| ອົງການ CHIA ໜູນຊ່ວຍ ເສື້ອຄຸມຈຳນວນ 1.987 ຜືນໃຫ້ປະຊາຊົນທຸກຍາກແຂວງ ກວາງນາມ | |
| CHIA ມອບຂອງຂວັນ 200 ພູດ ໃຫ້ບັນດາຄອບຄົວທີ່ປະສົບກັບຄວາມຫຍຸ້ງຍາກຢູ່ແຂວງກວາງນາມ |
ຄະນະກຳມະການປະຊາຊົນແຂວງ ກວາງນາມ ຫາກໍ່ໄດ້ອອກຂໍ້ຕົກລົງສະບັບເລກທີ 2631/QD-UBND ວ່າດ້ວຍການອະນຸມັດບ້ວງໜູນຊ່ວຍທີ່ບໍ່ແມ່ນໂຄງການໂດຍອົງການ Children’s Hope In Action (CHIA) ອຸປະຖໍາເສື້ອກັນໜາວ 1.957 ຜືນໃຫ້ປະຊາຊົນທີ່ປະສົບກັບຄວາມຫຍຸ້ງຍາກຢູ່ 2 ເມືອງຄື: ເຟືອກເຊີນ ແລະ ນາມຢາງ ດ້ວຍຈຳນວນເງິນຫຼາຍກວ່າ 1 ຕື້ດົ່ງ.
 |
 |
 |
 |
| CHIA ອຸປະຖໍາເສື້ອກັນໜາວເກືອບ 2.000 ຜືນໃຫ້ປະຊາຊົນທີ່ປະສົບກັບຄວາມ ຫຍຸ້ງຍາກຢູ່ແຂວງກວາງນາມ. ພາບ: thoidai.com.vn |
ຕາມຂໍ້ຕົກລົງສະບັບເລກທີ 2631/QD-UBND ລົງວັນທີ 3 ຕຸລາ 2022 ວ່າດ້ວຍການອະນຸມັດບ້ວງໜູນຊ່ວຍທີ່ບໍ່ແມ່ນໂຄງການໂດຍອົງການ Children’s Hope In Action (CHIA), ລະອຽດ ແມ່ນ ຊື່ໂຄງການໜູນຊ່ວຍເສື້ອກັນໜາວໃຫ້ປະຊາຊົນທີ່ປະສົບກັບຄວາມຫຍຸ້ງຍາກຢູ່ແຂວງກວາງນາມ ໂດຍອົງການ Children’s Hope In Action (CHIA) ອຸປະຖໍາ; ຄະນະກຳມະການປະຊາຊົນແຂວງ ກວາງນາມ ເປັນຜູ້ຄຸ້ມຄອງ.
ໂຄງການສູ້ຊົນມອບເສື້ອກັນໜາວ 1.957 ຜືນໃຫ້ປະຊາຊົນທີ່ປະສົບກັບຄວາມຫຍຸ້ງຍາກຢູ່ເມືອງ ເຟືອກເຊີນ (1.000 ຜືນ) ແລະ ນາມຢາງ (957 ຜືນ) ເພື່ອຊ່ວຍປະຊາຊົນບັນເທົາຄວາມຫຍຸ້ງຍາກໃນຊີວິດ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດການຮັບປະກັນຊີວິດສັງຄົມຢູ່ແຂວງກວາງນາມ ໃຫ້ເປັນຢ່າງດີ.
ຄາດວ່າໂຄງການຈະໄດ້ຮັບການປະຕິບັດແຕ່ເດືອນກັນຍາ 2022 ຫາເດືອນທັນວາ 2022 ຢູ່ເມືອງເຟືອກເຊີນ ແລະ ນາມຢາງ ດ້ວຍຍອດຈຳນວນເງິນອຸປະຖໍາ 1.019.976.274 ດົ່ງ. ຂໍ້ຕົກົງໄດ້ຊີ້ແຈ້ງວ່າ, ສະຫະພັນບັນດາອົງການຈັດຕັ້ງມິດຕະພາບແຂວງ ກວາງນາມ ຕ້ອງສົມທົບກັບອົງການ CHIA ແລະ ຄະນະກຳມະການປະຊາຊົນເມືອງເຟືອກເຊີນ ແລະ ນາມຢາງ ເພື່ອຮັບເອົາ, ແຈກຢາຍໃຫ້ຜູ້ໄດ້ຮັບຊົມໃຊ້.
ບູນມີ
