ທ່ານຮອງນາຍົກລັດຖະມົນຕີ ຫວຽດນາມ ຢັ້ງຢືນວ່າ ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ຖືເປັນສຳຄັນ ແລະ ໃຫ້ບຸລິມະສິດສູງສຸດໃນການປັບປຸງ ແລະ ເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ. ໃນໄລຍະມໍ່ໆມານີ້, 2 ຝ່າຍໄດ້ສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍບັນດາຂໍ້ຕົກລົງຂັ້ນສູງ, ໝາກຜົນຂອງກອງປະຊຸມ ຄັ້ງທີ 46 ຄະນະກຳມະການລະຫວ່າງລັດຖະບານ ຫວຽດນາມ - ລາວ ໂດຍທ່ານນາຍົກລັດຖະມົນຕີ 2 ທ່ານເປັນປະທານ, ໝາກຜົນຂອງການພົບປະ, ປຶກສາຫາລື, ເຮັດວຽກກັບການນຳຂັ້ນສູງ.
ທ່ານຮອງນາຍົກລັດຖະມົນຕີ ໄດ້ຮັບຮູ້, ຕີລາຄາສູງໝາກຜົນການຮ່ວມມືລະຫວ່າງກະຊວງການເງິນ ລາວ ແລະ ກະຊວງການເງິນ ຫວຽດນາມ; ຊ່ວຍໃຫ້ຂະແໜງການເງິນຂອງສອງປະເທດປະຕິບັດໜ້າທີ່ການເງິນ - ງົບປະມານເປັນຢ່າງດີ; ສົມທົບກັນແລກປ່ຽນປະສົບການຢ່າງຕັ້ງໜ້າ ກ່ຽວກັບບັນດາບັນຫາທີ່ສອງຝ່າຍມີຄວາມສົນໃຈ, ຈັດຕັ້ງຊຸດອົບຮົມ ເພື່ອຍົກສູງຄວາມສາມາດໃຫ້ແກ່ພະນັກງານລັດຖະກອນຂອງແຕ່ລະປະເທດ.
 |
| ທ່ານຮອງນາຍົກລັດຖະມົນຕີລັດຖະບານ ເລມິງຂາຍ ໄດ້ຕ້ອນຮັບ ທ່ານລັດຖະມົນຕີກະຊວງການເງິນ ລາວ ສັນຕິພາບ ພົມວິຫານ. |
ທ່ານຮອງນາຍົກລັດຖະມົນຕີລັດຖະບານ ເລມິງຂາຍ ປາດຖະໜາວ່າ 2 ຝ່າຍຈະສືບຕໍ່ຮ່ວມມືປະຕິບັດບັນດາຂໍ້ຕົກລົງຮ່ວມມືລະດັບສູງລວມຂອງຄະນະກຳມະການລະຫວ່າງລັດຖະບານ ຫວຽດນາມ - ລາວ, ກໍ່ຄືບັນດາຖະແຫຼງການຂັ້ນສູງ, ຂໍ້ຕົກລົງລະຫວ່າງສອງກະຊວງ, ປະກອບສ່ວພັດທະນາເສດຖະກິດ, ສັງຄົມຂອງສອງປະເທດ; ເນັ້ນໜັກວ່າ ລັດຖະບານ ຫວຽດນາມ ຈະສືບຕໍ່ໜູນຊ່ວຍ, ສ້າງເງື່ອນໄຂໃຫ້ 2 ຂະແໜງການເງິນສົມທົບກັນຢ່າງແໜ້ນແຟ້ນ, ຜັນຂະຫຍາຍບັນດາໜ້າທີ່ທີ່ໄດ້ມອບໝາຍຢ່າງມີປະສິດທິຜົນ.
ສ່ວນທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ລາວ ກໍ່ໄດ້ແຈ້ງຜົນຂອງການຢ້ຽມຢາມ ຫວຽດນາມ ໃນຄັ້ງນີ້. ໃນນັ້ນ ສອງຝ່າຍສາມາດປະຕິບັດໄດ້ 80% ແຜນການໃນຂໍ້ຕົກລົງຮ່ວມມື, ນຳມາເຊິ່ງໝາກຜົນສູງ.
ທ່ານລັດຖະມົນຕີ ສັນຕິພາບ ພົມວິຫານ ກໍ່ໄດ້ແບ່ງປັນການຕີລາຄາກ່ຽວກັບຍຸດທະສາດພັດທະນາຂອງ ຫວຽດນາມ ແລະ ບັນດາໝາກຜົນຢ່າງຕັ້ງໜ້າໃນການເຕີບໂຕ, ພັດທະນາເສດຖະກິດ-ສັງຄົມຂອງ ຫວຽດນາມ ໃນປີ 2023 ແລະ ຊຸມເດືອນຕົ້ນປີ 2024.
ທ່ານລັດຖະມົນຕີ ສັນຕິພາບ ພົມວິຫານ ກໍ່ໃຫ້ຮູ້ວ່າ ສອງຝ່າຍ ຈະສືບຕໍ່ປະຕິບັດບັນດາຂໍ້ຕົກລົງຮ່ວມມືຂັ້ນສູງລວມ,ກໍ່ຄືບັນດາຂໍ້ຕົກລົງລະຫວ່າງສອງກະຊວງ, ສືບຕໍ່ເພີ່ມທະວີການພົວພັນມິດຕະພາບອັນຍາວນານ ລາວ - ຫວຽດນາມ.
 | ຍົກສູງປະສິດທິຜົນການຮ່ວມມືໃນການໜູນຊ່ວຍດ້ານຍຸຕິທຳກ່ຽວກັບຄະດີແພ່ງລະຫວ່າງ ຫວຽດນາມ ແລະ ລາວ ຍສໝ - ວັນທີ 6 ເມສາ, ທ່ານຮອງນາຍົກລັດຖະມົນຕີ ຫວຽດນາມ ເຈີ່ນລິວກວາງ ໄດ້ລົງນາມໃນຂໍ້ຕົກລົງເລກທີ 285/QD-TTg ຮັບຮອງເອົາແຜນການປະຕິບັດສັນຍາວ່າດ້ວຍການໜູນຊ່ວຍດ້ານຍຸຕິທຳໃນຂົງເຂດຄະດີແພ່ງລະຫວ່າງສາທາລະນະລັດສັງຄົມນິຍົມ ຫວຽດນາມ ແລະສາທາລະນະລັດ ປະຊາທິປະໄຕ ປະຊາຊົນລາວ. |
 | ດາໜັງ ໄດ້ຮັບເງິນກ່ວາ 2,7 ຕື້ດົ່ງ ເພື່ອໜູນຊ່ວຍບັນດາວິສາຫະກິດຂະໜາດກາງ ແລະ ນ້ອຍ ໂດຍອົງການ Catalyste+ ອຸປະຖຳ ຍສໝ - ຄະນະກຳມະການປະຊາຊົນນະຄອນ ດາໜັງ ຫາກໍ່ໄດ້ອອກມະຕິເລກທີ 615/QD-UBND ລົງວັນທີ 28 ມີນາ 2024 ເພື່ອຮັບກ່ວາ 2,7 ຕື້ດົ່ງຈາກລາຍການໜູນຊ່ວຍກໍ່ສ້າງກຳລັງຄວາມສາມາດໃຫ້ແກ່ວິສາຫະກິດຂະໜາດກາງ ແລະ ນ້ອຍ ໄລຍະ 2024-2026 ໂດຍອົງການຈັດຕັ້ງ Catalyste+ ອຸປະຖຳ. |
ມິງດຶກ
