| ກວາງຈີ້, ເຫງະອານ ຕອບສະໜອງສັບປະດາທະເລ ແລະ ໝຸ່ເກາະ ຫວຽດນາມ | |
| ງານວາງສະແດງ ແລະໂຄສະນາຜະລິດຕະພັນທີ່ເປັນເອກະລັກສະເພາະ, OCOP ຂອງແຂວງ ກວາງຈີ້ |
ວັນທີ 22 ກຸມພາ, ຄະນະກໍາມະການປະຊາຊົນແຂວງ ກວາງຈີ້ ໄດ້ຈັດຕັ້ງກອງປະຊຸມສະຫຼຸບເບື້ອງຕົ້ນ 5 ປີ (ໄລຍະ 2019-2024) ແລະ ໄດ້ພົບປະ, ຍ້ອງຍໍແບບຢ່າງຂອງການປະຕິບັດ “ວັນປ້ອງກັນຊາຍແດນທົ່ວປວງຊົນ”.
ກ່າວຄຳປາໄສທີ່ກອງປະຊຸມ, ທ່ານຮອງປະທານຜູ້ປະຈຳຄະນະກຳມະການປະຊາຊົນແຂວງ ກວາງຈີ້ ຮ່າສີດົ່ງ ໄດ້ຢືນຢັນວ່າ ໄລຍະຜ່ານມາ 5 ປີແຫ່ງການປະຕິບັດ “ວັນປ້ອງກັນຊາຍແດນທົ່ວປວງຊົນ” ໄດ້ປະກອບສ່ວນເຂົ້າໃນຄວາມສະຖຽນລະພາບການເມືອງ, ຍົກສູງຄຸນນະພາບ, ປະສິດທິຜົນ, ຜົນສັກສິດການເຄື່ອນໄຫວຂອງລະບົບການເມືອງຢູ່ຮາກຖານ; ພັດທະນາເສດຖະກິດ - ສັງຄົມ, ຍົກສູງຊີວິດດ້ານວັດຖຸ, ຈິດໃຈໃຫ້ປະຊາຊົນຢູ່ເຂດຊາຍແດນ, ທະເລ, ໝູ່ເກາະ; ລະດົມກຳລັງແຮງຂອງມະຫາຊົນທີ່ເຂົ້າຮ່ວມບັນດາການເຄື່ອນໄຫວຮັກສາອະທິປະໄຕເຂດແຄວ້ນ, ຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ, ທະເລ, ໝູ່ເກາະ; ປັບປຸງກຸ່ມກ້ອນມະຫາສາມັກຄີແຫ່ງຊາດ, ຮັກສາແລະ ເພີ່ມທະວີສາຍພົວພັນສາມັກຄີ, ມິດຕະພາບແບບພິເສດ ຫວຽດນາມ - ລາວ ຢ່າງໝັ້ນແກ່ນ.
ມາຮອດປະຈຸບັນ, 100% ຂອງໝູ່ບ້ານ ກໍມີເສັ້ນທາງຄົມມະນາຄົມຈາກຕາແສງຫາບ້ານ; 100% ຈຳນວນຕາແສງ ແລະ ບ້ານ ໄດ້ນຳໃຊ້ລະບົບໄຟຟ້າແຫ່ງຊາດ... ກໍ່ສ້າງ “ເຮືອນອົບອຸ່ນໃຫ້ຜູ້ທຸກຍາກຢູ່ເຂດຊາຍແດນ” 120 ຫຼັງ ແລະ ກິດຈະການການດຳລົງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນ 24 ແຫ່ງ ດ້ວຍຈຳນວນເງິນກວ່າ 9 ຕື້ດົ່ງ; ມອບຂອງຂວັນ 11.234 ພູດ ມີມູນຄ່າກວ່າ 3,9 ຕື້ດົ່ງ...
 |
|
|
ບັນດາອົງການ, ຫົວໜ່ວຍ, ອົງການຈັດຕັ້ງ, ປະຊາຊົນໃນແຂວງ ໄດ້ຈັດຕັ້ງບັນດາການເຄື່ອນໄຫວມຸ່ງໄປເຖິງເຂດຊາຍແດນ, ທະເລໝູ່ເກາະພ້ອມກັບຂອງຂວັນນັບແສນພູດຢ່າງເປັນປະຈຳ, ປະກອບສ່ວນລະດົມພົນ, ໜູນຊ່ວຍພະນັກງານ, ປະຊາຊົນຢູ່ເຂດຊາຍແດນ ໃຫ້ມີຄວາມອຸ່ນອຽນໃຈທາງດ້ານແນວຄິດ, ພັດທະນາເສດຖະກິດ - ສັງຄົມ, ຂ້າງຄຽງກັບທະຫານປ້ອງກັນຊາຍແດນແຂວງ ເພື່ອປົກປັກຮັກສາອະທິປະໄຕເຂດແຄວ້ນ, ຄວາມໝັ້ນຄົງທາງຊາຍແດນຂອງປະເທດຊາດ ຢ່າງໝັ້ນແກ່ນ.
