 | ພາກວິຊາເສດຖະສາດສາກົນ, ສະຖາບັນພົວພັນຕ່າງປະເທດ ຫວຽດນາມ ມີສາດສະດາຈານຜູ້ທຳອິດ |
| ສາດສະດາຈານຫວຽດນາມ ໄດ້ຮັບທຶນຄົ້ນຄວ້າເກືອບ 6 ລ້ານ USD |
ທ່ານ ສາດສະດາຈານ ນາງ ກິມເງິນ ແບ່ງປັນວ່າ: ການໄປສ້າງອາຊີບຢູ່ຕ່າງປະເທດຕ້ອງຜ່ານຜ່າຄວາມຫຍຸ້ງຍາກຫຼາຍຢ່າງ. ຜົນສຳເລັດຂອງຊາວ ຫວຽດນາມ ໃນນັ້ນມີບັນດານັກວິທະຍາສາດແມ່ນໝາກຜົນຂອງຄວາມມານະພະຍາຍາມ, ຄວາມບຸກບືນ, ທ່າທີທີ່ຈິງຈັງ ແລະ ຈິດໃຈເປີດກວ້າງໃນການເຮັດວຽກ, ຮ່ຳຮຽນສຶກສາ ແລະ ຄົ້ນຄວ້າ.
 |
| ທ່ານ ສາດສະດາຈານແຫ່ງຊາດ ນາງ Nhu-Tarnawska ຮວ່າກິມເງິນ ຖ່າຍຮູບຮ່ວມກັບທ່ານປະທານາທິບໍດີ ໂປແລນ Andrzej Duda (ຈາກຊ້າຍ). |
ຕາມຄຳເລົ່າຂອງທ່ານ ສາດສະດາຈານ ນາງ ຮວ່າກິມເງິນ ແລ້ວ, ພາຍຫຼັງປະສົບຜົນສຳເລັດ, ບັນດານັກວິທະຍາສາດ ຫວຽດນາມ ລ້ວນແຕ່ປາດຖະໜາຢາກໜູນຊ່ວຍລຸ້ນໜຸ່ມໃນການຄົ້ນຄວ້າວິທະຍາສາດ. “ຄວາມປາດຖະໜານັ້ນກໍ່ຄືຫຼັກທາງທຳມະຊາດ ແລະ ເປັນການສືບຕໍ່ມູນເຊື້ອອັນດີງາມຂອງຊາວ ຫວຽດນາມ ທີ່ໄດ້ສືບທອດກັນມາຫຼາຍລຸ້ນຄົນ. ລຸ້ນຄົນຂອງພວກຂ້າພະເຈົ້າກ່ອນໜ້ານັ້ນ, ເມື່ອກ້າວເຂົ້າສູ່ໄລຍະທຳອິດໃນພາລະກິດການຄົ້ນຄວ້າວິທະຍາສາດ ກໍ່ໄດ້ຮັບການຊ່ວຍເຫຼືອຈາກຄົນລຸ້ນກ່ອນ, ປະຈຸບັນ ແມ່ນເວລາທີ່ພວກຂ້າພະເຈົ້າຈະມອບການຊ່ວຍເຫຼືອນັ້ນໄປສູ່ຄົນລຸ້ນຕໍ່ໄປ”.
ເພື່ອໃຫ້ການຊ່ວຍເຫຼືອຄົນລຸ້ນຫຼັງ, ທ່ານໄດ້ເຮັດບັນດາວຽກງານລະອຽດຄື: ເຂົ້າຮ່ວມບັນດາໂຄງການຮ່ວມມືດ້ານວິທະຍາສາດກັບບັນດາເພື່ອນຮ່ວມງານຄົນ ຫວຽດນາມ ຢູ່ ຫວຽດນາມ, ເຂົ້າຮ່ວມບັນດາກອງປະຊຸມສາກົນທີ່ຈັດຂຶ້ນຢູ່ ຫວຽດນາມ; ເປີດກວ້າງການຮ່ວມມືດ້ານວິທະຍາສາດ, ເຊື້ອເຊີນບັນດານັກວິທະຍາສາດໄປຢ້ຽມຢາມບັນດາສະຖາບັນ, ໂຮງຮຽນຢູ່ ໂປແລນ, ພິເສດແມ່ນບັນດາການເຄື່ອນໄຫວໂດຍອີງໃສ່ຂໍ້ຕົກລົງທີ່ສອງຝ່າຍໄດ້ລົງນາມໃນການຮ່ວມມື; ຮ່ວມມືໃນການຝຶກອົບຮົມນັກຄົ້ນຄວ້າ ຫວຽດນາມ... ພ້ອມທັງຊ່ວຍໃຫ້ບັນດານັກຄົ້ນຄວ້າ ຫວຽດນາມ ຊອກຫາບັນດາສາດສະດາຈານເພື່ອຊີ້ນຳບັນດາຫົວຂໍ້ການຄົ້ນຄ້ວາທີ່ເໝາະສົມ. ໂດຍມີນັກຄົ້ນຄວ້າ 4 ຄົນ ແລະ ປະລິນຍາໂທເກືອບ 30 ຄົນທີ່ໄດ້ປ້ອງກັນບົດຈົບຊັ້ນຢ່າງສໍາເລັດຜົນພາຍໃຕ້ການຊີ້ນໍາຂອງທ່ານ.
