| ສາດສະດາຈານຫວຽດນາມ ໄດ້ຮັບທຶນຄົ້ນຄວ້າເກືອບ 6 ລ້ານ USD | |
| ທ່ານສາດສະດາຈານ ຫງວຽນເລີ່ນຢຸ້ງ ເວົ້າກ່ຽວກັບນະໂຍບາຍໃນການນຳໃຊ້ຄົນທີ່ມີຄວາມສາມາດຈາກບັນດາປະເທດ ຂອງອາເມລິກາ ແລະ ບົດຮຽນສຳລັບຫວຽດນາມ |
ເຂົ້າຮ່ວມພິທີມີ: ທ່ານຮອງລັດຖະມົນຕີການຕ່າງປະເທດ ຫວຽດນາມ ນາງ ເລທິທູຮັ່ງ; ທ່ານ ປອ. ເອກອັກຄະລັດຖະທູດ ຟ້າມລານຢຸງ, ຜູ້ອຳນວຍການສະຖາບັນ, ທ່ານ ປອ ຫງວຽນຮູ່ງເຊີນ, ຮອງຜູ້ອຳນວຍການສະຖາບັນ, ທ່ານ ປອ ນາງ ຫງວຽນທິທີນ - ຮອງຜູ້ອໍານວຍການສະຖາບັນ; ຮ່ວມກັບຜູ້ຕາງໜ້າສະພາສາດສະດາຈານຮາກຖານສະຖາບັນພົວພັນຕ່າງປະເທດ, ຫົວໜ້າ 15 ຫົວໜ່ວຍສັງກັດສະຖາບັນ, ປະທານສະຫະພັນກຳມະບານ ແລະ ເລຂາຄະນະຊາວໜຸ່ມສະຖາບັນ.
 |
| ທ່ານຮອງລັດຖະມົນຕີການຕ່າງປະເທດ ນາງ ເລທິທູຮັ່ງ ໄດ້ມອບຂໍ້ກຳນົດແຕ່ງຕັ້ງນາມມະຍົດສາດສະດາຈານໃຫ້ ທ່ານ ຮອງສາດສະດາຈານ. ປອ. ດັ້ງຮວ່າງລິງ. (ພາບ: ພາກວິຊາເສດຖະກິດສາກົນ, ສະຖາບັນພົວພັນຕ່າງປະເທດ ຫວຽດນາມ) |
ກ່າວຄຳເຫັນທີ່ພິທີ, ທ່ານຮອງລັດຖະມົນຕີ ນາງ ເລທິທູຮັ່ງ ເນັ້ນໜັກວ່າ: ເຫດການນີ້ສະແດງໃຫ້ເຫັນວ່າ, ຄຸນນະພາບຂອງອາຈານສອນຢູ່ສະຖາບັນນັບມື້ນັບໄດ້ຮັບການຍົກສູງ, ເປີດກວ້າງຄວາມຫວັງອັນໃຫຍ່ຫຼວງວ່າ ສະຖາບັນຈະມີສາດສະດາຈານ, ປະລິນຍາເອກ ນັບມື້ນັບຫຼາຍຂຶ້ນໃນອະນາຄົດ.
ຕາງໜ້າຄະນະອຳນວຍການສະຖາບັນ, ທ່ານ ປອ. ເອກອັກຄະລັດຖະທູດ ຟ້າມລານຢຸງ ໄດ້ສະແດງຄວາມຮູ້ສຶກ ແລະ ດີໃຈເມື່ອສະຖາບັນມີສາດສະດາຈານໜຸ່ມຜູ້ທຳອິດໄດ້ຮັບຕຳແໜ່ງສາດສະດາຈານໃນຂົງເຂດເສດຖະກິດ.
ໃນຂະນະດຽວກັນ, ຕາມການແບ່ງປັນຂອງທ່ານຮອງສາສະດາຈານ ປອ ຫງວຽນວັນລິກ, ພາຍຫຼັງ 45 ປີແຫ່ງການສ້າງຕັ້ງ, ນີ້ເປັນຄັ້ງທຳອິດທີ່ ຄະນະເສດຖະສາດສາກົນ - ສະຖາບັນພົວພັນຕ່າງປະເທດ ມີສາດສະດາຈານ.
ຕາມທ່ານຮອງສາດສະດາຈານ. ປອ. ຫງວຽນວັນລິກ ແລ້ວ, ນີ້ແມ່ນແບບຢ່າງເພື່ອໃຫ້ລຸ້ນພະນັກງານໜຸ່ມຂອງພາກວິຊາ ແລະ ສະຖາບັນ ສືບຕໍ່ມານະພະຍາຍາມເດີນຕາມອາຊີບສິດສອນທີ່ສູງສົ່ງ. ທ່ານສາດສະດາຈານ. ປອ. ດັ້ງຮວ່າງລິງ ແມ່ນຫຼັກຖານພະຍານຢ່າງຈະແຈ້ງໃຫ້ຄຸນນະພາບ ຖັນແຖວພະນັກງານອາຈານຂອງພາກວິຊາເສດຖະສາດສາກົນ - ຜູ້ມີຄວາມສຸດຈິດສຸດໃຈ, ມີຄວາມມົວເມົາໃນການສອນ, ຄົ້ນຄວ້າວິທະຍາສາດ ແລະ ປາດຖະໜາຢາກປະກອບສ່ວນເຂົ້າໃນພາລະກິດການສຶກສາຂອງປະເທດຊາດ.
ເມື່ອກ່າວຄຳປາໄສພາຍຫຼັງໄດ້ຮັບການແຕ່ງຕັ້ງ, ທ່ານສາດສະດາຈານ. ປອ. ດັ້ງຮວ່າງລິງ ໄດ້ສະແດງຄວາມຂອບອົກຂອບໃຈຕໍ່ການນຳກະຊວງ, ການນຳສະຖາບັນ, ຄູອາຈານ, ເພື່ອນຮ່ວມອາຊີບທີ່ໄດ້ອຸ້ມຊູຊ່ວຍເຫຼືອ, ສ້າງເງື່ອນໄຂດີທີ່ສຸດເພື່ອໃຫ້ທ່ານພັດທະນາ ແລະ ບັນລຸໄດ້ນາມມະຍົດອັນສູງສົ່ງນີ້.
ດີງເລື້ອງ