ນອກຈາກນັ້ນ, ບັນດາກໍາລັງກໍ່ໄດ້ສົມທົບກັນຢ່າງເປັນເຈົ້າການ ເພື່ອກຳແໜ້ນສະພາບການ, ຕໍ່ສູ້ຢ່າງທັນເວລາ, ສະກັດກັ້ນການເຄື່ອນໄຫວຂອງບັນດາອາດຊະຍາກຳຕ່າງໆທີ່ກ່ຽວຂ້ອງກັບຄວາມໝັ້ນຄົງຊາຍແດນ, ຄວາມໝັ້ນຄົງແຫ່ງຊາດ ທັງພາຍໃນ ແລະ ພານນອກຊາຍແດນ. ປະຊາຊົນ ໄດ້ຄົ້ນພົບ ແລະ ສະໜອງໃຫ້ກຳລັງທະຫານປ້ອງກັນຊາຍແດນແຂວງ 7.696 ແຫຼ່ງຂໍ້ມູນ, ໃນນັ້ນມີ 3.576 ແຫຼ່ງຂໍ້ມູນ ທີ່ເປັນປະໂຫຍດກ່ຽວກັບບັນດາການເຄື່ອນໄຫວເຊື່ອມໂຍງ, ສ້າງສາຮາກຖານຂອງບັນດາອິດທິກຳລັງສັດຕູ, ການເຄື່ອນໄຫວເຜີຍແຜ່ສາສະໜາຜິດກົດໝາຍ, ການຄ້າມະນຸດ, ຢາເສບຕິດ, ຄ້າເຖື່ອນ, ສ້າງຄວາມເປັນລະບຽບຮຽບຮ້ອຍທາງສັງຄົມ...
ກຳລັງເຈົ້າທີ່ ໄດ້ຄົ້ົ້ນພົບ, ສະກັດກັ້ນ, ແກ້ໄຂ 2.486 ຄະດີ / 8.789 ເປົ້າໝາຍ, ປັບໄໝ 21,9 ຕື້ດົ່ງ,ຮ້ອງຟ້ອງ 60 ຄະດີ / 140 ເປົ້າໝາຍການຈັດຕັ້ງ, ຜູ້ຕິດຕໍ່, ຕໍ່ມືໃຫ້ການເຄື່ອນໄຫວອອກເມືອງ, ເຂົ້າເມືອງທີ່ຜິດກົດໝາຍ.
ບັນດາທ້ອງຖິ່ນທີ່ມີເຂດຊາຍແດນ ໄດ້ຮັກສາບັນດາການເຄື່ອນໄຫວແຮກສ່ຽວກຸ່ມພົນລະເມືອງທີ່ຢູ່ອາໄສສອງຟາກຊາຍແດນລະຫວ່າງ 27 ໝູ່ບ້ານ ຢ່າງມີຜົນ. ເພີ່ມທະວີການເຄື່ອນໄຫວວຽກງານການຕ່າງປະເທດ, ການທູດປະຊາຊົນ, ການພົບປະແລກປ່ຽນປະຊາຊົນສອງຟາກຊາຍແດນ, ປະກອບສ່ວນປັບປຸງຄວາມສາມັກຄີ, ມິດຕະພາບແບບພິເສດ ຫວຽດນາມ - ລາວ.
ເນື່ອງໃນໂອກາດນີ້, ກອງບັນຊາການທະຫານປ້ອງກັນຊາຍແດນ ຫວຽດນາມ ໄດ້ມອບໃບຍ້ອງຍໍໃຫ້ 1 ກົມກອງລວມໝູ່ ແລະ 5 ບຸກຄົນ; ທ່ານປະທານຄະນະກຳມະການປະຊາຊົນແຂວງ ກວາງຈີ້ ໄດ້ມອບໃບຍ້ອງຍໍໃຫ້ 15 ກົມກອງລວມໝູ່ ແລະ 28 ບຸກຄົນທີ່ມີຜົນງານດີເດັ່ນໃນການປະຕິບັດ “ວັນປ້ອງກັນຊາຍແດນທົ່ວປວງຊົນ” ໄລຍະ 2019-2024; ກອງບັນຊາການທະຫານປ້ອງກັນຊາຍແດນ ຫວຽດນາມ ໄດ້ມອບຫຼຽນກາລະນຶກ “ເພື່ອອະທິປະໄຕຄວາມໝັ້ນຄົງຂອງຊາຍແດນແຫ່ງຊາດ" ໃຫ້ແກ່ 6 ບຸກຄົນຢູ່ແຂວງ ກວາງຈີ້.
ມິງດຶກ
