 |
ງານບຸນມະໂຫລານກຸດສົງການພຸດທະສາສະໜາສະຫະປະຊາຊາດ Vesak 2019 ຈະໄດ້ຈັດຂຶ້ນໃນລະຫວ່າງແຕ່ວັນທີ 12-14 ເດືອນ ພຶດສະພາ ປີ 2019
ງານບຸນມະໂຫລານກຸດສົງການພຸດທະສາສະໜາສະຫະປະຊາຊາດ Vesak ປີ 2019 ຈະໄດ້ຈັດຂຶ້ນໃນລະຫວ່າງແຕ່ວັນທີ 12-14 ເດືອນ ພຶດສະພາ ປີ 2019 ຢູ່ສູນວັດທະນາທໍາພຸດທະສາສະໜາ ຕາມຈູກ, ຕາແສງ ບາຊາວ, ເມືອງ ກີມບາງ, ແຂວງ ຮ່ານາມ ພາຍໃຕ້ຫົວຂໍ້ “ວິທີການສຳຜັດຂອງພຸດທະສາສະໜາກ່ຽວກັບການຊີ້ນຳນຳພາທົ່ວໂລກ ແລະ ຄວາມຮັບຜິດຊອບພ້ອມກັນແບ່ງປັນເພື່ອສັງຄົມໝັ້ນຄົງ”.
ງານບຸນມະໂຫລານກຸດສົງການພຸດທະສາສະໜາສະຫະປະຊາຊາດ Vesak ປີ 2019 ຈະໄດ້ຕ້ອນຮັບຜູ້ເຂົ້າຮ່ວມຫຼາຍກວ່າ 10.000 ຄົນ, ລວມທັງພະນັກງານ ແລະ ການນໍາຂອງບັນດາສັງຄະສະມາຄົມ, ສະມາຊິກພຸດທະສາສະຫນາຕ່າງໆ, ບັນດານັກວິທະຍາສາດ, ນັກຄົ້ນຄວ້າດ້ານພະພຸດທະເຈົ້າ...ມາຈາກ 90-100 ປະເທດ ມີ 1.500 ຄົນ ແລະ ເຂດແຄ້ວນໃນທົ່ວໂລກພ້ອມກັບສະມາຊິກຂອງພຸດທະສາສະຫນາ ແລະ ພໍ່ແມ່ປະຊາຊົນຫວຽດນາມ ປະມານ 10.000 ຄົນ.
 |
ງານບຸນມະໂຫລານກຸດສົງການພຸດທະສາສະໜາສະຫະປະຊາຊາດ Vesak 2019 ຈະໄດ້ຕ້ອນຮັບຜູ້ເຂົ້າຮ່ວມຫຼາຍກວ່າ 10.000 ຄົນ
ເຫດການດັ່ງກ່າວແມ່ນໂອກາດເພື່ອການພົບປະ ແລະ ການແລກປ່ຽນລະຫວ່າງບັນດາການນໍາພຸດທະສາສະຫນາ, ແມ່ນໂອກາດທີ່ຈະໄດ້ເຜີຍແຜ່ການແຈ້ງການຂອງພະພຸດທະເຈົ້າຕໍ່ມະນຸດຊາດກ່ຽວກັບຄວາມສັນຕິພາບ, ສອດຄ່ອງປອງດອງກັນ, ຄວາມກ້າວໜ້າ ແລະ ການພັດທະນາ.
ງານບຸນມະໂຫລານ Vesak 2019 ຍັງໄດ້ສຸມໃສ່ໃນການປຶກສາຫາລືກ່ຽວກັບບັນດາຫົວຂໍ້: ການນໍາພາທີມີຄວາມຮັບຜິດຊອບ ແລະ ສັງຄົມທີ່ມີຄວາມໝັ້ນຄົງ; ວິທີການສໍາຜັດຂອງພຸດທະສາສະຫນາກ່ຽວກັບບັນຫາຄອບຄົວທີ່ສອດຄ່ອງປອງດອງກັນ, ການດູແລສຸຂະພາບ, ສັງຄົມທີ່ມີຄວາມໝັ້ນຄົງ; ວິທີການສໍາຜັດຂອງພຸດທະສາສະຫນາໃນການກ່ຽວພັນການສຶກສາທົ່ວໂລກກ່ຽວກັບຄຸນສົມບັດ; ປະຕິວັດອຸດສາຫະກໍາ 4.0 ແລະ ພຸດທະສາສະຫນາ...
