ໃນຊຸມປີມໍ່ໆມານີ້, ຫຼາຍກິດຈະກຳ, ໂຄງການໜູນຊ່ວຍຂອງ ຫວຽດນາມ ສຳລັບ ລາວ ໃນການພັດທະນາກະສິກຳແບບຍືນຍົງຢູ່ຫຼາຍເຂດທີ່ປະສົບກັບຄວາມຫຍຸ້ງຍາກ, ເຂດຫ່າງໄກສອກຫຼີກຂອງລາວ ໄດ້ນຳມາເຊິ່ງປະສິດທິຜົນຢ່າງແທດຈິງ, ສ້າງວຽກເຮັດງານທຳເພີ່ມຂຶ້ນ, ເພີ່ມລາຍຮັບ ແລະ ຊ່ວຍເຫຼືອປະຊາຊົນລາວ ລົບລ້າງຄວາມອຶດຫິວ ຄວາມທຸກຍາກ, ປັບປຸງຊີວິດການເປັນຢູ່, ຮັບປະກັນຊີວິດສັງຄົມ.
ໂດຍໄດ້ຮັບການສະໜັບສະໜູນຈາກລັດຖະບານ ຫວຽດນາມ, ໂຄງການກໍ່ສ້າງລະບົບຊົນລະປະທານ 04 ແຫ່ງຢູ່ເມືອງອານຸວົງ ແລະ ເມືອງທ່າໂທມ ແຂວງໄຊສົມບູນ ໄດ້ຜັນຂະຫຍາຍແຕ່ທ້າຍປີ 2022 ດ້ວຍຍອດຈຳນວນເງິນລົງທຶນກວ່າ 159 ຕື້ດົ່ງ. ມາຮອດປະຈຸບັນ, ໂຄງການດັ່ງກ່າວ ໄດ້ສ້າງສຳເລັດແລ້ວ, ຮັບປະກັນສະມັດຕະພາບໃນການນຳໃຊ້ຢ່າງເປັນປົກກະຕິ, ເພື່ອຊ່ວຍໃຫ້ປະຊາຊົນ ດຳເນີນການຜະລິດກະສິກຳທີ່ບັນລຸສະມັດຕະພາບ ແລະ ຄຸນນະພາບສູງ, ປະກອບສ່ວນຍົກສຸງຊີວິດການເປັນຢູ່ຂອງປະຊາຊົນທ້ອງຖິ່ນ.
 |
| Nhà Quốc hội Lào - công trình của Việt Nam. (:qdnd) ຫໍສະພາແຫ່ງຊາດລາວ - ກິດຈະກຳຂອງ ຫວຽດນາມ (ພາຍ:qdnd) |
ກ່າວຄຳປາໄສທີ່ພິທີມອບ-ຮັບກິຈະກຳເມື່ອບໍ່ດົນມານີ້, ທ່ານ ພອຍຄຳ ຮຸ່ງບຸນຍວງ, ເຈົ້າແຂວງໄຊສົມບູນ ໃຫ້ຮູ້ວ່າ "ໂຄງການນີ້ເມື່ອນຳເຂົ້າໃນການເຄື່ອນໄຫວ ຈະຮັບໃຊ້ໃນຂົງເຂດຜະລິດກະສິກຳຂອງແຂວງ, ສ້າງເງື່ອນໄຂຊຸກຍູ້ການຜະລິດສິນຄ້າ ເພື່ອຫລຸດຜ່ອນຄວາມອຶດຫີວ, ຄວາມທຸກຍາກ ສໍາລັບປະຊາຊົນທ້ອງຖິ່ນ".
