| ຮັດແໜ້ນສາຍພົວພັນມິດຕະພາບລະຫວ່າງທະຫານ ແລະປະຊາຊົນສອງປະເທດຫວຽດນາມ-ລາວ | |
| ຫວຽດນາມ-ລາວ ເພີ່ມທະວີນໍ້າໃຈມິດຕະພາບ ຜ່ານການບໍາລຸງສ້າງແຫຼ່ງຊັບພະຍາກອນມະນຸດ |
ອົງການຈັດຕັ້ງທຸລະກິດຜົນກະທົບຕໍ່ສັງຄົມ (SIB), ອົງການລັດຖະບານ, ນັກລົງທຶນ, ແລະອົງການຈັດຕັ້ງຕົວກາງ ໄດ້ເຂົ້າຮ່ວມກິດຈະກໍາ SIB Connect 2023 - ງານບຸນປະຈໍາປີຂອງລະບົບນິເວດ SIB, ເພື່ອແບ່ງປັນບັນດາຂໍ້ຄິດປະດິດສ້າງ, ບົດຮຽນ, ປຶກສາຫາລືສິ່ງທ້າທາຍແລະໂອກາດການພັດທະນາຂອງລະບົບນິເວດ.
ນີ້ແມ່ນໂອກາດເພື່ອໃຫ້ SIB ແນະນຳບັນດາຜະລິດຕະພັນທີ່ມີຄຸນນະພາບດີທີ່ສຸດ, ຊອກຫາໂອກາດຮ່ວມມື ແລະ ເປີດກວ້າງຕະຫຼາດ. ພິເສດ, ໃນໂອກາດນີ້, ປຶ້ມສີຂາວກ່ຽວກັບບັນດາອົງການດຳເນີນທຸລະກິດສ້າງຜົນກະທົບຕໍ່ສັງຄົມຫວຽດນາມ 2023 ເປັນຄັ້ງທຳອິດ, ສ້າງເງື່ອນໄຂໃຫ້ SIB ໄດ້ຮັບການກຳນົດຢ່າງຈະແຈ້ງ, ຜ່ານນັ້ນຍົກສູງຄວາມສາມາດຮັບຮູ້ບັນດາຜົນປະໂຫຍດຈາກບັນດາໂຄງການໜູນຊ່ວຍຂອງລັດຖະບານ ແລະ ພາກສ່ວນກ່ຽວຂ້ອງອື່ນໆ.
ທີ່ກອງປະຊຸມ, ທ່ານຮອງຫົວໜ້າກົມພັດທະນາວິສາຫະກິດ (ກະຊວງແຜນການ ແລະ ການລົງທຶນ) ໃຫ້ຮູ້ວ່າ: “ບັນດາອົງການທີ່ສ້າງຜົນກະທົບຕໍ່ສັງຄົມຢູ່ ຫວຽດນາມ, ເຖິງວ່າຍັງມີຈຳນວນໜ້ອຍກໍ່ຕາມ, ຂະຫນາດຍັງນ້ອຍແຕ່ໄດ້ຮັບການຮັບຮູ້ວ່າ ແມ່ນການປະກອບສ່ວນໃນການປະຕິບັດເປົ້າຫມາຍພັດທະນາແບບຍືນຍົງ, ພິເສດແມ່ນໃນສະພາບທີ່ ຫວຽດນາມ ມານະພະຍາຍາມຊຸກຍູ້ການປະຕິບັດຕາມຫຼັກການວິສາຫະກິດພາຍໃນປະເທດ ເພື່ອຊ່ວຍໃຫ້ວິສາຫະກິດ ເຂົ້າເຖິງທ້ອງຕະຫຼາດຕ່າງປະເທດໄດ້ງ່າຍຂຶ້ນ, ເຂົ້າເຖິງແຫຼ່ງທຶນສີຂຽວ".
