 | ໜັງສືພິມອາເມລິກາຕີລາຄາວ່າ ຫວຽດນາມພວມທີ່ຈະກາຍເປັນຕະຫຼາດທີ່ພົ້ນເດັ່ນ |
| ທ່ານນາຍົກລັດຖະມົນຕີ ຫວຽດນາມ ຕ້ອນຮັບທ່ານຫົວໜ້າຂະແໜງເສດຖະກິດກະຊວງການຕ່າງປະເທດ ອາເມລິກາ |
ທ່ານສາດສະດາຈານ ຫງວຽນເລີ່ນຢຸ້ງ ເວົ້າກ່ຽວກັບນະໂຍບາຍໃນການນຳໃຊ້ຄົນທີ່ມີຄວາມສາມາດຈາກບັນດາປະເທດຂອງອາເມລິກາ ແລະ ບົດຮຽນສຳລັບຫວຽດນາມ
ຈາກນະໂຍບາຍການນຳໃຊ້ຄົນທີ່ມີຄວາມສາມາດຈາກບັນດາປະເທດຂອງອາເມລິກາ, ທ່ານສາດສະດາຈານ ຫງວຽນເລີ່ນຢຸ້ງ ໄດ້ແລກປ່ຽນແບ່ງປັນປະສົບການ ແລະ ບົດຮຽນສຳລັບຫວຽດນາມ.
ຕໍາແຫນ່ງປະເທດມະຫາອໍານາດໃນປະຈຸບັນ ໄດ້ຖືກສ້າງຕັ້ງຂຶ້ນຍ້ອນຫຼາຍປັດໄຈ. ນອນຈາກຍຸດທະສາດທີ່ຖືກຕ້ອງ ແລະ ນະໂຍບາຍເສດຖະກິດສະເພາະແລ້ວ, ເພື່ອສາມາດພັດທະນາຢ່າງເຂັ້ມແຂງ ແລະ ພັດທະນາແບບຍືນຍົງ, ອາເມລິກາ ໄດ້ ແລະ ພວມຮັກສາຖັນແຖວແຮງງານທີ່ມີຄຸນນະພາບຢ່າງແທ້ຈິງ, ໂດຍສະເພາະແມ່ນຖັນແຖວຄົນທີ່ມີຄວາມສາມາດ - ນີ້ແມ່ນປັດໄຈຕົ້ນຕໍທີ່ເຮັດໃຫ້ອາເມລິກາ ສືບຕໍ່ມີຄວາມຈະເລີນຮຸ່ງເຮືອງໃນທຸກມື້ນີ້. ຈາກການຄົ້ນຄ້ວາຂອງຕົນ, ທ່ານສາດສະດາຈານ ຫງວຽນເລິ່ນຢຸ້ງ ໄດ້ຂຽນບົດກ່ຽວກັບ “ ນະໂຍບາຍໃນການນຳໃຊ້ຄົນທີ່ມີຄວາມສາມາດຈາກບັນດາປະເທດຂອງອາເມລິກາ ແລະ ບົດຮຽນສຳລັບຫວຽດນາມ”. ວາລະສານຫວຽດນາມ - ອາເມລິກາ ຂໍແນະນຳຕໍ່ທ່ານຜູ້ອ່ານ:
ອາເມລິກາ ເປັນປະເທດທີ່ມີຫຼາຍຊົນເຜົ່າ, ນາໆວັດທະນະທຳ, ເປັນບ່ອນເຕົ້າໂຮມຂອງຜູ້ທີ່ມີຄວາມສາມາດ ຈາກທົ່ວໂລກ. ລັດຖະບານອາເມລິກາ ຍາມໃດກໍ່ຖືເປັນສຳຄັນການດຶງດູດ ແລະ ນຳໃຊ້ຜູ້ມີຄວາມຮູ້ຄວາມສາມາດ, ຖືວ່ານີ້ແມ່ນໜຶ່ງໃນບັນດາປັດໄຈທີ່ສຳຄັນ ເພື່ອຊຸກຍູ້ການພັດທະນາເສດຖະກິດ ແລະ ສັງຄົມຂອງປະເທດຊາດ.
