| ຟົດຟື້ນການແຂ່ງຂັນກິລາມິດຕະພາບ ຫວຽດນາມ - ລາວ - ກຳປູເຈຍ ປີ 2023 | |
| ແຂວງບິ່ງເຟືອກ ມອບຂອງຂວັນໃຫ້ຊາວ ຫວຽດນາມ ອາໄສຢູ່ຕ່າງປະເທດ, ປະຊາຊົນທີ່ມີຄວາມຫຍຸ້ງຍາກ ຢູ່ ກຳປູເຈຍ ແລະ ລາວ |
ໂດຍໄດ້ຮັບຄໍາເຊີນຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດແຫ່ງ ສປປ ລາວ ແລະ Wan Muhamad Noor Matha ປະທານສະພາແຫ່ງຊາດລາຊະອານາຈັກໄທ, ທ່ານ ເວືອງດິ່ງເຫວະ ປະທານສະພາແຫ່ງຊາດຫວຽດນາມ ຈະເຂົ້າຮ່ວມກອງປະຊຸມຂັ້ນສູງສະພາແຫ່ງຊາດ 3 ປະເທດ ກຳປູເຈຍ-ລາວ-ຫວຽດນາມ ຄັ້ງທີ 1, ຢ້ຽມຢາມ ແລະເຮັດວຽກຢູ່ສາທາລະນະລັດ ປະຊາທິປະໄຕ ປະຊາຊົນລາວ ໃນລະຫວ່າງວັນທີ 4-7 ທັນວາ, ຢ້ຽມຢາມລາຊະອານາຈັກໄທ ໃນລະຫວ່າງວັນທີ 7-10 ທັນວາ. ເນື່ອງໃນໂອກາດນີ້, ທ່ານນາງ ເລທູຮ່າ ຮອງປະທານກຳມາທິການການຕ່າງປະເທດຂອງສະພາແຫ່ງຊາດຫວຽດນາມ ໄດ້ຕອບສຳພາດຕໍ່ນັກຂ່າວ, ສື່ມວນຊົນກ່ຽວກັບການໄປຢ້ຽມຢາມ.
ນັກຂ່າວ: ສະຫາຍໃຫ້ຮູ້ຄວາມໝາຍ ແລະຄວາມສຳຄັນຂອງກອງປະຊຸມຂັ້ນສູງສະພາແຫ່ງຊາດ 3 ປະເທດ ກຳປູເຈຍ-ລາວ-ຫວຽດນາມ ຄັ້ງທີ 1?
ສະຫາຍນາງ ເລທູຮ່າ ຮອງປະທານກຳມາທິການການຕ່າງປະເທດຂອງສະພາແຫ່ງຊາດຫວຽດນາມ: ບົນພື້ນຖານສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງຫວຽດນາມ, ລາວ ແລະກຳປູເຈຍ, ເພື່ອຫັນບັນດາກົນໄກຮ່ວມມືຂັ້ນສູງລະຫວ່າງ 3 ປະເທດຢ່າງຄົບຊຸດ ກໍ່ຄືເພື່ອຕິດຕາມກວດກາການຊຸກຍູ້ການຜັນຂະຫຍາຍປະຕິບັດບັນດາຂໍ້ຕົກລົງຮ່ວມມືທີ່ໄດ້ລົງນາມລະຫວ່າງລັດຖະບານ 3 ປະເທດເວົ້າລວມ ແລະຢູ່ເຂດສາມຫຼ່ຽມພັດທະນາເວົ້າສະເພາະ, ທ່ານປະທານສະພາແຫ່ງຊາດ 3 ປະເທດໄດ້ອອກຖະແຫຼງສ້າງຕັ້ງກົນໄກກອງປະຊຸມຂັ້ນສູງສະພາແຫ່ງຊາດ 3 ປະເທດກຳປູເຈຍ-ລາວ-ຫວຽດນາມ ຢູ່ ກຳປູເຈຍ ໃນປີ 2022. ນີ້ແມ່ນຂີດໝາຍພິເສດ, ແມ່ນກົນໄກທໍາອິດທີ່ໄດ້ສ້າງຕັ້ງລະຫວ່າງບັນດາຜູ້ນຳໜ້າຂອງ 3 ອົງການນິຕິບັນຍັດ ເພື່ອຊຸກຍູ້ການຮ່ວມມືຜ່ານຊ່ອງທາງລັດຖະສະພາ, ໜູນຊ່ວຍລັດຖະບານຜັນຂະຫຍາຍ ບັນດາໂຄງການຮ່ວມມືຢ່າງມີປະສິດທິຜົນ, ເຊື່ອມຕໍ່ 3 ພື້ນຖານເສດຖະກິດ, ຊຸກຍູ້ການພັດທະນາແບບຍືນຍົງຂອງ 3 ປະເທດ ກຳປູເຈຍ-ລາວ-ຫວຽດນາມ ເວົ້າລວມ.
