ໃນວັນທີ 21 ຕຸລາ, ຄະນະຜູ້ແທນສະພາແຫ່ງຊາດ ຫວຽດນາມ - ລາວ - ກໍາປູເຈຍ ໄດ້ສິ້ນສຸດການສຳຫຼວດທັດພື້ນທີ່ຕົວຈິງຢູ່ບັນດາທ້ອງຖິ່ນນອນໃນເຂດສາມຫຼ່ຽມພັດທະນາ ຫວຽດນາມ - ລາວ - ກໍາປູເຈຍ. ການສຳຫຼວດໄດ້ດຳເນີນແຕ່ວັນທີ 17 – 21 ຕຸລາ. ນີ້ແມ່ນການສຳຫຼວດຮ່ວມຄັ້ງທຳອິດລະຫວ່າງສະພາແຫ່ງຊາດ 3 ປະເທດ.
ຄະນະຜູ້ແທນ ໄດ້ພົບປະກັບຜູ້ຕາງໜ້າ 12 ແຂວງ ຢູ່ເຂດ 3 ຫຼ່ຽມພັດທະນາຂອງ 3 ປະເທດ ພ້ອມດຽວກັນນັ້ນກໍໄປຢ້ຽມຢາມບາງໂຄງການພັດທະນາຢູ່ບັນດາແຂວງຂອງ 3 ປະເທດ.
 |
| ບັນດາຜູ້ແທນສະພາແຫ່ງຊາດ ສາມປະເທດ ຖ່າຍຮູບເປັນທີ່ລະນຶກ |
ຄະນະຜູ້ແທນສະພາແຫ່ງຊາດ ຫວຽດນາມ - ລາວ - ກໍາປູເຈຍ ໄດ້ຍົກອອກ 9 ຂໍ້ສະເໜີແນະ ແລະ ວິທີການແກ້ໄຂ, ເຊິ່ງໃນນັ້ນ ມີການສົ່ງເສີມໃຫ້ອົງການນິຕິບັນຍັດ ກຳປູເຈຍ - ລາວ - ຫວຽດນາມ ຊຸກຍູ້ການຮ່ວມມືໃນບັນດາຂົງເຂດເສດຖະກິດ, ການຄ້າ, ການລົງທຶນ, ສາທາລະນະສຸກ, ການທ່ອງທ່ຽວ, ການສຶກສາ ແລະ ບຳລຸງສ້າງ,....; ສະເໜີລັດຖະບານບັນດາປະເທດ ຫວຽດນາມ - ລາວ - ກໍາປູເຈຍ ສືບຕໍ່ນຳເອົາບັນດາເປົ້າໝາຍພັດທະນາເຂດ 3 ຫຼ່ຽມພັດທະນານີ້ ເຂົ້າໃນແຜນການພັດທະນາເສດຖະກິດ - ສັງຄົມຂອງປະເທດຊາດ ແລະ ທ້ອງຖິ່ນ; ສະເໜີໃຫ້ພັດທະນາພື້ນຖານໂຄງລ່າງໃນເຂດຊາຍແດນບັນດາປະເທດ ຫວຽດນາມ - ລາວ - ກໍາປູເຈຍ ເໝືອນດັ່ງບຸລິມະສິດແຖວໜ້າ ເພື່ອສ້າງເງື່ອນໄຂສະດວກໃຫ້ແກ່ບັນດາການເຄື່ອນໄຫວການຄ້າຂ້າມຊາຍແດນ ແລະ ພົບປະແລກປ່ຽນປະຊາຊົນ.
ບັນດາຜູ້ແທນໄດ້ປຶກສາຫາລືຢ່າງລະອຽດ ກ່ຽວກັບບັນດາການເຄື່ອນໄຫວຮ່ວມມືໃນການປະຕິບັດບັນດາຂໍ້ຕົກລົງ, ແຜນການເຄື່ອນໄຫວ ແລະ ໂຄງການຮ່ວມມືທີ່ໄດ້ຮັບການລົງນາມ. ໃນຂົງເຂດເສດຖະກິດ, ວັດທະນະທຳ - ສັງຄົມ, ປ້ອງກັນປະເທດ ແລະ ປ້ອງກັນຄວາມສະຫງົບ, ຄະນະຜູ້ແທນສະພາແຫ່ງຊາດ ຫວຽດນາມ - ລາວ - ກຳປູເຈຍ ໄດ້ມີ 9 ຂໍ້ສະເໜີ ແລະ ແກ້ໄຂ, ໃນນັ້ນມີ: ສະເໜີໃຫ້ສະພາແຫ່ງຊາດບັນດາປະເທດສືບຕໍ່ຕິດຕາມ, ກວດກາການປະຕິບັດສັນຍາການພັດທະນາ ແລະ ຂໍ້ລິເລີ່ມທີ່ໄດ້ຕົກລົງ ແລະ ໄດ້ລົງນາມໂດຍລັດຖະບານ ກຳປູເຈຍ - ລາວ - ຫວຽດນາມ.
