ປຶ້ມຂາວປີ 2024 ຂອງ EuroCham ມີຫົວຂໍ້ “ຊຸກຍູ້ການລົງທຶນເພື່ອພື້ນຖານເສດຖະກິດສີຂຽວ ແລະ ຍືນຍົງ” ໄດ້ສະໜອງມູມມອງຢ່າງເລິກເຊິ່ງກ່ຽວກັບນະໂຍບາຍທຸລະກິດຂອງ ຫວຽດນາມ ຈາກປະຊາຄົມວິສາຫະກິດ ເອີລົບ.
ນີ້ແມ່ນບົດສະຫຼຸບການຮ່ວມມືທີ່ຍົກອອກບັນດາຂໍ້ສະເໜີແນະ ເພື່ອສົ່ງເສີມບັນດາບູຣິມະສິດການລົງທຶນ ແລະ ການຄ້າເພື່ອຊຸກຍູ້ການເຕີບໂຕຂອງ ຫວຽດນາມ. ຜະລິດຕະພັນການພິມໄດ້ສະໜອງໃຫ້ບັນດານັກວາງແຜນກຳນົດນະໂຍບາຍ, ວິສາຫະກິດ, ນັກວິຊາການ ແລະ ບັນດາຝ່າຍທີ່ກຽວຂ້ອງຂອງ ຫວຽດນາມ ແລະ ເອີລົບ ມີມູມມອງຕົວຈິງກ່ຽວກັບບັນດາບັນຫາເສດຖະກິດທີ່ສຳຄັນ.
ໂດຍຜ່ານການສະໜອງຂໍ້ມູນໃຫ້ບັນດາການສົນທະນາລະຫວ່າງບັນດາກຸ່ມສິດຜົນປະໂຫຍດຕ່າງໆ, ປຶ້ມຂາວມີບົດບາດສຳຄັນໃນການສ້າງເປັນຮູບເປັນຮ່າງບັນດາຂໍ້ລິເລີ່ມ ແລະ ຍຸດທະສາດລົງທຶນລະຫວ່າງ ຫວຽດນາມ ແລະ ເອີລົບ ໃນອະນາຄົດ.
ອີງຕາມ EuroCham, ປຶ້ມຂາວ ແມ່ນແຫຼ່ງເອກະສານອັນລ້ຳຄ່າ, ໄດ້ເຮັດຢ່າງອຸດົມສົມບູນ ຍ້ອນຄວາມຄິດຄວາມເຫັນປະກອບສ່ວນຈາກ 19 ອະນຸກຳມະການຂະແໜງການຂອງ EuroCham. ແຕ່ລະອະນຸກຳມະການເຫຼົ່ານີ້ ໄດ້ເຄື່ອນໄຫວຄືເປັນກຸ່ມຜູ້ຊ່ຽວຊານທີ່ສຸມໃສ່ການສະໜອງຄວາມຮູ້ລົງເລິກຂະແໜງ ແລະ ຍົກອອກຂໍ້ສະເໜີແນະໃຫ້ສຳລັບບັນດານະໂຍບາຍ.
ວິຊາສະເພາະຂອງພວກເຂົາ ລວມມີຫຼາຍຂົງເຂດ, ນັບແຕ່ພື້ນເສດຖະກິດດິຈິຕອລທີ່ພວມພັດທະນາຢ່າງວ່ອງໄວ ໄປສູ່ບັນດາຂໍ້ລິເລີ່ມການເຕີບໂຕສີຂຽວ, ຍືນຍົງ. ສິ່ງນີ້ເຮັດໃຫ້ປື້ມຂາວ ບໍ່ພຽງແຕ່ເປັນກຸ່ມສັງລວມບັນດາການຄົ້ນຄວ້າ ຫາກຍັງເປັນການແນະນຳກ່ຽວກັບຕົວຈິງອີກດ້ວຍ.
