 | ສື່ມວນຊົນ, ເຜີຍແພ່ແນະນຳການທ່ອງທ່ຽວຫວຽດນາມ ເພື່ອດຶງດູດນັກທ່ອງທ່ຽວສາກົນ |
| ຫວຽດນາມ ແລະ ລາວ ມີຄວາມສາມາດບົ່ມຊ້ອນອັນໃຫຍ່ຫຼວງໃນການຮ່ວມມືດ້ານການທ່ອງທ່ຽວ |
ກວາງບິ່ງ ໂຄສະນາກາລະໂອກາດລົງທຶນດ້ານການທ່ອງທ່ຽວທີ່ດຶງດູດໃຈກັບບັນດານັກລົງທຶນ ຝລັ່ງ ແລະ ແບນຊິກ
ແຕ່ວັນທີ 13-14 ມິຖຸນາ, ຄະນະກຳມະການປະຊາຊົນແຂວງ ກວາງບິ່ງ ໄດ້ຈັດເຫດການ “ກວາງບິ່ງ: ຄວາມງາມບົ່ມຊ້ອນ ແລະ ກາລະໂອກາດລົງທຶນທີ່ເປັນໜ້າສົນໃຈ”, ກອງປະຊຸມສົ່ງເສີມການລົງທຶນ ແລະ ການທ່ອງທ່ຽວແຂວງ ກວາງບິ່ງ ຢູ່ ຝລັ່ງ ແລະ ແບນຊິກ.
ນີ້ແມ່ນບັນດາການເຄື່ອນໄຫວທີ່ເປັນຂີດໝາຍບາດລ້ຽວສຳຄັນຂອງແຂວງ ກວາງບິ່ງ ໃນຄວາມມານະພະຍາຍາມໃນການໂຄສະນາການທ່ອງທ່ຽວ ແລະ ດຶງດູດການລົງທຶນເຂົ້າທ້ອງຕະຫຼາດ ເອີລົບ.
 |
| ຄະນະຜູ້ແທນແຂວງ ກວາງບິ່ງ ສົ່ງເສີມການລົງທຶນ ແລະ ໂຄສະນາການທ່ອງທ່ຽວຢູ່ ຝລັ່ງ. |
ຈຸດພົ້ນເດັ່ນຂອງບັນດາເຫດການແມ່ນກອງປະຊຸມສຳມະນາບັນຫາສະເພາະ, ບ່ອນທີ່ບັນດານັກຊ່ຽວຊານການທ່ອງທ່ຽວໄດ້ແບ່ງປັນກ່ຽວກັບຄວາມສາມາດພັດທະນາການທ່ອງທ່ຽວຂອງແຂວງ ກວາງບິ່ງ, ທ່າໄດ້ປຽບໃນການແກ່ງແຍ້ງ ແລະ ກາລະໂອກາດລົງທຶນທີ່ດຶງດູດໃຫ້ບັນດານັກລົງທຶນຈາກ ແບນຊິກ.
ເຫດການດັ່ງກ່າວຍັງມີເຂດວາງສະແດງການທ່ອງທ່ຽວ ກວາງບິ່ງ, ຊ່ວຍໃຫ້ນັກທ່ອງທ່ຽວໄດ້ຄົ້ນພົບບັນດາຮູບພາບ, ວິດີໂອ ແລະ ເອກະສານກ່ຽວກັບບັນດາຈຸດປາຍທາງທີ່ດຶງດູດໃຈຂອງແຂວງ. ນັກທ່ອງທ່ຽວຍັງມີໂອກາດໄດ້ສຳຜັດກັບເຕັກໂນໂລຊີ virtual reality VR 360°, ໂດຍຜ່ານນັ້ນ ຄືໄດ້ເດີນທາງໄປສູ່ທັດສະນີຍະພາບທີ່ມີຊື່ສຽງຂອງ ກວາງບິ່ງ.