ເປົ້າໝາຍຂອງນະໂຍບາຍການນໍາໃຊ້ຄົນທີ່ມີຄວາມສາມາດ ຂອງອາເມລິກາ ແມ່ນດຶງດູດ, ບັນຈຸ ແລະ ຮັກສາຄົນທີ່ມີຄວາມສາມາດແຖວໜ້າ ຈາກແຕ່ລະບ່ອນທົ່ວໂລກ, ໂດຍສະເພາະແມ່ນຂົງເຂດວິທະຍາສາດ, ເຕັກນິກ, ເຕັກໂນໂລຊີ, ຄະນິດສາດ (STEM), ທຸລະກິດ, ສາທາລະນະສຸກ, ການສຶກສາ,...;
 |
| ສ້າງສະພາບແວດລ້ອມການເຮັດວຽກ ແລະ ການຮ່ຳຮຽນທີ່ສະດວກ, ສົ່ງເສີມບັນດາຜູ້ທີ່ມີຄວາມສາມາດເສີມຂະຫຍາຍຄວາມສາມາດຂອງເຂົາເຈົ້າໃຫ້ໄດ້ຫຼາຍທີ່ສຸດ ແລະ ປະກອບສ່ວນເຂົ້າໃນການພັດທະນາຂອງ ອາເມລິກາ. |
ຊຸກຍູ້ສົ່ງເສີມຄວາມຫຼາກຫຼາຍ ແລະ ການເຊື່ອມຕົວຂອງສັງຄົມ ອາເມລິກາ.
ເພື່ອບັນລຸເປົ້າໝາຍດັ່ງກ່າວ, ລັດຖະບານ ອາເມລິກາ ໄດ້ຜັນຂະຫຍາຍຫຼາຍນະໂຍບາຍສະເພາະ ເພື່ອດຶງດູດ ແລະ ນຳໃຊ້ຜູ້ທີ່ມີຄວາມຮູ້ຄວາມສາມາດຈາກປະເທດຕ່າງໆ, ລວມມີ:
ນະໂຍບາຍວີຊາ: ອາເມລິກາ ມີລະບົບວີຊາທີ່ຫຼາກຫຼາຍ ແລະ ມີຄໄຫວພິບ, ຕອບສະໜອງຄວາມຕ້ອງການຂອງຄົນທີ່ມີຄວາມສາມາດຈາກຕ່າງປະເທດ. ບັນດາປະເພດວີຊາທົ່ວໄປ ສໍາລັບຜູ້ທີ່ມີຄວາມສາມາດຊາວຕ່າງປະເທດແມ່ນວີຊາເພື່ອຢູ່ອາໄສຖາວອນ (Immigrant Visa), ວີຊາຢູ່ອາໄສຊົ່ວຄາວ (Non-immigrant Visa) ແລະ ວີຊາແລກປ່ຽນ (Exchange Visa).
ນະໂຍບາຍວີຊາຢູ່ອາໄສຖາວອນ: ອາເມລິກາ ມີຫຼານປະເພດວີຊາການຢູ່ອາໄສຖາວອນໃຫ້ສໍາລັບຄົນຕ່າງປະເທດທີ່ມີຄວາມສາມາດ ລວມມີ:
ປະເພດ EB-1 ແມ່ນສໍາລັບຄົນທີ່ມີຄວາມສາມາດ ທີ່ໂດດເດັ່ນໃນຂົງເຂດວິທະຍາສາດ, ເຕັກໂນໂລຊີ, ສິລະປະ, ການສຶກສາ, ດຳເນີນທຸລະກິດ, ...
ປະເພດ EB-2 ແມ່ນສໍາລັບຄົນທີ່ມີຄວາມສາມາດສິຊາສະເພາະລະດັບສູງ ໃນຂົງເຂດ STEM, ການແພດ, ການສຶກສາ ແລະອື່ນໆ. STEM ແມ່ນຕົວຫຍໍ້ຈາກ Science (ວິທະຍາສາດ), Technology (ເຕັກໂນໂລຊີ), Engineering ເຕັກນິກ), Mathematics (ຄະນິດສາດ). STEM ແມ່ນຮູບແບບການສຶກສາທີ່ປະສົມປະສານຄວາມຮູ້ ແລະຄວາມສາມາດຈາກສີ່ຂົງເຂດນີ້, ເພື່ອເຮັດໃຫ້ນັກຮຽນມີຄວາມຮູ້ ແລະ ຄວາມສາມາດທີ່ຈໍາເປັນ ເພື່ອແກ້ໄຂບັນຫາໃນໂລກຕົວຈິງ.
