ລະອຽດ, ສະມາຄົມ ໄດ້ວາງອອກທິດທາງການເຄື່ອນໄຫວໃນ 4 ປີຕໍ່ໜ້າ, ໃນນັ້ນ ເນັ້ນໜັກເຖິງການຍົກສູງຄຸນນະພາບສິລະປະ, ບັນດາລາຍການສະແດງເພື່ອຮັບໃຊ້ປະຊາຄົມຊາວ ຫວຽດນາມ ຢູ່ ສ.ເຊັກໂກ. ພ້ອມກັນນັ້ນ, ກໍ່ຈັດຕັ້ງບັນດາລາຍການວັດທະນະທຳເຊື່ອມໂຍງເຂົ້າກັບປະເທດປະຈຳຖິ່ນ, ໂຄສະນາວັດທະນະທຳຂອງຊາດ, ຮູບພາບປະເທດຊາດ, ປະຊາຊົນ ຫວຽດນາມ ເຖິງເພື່ອນມິດສາກົນ.
 |
| ການສະແດງຂັບຮ້ອງ ກວານຮໍ້ ຢູ່ກອງປະຊຸມໃຫຍ່. (ພາບ: TTXVN) |
ເພື່ອບັນລຸໄດ້ເປົ້າໝາຍທີ່ວາງອອກ, ສະມາຄົມ ຈະມານະພະຍາຍາມຮັກສາການຈັດຕັ້ງບັນດາໂຄງການອະນຸລັກຮັກສາ ແລະ ພັດທະນາວັດທະນະທໍາບໍ່ເປັນວັດຖຸຂອງ ຫວຽດນາມ ທີ່ໄດ້ຮັບການຮັບຮອງຈາກອົງການ UNESCO; ເຂົ້າຮ່ວມການຈັດຕັ້ງລາຍການ “ນາງງາມຊຸດເສຶ້ອຍາວພັນລະຍາ” ທົ່ວເອີລົບ; ຮ່ວມມືສ້າງກຸ່ມສາມັກຄີໃນປະຊາຄົມຊາວຫວຽດນາມຢູ່ ເອີລົບ; ໂຄສະນາຮູບພາບຂອງຊຸມຊົນໂດຍຜ່ານ "ກອງທຶນການກຸສົນ - ຊຸດເສຶ້ອຍາວພັນລະຍາ”.
ນອກນັ້ນ, ສະມາຄົມ ຍັງຈະຖືເປັນສຳຄັນການມຸ່ງໄປເຖິງລຸ້ນໜຸ່ມຊາວໜຸ່ມຊາວຫວຽດນາມ ທີ່ອາໄສຢູ່ ສ.ເຊັກໂກ ດ້ວຍບັນດາໂຄງການບຳລຸງສ້າງຜູ້ເປັນໂຄສົກດ້ວຍພາສາ ຫວຽດນາມ, ຊຸກຍູ້ການເປີດຊຸດຮຽນເພື່ອສອນ ແລະ ຮຽນຮ້ອງເພງດ້ວຍພາສາ ຫວຽດນາມ...
ກ່າວຄຳປາໄສທີ່ກອງປະຊຸມ, ທ່ານເອກອັກຄະລັດຖະທູດ ຫວຽດນາມ ປະຈຳ ສ.ເຊັກໂກ ເຢື່ອງຮວ່າຍນາມ ໄດ້ຕີລາຄາສູງບັນດາຄວາມມານະພະຍາຍາມຂອງສະມາຄົມໃນໄລຍະ 15 ປີແຫ່ງການສ້າງຕັ້ງ ແລະ ພັດທະນາ. ສະມາຄົມ ໄດ້ເຕົ້າໂຮມບັນດາປັດໄຈໃນຊຸມຊົນ, ຈັດຕັ້ງການເຄື່ອນໄຫວທີ່ອຸດົມສົມບູນ, ຟົດຟື້ນ ແລະ ມີຄວາມຫມາຍຫຼາຍຢ່າງ. ສະມາຄົມ ກໍ່ສົມທົບກັນຢ່າງຕັ້ງໜ້າກັບບັນດາສະມາຄົມຊາວຫວຽດນາມ ອາໄສຢູ່ ສ.ເຊັກໂກ ໃຫ້ມີການເຄື່ອນໄຫວ, ຂະບວນການທີ່ໜ້າເຄົາລົບນັບຖືຫຼາຍຢ່າງ, ບໍ່ພຽງແຕ່ຍົກສູງຊີວິດທາງດ້ານຈິດໃຈໃຫ້ແກ່ປະຊາຄົມ, ປະກອບສ່ວນໂຄສະນາເຜີຍແຜ່ວັດທະນະທຳ ຫວຽດນາມ ໃຫ້ແກ່ເພື່ອນມິດສາກົນ ເທົ່ານັ້ນ, ຫາກຍັງຢູ່ແຖວຫນ້າຂອງຂະບວນການໜູນຊ່ວຍຊຸມຊົນຫຼາຍຢ່າງ, ໃນນັ້ນ ມີການເຄື່ອນໄຫວແບບອາສາສະໝັກ.