ນອກຈາກນັ້ນ, ບັນດາວິສາຫະກິດການທ່ອງທ່ຽວ ກວາງບິ່ງ ຍັງມີໂອກາດໄດ້ພົບປະ ແລະ ແລກປ່ຽນໂດຍກົງກັບບັນດານັກລົງທຶນ ແບນຊິກ, ເປີດກ້ວາງທ່າແຮງບົ່ມຊ້ອນໃໝ່ໃຫ້ແກ່ການຮ່ວມມືໃນຂະແໜງການທ່ອງທ່ຽວ ແລະ ບັນດາຂະແໜງການເສດຖະກິດອື່ນໆ.
ນະຄອນ ເຫ້ວ ແລະ ນະຄອນ Cergy (ຝລັ່ງ) ເປີດກວ້າງການຮ່ວມມື
ໃນຂອບເຂດການຮ່ວມມືແຮກສ່ຽວລະຫວ່າງນະຄອນ ເຫ້ວ ແລະ ນະຄອນ Cergy (ຝລັ່ງ), ແຕ່ວັນທີ 7 – 13 ມີຖຸນາ, ຄະນະຜູ້ແທນນະຄອນ Cergy ລວມມີ 10 ທ່ານ ນຳໂດຍທ່ານ Moussa Diarra – ຮອງເຈົ້າຄອງນະຄອນຮັບຜິດຊອບການຮ່ວມມືສາກົນ ພ້ອມດ້ວຍຜູ້ຕາງໜ້າບັນດານັກສິລະປະກອນ, ບັນດານັກສິລະປິນ, ຜູ້ຕາງໜ້າບັນດາສະມາຄົມວັດທະນະທຳ - ສັງຄົມ ໄດ້ມາຢ້ຽມຢາມ ແລະ ເຮັດວຽກກັບ ນະຄອນ ເຫ້ວ ພ້ອມທັງເຂົ້າຮ່ວມບັນດາການເຄື່ອນໄຫວຂອງສັບປະດາ Festival ສິລະປະສາກົນ ເຫ້ວ ປີ 2024.
ເນື່ອງໃນໂອກາດນີ້, ການນຳຂອງສອງນະຄອນໄດ້ເຂົ້າຮ່ວມ, ເປັນສັກຂີພິຍານ ແລະ ຕັດແຖບຜ້າເປີດການເຄື່ອນໄຫວພົບປະແລກປ່ຽນວັດທະນະທຳ-ສິລະປະລະຫວ່າງ 2 ນະຄອນ ດ້ວຍຫົວຂໍ້ “ຈາກມູນເຊື້ອເຖິງຄວາມທັນສະໄໝ”, ໄດ້ເຂົ້າຮ່ວມງານວາງສະແດງຮູບພາບ ເຫ້ວ - Cergy ແລະ ການວາງສະແດງສາຍວິດີໂອແນະນຳນະຄອນ Cergy ສູ່ປະຊາຊົນນະຄອນ ເຫ້ວ ແລະ ນັກທ່ອງທ່ຽວເຂົ້າຮ່ວມ Festival ເຫ້ວ ໃນວັນທີ 9 ມິຖຸນາ ຢູ່ຫໍວັດທະນະທຳເລກ 23 – 25 ຖະໜົນ ເລເລີຍ, ນະຄອນ ເຫ້ວ.
 |
| ການເຄື່ອນໄຫວພົວພັນແລກປ່ຽນວັດທະນະທຳ-ສິລະປະລະຫວ່າງສອງນະຄອນດ້ວຍຫົວຂໍ້ “ຈາກມູນເຊື້ອເຖິງຄວາມທັນສະໄໝ”. |
2 ນະຄອນຍັງໄດ້ສົມທົບກັນຈັດຕັ້ງການແນະນຳຊຸດສະສົມມີດ ຂອງນັກສິລະປິນ Denis Lagarde ແລະ ກອງປະຊຸມແບ່ງປັນປະສົບການກ່ຽວກັບການຟື້ນຟູເຄື່ອງປັ້ນດິນເຜົາໂດຍສິລະປິນ Saenko Manon - ປະທານສະມາຄົມອາຊີບຫັດຖະກໍາ Vauréal ແລະ ອາຊີບເຄື່ອງປັ້ນດິນເຜົາ ເປັນປະທານ.
