| ນຳການພົວພັນ ຫວຽດນາມ - ຍີ່ປຸ່ນ ພັດທະນາຢ່າງເລິກເຊິ່ງ, ຮອບດ້ານ, ສົມກັບທີ່ຕັ້ງ, ລະດັບໃໝ່. | |
| ຂົວຕໍ່ຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ສາທາລະນະລັດເຊັກໂກ |
ທີ່ກອງປະຊຸມ, ບັນດາຜູ້ແທນ ໄດ້ຮັບຟັງບົດລາຍງານກ່ຽວກັບໝາກຜົນຂອງ 3 ປີແຫ່ງການປະຕິບັດບົດບັນທຶກຊ່ວຍຈຳກ່ຽວກັບລາຍການການຮ່ວມມືລະຫວ່າງແນວໂຮມສາມັກຄີເພື່ອພັດທະນາປະເທດຊາດ ກຳປູເຈຍ, ແນວລາວສ້າງຊາດ ແລະ ແນວໂຮມປະເທດຊາດ ຫວຽດນາມ ກໍຄືວຽກງານໂຄສະນາຢ່າງເລິກເຊິ່ງກວ້າງໃຫ້ບັນດາປະຊາຊົນທຸກຊັ້ນວັນນະ, ເສີມຂະຫຍາຍຄວາມສາມັກຄີທີ່ເປັນມູນເຊື້ອ, ມິດຕະພາບ ແລະ ການຮ່ວມມືລະຫວ່າງ 3 ປະເທດ ກຳປູເຈຍ, ລາວ ແລະ ຫວຽດນາມ; ວຽກງານຈັດຕັ້ງການເຄື່ອນໄຫວແລກປ່ຽນຄະນະຜູ້ແທນ, ແບ່ງປັນຂໍ້ມູນ; ການຮ່ວມມືລະຫວ່າງແນວໂຮມບັນດາທ້ອງຖິ່ນ ແລະ ການຮ່ວມມືຊາຍແດນ.
 |
| ທ່ານ ໂດ້ວັນຈ໋ຽນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ກ່າວຄຳປາໄສທີ່ກອງປະຊຸມ. ພາບ: VOV |
ໂດຍຕີລາຄາບັນດາໝາກຜົນທີ່ພົ້ນເດັ່ນພາຍຫຼັງ 3 ປີແຫ່ງການລົງນາມ (ໄລຍະ 2020-2023), ບັນດາຜູ້ແທນຖືວ່າ: ເນື້ອໃນການຮ່ວມມືນັບມື້ນັບແທດຈິງ, ເລິກເຊິ່ງກວ້າງ, ມີປະສິດທິຜົນກ່ວາ ແລະ ພັດທະນາຮອບດ້ານຢ່າງບໍ່ຢຸດຢັ້ງໃນທຸກຂົງເຂດ. ບັນດາເນື້ອໃນ “ລາຍການການຮ່ວມມືລະຫວ່າງແນວໂຮມສາມັກຄີເພື່ອພັດທະນາປະເທດຊາດ ກຳປູເຈຍ, ແນວລາວສ້າງຊາດ ແລະ ແນວໂຮມປະເທດຊາດ ຫວຽດນາມ” ກໍໄດ້ປະກອບສ່ວນເພີ່ມທະວີການເຄື່ອນໄຫວພົບປະແລກປ່ຽນ, ການຮ່ວມມືຮອບດ້ານຂອງ 3 ອົງການແນວໂຮມ ແລະ ບັນດາອົງຄະນະປະຊາຊົນແຕ່ຂັ້ນສູນກາງລົງຮອດທ້ອງຖິ່ນ, ພິເສດແມ່ນບັນດາແຂວງທີ່ມີຊາຍແດນລວມລະຫວ່າງ ຫວຽດນາມ - ກຳປູເຈຍ, ຫວຽດນາມ - ລາວ ເພື່ອສົມທົບກັນກໍ່ສ້າງເສັ້ນຊາຍແດນສັນຕິພາບ, ມິດຕະພາບ ແລະ ການຮ່ວມມື.
ບັນດາຜູ້ແທນເນັ້ນໜັກວ່າ ການຮ່ວມມືຮອບດ້ານ ແລະ ຫຼາກຫຼາຍລະຫວ່າງບັນດາທ້ອງຖິ່ນ ແລະ ການຮ່ວມມືຊາຍແດນແມ່ນຈຸດພົ້ນເດັ່ນ, ສ້າງພື້ນຖານ ແລະ ເລິກເຊິ່ງຂອງສາຍພົວພັນພິເສດ ຫວຽດນາມ - ລາວ - ກຳປູເຈຍ. ນອກຈາກນັ້ນ, ກອງປະຊຸມ ຍັງໄດ້ຮັບຟັງບາງຂໍ້ຈຳກັດ, ຄວາມຫຍຸ້ງຍາກທີ່ຕ້ອງໄດ້ແກ້ໄຂໃນໄລຍະຈະມາເຖິງຄື: ວຽກງານສົມທົບເພື່ອແບ່ງປັນຂໍ້ມູນເຊິ່ງກັນ ແລະ ກັນລະຫວ່າງ 3 ອົງການຈັດຕັ້ງ, ພິເສດແມ່ນແນວໂຮມຢູ່ຂັ້ນທ້ອງຖິ່ນຂອງ 3 ປະເທດທີ່ຍັງບໍ່ທັນເປັນປະຈຳ, ທັນທີ ...
