 | ວັດທະນະທຳສິລະປະໂຄສະນາຮູບພາບປະເທດຊາດ, ປະຊາຊົນຫວຽດນາມ ຢູ່ ສ.ເຊັກໂກ |
| ງານມະຫາກຳສົ່ງເສີມການຄ້າ ແລະ ແລກປ່ຽນວັດທະນະທຳ ລະຫວ່າງ ຫວຽດນາມ - ລາວ |
ຮ້ານວາງສະແດງ ຫວຽດນາມ ໄດ້ຕົບແຕ່ງຢ່າງຕິດຕາຕ້ອງໃຈ ຕາມແບບພື້ນເມືອງ ແລະ ເຍື່ອງອາຫານ ຫວຽດນາມ ກໍເປັນທີ່ນິຍົມຫຼາຍ. ປີນີ້, ທ່ານເອກອັກຄະລັດຖະທູດ ຫວຽດນາມ ປະຈຳ ອີຕາລີ ເຢື່ອງຫາຍຮື່ງ ແມ່ນແຂກຮັບເຊີນພິເສດຄົນດຽວໃນງານບຸນ, ໄດ້ຮັບການຕ້ອນຮັບຈາກການນຳນະຄອນ, ກໍ່ໄດ້ພາໄປຢ້ຽມຢາມບັນດາຮ້ານວາງສະແດງໃນງານບຸນ, ພ້ອມທັງເຊີນມອບຂອງຂວັນໃຫ້ບັນດາຜູ້ຈັດຕັ້ງງານບຸນ.
 |
| ການສະແດງສິລະປະໂດຍສະມາຄົມຂົວຕໍ່ວັດທະນະທຳ ຫວຽດນາມ - ອີຕາລີ ສະແດງໃນງານບຸນ. ພາບ: ເຢືອງຮວາ/ນັກຂ່າວ TTXVN ປະຈຳ ອີຕາລີ |
ທ່ານເຈົ້າຄອງນະຄອນ Mattia Galli ໄດ້ສະແດງຄວາມຍິນດີຕ້ອນຮັບທ່ານເອກອັກຄະລັດຖະທູດ ເຢື່ອງຫາຍຮື່ງ ແລະ ທ່ານນາງ ເລທິບິກເຮຶອງ, ເລຂາທິການໃຫຍ່ສະຫະພັນປະທານບັນດາສະມາຄົມຊາວ ຫວຽດນາມ ຢູ່ ອີຕາລີ. ທ່ານ ໄດ້ແຈ້ງໃຫ້ຊາບກ່ຽວກັບຜົນສຳເລັດຂອງງານບຸນທີ່ໄດ້ຈັດຕັ້ງປະຈຳປີນີ້ ແລະ ຕີລາຄາສູງບັນດາການເຄື່ອນໄຫວຂອງຮ້ານວາງສະແດງ ຫວຽດນາມ, ປະກອບສ່ວນຊ່ວຍໃຫ້ວັດທະນະທຳ ແລະ ອາຫານ ຫວຽດນາມ ນັບມື້ນັບແຜ່ກະຈາຍຢ່າງເລິກເຊິ່ງກວ້າງຂວາງກວ່າອີກ.
ງານວາງສະແດງກ່ຽວກັບຮູບພາບກ່ຽວກັບປະເທດຊາດ, ປະຊາຊົນ, ອາຫານ ຫວຽດນາມ ພ້ອມກັນກັບຊຸດເສືອຜ້າອາພອນ ແລະ ເຄື່ອງດົນຕີກໍ່ໄດ້ຮັບການຈັດຕັ້ງເປັນຄັ້ງທຳອິດ ໂດຍສະຖານທູດ ແລະ ສະມາຄົມຂົວຕໍ່ວັດທະນະທຳ ຫວຽດນາມ - ອີຕາລີ ຢູ່ຊັ້ນລຸ່ມຫໍພິພິທະພັນຂອງເທດສະບານ, ຊ່ວຍໃຫ້ຜູ້ເຂົ້າຮ່ວມງານບຸນມີມູມມອງທີ່ລະອຽດ, ສຳຜັດໂດຍກົງກວ່າກ່ຽວກັບປະເທດຊາດ, ປະຊາຊົນ ແລະ ວັດທະນະທຳ ຫວຽດນາມ.