ທ່ານ ສາດສະດາຈານ ນາງ ກິມເງິນ ແບ່ງປັນວ່າ "ການຮ່ວມມືວິທະຍາສາດລະຫວ່າງປະເທດແມ່ນສິ່ງທີ່ແທດຈິງສໍາລັບນັກຄົ້ນຄວ້າ, ຈາກປະສົບການຂອງຂ້າພະເຈົ້າເອງ, ໃນຊ່ວງເວລາຂອງຂ້າພະເຈົ້າຍັງເປັນນັກຄົ້ນຄວ້າ, ຈາກການຮ່ວມມືລະຫວ່າງປະເທດ, ຂ້າພະເຈົ້າໄດ້ສ້າງລະບົບການວັດແທກການທົດລອງຕົວຈິງສໍາລັບຫ້ອງທົດລອງ Amsterdam, ລະບົບການວັດແທກໄດ້ເລີ່ມຕົ້ນ, ເກັບກໍາ ແລະ ວິເຄາະຂໍ້ມູນ ... ເຊິ່ງເປັນແບບອັດຕະໂນມັດໂດຍຄອມພິວເຕີ".
ໃນບັນດາເພື່ອນຮ່ວມງານທີ່ທ່ານ ສາດສະດາຈານ ນາງ ກິມເງິນ ຮ່ວມມື, ມີເພື່ອນຮ່ວມງານມາຈາກ AGH-Krakow - ໃນເວລານັ້ນ, ແມ່ນທ່ານ ປອ Zbigniew Tarnawski, ຜູ້ທີ່ພາຍຫຼັງນີ້ໄດ້ກາຍເປັນຄູ່ຊີວິດຂອງທ່ານ.
 |
| ທ່ານນາງ ກິມເງິນ ໄດ້ຮັບລາງວັນອະທິການບໍດີຂອງມະຫາວິທະຍາໄລສ້າງຄູ Krakow ປີ 2022. |
ທ່ານເລົ່າວ່າ “ແຕ່ລະຜົນສຳເລັດຢູ່ ໂປແລນ ກໍ່ລ້ວນແຕ່ເຮັດໃຫ້ຂ້າພະເຈົ້າຫວນຄິດເຖິງບ້ານເກີດເມືອງນອນ ຫວຽດນາມ, ຈື່ຈຳວ່າຕົນເອງແມ່ນຄົນ ຫວຽດນາມ, ຂ້າພະເຈົ້າກັບຄືນ ຫວຽດນາມ ເພື່ອເຂົ້າຮ່ວມບັນດາກອງປະຊຸມວິທະຍາສາດສາກົນເປັນປະຈຳ. ຂ້າພະເຈົ້າກໍ່ພາສາມີໄປທ່ຽວບັນດາສະຖານທີ່ທີ່ມີຊື່ສຽງຢູ່ ຫວຽດນາມ ເປັນປະຈຳ, ແນະນຳໃຫ້ລາວກ່ຽວກັບບ້ານເກີດເມືອງນອນທີ່ສວຍງາມຂອງຕົນ. ຂ້າພະເຈົ້າກໍ່ມັກປຸງແຕ່ງອາຫານທີ່ມີລົດຊາດຂອງບ້ານເກີດຄື ແນມຈືນ, ເຍື່ອງພັນແບບ ຫວຽດ… ເພື່ອຮັບຕ້ອນໝູ່ເພື່ອນ. ສາມີຂອງຂ້າພະເຈົ້າກໍ່ມັກອາຫານ ຫວຽດນາມ”.
 | ທ່ານສາດສະດາຈານ ຫງວຽນເລີ່ນຢຸ້ງ ເວົ້າກ່ຽວກັບນະໂຍບາຍໃນການນຳໃຊ້ຄົນທີ່ມີຄວາມສາມາດຈາກບັນດາປະເທດ ຂອງອາເມລິກາ ແລະ ບົດຮຽນສຳລັບຫວຽດນາມ ຍສໝ - ຈາກນະໂຍບາຍການນຳໃຊ້ຄົນມີຄວາມສາມາດຈາກບັນດາປະເທດ ຂອງອາເມລິກາ, ທ່ານສາດສະດາຈານ ຫງວຽນເລີ່ນຢຸ້ງ ໄດ້ແລກປ່ຽນແບ່ງປັນປະສົບການ ແລະ ບົດຮຽນສຳລັບຫວຽດນາມ. |
 | ສາດສະດາຈານ ບຸ່ຍມິງຟອງ: ຂ້າພະເຈົ້າມີຄວາມເອົາໃຈໃສ່ ແລະ ຕິດຕາມສະພາບການຂອງປະເທດດ້ວຍຄວາມຮັກແພງເປັນພິເສດ ຍສໝ - ພາຍຫຼັງ 37 ປີແຫ່ງການສອນ ແລະ ຄົ້ນຄ້ວາຢູ່ມະຫາວິທະຍາໄລ Eötvös Loránd (ELTE), ສາດສະດາຈານ ບຸ່ຍມິງຟອງ ຫາກໍ່ໄດ້ຮັບຫຼຽນໄຊຕີນກາອັດສະວິນ ມີຄ່າສູງສົ່ງ ໂດຍລັດ ຮັງກາຣີ ສຳລັບການປະກອບສ່ວນໃນການສອນ ແລະ ຄົ້ນຄ້ວາຄະນິດສາດ, ການຮ່ວມມືວິທະຍາສາດ ແລະ ການສຶກສາ. |
ມິງດຶກ