ໂດຍມີຄວາມພາກພູມໃຈທີ່ໂຄງການດັ່ງກ່າວ ພວມໄດ້ຜັນຂະຫຍາຍ, ທ່ານ ອຸທອນຖະຫວິນ ວໍລະຈັກ, ຮອງເຈົ້າເມືອງ ໜອງບົກ ກ່າວວ່າ "ນີ້ກໍ່ແມ່ນຄວາມມຸ່ງຫວັງຂອງປະຊາຊົນໃນຫຼາຍປີ ເພາະພວກຂາ້ພະເຈົ້າບໍ່ມີເງື່ອນໄຂໃນການຜັນຂະຫຍາຍຢ່າງພຽງພໍ. ໂຄງການຈະປະກອບສ່ວນເພີ່ມພູນຄູນສ້າງການພົວພັນມິດຕະພາບແບບພິເສດລະຫວ່າງລາວ - ຫວຽດນາມ”.
 |
| ທ່ານ ອຸທອນຖະຫວິນ ວໍລະຈັກ, ຮອງເຈົ້າເມືອງ ໜອງບົກ. (ພາຍ:vov) |
ນອກຈາກບັນດາໂຄງການໜູນຊ່ວຍບັນດາທ້ອງຖິ່ນຂອງລາວ ກໍ່ສ້າງພື້ນຖານໂຄງລ່າງການຜະລິດກະສິກຳແລ້ວ, ມີວິສາຫະກິດ, ບໍລິສັດຂອງ ຫວຽດນາມ ຫຼາຍແຫ່ງ ທີ່ພວມດຳເນີນທຸລະກິດຢູ່ບາງແຂວງ, ນະຄອນຂອງລາວ ກໍ່ມີບັນດາການເຄື່ອນໄຫວທີ່ມີຄວາມໝາຍຢ່າງແທດຈິງ ເພື່ອໜູນຊ່ວຍປະຊາຊົນລາວ ພັດທະນາເສດຖະກິດ ແລະ ຍົກສູງຊີວິດການເປັນຢູ່.
ປີ 2023 ທີ່ຜ່ານມານີ້, ບໍລິສັດຮ່ວມມືສາກົນ 705 ຂຶ້ນກັບທະຫານເຂດ 2, ກະຊວງປ້ອງກັນປະເທດຫວຽດນາມ ໄດ້ໜູນຊ່ວຍພະແນກກະສິກຳ ແລະ ປ່າໄມ້ ແຂວງ ອຸດົມໄຊ ດ້ວຍເຂົ້າແນວພັນ 10 ໂຕນ ມູນຄ່າທັງໝົດປະມານ 430 ລ້ານດົ່ງ. ນີ້ລ້ວນແຕ່ແມ່ນບັນດາເຂົ້າແນວທີ່ໄດ້ຮັບການປູກເຂົ້າຢ່າງສຳເລັດຜົນຢູ່ ຫວຽດນາມ ດ້ວຍສະມັດຕະພາບ 7 ໂຕນ/1 ເຮັກຕາ.
ທ່ານ ຄຳພອນ ມູນລາໄມ, ຫົວໜ້າພະແນກກະສິກຳ ແລະ ປ່າໄມ້ແຂວງ ອຸດົມໄຊ ໃຫ້ຮູ້ວ່າ “ຈຳນວນເຂົ້າແນວທີ່ທະຫານເຂດ 2 ຂອງ ຫວຽດນາມ ເລືອກໃຫ້ພວກຂ້າພະເຈົ້າແມ່ນເຂົ້າແນວທີ່ດີ, ຖ້າເໝາະສົມກັບດິນທ້ອງຖິ່ນ, ຈະຊ່ວຍຮັບປະກັນຄວາມໝັ້ນຄົງດ້ານສະບຽງອາຫານ, ຊ່ວຍເພີ່ມທະວີປະລິມານໃຫ້ພຽງພໍ ເພື່ອຜະລິດສິນຄ້າໃຫ້ແກ່ທ້ອງຕະຫຼາດພາຍໃນປະເທດ ແລະ ອາດຈະສົ່ງອອກໃນອະນາຄົດ”.