 |
| ລາຍການສະແດງຂອງບັນດາປະເທດອາຊີຕາເວັນອອກສ່ຽງໃຕ້ໃນງານບຸນ. ພາບ: ເຢືອງຮວາ/ນັກຂ່າວ TTXVN ປະຈຳ ອີຕາລີ |
ຫົວໜ້າຄະນະຈັດຕັ້ງງານບຸນ, ອະດີດເຈົ້າຄອງນະຄອນ Bagnara, ທ່ານ Riccardo Falcone ໃຫ້ຮູ້ວ່າ “Festival ນີ້ ເລີ່ມຈັດຂຶ້ນເມື່ອ 16 ປີກ່ອນ, ດ້ວຍຈິດໃຈອາສາສະໝັກ ເພື່ອລົບລ້າງຄວາມຕາຍຕົວຕໍ່ບັນດາເຜົ່າອື່ນໆ. ສຳລັບພວກຂ້າພະເຈົ້າ, ການຈັດຕັ້ງ festival ໝາຍເຖິງການຫັນນິຍາມຂອງການດຳລົງຊີວິດແບບອ້າຍນ້ອງລະຫວ່າງບັນດາເຜົ່າ ແລະ ບັນດາພື້ນຖານວັດທະນະທຳທີ່ແຕກຕ່າງກັນໃຫ້ປະກົດຜົນເປັນຈິງ. ສະມາຄົມຂົວຕໍ່ວັດທະນະທຳ ອີຕາລີ - ຫວຽດນາມ ຢູ່ Bologna ແມ່ນຄູ່ຮ່ວມມືສຳຄັນຂອງງານບຸນ, ເຄື່ອນໄຫວຢ່າງຕັ້ງໜ້າ, ປະກອບສ່ວນຫຼາຍແນວຄວາມຄິດ ແລະ ທັງແຫຼ່ງການໜູນຊ່ວຍດ້ວຍຄວາມສະໝັກໃຈ ແລະ ມິດຕະພາບສຳລັບງານບຸນ”.
ບັນດາແຂກຊາວ ອີຕາລີ ແລະ ສາກົນທີ່ເຂົ້າຮ່ວມງານບຸນລ້ວນແຕ່ລໍຖ້າ ເພື່ອຊິມບັນດາອາຫານ ຫວຽດນາມ ຈາກສາມເຂດພາກທີ່ໄດ້ປຸງແຕ່ງຕໍ່ໜ້າແຂກທີ່ມາຊິມອາຫານ, ສົດແຊບ ແລະ ຮັບປະກັນຫຼັກອະນາໄມ.
 |
| ແຂກຊາວ ອີຕາລີ ແລະ ສາກົນ ໄດ້ຊິມບັນດາອາຫານ ຫວຽດນາມ ທີ່ງານບຸນ. ພາບ: ເຢືອງຮວາ/ນັກຂ່າວ TTXVN ປະຈຳ ອີຕາລີ |
ບັນດາຜູ້ປຸງແຕ່ງເຍື່ອງອາຫານພື້ນເມືອງ ຫວຽດນາມ ເພື່ອແນະນຳໃຫ້ແຂກຊາວ ອີຕາລີ ແລະ ຕ່າງປະເທດ ແມ່ນບັນດາສະມາຊິກຂອງສະມາຄົມຂົວຕໍ່ວັດທະນະທຳ ຫວຽດນາມ - ອີຕາລີ. ບັນດາອ້າຍເອື້ອຍນ້ອງ ໄດ້ສະໝັກໃຈໃຊ້ເວລາ ແລະ ຄວາມພະຍາຍາມຫຼາຍມື້ລ່ວງໜ້າ ເພື່ອກະກຽມອາຫານພື້ນເມືອງທີ່ແຊບຊ້ອຍ ແລະ ງາມຕາ.
ທ່ານນາງ Flavia Santonico, ຮອງປະທານສະມາຄົມຂົວຕໍ່ວັດທະນະທຳ ຫວຽດນາມ - ອີຕາລີ ໃຫ້ຮູ້ວ່າ “ສະມາຄົມຂອງພວກຂ້າພະເຈົ້າໄດ້ກຳເນີດມາດ້ວຍບັນດາສະມາຊິກໃນໄລຍະຕົ້ນໆ ແມ່ນພໍ່ແມ່ທີ່ໄດ້ຮັບລ້ຽງລູກຫຼານ ຫວຽດນາມ. ສະນັ້ນ, ພວກຂ້າພະເຈົ້າລ້ວນແຕ່ເຂົ້າໃຈປະເທດນີ້ເປັນຢ່າງດີ ແລະ ເຄີຍໄປຢ້ຽມຢາມຫຼາຍແຫ່ງຢູ່ ຫວຽດນາມ. ພິເສດ, ພວກຂ້າພະເຈົ້າພາກພູມໃຈທີ່ສຸດກ່ຽວກັບທ່ານນາງ ເຮືອງ, ປະທານສະມາຄົມ, ຜູ້ໜູນຊ່ວຍການເຕີບໂຕຂອງລູກຫຼານພວກຂ້າພະເຈົ້າໃນອູ່ວັດທະນະທຳ ຫວຽດນາມ, ຫຼໍ່ລ້ຽງຄວາມຮັກຕໍ່ກັບປະເທດ ເຊິ່ງໄດ້ໃຫ້ເກີດພວກລູກຫຼານ.