ງານບຸນມະໂຫລານ Vesak 2019 ແມ່ນເຫດການດ້ານການຕ່າງປະເທດທີ່ສໍາຄັນ, ປະກອບສ່ວນໃນການຍົກສູງພາລະບົດບາດຂອງພຸດທະສາສະຫນາຫວຽດນາມໃນການເຊື່ອມໂຍງສາກົນ; ຢືນຢັນກ່ຽວກັບດ້ານທີ່ຕັ້ງ, ຄວາມຮັບຜິດຊອບຂອງຫວຽດນາມຕໍ່ກິດຈະກໍາຕ່າງໆຂອງອົງການສະຫະປະຊາຊາດໃນທຸກຂົງເຂດ. ນີ້ກໍ່ແມ່ນໂອກາດເພື່ອໂຄສະນາເຜີຍແຜ່ຮູບພາບ, ຄົນ ແລະ ປະເທດຫວຽດນາມ; ໂດຍສະເພາະແມ່ນການພັດທະນາຢ່າງບໍ່ຢຸດຢັ້ງຂອງພຸດທະສາສະຫນາຫວຽດນາມໃນໄລຍະຕະຫຼອດກວ່າ 2.000 ປີ ຜ່ານມາ.
 |
ທ່ານ ນາຍົກລັດຖະມົນຕີຫວຽດນາມ ຫງວຽນ ຊວນ ຟຸກ ກວດການການກະກຽມງານບຸນມະໂຫລານກຸດສົງການພຸດທະສາສະໜາສະຫະປະຊາຊາດ Vesak 2019
ດ້ວຍຄວາມສໍາຄັນຂອງເຫດການນີ້, ທ່ານ ນາຍົກລັດຖະມົນຕີຫວຽດນາມ ຫງວຽນ ຊວນ ຟຸກ ໄດ້ສະເຫນີໃຫ້ແຂວງຮ່ານາມ ແລະ ເຈົ້າຂອງລົງທຶນຕ້ອງຮັບປະກັນດ້ານຄວາມຄືບໜ້າໃນການກໍ່ສ້າງບັນດາກິດຈະການຕ່າງໆໃຫ້ຖືກຕາມກໍານົດເວລາເພື່ອຮັບໃຊ້ເຫດການວັດທະນະທໍາພຸດທະສາສະຫນາຂະຫນາດໃຫຍ່ຄັ້ງນີ້.
ທ່ານນາຍົກລັດຖະມົນຕີຍັງເນັ້ນຫນັກວ່າ, ເຖິງວ່າຫວຽດນາມມີປະສົບການໃນການຈັດສໍາເລັດງານບຸນມະໂຫລານ Vesak ສະຫະປະຊາຊາດ ໃນປີ 2008 ແລະ ປີ 2014, ລ້ວນແຕ່ສ້າງຄວາມປະທັບໃຈທີ່ດີກັບໝູ່ເພື່ອນໃນໂລກ, ແຕ່ກໍ່ຕ້ອງພະຍາຍາມໃນການຈັດງານບຸນມະໂຫລານ Vesak 2019 ຄັ້ງນີ້ໃຫ້ປະສົບຜົນສໍາເລັດ ແລະ ສ້າງຄວາມປະທັບໃຈອັນເລິກເຊິ່ງຕໍ່ໝູ່ເພື່ອນໃນໂລກກ່ຽວກັບຮູບພາບປະເທດຫວຽດນາມ, ຄົນຫວຽດນາມ ແລະ ພຸດທະສາສະຫນາຫວຽດນາມ. ນີ້ກໍ່ແມ່ນຄັ້ງທີ 3 ທີ່ງານບຸນມະໂຫລານ Vesak ໄດ້ຈັດຂຶ້ນຢູ່ຫວຽດນາມ, ຫຼັງຈາກສອງຄັ້ງເຊິ່ງໄດ້ຈັດຂຶ້ນໃນ ປີ 2008 ແລະ ປີ 2014.
（ໄຊພອນ）
