ 17 ເມສາ, ຢູ່ແຂວງ ດົ່ງນາຍ ໄດ້ດຳເນີນກອງປະຊຸມໃຫຍ່ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ຄັ້ງທີ 2. ຢູ່ທີ່ນີ້, ປະທານສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ອາຍຸການ 2024 – ... |
ມິງດຶກ