 |
| ປະກາດເປັນຄັ້ງທຳອິດຂອງປຶ້ມສີຂາວກ່ຽວກັບບັນດາອົງການດຳເນີນທຸລະກິດສ້າງຜົນກະທົບຕໍ່ສັງຄົມຢູ່ ຫວຽດນາມ 2023 |
ພິເສດ, ໃນໄລຍະ ແລະ ພາຍຫຼັງການແຜ່ລະບາດຂອງພະຍາດໂຄວິດ-19, SIB ຢູ່ ຫວຽດນາມ ຕ້ອງປະເຊີນໜ້າກັບສິ່ງທ້າທາຍຫຼາຍຢ່າງ, ນັ້ນແມ່ນຄວາມສາມາດຄຸ້ມຄອງທີ່ຈຳກັດ, ຂາດໂຄງຮ່າງການວັດແທກຜົນກະທົບທາງສັງຄົມ ແລະ ການເຂົ້າເຖິງການເງິນບໍ່ພຽງພໍ. ລະບົບນິເວດຂອງອົງການຈັດຕັ້ງທີ່ສະຫນັບສະຫນູນ SIB ຍັງຂາດກ່ຽວກັບຈຳນວນ, ຄຸນນນນະພາບ ແລະ ຄວາມເຊື່ອມຕໍ່. ນະໂຍບາຍສະຫນັບສະຫນູນ SIB ແມ່ນຢູ່ໃນກົດລະບຽບທີ່ແຕກຕ່າງກັນ ເຮັດໃຫ້ SIB ປະຊິດເຂົ້າຍາກ.
ດ້ວຍວິທີການປະຊິດເຂົ້າະບົບນິເວດເພື່ອແກ້ໄຂບັນຫາການເຊື່ອມໂຍງກັນ ແລະ ເປັນລະບົບ, ໂຄງການ ISEE-COVID ໄດ້ສະຫນັບສະຫນູນຍົກສູງຢ່າງຕັ້ງໜ້າຄວາມສາມາດຂອງ SIB, ເພີ່ມທະວີຄວາມສາມາດ ແລະ ການສົມທົບລະຫວ່າງອົງການຈັດຕັ້ງຂັ້ນກາງທີ່ສະໜັບສະໜູນ SIB, ພ້ອມກັນນັ້ນ ເພີ່ມທະວີຄວາມສາມາດວາງກຳນົດ ແລະ ສ້າງນະໂຍບາຍຂອງລັດຖະບານເພື່ອສ້າງ ເງື່ອນໄຂໃຫ້ SIB.
ໂຄງການດັ່ງກ່າວ ກໍໃດ້ນຳໃຊ້ວິທີການທົດລອງກັບນະໂຍບາຍສະໜັບສະໜູນ SIB ໃນລະດັບແຂວງ ແລະ ສະໜອງໂຄງຮ່າງການຄຸ້ມຄອງ ແລະປະເມີນຜົນກະທົບສໍາລັບ SIB. ກິດຈະກໍາຂອງໂຄງການໄດ້ປະກອບສ່ວນສ້າງລະບົບນິເວດ SIB ຂະຫຍັນຂັນເຂື່ອນ, ດ້ວຍການເຂົ້າຮ່ວມຂອງລັດຖະບານ, ນັກລົງທຶນ, ອົງການຈັດຕັ້ງຕົວກາງ ແລະ ອົງການຈັດຕັ້ງທຸລະກິດສ້າງຜົນກະທົບທາງສັງຄົມ.
ກ່າວຄຳປາໃສທີ່ເຫດການນີ້, ຜູ້ຕາງໜ້າປະຈຳUNDP ປະຈຳ ຫວຽດນາມ, ທ່ານນາງ Ramla Khalidi ໄດ້ຕີລາຄາສູງບັນດາຜົນງານຂອງບັນດາຜູ້ມີສ່ວນກ່ຽວຂ້ອງໃນລະບົບນິເວດວິສາຫະກິດທີ່ກະທົບຕໍ່ສັງຄົມຢູ່ ຫວຽດນາມ ໃນໄລຍະຜ່ານມາ.