ຕາມບົດລາຍງານທີ່ກອງປະຊຸມໃຫຍ່ແລ້ວ, ໂດຍໄດ້ຮັບການສ້າງຕັ້ງເມື່ອປີ 2008, ດ້ວຍບົດບາດເປັນສະມາຊິກຂອງສະມາຄົມຊາວ ຫວຽດນາມ ອາໄສຢູ່ ສ.ເຊັກໂກ, ສະມາຄົມ ໄດ້ພັດທະນາຢ່າງບໍ່ຢຸດຢັ້ງ, ປະກອບສ່ວນເຮັດໃຫ້ຊີວິດທາງດ້ານຈິດໃຈຂອງປະຊາຊົນຢູ່ຫ່າງໄກຈາກບ້ານອຸດົມສົມບູນກ່ວາ. ບັນດາສະໂມສອນ, ກຸ່ມຮ້ອງເພງ, ສະແດງໄດ້ຄ່ອຍໆປະກົດຕົວຂຶ້ນ ເພື່ອເປົ້າໝາຍອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳທີ່ເປັນມູນເຊື້ອ, ຮັບໃຊ້ຜົນປະໂຫຍດຂອງປະເທດຊາດ ແລະ ປະຊາຄົມ.
ຫວ່າງມໍ່ໆມານີ້, ສະມາຄົມ ໄດ້ມີຫຼາຍການເຄື່ອນໄຫວທີ່ມີຄວາມໝາຍ, ແທດຈິງໃຫ້ແກ່ປະຊາຄົມຊາວ ຫວຽດນາມ ອາໄສຢູ່ ສ.ເຊັກໂກ. ສະມາຄົມ ໄດ້ເປັນເຈົ້າພາບໃນການຈັດຕັ້ງ ຫຼື ຮ່ວມຈັດຕັ້ງຫຼາຍໂຄງການຂະໜາດໃຫຍ່ ແລະ ດຶງດູດໃຈ ບໍ່ພຽງແຕ່ຢູ່ ສ.ເຊັກໂກ ເທົ່ານັ້ນ ຫາກຍັງຢູ່ເອີລົບ ເຊັ່ນ ງານມະໂຫລານສິລະປະ “ຂ້າພະເຈົ້າຮັກພາສາຂອງປະເທດຕົນ”; ການສະແດງໃນໂອກາດສຳຄັນແຫ່ງຊາດ; ການປະກວດນາງສາວຫວຽດນາມ ຢູ່ທົ່ວເອີຣົບ; ການແຂ່ງຂັນຮ້ອງເພງສຳລັບຫຼາຍເປົ້າໝາຍ... ບັນດາການເຄື່ອນໄຫວມຸ່ງໄປເຖິງບ້ານເກີດເມືອງນອນ, ສະມາຄົມກໍ່ໄດ້ຖືເປັນສຳຄັນ, ຕົວຢ່າງຄື ບັນດາໂຄງການມຸ່ງໄປເຖິງທະເລ ແລະ ໝູ່ເກາະ, ບັນດາລາຍການສິລະປະເພື່ອພາກກາງທີ່ຮັກແພງ.
ທີ່ກອງປະຊຸມໃຫຍ່ ຄັ້ງທີ 4, ສະມາຄົມວັດທະນະທຳສິລະປະ ຫວຽດນາມ ປະຈຳ ສ.ເຊັກໂກ ໄດ້ເລືອກຕັ້ງຄະນະບໍລິຫານງານອາຍຸການ 2024-2028 ລວມມີຊະມາຊິກ 41 ທ່ານ, ໃນນັ້ນ ທ່ານ ຟ້າມຢາເຫົ້າ ໄດ້ຮັບເລືອກຕັ້ງເປັນປະທານສະມາຄົມອີກເທື່ອໜຶ່ງ.
ມິງດຶກ
