 | ສະພາຄຸ້ມຄອງພຸດທະສາສະໜາ ຫວຽດນາມ ຈັດງານບຸນໃຫຍ່ ວູລານ ຢູ່ 3 ເຂດໃນປີ 2021 |
| ປະຊາຄົມຊາວຫວຽດນາມຢູ່ໂປໂລຍຈັດງານບຸນ ວູລານ ຢ່າງສົມກຽດ ເພື່ອຕອບບຸນແທນຄຸນພໍ່ແມ່ |
 |
| ທ່ານເອກອັກຄະລັດຖະທູດຫວຽດນາມ ປະຈຳ ລາວ ຫງວຽນມິງເຕີມ ພ້ອມກັບພັນລະຍາເຂົ້າຮ່ວມພິທີວູລານ ຢູ່ວັດ ເຟິດຕິກ, ນະຄອນຫຼວງ ວຽງຈັນ. ພາບ: Xuan Tu/ນັກຂ່າວ VNA ປະຈຳ ລາວ |
ເຫດການດັ່ງກ່າວບໍ່ພຽງແຕ່ຊ່ວຍອະນຸລັກຮັກສາເອກະລັກວັດທະນະທຳຫວຽດນາມເທົ່ານັ້ນ, ຫາກຍັງເພີ່ມພູນຄູນສ້າງຊີວິດດ້ານຈິດໃຈຂອງປະຊາຄົມ 2 ປະເທດ, ເພີ່ມທະວີຄວາມສາມັກຄີ ແລະ ຄວາມເຂົ້າໃຈເຊິ່ງກັນ ແລະ ກັນ ລະຫວ່າງປະຊາຊົນຫວຽດນາມ - ລາວ.
ຕາມນັກຂ່າວສຳນັກຂ່າວສານຫວຽດນາມ ປະຈຳ ລາວແລ້ວ, ເຂົ້າຮ່ວມພິທີດັ່ງກ່າວມີຜູ້ຕາງໜ້າພຣະສູນກາງສະຫະພັນພຸດທະສາສະໜາລາວ; ທ່ານ ນາງ ນາລີ ສີສຸລິດ, ພັນລະຍາຂອງທ່ານເລຂາທິການໃຫຍ່, ປະທານປະເທດລາວ ທ່ານ ທອງລຸນ ສີສຸລິດ; ທ່ານເອກອັກຄະລັດຖະທູດຫວຽດນາມ ປະຈຳ ລາວ ຫງວຽນມິງເຕີມ ພ້ອມກັບຜູ້ຕາງໜ້າວິສາຫະກິດ ແລະ ຊຸມຊົນຊາວຫວຽດນາມ ທີ່ດຳລົງຊີວິດ ແລະ ຮ່ຳຮຽນ ຢູ່ ລາວ ເປັນຈຳນວນຫຼວງຫຼາຍ.
ກ່າວຄຳປາໄສທີ່ພິທີ, ພຣະຄູທະນະລົງ ທິກ໋ມິງກວາງ, ຄຸ້ມຄອງວັດ ເຟິດຕິກ, ນະຄອນຫຼວງ ວຽງຈັນ ໄດ້ເນັ້ນໜັກວ່າ: ວູລານ ແມ່ນໂອກາດເພື່ອໃຫ້ຊາວຫວຽດນາມ ຢູ່ລາວລະນຶກ ແລະ ສະແດງຄວາມຮູ້ບຸນຄຸນຕໍ່ພໍ່ແມ່. ນີ້ບໍ່ພຽງແຕ່ແມ່ນຄວາມງາມຂອງພຸດທະສາສະໜາເທົ່ານັ້ນ ຫາກຍັງແມ່ນສິລະທຳອັນເປັນນິດຂອງຊາວຫວຽດນາມ, ປະກອບສ່ວນເຂົ້າໃນການເຊື່ອມໂຍງທາງດ້ານຈິດໃຈ, ຮັກສາເອກະລັກວັດທະນະທຳ, ພ້ອມກັນນັ້ນກໍ່ສະໜິດຕິດພັນຄວາມຮັກແພງ ແລະ ຄວາມຮູ້ຄຸນຂອງປະຊາຄົມ.
