| HAUFO ມອບຂອງຂວັນ 108 ພູດ ເພື່ອໜູນຊ່ວຍຊາວຕ່າງປະເທດທີ່ປະສົບກັບຄວາມຫຍຸ້ງຍາກເນື່ອງຈາກ Covid-19 | |
| ພິທີມອບຫຼຽນກາລະນຶກ ໃຫ້ຜູ້ຕາງໜ້າອົງການ UNESCO ປະຈຳຫວຽດນາມ |
 |
| ທ່ານຮອງປະທານປະຈຳການ HAUFO ນາງ ເຈີ່ນຖິເຝື່ອງ ແລະ ທ່ານເອກອັກຄະລັດຖະທູດ Eligio Salas. |
ກ່າວຄຳເຫັນທີ່ພິທີມອບຮັບ, ທ່ານຮອງປະທານປະຈຳການ HAUFO ນາງ ເຈີ່ນຖິເຝື່ອງ ໃຫ້ຮູ້ວ່າ HAUFO ຍິນດີເປັນຂົວຕໍ່ມິດຕະພາບ ແລະ ຮ່ວມມືກັບສະຖານທູດປານາມາ ໃນການມອບຂອງຂວັນໃຫ້ບ້ານເດັກ Birla ຮ່າໂນ້ຍ. ທ່ານຮອງປະທານປະຈຳການ HAUFO ນາງ ເຈີ່ນຖິເຝື່ອງ ຫວັງວ່າ ການເຊື່ອມຕໍ່ລະຫວ່າງສະຖານທູດປານາມາ ແລະ VUFO ຈະນັບມື້ນັບແໜ້ນແຟ້ນກ່ວາອີກ. ທ່ານນາງ ເຈີ່ນຖິເຝື່ອງ ໄດ້ສົ່ງຄຳອວຍພອນເນື່ອງໃນໂອກາດສະເຫຼີມສະຫຼອງ 118 ປີແຫ່ງວັນຊາດປານາມາ ແລະ ອວຍພອນໃຫ້ສາຍພົວພັນມິດຕະພາບທີ່ເປັນມູນເຊື້ອ ລະຫວ່າງສອງປະເທດ ຫວຽດນາມ - ປານາມາ ພັດທະນາຢ່າງໝັ້ນຄົງກ່ວາອີກ.
ທ່ານເອກອັກຄະລັດຖະທູດ Eligio Salas ໄດ້ເນັ້ນໜັກວ່າ ເດັກນ້ອຍແມ່ນເບ້ຍອ່ອນ, ແມ່ນອະນາຄົດຂອງປະເທດຫວຽດນາມ ແລະ ດ້ວຍເຫດນັ້ນ, ເນື່ອງໃນໂອກາດວັນຊາດປານາມາ, ສະຖານທູດປານາມາ ປາດຖະໜາຢາກປະກອບສ່ວນເລັກໜ້ອຍ ເພື່ອຊ່ວຍຜ່ອນຄວາມຂາດເຂີນສ່ວນໃດສ່ວນໜຶ່ງຂອງເດັກນ້ອຍ. ນີ້ກໍ່ແມ່ນການເຄື່ອນໄຫວ ເພື່ອສະແດງຄວາມຂອບໃຈຫວຽດນາມ ທີ່ຮ່ວມເດີນທາງກັບປະຊາຊົນປານາມາ ໃນຕະຫຼອດຂະບວນການຕໍ່ສູ້ຍາດເອົາເອກະລາດ.
 |
| HAUFO, ສະຖານທູດປານາມາ ປະຈຳຫວຽດນາມ ມອບເສື້ອກັນໜາວໃຫ້ບ້ານເດັກ Birla ຮ່າໂນ້ຍ |
ຕາງໜ້າໃຫ້ເດັກນ້ອຍຢູ່ບ້ານເດັກ Birla ຮ່າໂນ້ຍ, ທ່ານນາງ ຮ່ວຽນ ໄດ້ສະແດງຄວາມຂອບອົກຂອບໃຈສະຖານທູດ ປານາມາ ປະຈຳ ຫວຽດນາມ ແລະ HAUFO ທີ່ໄດ້ມອບຂອງຂວັນທີ່ມີຄວາມໝາຍໃຫ້ແກ່ເດັກນ້ອຍ ທີ່ພວມໄດ້ຮັບການລ້ຽງດູຢູ່ບ້ານນີ້ ໃນໄລຍະປະສົບກັບຄວາມຫຍຸ້ງຍາກຍ້ອນໂລກລະບາດ. ທ່ານນາງຫວັງວ່າ ໝູ່ບ້ານເດັກ Birla ຮ່າໂນ້ຍ ຈະສືບຕໍ່ໄດ້ຮັບຄວາມເອົາໃຈໃສ່, ໜູນຊ່ວຍຂອງສະຖານທູດ ແລະ ປະຊາຊົນ ປານາມາ ໃນໄລຍະຈະມາເຖິງ.
ຄຳຮຸ່ງ
