| ປະທານ ຫງວຽນເຟືອງງາ ສົ່ງຈົດໝາຍອວຍພອນ ເນື່ອງໃນໂອກາດສະເຫຼີມສະຫຼອງ 72 ວັນມູນເຊື້ອ VUFO | |
| ທ່ານນາງເອກອັກຄະລັດຖະທູດ ຫງວຽນເຟືອງງາ ຂຽນປຶ້ມໄວ້ອາໄລ ທ່ານອະດີດປະທານາທິບໍດີ ສ.ອັງໂກລາ |
ກ່າວຄຳເຫັນທີ່ພິທີ, ທ່ານນາງ ຮ່າທິງາ, ປະທານສະຫະພັນແມ່ຍິງຫວຽດນາມ ໄດ້ຕີລາຄາສູງບັນດາຄວາມມານະພະຍາຍາມທີ່ປະກອບສ່ວນພັດທະນາແມ່ຍິງ ຫວຽດນາມ, ເພື່ອຄວາມສະເໝີພາບລະຫວ່າງຍິງຊາຍ ຂອງທ່ານນາງເອກອັກຄະລັດຖະທູດ ຫງວຽນເຟືອງງາ ໃນບັນດາຕຳແໜ່ງ, ຄື: ຮອງລັດຖະມົນຕີກະຊວງການຕ່າງປະເທດ, ຫົວໜ້າຜູ້ຕາງໜ້າຖາວອນຫວຽດນາມ ປະຈຳສະຫະປະຊາຊາດ, ປະທານສະຫະພັນບັນດາອົງການມິດຕະພາບຫວຽດນາມ...
ໃນໄລຍະເຮັດວຽກ, ທ່ານນາງເອກອັກຄະລັດຖະທູດ ຫງວຽນເຟືອງງາ ຍາມໃດກໍ່ຕັ້ງໜ້າເຂົ້າຮ່ວມ ແລະ ສະໜັບສະໜູນບັນດາໂຄງການ ແລະ ນະໂຍບາຍຂອງສະຫະພັນແມ່ຍິງ ຫວຽດນາມ; ອີງຕາມບັນດາຂະບວນການແຂ່ງຂັນ, ໜ້າທີ່ຈຸດສຸມຂອງສະຫະພັນ ໄດ້ຫັນເປັນການເຄື່ອນໄຫວທີ່ແທດຈິງລະບຽດ, ເໝາະສົມກັບການຊຸກຍູ້ການພັດທະນາຂອງແມ່ຍິງ.
 |
ຢູ່ບັນດາອົງການ, ຫົວໜ່ວຍທີ່ ທ່ານນາງເອກອັກຄະລັດຖະທູດ ຫງວຽນເຟືອງງາ ເຮັດວຽກ, ໃນຖານະທີ່ເປັນການນຳຍິງ, ທ່ານນາງ ຍາມໃດກໍ່ມີຄວາມສົນໃຈໃນການປັບປຸງບົດບາດຂອງແມ່ຍິງ ແລະ ຄວາມສະເໝີພາບລະຫວ່າງຍິງ-ຊາຍ; ສຸມໃສ່ການຝຶກອົບຮົມ ແລະ ບຳລຸງສ້າງພະນັກງານ, ໃນນັ້ນ ມີພະນັກງານຍິງ.
ທ່ານນາງ ຮ່າທິງາ ຫວັງວ່າໃນໄລຍະຈະມາເຖິງ, ທ່ານນາງເອກອັກຄະລັດຖະທູດ ຫງວຽນເຟືອງງາ ຈະສືບຕໍ່ໜູນຊ່ວຍ ແລະ ພ້ອມກັບສະຫະພັນ ແລະ ແມ່ຍິງຫວຽດນາມ, ໃນນັ້ນ ມີບັນດາການເຄື່ອນໄຫວກັບບັນດາຄູ່ຮ່ວມມືສາກົນ ເພື່ອຊຸກຍູ້ຄວາມສະເໝີພາບທາງເພດ, ເພື່ອຄວາມກ້າວໜ້າຂອງແມ່ຍິງ.
ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ສະແດງຄວາມເປັນກຽດທີ່ໄດ້ຮັບໃບຍ້ອງຍໍຈາກຄະນະກຳມະການສູນກາງສະຫະພັນແມ່ຍິງ ຫວຽດນາມ. ທ່ານນາງ ໃຫ້ຮູ້ວ່າ ຍາມໃດກໍ່ແມ່ນສະມາຊິກຄອບຄົວໃຫຍ່ຂອງແມ່ຍິງ ຫວຽດນາມ, ຈະມານະພະຍາຍາມເພື່ອຄວາມສະເໝີພາບລະຫວ່າງຍິງ - ຊາຍ ແລະ ພັດທະນາແມ່ຍິງ ຫວຽດນາມ, ເຖິງວ່າທ່ານນາງບໍ່ໄດ້ເຂົ້າຮ່ວມຄະນະບໍລິຫານງານ, ອົງການຈັດຕັ້ງຂອງສະຫະພັນກໍ່ຕາມ.
ຄາດວ່າໃນໄລຍະຈະມາເຖິງ, ທ່ານນາງເອກອັກຄະລັດຖະທູດ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນວຽກງານຄວາມສະເໝີພາບລະຫວ່າງຍິງຊາຍ, ພິເສດແມ່ນໃນຂົງເຂດບຳລຸງສ້າງ.
ຄຳຮຸ່ງ
