 | ທະຫານປ້ອງກັນຊາຍແດນ ກວາງຈີ້ ປະກອບສ່ວນປັບປຸງ, ເພີ່ມທະວີສາຍພົວພັນປະຊາຊົນລະຫວ່າງ ຫວຽດນາມ - ລາວ |
| ຫວຽດນາມ-ລາວ ເພີ່ມທະວີການຮ່ວມມືປ້ອງກັນຊາຍແດນ |
 |
| ທ່ານ ພັນເອກ ຫງວຽນແທ່ງຫາຍ, ຮອງຫົວໜ້າການເມືອງທະຫານປ້ອງກັນຊາຍແດນ ໄດ້ເຮັດວຽກກັບກອງບັນຊາການທະຫານປ້ອງກັນຊາຍແດນ ກອນຕູມ. ພາບ: ໄທກິມງາ |
ຢູ່ທີ່ແຂວງ ກອນຕູມ, ຄະນະປະຕິບັດງານໄດ້ລົງກວດກາບັນດາສະຖານທີ່ຕ່າງໆເຊັ່ນ: ໂຮງແຮມ, ເວທີ, ຫໍປະຊຸມ, ສະໜາມກິລາ ແລະ ສະຖານທີ່ຈັດພິທີຕ້ອນຮັບຄະນະນາຍທະຫານໜຸ່ມ ລາວ ເຂົ້າຮ່ວມການພົບປະແລກປ່ຽນ; ສະຖານທີ່ ແລະ ເປົ້າໝາຍນອນໃນການເຄື່ອນໄຫວມອບທຶນການສຶກສາ, ເຂົ້າຮ່ວມໂຄສະນາອົບຮົມ, ສຶກສາກົດໝາຍໃຫ້ປະຊາຊົນສອງຟາກຊາຍແດນ, ປູກຕົ້ນໄມ້ທີ່ລະນຶກ... ແນໃສ່ເພື່ອຮັບໃຊ້ບ່ອນກິນດື່ມ, ພັກເຊົາ ແລະ ການເຄື່ອນໄຫວສົນທະນາ, ທ່ອງທ່ຽວ, ການແລກປ່ຽນວັດທະນະທໍາ, ສິລະປະ ແລະ ກິລາໃຫ້ດີທີ່ສຸດ.
ຕາງໜ້າຄະນະປະຕິບັດງານ, ທ່ານ ພັນເອກ ຫງວຽນແທ່ງຫາຍ ໄດ້ຕີລາຄາຢ່າງສູງບັນດາການກະກຽມຢ່າງລອບຄອບ, ຄວາມເປັນເຈົ້າການໃນວຽກງານປຶກສາຫາລື, ສົມທົບກັນຢ່າງແໜ້ນແຟ້ນກັບບັນດາອົງການວິຊາສະເພາະຂັ້ນເທິງ, ການນໍາທ້ອງຖິ່ນທຸກຂັ້ນຂອງກອງບັນຊາການທະຫານປ້ອງກັນຊາຍແດນແຂວງ ກອນຕູມ, ສ້າງປະຖົມປັດໄຈທີ່ສຳຄັນໃຫ້ແກ່ຄວາມສໍາເລັດຂອງໂຄງການແລກປ່ຽນທີ່ຈະມາເຖິງ.
 |
| ດ່ານຊາຍແດນສາກົນ ເບີອີ (ແຂວງ ກອນຕູມ). ພາບ: ໄທກິມງາ |
ທ່ານຮອງຫົວໜ້າການເມືອງທະຫານປ້ອງກັນຊາຍແດນ ເນັ້ນໜັກວ່າ: ການກະກຽມທີ່ລະມັດລະວັງ, ລອບຄອບກ່ອນການພົບປະແລກປ່ຽນແມ່ນຫຼັກຖານສະແດງເຖິງຄວາມສາມັກຄີ, ການສົມທົບກັນຢ່າງແໜ້ນແຟ້ນລະຫວ່າງກອງບັນຊາການທະຫານປ້ອງກັນຊາຍແດນ ຫວຽດນາມ ແລະ ກົມໃຫຍ່ປ້ອງກັນຄວາມສະຫງົບ, ກົມໃຫຍ່ຕຳຫຼວດ ລາວ, ປະກອບສ່ວນເຂົ້າໃນການປັບປຸງສາຍພົວພັນມິຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ-ລາວ. ເສີມຂະຫຍາຍບັນດາປະສົບການ, ໝາກຜົນທີ່ບັນລຸໄດ້ ຜ່ານບັນດາການພົບປະແລກປ່ຽນກ່ອນໜ້ານີ້, ກອງບັນຊາການທະຫານປ້ອງກັນຊາຍແດນແຂວງ ກອນຕູມ ໄດ້ຜ່ານຜ່າຄວາມຫຍຸ້ງຍາກເພື່ອປະຕິບັດສຳເລັດໜ້າທີ່ຂອງຕົນ.