ປະເພດ EB-3 ແມ່ນໃຫ້ສໍາລັບຄົນທິີ່ມີຄວາມສາມາດວິຊາສະເພາະລະດັບກາງ ໃນຂົງເຂດ STEM, ການແພດ, ການສຶກສາ, ...
ນະໂຍບາຍວີຊາຢູ່ອາໄສຊົ່ວຄາວ: ອາເມລິກາ ມີຫຼາຍປະເພດຂອງວີຊາການຢູ່ອາໄສຊົ່ວຄາວສໍາລັບຄົນຕ່າງປະເທດທີ່ມີຄວາມສາມາດ, ລວມມີ:
ວີຊາ H-1B ແມ່ນສໍາລັບຜູ້ຊ່ຽວຊານທີ່ມີວຸດທິສູງໃນຂົງເຂດ STEM.
ວີຊາ L ແມ່ນສໍາລັບຜູ້ຄຸ້ມຄອງ ແລະ ນັກຊ່ຽວຊານ ທີ່ຖືກຈັດສົ່ງຈາກບໍລິສັດແມ່ ໄປຫາບໍລິສັດລູກ ທີ່ອາເມລິກາ.
ວີຊາ J ແມ່ນສໍາລັບນັກສຶກສາ, ຄູສອນ ແລະ ນັກຄົ້ນຄວ້າທີ່ເຂົ້າຮ່ວມລາຍການແລກປ່ຽນ.
ນະໂຍບາຍຊ່ວຍເຫຼືອທາງດ້ານການເງິນ: ລັດຖະບານອາເມລິກາ ແລະ ບັນດາອົງການຈັດຕັ້ງທີ່ບໍ່ຂຶ້ນກັບລັດຖະບານ ໄດ້ສະຫນອງຫຼາຍໂຄງການຊ່ວຍເຫຼືອທາງດ້ານການເງິນ ໃຫ້ຄົນທີ່ມີຄວາມສາມາດຊາວຕ່າງປະເທດ, ລວມມີ:
ໂຄງການຊ່ວຍເຫຼືອການເງິນຂອງບັນດາວິສາຫະກິດ.
ໂຄງການທຶນການສຶກສາຂອງລັດຖະບານ ອາເມລິກາ.
ໂຄງການໜູນຊ່ວຍທາງການເງິນຂອງອົງການຈັດຕັ້ງທີ່ບໍ່ຂຶ້ນກັບລັດຖະບານ.
ນະໂຍບາຍການພັດທະນາອາຊີບ: ລັດຖະບານອາເມລິກາ ແລະ ບັນດາອົງການຈັດຕັ້ງທີ່ບໍ່ຂຶ້ນກັບລັດຖະບານ ໄດ້ສະໜອງຫຼາຍໂຄງການພັດທະນາອາຊີບໃຫ້ຜູ້ທີ່ມີຄວາມສາມາດຊາວຕ່າງປະເທດ, ລວມມີ:
ໂຄງການຝຶກອົບຮົມທັກສະວິຊາຊີບ.
ໂຄງການໃຫ້ຄໍາປຶກສາດ້ານອາຊີບ.
ໂຄງການເຊື່ອມຕໍ່ວຽກເຮັດງານທຳ.
ນະໂຍບາຍຂອງອາເມລິກາ ໃນການນໍາໃຊ້ຄົນທີ່ມີຄວາມສາມາດຈາກບັນດາປະເທດ ຂອງອາເມລິກາ ໄດ້ບັນລຸຜົນສໍາເລັດໃດໜຶ່ງທີ່ແນ່ນອນ, ປະກອບສ່ວນດຶງດູດ ແລະ ຮັກສາຜູ້ທີ່ມີຄວາມສາມາດ ເປັນຈໍານວນຫຼາຍ ຈາກທຸກບ່ອນໃນທົ່ວໂລກ.