ໂດຍຜ່ານກອງປະຊຸມ, ບັນດາຜູ້ແທນທີ່ເຂົ້າຮ່ວມໄດ້ຍົກອອກຄຳຄິດຄຳເຫັນກ່ຽວກັບການຮ່ວມມືດ້ານການຝຶກອົບຮົມ ແລະ ບຳລຸງສ້າງບັນດານັກຊ່ຽວຊານ, ນັກສຶກສາວິຊາສະເພາະດ້ານບູຮານຄະດີ, ຈຳລອງແບບມໍລະດົກ ແລະ ສິລະປະ... ກໍ່ໄດ້ຮັບການຍົກຂຶ້ນຈາກບັນດາຜູ້ແທນທີ່ເຂົ້ສຮ່ວມງານ, ພ້ອມທັງໄດ້ຮັບຄວາມສະໜັບສະໜູນຂອງນັກຊ່ຽວຊານ ແລະ ການນຳສອງນະຄອນ.
ໃນໄລຍະຢ້ຽມຢາມ ແລະ ເຮັດວຽກຢູ່ ເຫ້ວ, ຄະນະຜູ້ແທນໄດ້ໄປຢ້ຽມຢາມຫໍພິພິທະພັນເອກະຊົນຂອງທ່ານນາງ Cécile Le Pham, ຢ້ຽມຢາມໝູ່ບ້ານເຄື່ອງປັ້ນດິນເຜົາບູຮານ ເພືອກຕິກ ແລະ ລົງຕົວຈິງບັນດາອາຊີບຫັດຖະກຳພື້ນເມືອງຄື: ໝູ່ບ້ານຖັກສານເສື່ອຫຍ້າ ຟໍເຈກ, ບັນດາເຂດປູກດອກບົວ ເພື່ອຮັບໃຊ້ການທ່ອງທ່ຽວ ແລະ ພັດທະນາອາຊີບຫັດຖະກຳ ແລະ ສົມທົບກັບວິທະຍາໄລການທ່ອງທ່ຽວ ເຫ້ວ ກ່ຽວກັບຄວາມອາດສາມາດຂອງການຮ່ວມມືໃນການຝຶກອົບຮົມຄູອາຈານ ແລະ ນັກສຶກສາໃນຂະແໜງການທ່ອງທ່ຽວ.
ໂຄສະນາການທ່ອງທ່ຽວຢູ່ ຮົ່ງກົງ (ຈີນ)
ດ້ວຍຄວາມປາດຖະໜາຢາກຂະຫຍາຍແຫຼ່ງນັກທ່ອງທ່ຽວ ຮົ່ງກົງ ແລະ ສາກົນທີ່ມີຄວາມສາມາດບົ່ມຊ້ອນ, ບັນດາວິສາຫະກິດ ຫວຽດນາມ ໃນຂະແໜງການທ່ອງທ່ຽວ ແລະ ໂຮງແຮມ ໄດ້ເຂົ້າຮ່ວມງານຕະຫຼາດນັດການທ່ອງທ່ຽວສາກົນ ຮົ່ງກົງ ຄັ້ງທີ 38 (ITE-2024) ເຊິ່ງໄດ້ດຳເນີນໄປແຕ່ວັນທີ 13-16 ມີຖຸນາ.
ບັນດາວິສາຫະກິດ ຫວຽດນາມ ໄດ້ສົມທົບກັນໂຄສະນາທິວທັດທຳມະຊາດທີ່ສວຍງາມ, ໃນນັ້ນມີບັນດາຈຸດປາຍທາງແຖວໜ້າຫຼາຍແຫ່ງຄື: ຮ່າໂນ້ຍ, ຝູກວັ໋ກ, ດານັງ, ໂຮ້ຍອານ ກໍ່ຄືບັນດາແຫ່ງອາຫານການກິນຂອງ ຫວຽດນາມ… ໃຫ້ແກ່ນັກທ່ອງທ່ຽວ ແລະ ຜູ້ຕາງໜ້າຂະແໜງການ.
