 | CHIA ອຸປະຖໍາເສື້ອກັນໜາວເກືອບ 2.000 ຜືນໃຫ້ປະຊາຊົນທີ່ປະສົບກັບຄວາມ ຫຍຸ້ງຍາກຢູ່ແຂວງກວາງນາມ |
| HAUFO, ສະຖານທູດປານາມາ ປະຈຳຫວຽດນາມ ມອບເສື້ອກັນໜາວໃຫ້ບ້ານເດັກ Birla ຮ່າໂນ້ຍ |
ເສື້ອກັນໜາວຂອງມູນນິທິ Zhi Shan ມາຮອດເດັກນ້ອຍ ທີ່ແຂວງ ເງະອ່ານ
ວັນທີ 7 ທັນວາ ນີ້, ມູນນິທິຊີຊານ (Zhi Shan) ໄດ້ມອບເສື້ອກັນໜາວໃຫ້ນັກຮຽນອະນຸບານ 1.300 ຄົນ ຢູ່ບັນດາໂຮງຮຽນເຂດຫ່າງໄກສອກຫຼີກ ແລະ ດ້ອຍໂອກາດໃນແຂວງເງະອ່ານ.
|
“ໃນການໄປເຮັດວຽກຢູ່ແຂວງເງະອ່ານ, ຂ້າພະເຈົ້າໄດ້ເຫັນນັກຮຽນອະນຸບານຫລາຍຄົນ ທີ່ຢູ່ເຂດຫ່າງໄກສອກຫຼີກປະສົບກັບສະພາບຫຍຸ້ງຍາກ ແລະ ຂາດເຂີນ. ພວກຂ້າພະເຈົ້າໄດ້ຕັດສິນໃຈ ຜັນຂະຫຍາຍໂຄງການຊ່ວຍເຫຼືອເສື້ອກັນໜາວ ດ້ວຍຄວາມຫວັງວ່າ ຂອງຂວັນຈະນຳຄວາມອົບອຸ່ນມາໃຫ້ແກ່ເດັກນ້ອຍໃນຍາມລະດູໜາວທີ່ເຢືອກເຢັນ”, ທ່ານ ຮວ່າງຈອງທຸຍ, ຫົວໜ້າຜູ້ຕາງໜ້າຂອງມູນນິທິຊີຊານ (Zhi Shan).
|
ທ່ານນາງ ຫງວ້ຽນທິທູຍ, ຜູ້ຮັບຜິດຊອບເຂດໂຮງຮຽນ ບ້ານອ່ຽນຮ່ວາ, ໂຮງຮຽນອະນຸບານຮ່ວາເຊີນ (ເມືອງ ແອງເຊີນ, ແຂວງ ເງະອ່ານ) ໃຫ້ຮູ້ວ່າ: ພໍ່ແມ່ຂອງນ້ອງນັກຮຽນ ຕົ້ນຕໍແມ່ນເຮັດໄຮ່, ມີຖານະຫຍຸ້ງຍາກ, ມີຫຼາຍຄອບຄົວຫຍຸ້ງຍາກຂາດເຂີນໝົດທັງປີ. ເດັກນ້ອຍມາໂຮງຮຽນນຸ່ງເສື້ອຜ້າທີ່ຂາດ, ນ້ອງນັກຮຽນຫລາຍຄົນ ນຸ່ງເຄື່ອງປຽກຊຸ່ມຍ່າງໄປໂຮງຮຽນ. ທຶນການຊ່ວຍເຫຼືອຂອງ ຊີຊານ (Zhi Shan) ແມ່ນເປັນຂອງຂວັນທີ່ເປັນປະໂຫຍດ ແລະ ທັງເປັນກຳລັງໃຈ ໃຫ້ເດັກນ້ອຍໄປໂຮງຮຽນ.
ຊ ສະຫວັດ