ສອງ, ຊຸກຍູ້ໃຫ້ຜູ້ແທນສະພາແຫ່ງຊາດຢູ່ບັນດາແຂວງເຂດສາມຫຼ່ຽມພັດທະນາເພີ່ມທະວີການສື່ສານ, ທິດທາງ, ຄຸ້ມຄອງບັນດາບັນຫາທີ່ເກີດຂຶ້ນ, ສາມາດຍື່ນສະເໜີຕໍ່ສະພາແຫ່ງຊາດ ຫຼື ລັດຖະບານ ຫວຽດນາມ - ລາວ - ກໍາປູເຈຍ ພິຈາລະນາ ແລະ ແກ້ໄຂ. ທີສາມ, ຊຸກຍູ້ໃຫ້ສະພາແຫ່ງຊາດ ຫວຽດນາມ - ລາວ - ກໍາປູເຈຍ ຊຸກຍູ້ການຮ່ວມມືໃນຂົງເຂດເສດຖະກິດ, ການຄ້າ, ການລົງທຶນ, ສາທາລະນະສຸກ, ການທ່ອງທ່ຽວ, ການສຶກສາ ແລະ ບຳລຸງສ້າງ,...
ທີສີ່, ສະເໜີໃຫ້ລັດຖະບານ ຫວຽດນາມ - ລາວ - ກໍາປູເຈຍ ສືບຕໍ່ສົມທົບບັນດາຈຸດໝາຍພັດທະນາເຂດສາມຫຼ່ຽມພັດທະນາເຂົ້າໃນແຜນພັດທະນາເສດຖະກິດ - ສັງຄົມຂອງຊາດ ແລະ ທ້ອງຖິ່ນ, ໃຫ້ບຸລິມະສິດຈັດສັນແຫຼ່ງງົບປະມານແຫ່ງຊາດ. ທີຫ້າ, ແນະນຳໃຫ້ພັດທະນາພື້ນຖານໂຄງລ່າງເຂດຊາຍແດນຂອງບັນດາປະເທດ ຫວຽດນາມ - ລາວ - ກໍາປູເຈຍ ເປັນບຸລິມະສິດອັນດັບໜຶ່ງ ເພື່ອອຳນວຍຄວາມສະດວກໃຫ້ແກ່ການເຄື່ອນໄຫວການຄ້າຂ້າມຊາຍແດນ ແລະ ການແລກປ່ຽນປະຊາຊົນ.
ທີຫົກ, ພັດທະນາແລວທາງການອະນຸລັກຊີວະນາໆພັນຢູ່ສາມຫຼ່ຽມພັດທະນາເພື່ອປົກປັກຮັກສາ ແລະ ພັດທະນາລະບົບນິເວດທຳມະຊາດ ແລະ ຊີວະນາໆພັນ, ຊ່ວຍຮັບປະກັນຄວາມໝັ້ນຄົງ ແລະ ຄວາມຍືນຍົງກ່ຽວກັບການປົກປັກຮັກສາອາຫານ ແລະ ທຳມະຊາດ. ທີເຈັດ, ຊຸກຍູ້ການແລກປ່ຽນຄວາມຮູ້, ປະສົບການ ແລະ ຄວາມສາມາດດ້ານວິຊາຊີບ ເພື່ອສະໜັບສະໜູນການພັດທະນາການສຶກສາ ແລະ ບຳລຸງສ້າງ, ວິທະຍາສາດ ແລະ ເຕັກໂນໂລຊີໃນຂົງເຂດທີ່ກ່ຽວຂ້ອງ, ພິເສດແມ່ນກະສິກຳ ແລະ ອຸດສາຫະກຳຜະລິດຕະພັນ, ການຄ້າສະບຽງອາຫານ.
ທີແປດ, ແນະນຳໃຫ້ລັດຖະບານບັນດາປະເທດ ຫວຽດນາມ - ລາວ - ກໍາປູເຈຍ ບຸລິມະສິດເຜີຍແຜ່ ແລະ ເລັ່ງລັດປະຕິບັດບັນດາຂໍ້ຕົກລົງ ແລະ ເອກະສານທີ່ໄດ້ລົງນາມ. ທີເກົ້າ, ພວກຂ້າພະເຈົ້າສະເໜີໃຫ້ລັດຖະບານ ຫວຽດນາມ - ລາວ - ກໍາປູເຈຍ ສືບຕໍ່ຮ່ວມມືຊອກຫາ ແລະ ສົ່ງຄືນຊາກສົບຂອງນັກຮົບເສຍສະຫຼະຊີວິດເພື່ອຊາດຫວຽດນາມ ໃນສົງຄາມເອກະລາດ ແລະ ປົດປ່ອຍຊາດຢູ່ເຂດດິນແດນ 3 ປະເທດ.
ຄຳຮຸ່ງ