 |
| ພິທີ ວູລານຂອງປະຊາຄົມຊາວຫວຽດນາມ ຢູ່ວັດ ເຟິດຕິກ, ນະຄອນຫຼວງ ວຽງຈັນ, ປະເທດລາວ. ພາບ: Xuan Tu/ນັກຂ່າວ VNA ປະຈຳ ລາວ |
ທ່ານ ພຣະຄູທະນະລົງ ທິກ໋ມິງກວາງ ຢືນຢັນວ່າ: ງານບຸນໃຫຍ່ ວູລານ ຍັງແມ່ນໂອກາດເພື່ອໃຫ້ຊາວຫວຽດນາມ ອາໄສຢູ່ ລາວ ເວົ້າສະເພາະ ແລະ ຊາວຫວຽດນາມ ອາໄສຢູ່ຕ່າງປະເທດໃນໂລກ ເວົ້າລວມ ເພື່ອສຶກສາອົບຮົມລຸ້ນໜຸ່ມກ່ຽວກັບຫຼັກສິນທຳ “ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ”, ນ້ຳໃຈຮັກແພງເຊິ່ງກັນ ແລະ ກັນ ແລະ ສ່ອງແສງເຖິງຮີດຄອງປະເພນີອັນດີງາມຂອງຊາດ.
ກ່າວຄຳປາໄສທີ່ນີ້, ທ່ານເອກອັກຄະລັດຖະທູດ ຫງວຽນມິງເຕີມ ໃຫ້ຮູ້ວ່າ: ງານບຸນໃຫຍ່ ວູລານ ປີນີ້ໄດ້ດຳເນີນໃນບັນຍາກາດທົ່ວປະເທດສະເຫຼີມສະຫຼອງ 80 ປີແຫ່ງວັນປະຕິວັດເດືອນສິງຫາ ແລະ ວັນຊາດ 2 ກັນຍາ. ນີ້ບໍ່ພຽງແຕ່ແມ່ນໂອກາດເພື່ອສະແດງຄວາມຮູ້ບຸນຄຸນທີ່ໄດ້ ໃຫ້ກຳເນີດ ແລະ ລ້ຽງດູໃຫ້ຈະເລີນເຕີບໃຫຍ່ຕໍ່ພໍ່ແມ່ ເທົ່ານັ້ນ, ຫາກຍັງແມ່ນຕັກເຕືອນເຖິງນ້ຳໃຈຮັກຊາດ, ຄວາມສາມັກຄີ, ຄວາມມຸ່ງມາດປາດຖະໜາຢາກສ້າງສາປະເທດຮັ່ງມີ, ວັດທະນາຖາວອນ.
 |
| ທ່ານນາງ ນາລິຕາ ແສງສຸລິຈັນ ແລະ ສາມີຊາວຫວຽດນາມ ຢູ່ນະຄອນຫຼວງວຽງຈັນ, ລາວ ພວມປະຕິບັດພິທີໄຫວ້ອາໄລຢູ່ກາງແຈ້ງໃນງານບຸນ ວູລານ. ພາບ: Xuan Tu/ນັກຂ່າວ VNA ປະຈຳ ລາວ |
ໃນຂອບເຂດຂອງງານບຸນໃຫຍ່, ບັນດາພິທີການພຸດທະສາສະໜາຕາມຮີດຄອງປະເພນີຂອງລາວ ແລະ ຫວຽດນາມ ໄດ້ຮັບການປະຕິບັດຢ່າງເຄັ່ງຂຶມ. ຄະນະຈັດຕັ້ງ ແລະ ບັນດາຜູ້ມີໃຈດີ ໄດ້ມອບຂອງຂວັນ 300 ຊຸດ ລວມມີອາຫານ ແລະ ສິ່ງທີ່ຈຳເປັນໃຫ້ແກ່ຄົນຕາບອດ, ຄົນພິການ, ພໍ່ແມ່ປະຊາຊົນລາວ ແລະ ປະຊາຄົມຊາວຫວຽດນາມ ຢູ່ລາວ ທີ່ປະສົບກັບຄວາມຫຍຸ້ງຍາກ, ປະກອບສ່ວນເຜີຍແຜ່ຈິດໃຈແບ່ງປັນ, ຄວາມຮັກແພງ ແລະ ຄວາມສາມັກຄີ.