ກ່າວຄຳປາໄສທີ່ກອງປະຊຸມ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ້ວັນຈ໋ຽນ ສະເໜີໃຫ້ 3 ຝ່າຍຕ້ອງສືບຕໍ່ເອົາໃຈໃສ່, ຊຸກຍູ້ ແລະ ເຂົ້າຮ່ວມຢ່າງໃກ້ຊິດຕິດແທດກ່ວາອີກສຳລັບລາຍການໂຄງການຮ່ວມມືໃນໄລຍະຈະມາເຖິງ; ໃນນັ້ນ ໃຫ້ສະເໜີບັນດາຂໍ້ລິເລີ່ມ, ວິທີການແກ້ໄຂໃໝ່, ເໝາະສົມກັບສະພາບການໃໝ່ ກໍຄືຖອດໄດ້ບົດຮຽນ, ປະສົບການໃນການປະຕິບັດ, ເພື່ອຊຸກຍູ້ການຮ່ວມມືລະຫວ່າງ 3 ອົງການແນວໂຮມ, ປະກອບສ່ວນພັດທະນາລວມການພົວພັນຮ່ວມມື 3 ປະເທດ ກຳປູເຈຍ - ລາວ - ຫວຽດນາມ. ພ້ອມກັນນັ້ນ, ກໍ່ຫວັງວ່າໃນໄລຍະຈະມາເຖິງ, ແນວໂຮມ 3 ປະເທດຊາດ ກຳປູເຈຍ - ລາວ - ຫວຽດນາມ ຈະຕັ້ງໜ້າແລກປ່ຽນຂໍ້ມູນ, ສົມທົບກັນແກ້ໄຂບັນດາຄວາມຫຍຸ້ງຍາກ, ຂໍ້ຄົງຄ້າງ ແລະ ບັນຫາໃໝ່ທີ່ເກີດຂຶ້ນໃນການພົວພັນສາມປະເທດ ເວົ້າລວມ ກໍຄືລະຫວ່າງແນວໂຮມ 3 ປະເທດ ເວົ້າສະເພາະ ບົນນ້ຳໃຈອ້າຍນ້ອງ.
ທ່ານປະທານ ໂດ້ວັນຈ໋ຽນ ສະເໜີໃຫ້ ກຳປູເຈຍ ແລະ ລາວ ສ້າງເງື່ອນໄຂສະດວກໃຫ້ຊາວ ຫວຽດນາມ ທີ່ດຳລົງຊີວິດ, ອອກແຮງງານ ແລະ ຮ່ຳຮຽນຢູ່ ກຳປູເຈຍ ແລະ ລາວ. ໃນນັ້ນ ສຳລັບປະເທດລາວ, ທ່ານໄດ້ສະເໜີໃຫ້ຊາວເຊື້ອຊາດ ຫວຽດນາມ ເຂົ້າເປັນສັນຊາດ ລາວ; ມອບບັດຢູ່ອາໄສໄລຍະຍາວໃຫ້ຊາວ ຫວຽດນາມ ທີ່ມຢູ່ອາໄສເປັນເວລາຫຼາຍປີ; ອະນຸຍາດສ້າງຕັ້ງບັນດາສະມາຄົມຊາວ ຫວຽດນາມ ຢູ່ບັນດາແຂວງຂອງ ລາວ; ຫັນຂັ້ນຕອນອະນຸຍາດໃຫ້ແຮງງານ ແລະ ຫຼຸດຜ່ອນພາສີ, ຄ່າທຳນຽມໃຫ້ເປັນງ່າຍດາຍ ໃຫ້ແກ່ຄົນງານ ຫວຽດນາມ ຢູ່ລາວ; ສຳລັບ ກຳປູເຈຍ, ທ່ານສະເໜີໃຫ້ສືບຕໍ່ເອົາໃຈໃສ່, ສ້າງເງື່ອນໄຂສະດວກກ່ຽວກັບພື້ນຖານນິຕິກຳ ເພື່ອໃຫ້ຊາວເຊື້ອຊາດ ຫວຽດນາມ ຢູ່ ກຳປູເຈຍ ມີຄວາມອຸ່ນອ່ຽນໃຈ,ມີຊີວິດການເປັນຢູ່ທີ່ເປັນປົກກະຕິ, ປະກອບສ່ວນຢ່າງຕັ້ງໜ້າໃຫ້ແກ່ການພົວພັນມິດຕະພາບລະຫວ່າງ ຫວຽດນາມ ແລະ ກຳປູເຈຍ.
ມິງດຶກ