|
ນັກຂ່າວ: ເພື່ອໃຫ້ມີຂໍ້ລິເລີ່ມ, ການປະກອບສ່ວນສຳຄັນຢູ່ໃນກອງປະຊຸມຄັ້ງນີ້, ຝ່າຍ ຫວຽດນາມ ໄດ້ກະກຽມຫຍັງແດ່, ຂໍຮຽນສະຫາຍ?
ສະຫາຍນາງ ເລທູຮ່າ ຮອງປະທານກຳມາທິການການຕ່າງປະເທດຂອງສະພາແຫ່ງຊາດຫວຽດນາມ: ສະພາແຫ່ງຊາດຫວຽດນາມ ໄດ້ເປັນເຈົ້າການສະເໜີຂໍ້ລິເລີ່ມສ້າງຕັ້ງກົນໄກ ກຳປູເຈຍ-ລາວ-ຫວຽດນາມ, ສະພາແຫ່ງຊາດບັນດາປະເທດໄດ້ເຫັນດີຮັບຮອງເອົາ. ໃນຕະຫຼອດວິວັດທະນາການກະກຽມກອງປະຊຸມ, ສະພາແຫ່ງຊາດຫວຽດນາມ ໄດ້ເຂົ້າຮ່ວມສົມທົບຢ່າງແໜ້ນແຟ້ນກັບສະພາແຫ່ງຊາດປະເທດເຈົ້າພາບລາວ. ຫວຽດນາມ ກໍ່ໄດ້ຕັ້ງໜ້າເຂົ້າຮ່ວມສ້າງຮ່າງຖະແຫຼງການຮ່ວມຂອງກອງປະຊຸມ. ບັນດາວາລະກອງປະຊຸມຂອງບັນດາຄະນະກຳມະການ, ບັນດາອົງການຂອງສະພາແຫ່ງຊາດ ກໍ່ກະກຽມຄຳເຫັນປະກອບທີ່ວາລະປຶກສາຫາລືກ່ຽວກັບບັນດາຫົວຂໍ້ຂອງກອງປະຊຸມ. ບັນດາຜູ້ຕາງໜ້າຂອງລັດຖະບານກໍ່ໄດ້ສົມທົບຢ່າງແໜ້ນແຟ້ນກັບຝ່າຍເພື່ອນເພື່ອກະກຽມຄຳເຫັນທີ່ຈະນຳສະເໜີຢູ່ໃນກອງປະຊຸມຄັ້ງນີ້. ນັບທັງບັນດາທ້ອງຖິ່ນຊາຍແດນໃນເຂດສາມຫຼ່ຽມພັດທະນາກໍ່ໄດ້ຕັ້ງໜ້າປະກອບຄຳເຫັນ. ດ້ວຍການເຂົ້າຮ່ວມຂອງຜູ້ຕາງໜ້າລັດຖະບານ, ບັນດາທ້ອງຖິ່ນ, ຂ້າພະເຈົ້າເຊິື່ອໝັ້ນວ່າ ວາລະປະຊຸມຂອງກອງປະຊຸມຂັ້ນສູງສະພາແຫ່ງຊາດ 3 ປະເທດ ກຳປູເຈຍ-ລາວ-ຫວຽດນາມ ຄັ້ງທີ 1 ຈະມີຄວາມໝາຍສຳຄັນທີ່ສຸດ, ຍົກອອກຄຳໝັ້ນສັນຍາດ້ານການເມືອງ, ຕັດສິນໃຈຊຸກຍູ້ປະຕິບັດການກຳນົດທິດຂອງປະທານສະພາແຫ່ງຊາດ 3 ປະເທດ ເມື່ອສ້າງຕັ້ງກົນໄກນີ້ຂຶ້ນມາໃຫ້ປະສົບຜົນສຳເລັດ.
