| ຄະນະພະນັກງານແຂວງຄໍາມ່ວນ, ລາວ ອວຍພອນປີໃໝ່ທະຫານເຂດ 4 | |
| EuroCham: ວິສາຫະກິດ ເອີລົບ ຫາກໍ "ລົງທຶນ" ຕື່ມອີກ 100 ລ້ານ USD ຢູ່ ຫວຽດນາມ |
ຕາມນັກຂ່າວສຳນັກຂ່າວສານ ຫວຽດນາມ ປະຈຳ ລາວ ແລ້ວ, ວົງເງິນການຄ້າຫວຽດນາມ - ລາວ ໃນເດືອນມັງກອນປີນີ້ ໄດ້ເພີ່ມຂຶ້ນຢ່າງແຮງ, ຮອດ75,8% ເມື່ອທຽບໃສ່ໄລຍະດຽວກັນຂອງປີກາຍ, ບັນລຸໄດ້ 174,4 ລ້ານ USD.
ໃນນັ້ນ, ການສົ່ງອອກຂອງ ຫວຽດນາມ ໄປ ລາວ ບັນລຸໄດ້ 56,8 ລ້ານ USD, ເພີ່ມຂຶ້ນ 104,4% ເມື່ອທຽບໃສ່ໄລຍະດຽວກັນຂອງປີກາຍ. ບັນດາສິນຄ້າສົ່ງອອກຕົ້ນຕໍລວມມີນ້ຳມັນເຊື້ອໄຟທຸກປະເພດ (11,6 ລ້ານ USD, ເພີ່ມຂຶ້ນ 276%); ຜະລິດຕະພັນຈາກເຫຼັກ ແລະ ເຫຼັກກ້າ (5,44 ລ້ານ USD, ເພີ່ມຂຶ້ນ 176,6%); ພາຫະນະຂົນສົ່ງ ແລະ ອາໄຫຼ່ (4,3 ລ້ານ USD, ເພີ່ມຂຶ້ນ 118,7%); ເຄື່ອງຈັກ, ອຸປະກອນ, ເຄື່ອງມື, ອາໄຫຼ່ອື່ນໆ (3,3 ລ້ານ USD, ເພີ່ມຂຶ້ນ 83,6%); ເຫຼັກ ແລະ ເຫຼັກກ້າທຸກປະເພດ (2,98 ລ້ານ USD, ເພີ່ມຂຶ້ນ 18,2%); ຜະລິດຕະພັນດິນເຜົາ, (1,8 ລ້ານ USD, ເພີ່ມຂຶ້ນ 79,4%); ຜະລິດຕະພັນຈາກທາດໜຽວ (1,4 ລ້ານ USD, ເພີ່ມຂຶ້ນ 32,8%); ຜັກ ແລະ ໝາກໄມ້ (1,2 ລ້ານ USD, ຫຼຸດລົງ 36,2%); ເຈ້ຍ ແລະ ຜະລິດຕະພັນຈາກເຈ້ຍ (1 ລ້ານໂດລາ, ເພີ່ມຂຶ້ນ 19,5%)...
 |
| ວົງເງິນການຄ້າລະຫວ່າງ ຫວຽດນາມ ແລະ ລາວ ເພີ່ມຂຶ້ນຢ່າງວ່ອງໄວ |
ການນຳເຂົ້າຂອງ ຫວຽດນາມ ຈາກ ລາວ ບັນລຸ 117,6 ລ້ານ USD, ເພີ່ມຂຶ້ນ 64,7% ເມື່ອທຽບໃສ່ໄລຍະດຽວກັນຂອງປີກາຍ. ບາງສິນຄ້ານຳເຂົ້າຕົ້ນຕໍ ລວມມີຖົງຢາງອະນາໄມ (27,4 ລ້ານໂດລາສະຫະລັດ, ເພີ່ມຂຶ້ນ 107,2%); ໄມ້ ແລະ ຜະລິດຕະພັນໄມ້ (11,2 ລ້ານ USD, ເພີ່ມຂຶ້ນ 62,2%); ສາລີ (8,5 ລ້ານ USD, ເພີ່ມຂຶ້ນ 19,9%); ຝຸ່ນປະເພດຕ່າງໆ (6,4 ລ້ານ USD, ເພີ່ມຂຶ້ນ 34%)...
ດ້ວຍການເຕີບໂຕຢ່າງແຮງໃນເດືອນມັງກອນ ປີ 2024, ການແລກປ່ຽນການຄ້າລະຫວ່າງສອງປະເທດ ຫວຽດນາມ - ລາວ ຄາດວ່າ ຈະບັນລຸ ແລະ ລື່ນກາຍລະດັບເຕີບໂຕຕາມເປົ້າໝາຍແຕ່ 10-15% ທີ່ການນຳຂອງສອງປະເທດ ໄດ້ວາງອອກໃນກອງປະຊຸມຄະນະກຳມະການລະຫວ່າງລັດຖະບານ ຫວຽດນາມ - ລາວ ຄັ້ງທີ 46 ທິ່ຜ່ານມາ.
ປີ 2023, ວົງເງິນການຄ້າສອງຝ່າຍ ລາວ - ຫວຽດນາມ ບັນລຸໄດ້ 1,6 ຕື້ USD.
ມິງດຶກ