ບໍ່ພຽງແຕ່ເປັນພໍ່ຄົວ, ແມ່ຄົວທີ່ເກັ່ງເທົ່ານັ້ນ, ອ້າຍເອື້ອຍນ້ອງສະມາຊິກຍັງເປັນນັກຮ້ອງ, ນັກສະແດງ ເຕັ້ນທີ່ມີຄວາມຫຼົງໄຫຼ. ຫຼັງຈາກຊົ່ວໂມງໃນເຮືອນຄົວ, ອ້າຍເອື້ອຍນ້ອງ ໄດ້ປ່ຽນເຄື່ອງນຸ່ງ, ໄປຫາເວທີໃຫຍ່ເພື່ອສະແດງ. ຫົວຂໍ້ຕົ້ນຕໍຂອງງານບຸນປີນີ້ ແມ່ນບັນດາປະເທດ ອາຊີຕາເວັນອອກສ່ຽງໃຕ້. ອ້າຍເອື້ອຍນ້ອງ ນຸ່ງຊຸດພື້ນເມືອງເພື່ອເຂົ້າຮ່ວມແຫ່ຂະບວນໃນງານບຸນ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ອີຕາລີ ເຢື່ອງຫາຍຮື່ງ ໄດ້ມອບຂອງທີ່ລະນຶກໃຫ້ທ່ານ Mattia Galli, ເຈົ້າຄອງນະຄອນ Bagnara di Romagna. ພາບ: ເຢືອງຮວາ/ນັກຂ່າວ TTXVN ປະຈຳ ອີຕາລີ |
ຜ່ານ 6 ຄັ້ງທີ່ເຂົ້າຮ່ວມງານບຸນນີ້, ປະເທດຊາດ ແລະ ປະຊາຊົນ ຫວຽດນາມ ນັບມື້ນັບສະໜິດສະໜົມກັບຊາວ ອີຕາລີ ແລະ ເພື່ອນມິດສາກົນໃນພາກພື້ນ. ໃນງານວາງສະແດງຕຸກກະຕາຢູ່ງານບຸນປີນີ້, ພວກຂ້າພະເຈົ້າ ໄດ້ເຫັນທຸງຊາດ ແລະ ຕຸກກະຕາ ຫວຽດນາມ. ເມື່ອຖືກຖາມ, ເຈົ້າຂອງຫ້ອງວາງສະແດງຕຸກກະຕາ Klare Trabalza ກ່າວວ່າ "ນີ້ແມ່ນຊຸດສະສົມຂອງແມ່ຂອງຂ້າພະເຈົ້າ, ຜູ້ທີ່ບໍ່ເຄີຍໄປທ່ອງທ່ຽວ, ແຕ່ໄດ້ຮັບຕຸກກະຕາຈາກຫມູ່ເພື່ອນຫຼາຍຄົນ. ເພິ່ນໄດ້ມີຄວາມນັບຖື ແລະ ຮັກສາພວກມັນໄວ້. ໂດຍຜ່ານງານບຸນ, ພວກຂ້າພະເຈົ້າ ໄດ້ເຂົ້າໃຈກ່ຽວກັບ ຫວຽດນາມ ຕື່ມອີກ ແລະ ລູກສາວຂອງຂ້າພະເຈົ້າໄດ້ເລືອກເອົາ ຫວຽດນາມ ແມ່ນສະຖານທີ່ໄປຮານິມູນ ໃນເດືອນກຸມພາທີ່ຜ່ານມາ”.
 | ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະກັບປະຊາຄົມຊາວ ຫວຽດນາມ ຢູ່ ອົດສະຕາລີ ຍສໝ - ຕອນບ່າຍວັນທີ 7 ມີນານີ້, ຢູ່ນະຄອນຫຼວງ Canberra, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ພັນລະຍາ ໄດ້ມີການພົບປະກັບບັນດາພະນັກງານ, ລັດຖະກອນບັນດາອົງການຜູ້ຕາງໜ້າ ແລະ ຜູ້ຕາງໜ້າປະຊາຄົມຊາວ ຫວຽດນາມ ຢູ່ ອົດສະຕາລີ. |
 | ນະຄອນ ໂຮ້ຍອານ ມີຕື່ມອີກ 2 ມໍລະດົກວັດທະນະທຳບໍ່ເປັນວັດຖຸລະດັບຊາດ ຍສໝ - ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫາກໍປະກາດບັນດາຂໍ້ຕົກລົງຮັບຮອງເອົາອາຊີບຫັດຖະກຳທີ່ເປັນມູນເຊື້ອເຮັດເຮືອນແພ ແລະ ອາຊີບຈັກສານອູ່ດ້ວຍໃບສາລີ ຢູ່ນະຄອນ ໂຮ້ຍອານ, ແຂວງ ກວ໋າງນາມ ເປັນມໍລະດົກວັດທະນະທຳບໍ່ເປັນວັດຖຸລະດັບຊາດ. |
ມີງດຶກ