ນອກຈາກນັ້ນ, ປຶ້ມຂາວຍັງສະໜອງບັນດາມາດຕະການແກ້ໄຂ ໃຫ້ບັນດາສິ່ງທ້າທາຍທີ່ບັນດາບໍລິສັດ ເອີລົບ ປະເຊີນຢູ່ຫວຽດນາມ ແລະ ຍົກອອກການແນະນຳໃຫ້ທັງບັນດານັກວາງແຜນກຳນົດນະໂຍບາຍ ແລະ ບັນດາການນຳວິສາຫະກິດ ເມື່ອພວກເຂົາເຄື່ອນໄຫວພາຍໃຕ້ສະພາບແວດລ້ອມດ້ານນິຕິກຳ ແລະ ການເຕີບໂຕຂອງ ຫວຽດນາມ.
ທີ່ເຫດການ, ທ່ານປະທານ EuroCham Gabor Fluit ໃຫ້ຂໍ້ສັງເກດວ່າ ເຖິງວ່າເສດຖະກິດທົ່ວໂລກພວມຢູ່ໃນໄລຍະສັບສົນ ແຕ່ເສດຖະກິດ ຫວຽດນາມ ຍັງໄດ້ສະແດງໃຫ້ເຫັນຄວາມສາມາດໃນການຟື້ນຟູ, ຄວາມມີໄຫວພິບ.
ທ່ານເວົ້າວ່າ: "ສັນຍານທີ່ສຳຄັນຂອງສິ່ງນີ້ແມ່ນການລົງທືນຂອງ ເອີລົບ ເຂົ້າ ຫວຽດນາມ ເພີ່ມຂຶ້ນ. Nestlé ຫວຽດນາມ ຫາກໍ່ປະກາດລົງທຶນເພີ່ມ 100 ລ້ານ USD. ສິ່ງດັ່ງກ່າວໄດ້ເນັ້ນໜັກເຖິງຄວາມໄວ້ເນື້ອເຊື່ອໃຈຂອງ ເອີລົບ ທີ່ມີຕໍ່ ຫວຽດນາມ”.
ແຕ່ແນວໃດກໍ່ຕາມ, ຕາມທ່ານປະທານ EuroCham ແລ້ວ, ປີ 2024 ຈະມີບັນດາຄວາມຫຍຸ້ງຍາກສະເພາະ, ສະພາບແວດລ້ອມເສດຖະກິດບໍ່ສະດວກຄືກ່ອນປີ 2020.
 |
ທ່ານປະທານ EuroCham Gabor Fluit ກ່າວຄຳປາໄສທີ່ເຫດການ |
ທ່ານ Gabor Fluit ໃຫ້ຂໍ້ສັງເກດວ່າ ຫວຽດນາມ ບັນດາຄວາມສ່ຽງຄື ຫານສົ່ງອອກ-ນຳເຂົ້າຊ້າລົງ, ຄວາມສັບສົນຂອງບັນດາລະບົບສະໜອງ ແລະ ທັງບັນດາຄວາມຫຍູ້ງຍາກທີ່ບໍ່ສາມາດຄາດເດົາໄດ້. ເມື່ອປະເທດປະເຊີນໜ້າກັບສິ່ງທ້າທາຍ, ກາລະໂອກາດໃນປະຈຸບັນ, ນະໂຍບາຍທີ່ເໝາະສົມຈະເປັນປັດໄຈຫຼັກແຫຼ່ງ.