ນັກຂ່າວ: ສະຫາຍຕັ້ງຄວາມຫວັງຄືແນວໃດຕໍ່ໝາກຜົນຂອງກອງປະຊຸມຄັ້ງນີ້?
ສະຫາຍນາງ ເລທູຮ່າ ຮອງປະທານກຳມາທິການການຕ່າງປະເທດຂອງສະພາແຫ່ງຊາດຫວຽດນາມ: ຂ້າພະເຈົ້າ ຕັ້ງຄວາມຫວັງຫຼາຍທີ່ສຸດຕໍ່ໝາກຜົນຂອງກອງປະຊຸມຂັ້ນສູງສະພາແຫ່ງຊາດ 3 ປະເທດ ກຳປູເຈຍ-ລາວ-ຫວຽດນາມ ຄັ້ງທີ 1. ໝາກຜົນຂອງກອງປະຊຸມຈະສ້າງພື້ນຖານໃຫແກ່ການຮ່ວມມື 3 ຝ່າຍຢູ່ລະດັບສູງສຸດຂອງສະພາແຫ່ງຊາດ 3 ປະເທດ. ດ້ານໜຶ່ງຈະສືບຕໍ່ຊຸກຍູ້ການເຄື່ອນໄຫວແລກປ່ຽນດ້ານການເມືອງລະຫວ່າງ 3 ປະເທດ, ປັບປຸງຄວາມສາມັກຄີກໍ່ຄືສົມທົບກັນຢ່າງແໜ້ນແຟ້ນ, ຍູ້ແຮງການຮ່ວມມື, ສະໜັບສະໜູນ, ຊ່ວຍເຫຼືອກັນ ແລະມານະພະຍາຍາມພັດທະນາການພົວພັນດ້ານການເມືອງຢ່າງແທ້ຈິງ, ແມ່ນຫຼັກແຫຼ່ງແກ່ນສານໃນການກຳນົດທິດລວມຂອງການພົວພັນ 3 ປະເທດ. ອີກດ້ານອື່ນ, ໝາກຜົນກອງປະຊຸມຈະປະກອບສ່ວນຍູ້ແຮງການພົວພັນສອງ ຝ່າຍຫວຽດນາມ-ກຳປູເຈຍ, ຫວຽດນາມ-ລາວ, ກຳປູເຈຍ-ລາວ. ນອກຈາກນັ້ນ, ໝາກຜົນກອງປະຊຸມກໍ່ປະກອບສ່ວນຊຸກຍູ້ການພົວພັນຮ່ວມມືລະຫວ່າງບັນດາອົງການຈັດຕັ້ງຂອງພັກ, ຂອງສະພາແຫ່ງຊາດຢູ່ຂັ້ນສູນກາງ ແລະທ້ອງຖິ່ນ, ບັນດາກະຊວງ, ຂະແໜງການຂອງລັດຖະບານ, ລະຫວ່າງແນວໂຮມປະເທດຊາດ, ບັນດາອົງການຈັດຕັ້ງປະຊາຊົນ ແລະບັນດາທ້ອງຖິ່ນທີ່ມີເສັ້ນຊາຍແດນຮ່ວມຢູ່ເຂດສາມຫຼ່ຽມພັດທະນາຈະໄດ້ຍູ້ແຮງ ແລະປັບປຸງໃຫ້ດີຂຶ້ນກວ່າເກົ່າ.