 |
| ຖາດເຂົ້າເສັ່ນໄຫວ້ໃນພິທີ ວູລານຂອງຊາວຫວຽດນາມຢູ່ຫ່າງໄກຈາກບ້ານ. ພາບ: Xuan Tu/ນັກຂ່າວ VNA ປະຈຳ ລາວ |
Đại lễ Vu Lan tại Chùa Phật Tích không chỉ góp phần gìn giữ truyền thống văn hóa tâm linh của người Việt Nam tại Lào, mà còn là dịp để Phật tử và cộng đồng người Việt tại Lào bày tỏ lòng hiếu kính đối với cha mẹ, đồng thời thắt chặt tình đoàn kết, gắn bó giữa người dân hai nước Việt Nam-Lào.
ງານບຸນໃຫຍ່ ວູລານ ຢູ່ວັດ ເຟດຕິ໋ກ ບໍ່ພຽງແຕ່ປະກອບສ່ວນຮັກສາມູນເຊື້ອວັດທະນະທຳທາງດ້ານຈິດໃຈຂອງຊາວຫວຽດນາມ ປະຈຳ ລາວເທົ່ານັ້ນ, ຫາກຍັງແມ່ນໂອກາດເພື່ອໃຫ້ຊາວພຸດ ແລະ ປະຊາຄົມຊາວຫວຽດນາມ ຢູ່ລາວ ສະແດງຄວາມກົດຫນັບຕໍ່ພໍ່ແມ່, ພ້ອມກັນນັ້ນ ກໍ່ຮັດແໜ້ນຄວາມສາມັກຄີ, ສາຍພົວພັນລະຫວ່າງປະຊາຊົນສອງປະເທດ ຫວຽດນາມ ແລະ ລາວ.
 | ຫວຽດນາມ ຂອບອົກຂອບໃຈການຊ່ວຍເຫຼືອສຸດຈິດສຸດໃຈຂອງພັກ, ລັດ ແລະ ປະຊາຊົນລາວ. ຍສໝ - ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ, ວັນຊາດ 2 ກັນຍາ ແລະ ວັນມູນເຊື້ອຂອງຂະແໜງການທາງການທູດ, ວັນທີ 20 ສິງຫາ, ການນຳຂອງພັກ, ລັດ, ແນວໂຮມ ແລະ ບັນດາກະຊວງ, ຄະນະ, ຂະແໜງການຂອງລາວ ໄດ້ມາອວຍພອນສະຖານທູດຫວຽດນາມ ປະຈຳ ລາວ. ທີ່ການພົບປະ, ທ່ານເອກອັກຄະລັດຖະທູດ ... |
 | ເພີ່ມທະວີການຮ່ວມມືກໍ່ສ້າງພັກລະຫວ່າງ ຫວຽດນາມ - ລາວ ຍສໝ - ຕາມນັກຂ່າວສຳນັກຂ່າວສານຫວຽດນາມ ປະຈຳລາວ , ຕອນບ່າຍວັນທີ 19 ສິງຫາ, ຢູ່ນະຄອນຫຼວງ ວຽງຈັນ, ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ ຂອງຄະນະຜູ້ແທນຄະນະຈັດຕັ້ງສູນກາງພັກກອມມູນິດຫວຽດນາມ ໂດຍສະຫາຍ ຫງວຽນແທ່ງເຕີມ, ກໍາມະການສູນກາງພັກ, ຮອງຫົວໜ້າຄະນະ ເປັນຫົວໜ້າຄະນະຜູ້ແທນ, ໄດ້ໂອ້ລົມສົນທະນາກັບຄະນະຜູ້ແທນຄະນະຈັດຕັ້ງສູນກາງພັກ ປະຊາຊົນປະຕິວັດລາວ ນຳໂດຍສະຫາຍ ບຸນສະດີ ທະນາມມວງ, ຄະນະກຳມະການສູນກາງພັກ, ... |
ແທັງຮັ່ງ