 |
| ພື້ນທີ່ຮ້ານວາງສະແດງຂອງບໍລິສັດການບິນ ຫວຽດນາມ ຢູ່ງານຕະຫຼາດນັດ. |
ນາງ Koko Ko -ຊາວ ຮົ່ງກົງ ແບ່ງປັນວ່າ ເມື່ອມາຢ້ຽມຢາມງານຕະຫຼາດນັດການທ່ອງທ່ຽວໃນຄັ້ງນີ້ ນາງໄດ້ມີຂໍ້ມູນຫຼາຍຢ່າງກ່ຽວກັບນະໂຍບາຍ e-visa, ສະຖານທີ່ທ່ອງທ່ຽວ, ອາຫານ ຫວຽດນາມ ກໍ່ຄືວິທີເດີນທາງດ້ວຍຍົນ.
ບັນດາປຶ້ມຄູ່ມືການທ່ອງທ່ຽວທີ່ໄດ້ແຈກຢາຍຢູ່ໃນງານຕະຫຼາດນັດແມ່ນເປັນປະໂຫຍດຢ່າງແທ້ຈິງສໍາລັບນັກທ່ອງທ່ຽວ. ບັນດາຫົວໜ່ວຍເຂົ້າຮ່ວມງານ ໄດ້ນຳເອົາບັນດາຜະລິດຕະພັນການທ່ອງທ່ຽວຫຼ້າສຸດເພື່ອແນໃສ່ໂຄສະນາບັນດາທ່າໄດ້ປຽບທ້ອງຖິ່ນເຊັ່ນ: ການທ່ອງທ່ຽວແບບຍືນຍົງ, ການທ່ອງທ່ຽວຄົ້ນຄ້ວາ, ການທ່ອງທ່ຽວນ້ຳແຂງ - ຫິມະ...
 | ຊຸກຍູ້ການແລກປ່ຽນວັດທະນະທຳ ຈີນ-ຫວຽດນາມ ໂດຍຜ່ານການຮ່ວມມື, ການພົບປະແລກປ່ຽນການທ່ອງທ່ຽວ ຍສໝ - ວັນທີ 21 ພຶດສະພາ, ຢູ່ຮ່າໂນ້ຍ ໄດ້ດຳເນີນ “ການສຳມະນາວັດທະນະທຳ: ຊາ ແລະ ໂລກ” ແລະ ການສຳມະນາສົ່ງເສີມວັດທະນະທຳການທ່ອງທ່ຽວ ກວາງຊີ (ຈີນ). ເຫດການຄັ້ງນີ້ ໂດຍສູນວັດທະນະທຳ ຈີນ ປະຈຳ ຮ່າໂນ້ຍ ພ້ອມກັນກັບພະແນກວັດທະນະທຳ ແລະ ທ່ອງທ່ຽວ ກວາງຊີ ຈັດຕັ້ງ. |
 | ງານບຸນໝາກໄມ້ພາກໃຕ້ 2024: ຜະລິດຕະພັນທ່ອງທ່ຽວທີ່ເປັນເອກະລັກສະເພາະ, ແຜ່ກະຈາຍຮູບພາບການທ່ອງທ່ຽວຫວຽດນາມ ອອກສູ່ສາກົນ ຍສໝ - ຕອນເຊົ້າວັນທີ 21 ພຶດສະພາ, ຢູ່ນະຄອນ ໂຮ່ຈີມິນ, ເຂດທ່ອງທ່ຽວວັດທະນະທຳ ສ໋ວຍຕ່ຽນ ແລະ ສະຫະພັນບັນດາອົງການມິດຕະພາບນະຄອນ ໂຮ່ຈີມິນ ໄດ້ຈັດຕັ້ງກອງປະຊຸມຂ່າວແຈ້ງກ່ຽວກັບງານບຸນໝາກໄມ້ພາກໃຕ້ ຄັ້ງທີ 20 - ສ໋ວຍຕ່ຽນ Farm Festival 2024. |
ມິງດຶກ