ໂດຍຕີລາຄາສູງປະສິດທິຜົນຈາກບັນດາໂຄງການຮ່ວມມືດ້ານກະສິກຳລະຫວ່າງຫວຽດນາມ - ລາວ ທີ່ໄດ້ຮັບການຜັນຂະຫຍາຍ, ທ່ານ ວຽງສະຫວັນ ວິໄລພອນ, ຮອງປະທານຜູ້ປະຈຳຄະນະກຳມະການຮ່ວມມື ລາວ - ຫວຽດນາມ ໃຫ້ຮູ້ວ່າ "ຫວຽດນາມ ໜູນຊ່ວຍ ລາວ ໃນການຄົ້ນຄວ້າ, ຜັນຂະຫຍາຍບັນດານະໂຍບາຍພັດທະນາກະສິກຳ, ຊຸກຍູ້ການຮ່ວມມື - ການລົງທຶນໃນຂົງເຂດກະສິກຳນຳໃຊ້ເຕັກໂນໂລຢີສູງ ເພື່ອຜະລິດບັນດາຜະລິດຕະພັນກະເສດສະອາດ ແລະ ການຄຸ້ມຄອງແບບຍືນຍົງ. ໃນໄລຍະຈະມາເຖິງ, ພວກເຮົາຕ້ອງສຸມໃສ່ເພີ່ມທະວີການຮ່ວມມືກ່ຽວກັບຜູ້ຊ່ຽວຊານດ້ານກະສິກຳ, ການປະມົງ ແລະ ພັດທະນາຊົນນະບົດລະຫວ່າງບັນດາທ້ອງຖິ່ນຢູ່ເຂດຊາຍແດນຂອງ 2 ປະເທດ”.
ຕາມຄະນະກຳມະການຮ່ວມມືລາວ - ຫວຽດນາມ ແລ້ວ, ການປະຕິບັດງານກໍ່ສ້າງກິດຈະກຳຮັບໃຊ້ການຜະລິດກະສິກຳ ເພື່ອຮັບປະກັນຄຸນນະພາບ, ຖືກຕາມອອກແບບ ໄດ້ເສີມຂະຫຍາຍສະມັດຕະພາບຢ່າງສູງສຸດ, ຊ່ວຍປະຊາຊົນດຳເນີນການຜະລິດກະສິກຳທີ່ມີສະມັດຕະພາບ ແລະ ຄຸນນະພາບສູງ, ປະກອບສ່ວນຍົກສຸງຊີວິດການເປັນຢູ່ຂອງປະຊາຊົນທ້ອງຖິ່ນ, ຫຼຸດຜ່ອນຄວາມອຶດຫີວ, ຄວາມທຸກຍາກເທື່ອລະກ້າວ, ພ້ອມກັນນັ້ນ ກໍ່ປັບປຸງສະພາບແວດລ້ອມນິເວດໃນພາກພື້ນຕາມທິດທາງດີ, ຜ່ານນັ້ນ ກໍ່ສະແດງໃຫ້ເຫັນຄວາມຕັດສິນໃຈຂອງລັດຖະບານຫວຽດນາມ - ລາວ ໃນການຊຸກຍູ້ການຮ່ວມມືດ້ານກະສິກຳລະຫວ່າງສອງປະເທດ.
 | ນຳການເຄື່ອນໄຫວຂອງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໃຫ້ມີປະສິດທິຜົນ ແລະ ມີຄຸນນະພາບກ່ວາອີກ ຍສໝ - ວັນທີ 17 ເມສາ, ຢູ່ແຂວງ ດົ່ງນາຍ ໄດ້ດຳເນີນກອງປະຊຸມໃຫຍ່ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ຄັ້ງທີ 2. ຢູ່ທີ່ນີ້, ປະທານສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ອາຍຸການ 2024 – ... |
 | ຫວຽດນາມ ມີຄວາມວິຕົກກັງວົນຢ່າງເລິກເຊິ່ງຕໍ່ບັນດາການຜັນແປທີ່ເຄັ່ງຕຶງຂຶ້ນຢູ່ພາກພື້ນຕາເວັນອອກກາງໃນປະຈຸບັນ ຍສໝ - ທ່ານໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ ໄດ້ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງລະງັບໃຈ, ແກ້ໄຂບັນດາຄວາມບໍ່ລົງລອຍກັນໂດຍສັນຕິວິທີ, ປະຕິບັດຕາມກົດໝາຍສາກົນຢ່າງເຂັ້ມງວດ. |
ມິງດຶກ (ແປຕາມ baomoi.vn)
