ອາຊີບຈັກສານອູ່ດ້ວຍໃບສາລີ ໄດ້ມີມາແຕ່ດົນນານ ແລະ ພັດທະນາຢູ່ເກາະ ກູ່ລາວຈ່າມ, ນະຄອນ ໂຮ້ຍອານ ໃນຫຼາຍສະຕະວັດ. ອາຊີບເຮັດເຮືອນແພຢູ່ ຕາແສງ ເກີ້ມແທງ, ນະຄອນ ໂຮ້ຍອານ ໄດ້ສ່ອງແສງປະຫວັດສາດແຫ່ງການກໍ່ສ້າງ ແລະ ພັດທະນາໝູ່ບ້ານ ແລະ ໝູ່ບ້ານອາຊີບ, ຂະແໜງອາຊີບທີ່ເປັນມູນເຊື້ອຢູ່ຕາແສງ ເກີ້ມແທງ ເວົ້າສະເພາະ ແລະ ຕົວເມືອງ - ທ່າພານິດ ໂຮ້ຍອານ ເວົ້າລວມ. ທ່ານນາງ ເຈືອງທິງອກເກີ໋ມ, ຫົວໜ້າສູນວັດທະນະທຳ - ກິລາ ແລະ ວິທະຍຸ - ໂທລະພາບນະຄອນ ໂຮ້ຍອານ ໃຫ້ຮູ້ວ່າ ນະຄອນ ໂຮ້ຍອານ ພວມມານະພະຍາຍາມອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າຂອງອາຊີບຫັດຖະກຳທີ່ເປັນມູນເຊື້ອນີ້ໃຫ້ເປັນຢ່າງດີທີ່ສຸດ.
 |
| ນະຄອນ ໂຮ້ຍອານ ມີຕື່ມອີກ 2 ມໍລະດົກວັດທະນະທຳບໍ່ເປັນວັດຖຸລະດັບຊາດ |
ຫັດຖະກຳພື້ນເມືອງນີ້ໄດ້ຮັບການສ້າງຂຶ້ນໂດຍອີງໃສ່ວັດຖຸດິບ (ຕົ້ນປາມ, ຕົ້ນໄມ້ໄຜ່) ຂອງຊາວທ້ອງຖິ່ນ. ດ້ວຍການສ້າງເຮືອນຊານທີ່ມີຫົວຄິດປະດິດສ້າງ, ເຮືອນໄມ້ໄຜ່ ແລະ ບ້ານໝາກພ້າວນຳມາໃຫ້ຈຸດທີ່ເປັນເອກະລັກສະເພາະຂອງ ໂຮ້ຍອານ ໃນຕະຫຼອດການເດີນທາງຂອງການສ້າງສາ ແລະ ພັດທະນາທ່າກຳປັ່ນການຄ້າບູຮານແຫ່ງນີ້.
“ປັດຈຸບັນ, ພວກຂ້າພະເຈົ້າ ກຳນົດໜ້າທີ່ຈຸດສຸມແມ່ນ ບຳລຸງສ້າງ, ອົບຮົມ ແລະ ດຶງດູດບັນດານັກສິລະປະກອນ, ຜູ້ເຮັດອາຊີບຫັດຖະກຳທີ່ເປັນມູນເຊື້ອນີ້, ກໍຄືດຶງດູດເພື່ອນໜຸ່ມເຂົ້າຮ່ວມການປະຕິບັດຕົວຈິງ ແລະ ປະດິດຄິດສ້າງບັນດາຮູບແບບສິລະປະພື້ນເມືອງນີ້”.
ຄຳຮຸ່ງ