ຕາມສະຖິຕິຂອງກະຊວງການຕ່າງປະເທດອາເມລິກາແລ້ວ, ປະຈຸບັນມີຊາວຕ່າງປະເທດປະມານ 22 ລ້ານຄົນ ທີ່ດຳລົງຊີວິດ ແລະ ເຮັດວຽກຢູ່ອາເມລິກາ, ໃນນັ້ນ ປະມານ 1 ລ້ານຄົນ ມີລະດັບວິຊາສະເພາະປະລິນຍາຕີ ຫຼືສູງກວ່າ.
ເຖິງຢ່າງໃດກໍ່ຕາມ, ນະໂຍບາຍນີ້ ຍັງມີຂໍ້ຈໍາກັດບາງຢ່າງເຊັ່ນ:
ຂັ້ນຕອນການຂໍວີຊາ ແລະ ການເຂົ້າດຳລົງຊີວິດຢູ່ອາເມລິກາ ອາດຈະຫຍຸ້ງຍາກສັບສົນ ແລະ ສິ້ນເປືອງ.
ຄ່າໃຊ້ຈ່າຍໃນການດໍາລົງຊີວິດ ແລະ ການສຶກສາ ໃນອາເມລິກາແມ່ນສູງ.
ບາງຄັ້ງມີການຈໍາແນກຕໍ່ຄົນຕ່າງປະເທດ.
ລັດຖະບານອາເມລິກາ ພວມສືບຕໍ່ປັບປຸງນະໂຍບາຍນຳໃຊ້ຄົນທີມີຄວາມສາມາດຈາກປະເທດອື່ນ ເພື່ອດຶງດູດ ແລະ ຮັກສາບັນດາຜູ້ທີ່ມີຄວາມສາມາດຕື່ມອີກ, ປະກອບສ່ວນຊຸກຍູ້ການພັດທະນາເສດຖະກິດ ແລະ ສັງຄົມຂອງປະເທດ.
ພວກເຮົາຮູ້ວ່າ ຄວາມສາມາດທີ່ຍິ່ງໃຫຍ່ທີ່ສຸດຂອງພະນັກງານທີ່ດີ ແມ່ນມີຫົວຄິດປະດິດສ້າງ. ສະພາບການ "ບໍ່ມີບ່ອນເພື່ອແຂ່ງຂັນ", ບໍ່ສາມາດສະແດງທັກສະ ແລະ ຄວາມສາມາດທັງຫມົດໄດ້ນັ້ນ, ອາດເຮັດໃຫ້ຂ້າຄວາມສາມາດຂອງພວກເຂົາ ແລະ ພາໄປເຖິງການອອກຈາກບ່ອນເຮັດວຽກ.
ຫວຽດນາມ ແມ່ນປະເທດພວມພັດທະນາ, ມີຄົນຫວຽດນາມ ອາໄສຢູ່ຕ່າງປະເທດຈໍານວນ 5 ລ້ານກວ່າຄົນ ຢູ່ໃນທົ່ວໂລກ, ໃນນັ້ນ ມີປັນຍາຊົນ, ບັນດານັກວິທະຍາສາດ, ນັກເຕັກນິກ, ນັກທຸລະກິດ ພວມເຮັດວຽກງານຢູ່ບັນດາພື້ນຖານຄົ້ນຄ້ວາ, ຜະລິດ ແລະ ດຳເນີນທຸລະກິດຂະໜາດໃຫຍ່ກໍ່ບໍ່ໜ້ອຍ.
ຍ້ອນສະນັ້ນ, ຕ້ອງດຶງດູດ ແລະ ນຳໃຊ້ຜູ້ທີ່ມີຄວາມສາມາດ ເພື່ອຊຸກຍູ້ການພັດທະນາເສດຖະກິດ, ສັງຄົມ. ພວກເຮົາຈະຕ້ອງໄດ້ຊອກຮູ້ປະສົບການຂອງອາເມລິກາ ເພື່ອກໍ່ສ້າງ ແລະຜັນຂະຫຍາຍບັນດານະໂຍບາຍ ດຶງດູດ ແລະ ນໍາໃຊ້ຜູ້ທີ່ມີຄວາມສາມາດນັ້ນ ຢ່າງມີປະສິດທິພາບ.
ອານຸໄຊ ສະຫວັດ