 |
| ຄະນະສຳຫຼວດຢູ່ເຂດວິຫານບູຊາ ໄຕເຊີນຕາມກຽດ (ແຂວງ ບິ່ງດິ້ງ). ພາບ: ໄທກິມງາ |
 |
| ຄະນະສຳຫຼວດຢູ່ເຂດທ່ອງທ່ຽວ ກີກໍ່, ຕາແສງ ເຍີນລີ, ແຂວງ ບິ່ງດິ້ງ. ພາບ: ໄທກິມງາ |
ຢູ່ທີ່ແຂວງ ບິ່ງດິ້ງ, ຄະນະໄດ້ໄປສຳຫຼວດໂຮງແຮມ, ເຂດວິຫານບູຊາ ໄຕເຊີນຕາມກຽດ ແລະ ບັນດາສະຖານທີ່ທ່ອງທ່ຽວທີ່ມີຊື່ສຽງຂອງແຂວງ ບິ່ງດິ້ງ ແລະ ຄາດວ່າຈະມີຄະນະນາຍທະຫານໜຸ່ມ ລາວ ໄປຢ້ຽມຢາມ.
ທ່ານ ພັນເອກ ຫງວຽນແທ່ງຫາຍ ສະເໜີໃຫ້ກອງບັນຊາການທະຫານປ້ອງກັນຊາຍແດນແຂວງ ບິ່ງດິ້ງ ມີແຜນການຕ້ອນຮັບຄະນະນາຍທະຫານກົມໃຫຍ່ສັນຕິບານ, ກົມໃຫຍ່ຕຳຫຼວດ ລາວ ໃຫ້ລອບຄອບ, ປອດໄພ, ສ້າງພາບພົດອັນດີງາມຂອງປະເທດຊາດ ແລະ ປະຊາຊົນ ຫວຽດນາມ ກັບເພື່ອນມິດສະຫາຍ ລາວ.
ຄາດວ່າ, ການພົບປະແລກປ່ຽນພະນັກງານໜຸ່ມທະຫານປ້ອງກັນຊາຍແດນ ຫວຽດນາມ ກັບພະນັກງານໜຸ່ມກົມໃຫຍ່ສັນຕິບານ, ກົມໃຫຍ່ຕຳຫຼວດ ລາວ ຈະດຳເນີນໃນກາງເດືອນ ກໍລະກົດ ປີ 2024.
 | ປຸກລະດົມການເສັງອອນໄລ “ຮຽນຮູ້ກ່ຽວກັບກົດໝາຍວ່າດ້ວຍການປ້ອງກັນຊາຍແດນຫວຽດນາມ” ຍສໝ - ຕອນບ່າຍວັນທີ 27 ພະຈິກ, ຢູ່ ຮ່າໂນ້ຍ, ກອງບັນຊາການທະຫານປ້ອງກັນຊາຍແດນ (BPD) ໄດ້ປຸກລະດົມການເສັງອອນໄລ “ຮຽນຮູ້ກ່ຽວກັບກົດໝາຍວ່າດ້ວຍການປ້ອງກັນຊາຍແດນຫວຽດນາມ”. |
 | ປິດຊຸດຝຶກອົບຮົມວິຊາການປ້ອງກັນຊາຍແດນໃຫ້ແກ່ພະນັກງານກອງທັບປະຊາຊົນລາວ ຍສໝ - ພາຍຫຼັງໜຶ່ງເດືອນທີ່ຜ່ານຜ່າຄວາມຫຍຸ້ງຍາກດ້ານສະພາບດິນຟ້າອາກາດ ແລະຄວາມແຕກຕ່າງກັນດ້ານພາສາ, ຊຸດຝຶກອົບຮົມກໍ່ໄດ້ສຳເລັດຕາມແຜນການທີ່ໄດ້ວາງອອກ. |
ມິງດຶກ