ເລື່ອງປະທານສະພາແຫ່ງຊາດ 3 ທ່ານເຊັນຖະແຫຼງການຮ່ວມໃນສະພາບການປະຈຸບັນແມ່ນມີຄວາມໝາຍສຳຄັນທີ່ສຸດເພື່ອໃຫ້ 3 ສະພາແຫ່ງຊາດສົມທົບກັນກະທຳ, ຊຸກຍູ້ບັນດາໂຄງການຮ່ວມມືລະຫວ່າງ 3 ລັດຖະບານ, ສົມທົບກັນຕິດຕາມກວດກາການປະຕິບັດບັນດາລາຍການ, ແຜນການຮ່ວມມືລະຫວ່າງ 3 ປະເທດໃຫ້ເຂົ້າສູ່ລວງເລິກ, ໝັ້ນຄົງ ແລະນັບມື້ນັບມີປະເທດທິຜົນ, ແທດຈິງ.
ດ້ວຍຂໍ້ຄວາມ “ສັນຕິພາບ, ມິດຕະພາບ, ຄວາມສາມັກຄີ ແລະ ການຮ່ວມມືເພື່ອຄວາມວັດທະນາຖາວອນ ແລະ ການພັດທະນາແບບຍືນຍົງ”, ທີ່ກອງປະຊຸມຄົບຄະນະຄັ້ງທຳອິດ, ປະທານສະພາແຫ່ງຊາດ 3 ປະເທດ ຫວຽດນາມ, ລາວ ແລະ ກຳປູເຈຍ ຈະກ່າວຄຳປາໄສທີ່ສຳຄັນໃນຫົວຂໍ້ “ ເສີມຂະຫຍາຍບົດບາດຂອງລັດຖະສະພາກຳປູເຈຍ, ລາວ ແລະ ຫວຽດນາມ ໃນການຊຸກຍູ້ການຮ່ວມມື, ເປັນຄູ່ຮ່ວມມື, ຄວາມສາມັກຄີ ແລະ ວັດທະນາຖາວອນ” ໄດ້ສະແດງໃຫ້ເຫັນບົດບາດຂອງລັດຖະສະພາໃນການຊຸກຍູ້ການພົວພັນທາງການເມືອງ - ພື້ນຖານອັນສຳຄັນຂອງຄວາມໝັ້ນຄົງ ແລະ ການພັດທະນາຂອງແຕ່ລະປະເທດ, ເປັນເນື້ອໃນລວມ. ທິດທາງການພົວພັນສາມປະເທດ.
ກອງປະຊຸມຈະໄດ້ຮັບຟັງບົດລາຍງານຂອງຄະນະກຳມະການປະສານງານເຂດສາມຫຼ່ຽມພັດທະນາ CLV ແລະ ບົດລາຍງານຜົນການສຳຫຼວດພາກພື້ນຂອງບັນດາແຂວງໃນເຂດສາມຫຼ່ຽມພັດທະນາ 3 ປະເທດ CLV ໂດຍຄະນະຜູ້ແທນສະພາແຫ່ງຊາດ 3 CLV. ປະເທດ..
ທີ່ກອງປະຊຸມຄະນະກຳມະການການເມືອງການຕ່າງປະເທດ, ບັນດາຜູ້ແທນຈະປຶກສາຫາລືກ່ຽວກັບຫົວຂໍ້ “ເສີມຂະຫຍາຍບົດບາດຂອງລັດຖະສະພາກຳປູເຈຍ, ລາວ ແລະ ຫວຽດນາມ ໃນການຊຸກຍູ້ການພົວພັນຄູ່ຮ່ວມມື, ສາມັກຄີ ແລະ ວັດທະນາຖາວອນ”.
