ເຂົ້າຮ່ວມມີທ່ານເອກອັກຄະລັດຖະທູດຜູ້ມີອຳນາດເຕັມ ຍີ່ປຸ່ນ ປະຈໍາ ຫວຽດນາມ Ito Naoki.
ກ່າວຄຳປາໄສທີ່ການພົບປະ, ທ່ານ Takebe Tsutomu ໄດ້ສົ່ງຄຳແບ່ງເບົາຄວາມເສົ້າສະຫຼົດໃຈຢ່າງສຸດຊຶ້ງເຖິງພັກ, ລັດ ແລະ ປະຊາຊົນ ຫວຽດນາມ ກ່ຽວກັບການມໍລະນະກໍາຂອງທ່ານເລຂາທິການໃຫຍ່ ຫງວຽນຟູ໋ຈ້ອງ. ທ່ານໃຫ້ຮູ້ວ່າ ພາຍໃຕ້ການຊີ້ນຳຂອງທ່ານເລຂາທິການໃຫຍ່ ຫງວຽນຟູ໋ຈ້ອງ, ຫວຽດນາມ ໄດ້ມີທີ່ຕັ້ງການພົວພັນ 2 ຝ່າຍກັບ ຍີ່ປຸ່ນ ແມ່ນຄູ່ຮ່ວມມືຍຸດທະສາດຮອບດ້ານ.
 |
| ສະຫະພັນບັນດາອົງການມິດຕະພາບຫວຽດນາມ ໄດ້ຕ້ອນຮັບທ່ານ Takebe Tsutomu, ທີ່ປຶກສາພິເສດສະຫະພັນລັດຖະສະພາມິດຕະພາບ ຍີ່ປຸ່ນ - ຫວຽດນາມ ແລະ ຄະນະປະຕິບັດງານ ຍີ່ປຸ່ນ. (ພາບ: Dinh Hoa) |
ຕາມທ່ານ Takebe ແລ້ວ, ໃນການຢ້ຽມຢາມ ຫວຽດນາມ ຄັ້ງນີ້, ທ່ານໄດ້ເຂົ້າຮ່ວມພິທີມອບໃບປະກາດຈົບຊັ້ນໃຫ້ບັນດານັກສຶກສາມະຫາວິທະຍາໄລ ຫວຽດນາມ - ຍີ່ປຸ່ນ, ເຊິ່ງແມ່ນໂຮງຮຽນທີ່ຕົນເປັນສະມາຊິກຕັ້ງໜ້າໃນລິເລີ່ມແນວຄິດສ້າງຕັ້ງ. ຕາມວິໄສທັດທີ່ໂຮງຮຽນໄດ້ກຳນົດໄວ້, ໃນອະນາຄົດ, ມະຫາວິທະຍາໄລ ຫວຽດນາມ - ຍີ່ປຸ່ນ ຈະກາຍເປັນມະຫາວິທະຍາໄລທີ່ກຳນົດທິດການຄົ້ນຄ້ວາ, ນະວັດຕະກຳທີ່ມີຊື່ສຽງແຖວໜ້າຢູ່ອາຊີ, ບັນລຸໄດ້ທີ່ຕັ້ງອັນດັບໜຶ່ງໃນຂົງເຂດຄົ້ນຄວ້າວິທະຍາສາດແບບຍືນຍົງ. ໂຮງຮຽນ ຍັງຈະຝຶກອົບຮົມແຫຼ່ງຊັບພະຍາກອນມະນຸດທົ່ວໂລກດ້ວຍຄວາມສາມາດປະຕິບັດຕົວຈິງ ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມ, ມີການສົມທົບກັບທ່າແຮງຂອງທັງຍີ່ປຸ່ນ ແລະ ຫວຽດນາມ, ຮັບໃຊ້ໃຫ້ການພັດທະນາຂອງສອງປະເທດ.
ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ສະແດງຄວາມຂອບອົກຂອບໃຈທ່ານ Takebe Tsutomu ທີ່ໄດ້ສະແດງຄວາມເສົ້າສະຫຼົດໃຈຕໍ່ການຈາກໄປຂອງທ່ານເລຂາທິການໃຫຍ່ ຫງວຽນຟູ໋ຈ້ອງ. ກ່ຽວກັບຂໍ້ສະເໜີຂອງທ່ານ Takebe, ທ່ານ ຟານແອງເຊີນ ໃຫ້ຮູ້ວ່າ ສະຫະພັນບັນດາອົງການມິດຕະພາບ ຫວຽດນາມ ພ້ອມແລ້ວທີ່ຈະສົມທົບກັບທ່ານ ແລະ ຜູ້ຮ່ວມງານ, ສະຖານທູດ ຍີ່ປຸ່ນ ປະຈຳ ຫວຽດນາມ ແລະ ມະຫາວິທະຍາໄລ ຫວຽດນາມ-ຍີ່ປຸ່ນ ຈັດຕັ້ງບັນດາການເຄື່ອນໄຫວສະເຫຼີມສະຫຼອງຄົບຮອບ 10 ປີແຫ່ງວັນສ້າງຕັ້ງໂຮງຮຽນ ຢ່າງສຳເລັດຜົນ.
ໂດຍຕີລາຄາສູງບັນດາການປະກອບສ່ວນສຳຄັນຂອງທ່ານ Takebe ໃນການຊຸກຍູ້ການພົວພັນມິດຕະພາບຫວຽດນາມ - ຍີ່ປຸ່ນ, ພິເສດແມ່ນບົນຊ່ອງທາງປະຊາຊົນ, ທ່ານ ຟານແອງເຊີນ ຫວັງວ່າ ໃນໄລຍະຈະມາເຖິງ, ຈະສືບຕໍ່ປຶກສາຫາລືກັບທ່ານ Takebe ແລະ ສະຖານທູດຍີ່ປຸ່ນ ປະຈຳ ຫວຽດນາມ ເພື່ອເພີ່ມທະວີການຮ່ວມມືລະຫວ່າງບັນດາອົງການຈັດຕັ້ງປະຊາຊົນຫວຽດນາມ ແລະ ຍີ່ປຸ່ນ, ລະຫວ່າງສະຫະພັນບັນດາອົງການມິດຕະພາບ ຫວຽດນາມ, ສະມາຄົມມິດຕະພາບ ຫວຽດນາມ - ຍີ່ປຸ່ນ ກັບບັນດາອົງການຂອງປະເທດເພື່ອນ.
ທ່ານ ຟານແອງເຊີນ ກໍ່ປາດຖະໜາວ່າ ທ່ານ Takebe ແລະ ບັນດາຜູ້ຮ່ວມງານ ຈະແບ່ງປັນກັບຊາວ ຫວຽດນາມ ກ່ວາອີກກ່ຽວກັບເສັ້ນທາງພັດທະນາຂອງ ຍີ່ປຸ່ນ, ປະສົບການຂອງບັນດາມະຫາວິທະຍາໄລ, ວິສາຫະກິດ, ສະຖາບັນຄົ້ນຄວ້າ...ຜ່ານນັ້ນ, ກໍ່ສ້າງການຕິດພັນຢ່າງແໜ້ນແຟ້ນກວ່າໃນການພົວພັນລະຫວ່າງປະຊາຊົນສອງປະເທດ.
ມີງດຶກ