ທ່ານນາງ Khalidi ຍັງກ່າວວ່າ ການເປີດເຜີຍແຜ່ປຶ້ມສີຂາວຄັ້ງທຳອິດກ່ຽວກັບອົງການທຸລະກິດສ້າງຜົນກະທົບຕໍ່ສັງຄົມ, ຈະສ້າງເງື່ອນໄຂໃຫ້ບັນດາອົງການທຸລະກິດທີ່ສ້າງຜົນກະທົບຕໍ່ສັງຄົມໄດ້ຮັບການກຳນົດຢ່າງເປັນທາງການ, ຊ່ວຍໃຫ້ເຂົາເຈົ້າເຂົ້າເຖິງໂຄງການສະໜັບສະໜູນຂອງລັດຖະບານ ແລະ ໂຄງການອື່ນໆ. ຄຽງຄູ່ກັບບົດລາຍງານກ່ຽວກັບລະບົບນິເວດທີ່ສະຫນັບສະຫນູນ SIB, ປຶ້ມສີຂາວ ໃຫ້ຂໍ້ມູນທີ່ສົມບູນແບບແລະຄວາມເຂົ້າໃຈກ່ຽວກັບພູມສັນຖານຂອງລະບົບນິເວດ.
ປຶ້ມສີຂາວ ກ່ຽວກັບບັນດາອົງການດຳເນີນທຸລະກິດສ້າງຜົນກະທົບສັງຄົມຢູ່ຫວຽດນາມ ປີ 2023 ໄດ້ຮັບການສະແດງໃຫ້ເຫັນບັນດາບັນດາການປະກອບສ່ວນສຳຄັນ, ພ້ອມກັນນັ້ນ ໄດ້ສະໜອງພາບລວມຂອງ SIB ຢູ່ ຫວຽດນາມ ເພື່ອຮັບໃຊ້ບັນດາການເຄື່ອນໄຫວສະຖິຕິ, ຄົ້ນຄວ້າ, ປະກອບຄຳເຫັນ ແລະ ພັດທະນານະໂຍບາຍຂອງບັນດາສຳນັກງານ, ອົງການ ແລະ ບຸກຄົນທັງພາຍໃນ ແລະ ສາກົນ.
ທີ່ປຶກສາທູດການພັດທະນາ, ສະຖານທູດການາດາ ປະຈໍາ ຫວຽດນາມ, ທ່ານ Brian Allemenkinders ໃຫ້ຮູ້ວ່າ: “ການເປີດຕົວປຶ້ມສີຂາວກ່ຽວກັບບັນດາອົງການທຸລະກິດສ້າງຜົນກະທົບທາງສັງຄົມຢູ່ ຫວຽດນາມ ສະແດງໃຫ້ເຫັນຄວາມຄືບໜ້າຂອງ ຫວຽດນາມ, ບໍ່ພຽງແຕ່ເປັນການຮັບຮູ້ບັນດາການເຄື່ອນໄຫວແກ້ໄຂບັນຫາສັງຄົມ ແລະ ສິ່ງແວດລ້ອມຂອງບັນດາອົງການດັ່ງກ່າວເທົ່ານັ້ນ, ຫາກຍັງໄດ້ສະໜອງຖານຂໍ້ມູນອ້າງອີງທີ່ເປັນປະໂຫຍດໃຫ້ບັນດາອົງການ, ກົມກອງຂອງລັດ ເພື່ອດຳເນີນບັນດານະໂຍບາຍທີ່ເໝາະສົມຊຸກຍູ້ການພັດທະນາຂອງບັນດາອົງການຈັດຕັ້ງທຸລະກິດນີ້, ພ້ອມທັງເປີດກ້ວາງກາລະໂອກາດເພື່ອເຊື່ອມຕໍ່ ແລະ ລົງທຶນກັບອົງປະກອບອື່ນໆໃນລະບົບນິເວດ”...
ມິງດຶກ