ທີ່ກອງປະຊຸມຄະນະກຳມະການຮ່ວມມືເສດຖະກິດ - ວັດທະນະທຳ - ສັງຄົມ, ບັນດາຜູ້ແທນຈະປຶກສາຫາລືກ່ຽວກັບຫົວຂໍ້ “ເພີ່ມທະວີການຮ່ວມມືລັດຖະສະພາ ເພື່ອແນໃສ່ຊຸກຍູ້ການເຊື່ອມໂຍງເສດຖະກິດ 3 ປະເທດມຸ່ງໄປເຖິງຈຸດໝາຍພັດທະນາແບບຍືນຍົງ ແລະ ເປັນເອກະພາບ”.
ທີ່ກອງປະຊຸມຄະນະກຳມະການຮ່ວມມືດ້ານປ້ອງກັນປະເທດ - ປ້ອງກັນຄວາມສະຫງົບ, ບັນດາຜູ້ແທນຈະປຶກສາຫາລືກ່ຽວກັບຫົວຂໍ້ “ເພີ່ມທະວີບົດບາດຊີ້ນຳຂອງລັດຖະສະພາກຳປູເຈຍ, ລາວ ແລະ ຫວຽດນາມ ກ່ຽວກັບວຽກງານປ້ອງກັນປະເທດ ແລະ ປ້ອງກັນຄວາມສະຫງົບ ເພື່ອຮັບປະກັນສັນຕິພາບ ແລະ ສະຖຽນລະພາບ”.
ເປັນໜ້າສັງເກດ, ນອກຈາກການນຳສະເໜີຂອງບັນດາອົງການສະພາແຫ່ງຊາດແລ້ວ, ທີ່ກອງປະຊຸມຄະນະຜູ້ແທນຍັງຈະໄດ້ຮັບຟັງການນຳສະເໜີຂອງບັນດາອົງການລັດຖະບານ ແລະ ຜູ້ຕາງໜ້າບັນດາທ້ອງຖິ່ນຢູ່ເຂດສາມຫຼ່ຽມພັດທະນາ ເພື່ອໃຫ້ມີການເຄື່ອນໄຫວຢ່າງຮອບດ້ານ ແລະ ຄົບຖ້ວນກ່ວາອີກ.
ໃນຕອນທ້າຍຂອງກອງປະຊຸມ, ກອງປະຊຸມຈະອອກຖະແຫຼງການຮ່ວມຂອງກອງປະຊຸມສຸດຍອດ CLV ແຫ່ງຊາດ ຄັ້ງທີ 1, ສະແດງໃຫ້ເຫັນຄວາມຕັດສິນໃຈທາງດ້ານການເມືອງ ແລະ ຄວາມມຸ່ງໝັ້ນຂອງບັນດາຫົວໜ້າອົງການນິຕິບັນຍັດ 3 ປະເທດ ໃນການເປີດກວ້າງ ແລະ ເພີ່ມທະວີການຮ່ວມມື ແລະ ການພົວພັນຄູ່ຮ່ວມມືລັດຖະສະພາ ເພື່ອຮັກສາ ແລະ ປົກປ້ອງຢ່າງໃກ້ສິດ. ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສະພາແຫ່ງຊາດ 3 ປະເທດ, ຜ່ານນັ້ນຊຸກຍູ້ການຮ່ວມມືຮອບດ້ານໃນຂົງເຂດການເມືອງ, ວັດທະນະທຳ, ເສດຖະກິດ, ການຕ່າງປະເທດ, ຄວາມໝັ້ນຄົງ, ປ້ອງກັນຊາດ ເພື່ອພັດທະນາເສດຖະກິດ - ສັງຄົມຂອງແຕ່ລະປະເທດ. ປະຊາຊົນໃນເຂດສາມຫຼ່ຽມພັດທະນາ CVL.
ຄຳຮຸ່ງ