ໂດຍຍົກອອກສິ່ງທ້າທາຍທີ່ບັນດາບໍລິສັດ ເອີລົບ ປະເຊີນ ແລະ ສະເໜີໃຫ້ອົງການວາງແຜນກຳນົດນະໂຍບາຍ, ປະທານອະນຸກຳມະການກໍ່ສ້າງ ຂຶ້ນກັບ Eurocham Michel Cassagnes ໄດ້ສະເໜີແນະຫັນຂະບວນການອອກຝບຮັບຮອງອຸປະກອນໃຫ້ເປັນງ່າຍດາຍ ເພື່ອຫຼີກລ່ຽງຄວາມຊັກຊ້າຂອງໂຄງການ. ການຮັບຮອງທັງມາດຕະຖານສາກົນ ແລະ ທຽບເທົ່າທ້ອງຂອງຖິ່ນອາດສາມາດອະນຸຍາດໃຫ້ມີການອະນຸມັດໄວຂຶ້ນ ໃນຂະນະທີ່ຍັງຮັບປະກັນຄວາມປອດໄພ.
ທ່ານ ສະເໜີວ່າ: "ໂດຍກ່ຽວຂ້ອງກັບລະບົບປ້ອງກັນອັກຄີໄພສໍາລັບກິດຈະການປັບປຸງ, ພວກເຮົາຕັ້ງຂໍ້ສະເໜີແນະກ່ຽວກັບບັນດານະໂຍບາຍທີ່ເປັນເອກະພາບ ໂດຍອະນຸຍາດໃຫ້ມີການຢືນຢັນວັດຖຸອຸປະກອນທີ່ເໝາະສົມຢ່າງວ່ອງໄວ, ເຖິງວ່າ ແມ່ນພາຍໃນ ຫຼື ນຳເຂົ້າ. ສິ່ງນີ້ສ້າງຄວາມສະດວກໃຫ້ແກ່ການປະຕິບັດລະດັບຄວາມຄືບໜ້າໃນການກໍ່ສ້າງໂດຍຜ່ານຄວາມກະຈ່າງແຈ້ງໃຫຍ່ກ່ວາກ່ຽວກັບຂໍ້ກຳນົດ”.
ກ່ຽວກັບການປະຕິຮູບຂໍ້ກຳນົດ, ລະບຽບການບໍລິຫານ, ທ່ານ ໂງຫາຍຟານ, ຫົວໜ້າກົມຄວບຄຸມລະບຽບການບໍລິຫານ, (ຫ້ອງວ່າການລັດຖະບານ) ໃຫ້ຮູ້ວ່າ ປີ 2023, ຂໍ້ກຳນົດກ່ຽວກັບທຸລະກິດ 628 ສະບັບ ໄດ້ຫຼຸດລົງຢູ່ 53 ສະບັບກ່ຽວກັບເອກະສານຂໍ້ກຳນົດກົດໝາຍ. ປີ 2024, ມີຢ່າງໜ້ອຍສຸດ 20% ຂອງລະບຽບການບໍລິຫານພາຍໃນ ແລະ 20% ຂອງຄ່າໃຊ້ຈ່າຍໃນການປະຕິບັດຕາມຈະຖືກຕັດລົງ ແລະ ຫັນເປັນງ່າຍດາຍ. ຮອດປີ 2025, ເປົ້າໝາຍແມ່ນຈະສຳເລັດການແບ່ງຊັ້ນສິດອຳນາດແກ້ໄຂ 699 ລະບຽບການບໍລິຫານໃນ 100 ຂົງເຂດ.
ທ່ານ ຟານ ໄດ້ສະເໜີວ່າ ປະຊາຄົມວິສາຫະກິດ ຈະສັງລວມຂໍ້ຫຍຸ້ງຍາກ, ຂໍ້ຄົງຄ້າງກ່ຽວກັບກົນໄກ, ນະໂຍບາຍ, ລະບຽບການບໍລິຫານທີ່ສ້າງສິ່ງກີດຂວາງ, ການກຳນົດປະຈຳໄລຍະ ຫຼື ກະທັນຫັນໂດຍມີການລາຍງານສົ່ງຕໍ່ຫ້ອງວ່າການລັດຖະບານ - ອົງການປະຈຳໜ່ວຍປະຕິບັດງານ ແລະ ສະພາທີ່ປຶກສາ.
ມິງດຶກ
