ຫວຽດນາມ ເຂົ້າຮ່ວມ ວັນບຸນ Carnaval ທີ່ເປັນມູນເຊື້ອຂອງ ເວເນຊູເອລາ | |
ຫວຽດນາມ ເຂົ້າຮ່ວມສົນທິສັນຍາ Marrakesh ປົກປ້ອງຜົນປະໂຫຍດຂອງຄົນພິການ, ຄົນຕາບອດ, ພິການຕາ |
ນັບແຕ່ວັນທີ 6 ມີນາ ຫາວັນທີ 17 ມີນາ, ຢູ່ສຳນັກງານ ສປຊ ຢູ່ນິວຢອກ (ອາເມລິກາ) ໄດ້ດຳເນີນກອງປະຊຸມຄັ້ງທີ 67 ຂອງ ຄະນະກຳມະການຖານະບົດບາດແມ່ຍິງ, ອົງການຂຶ້ນກັບສະພາເສດຖະກິດສັງຄົມຂອງ ສປຊ ດ້ວຍຫົວຂໍ້ “ບົດບາດ ຂອງການຫັນເປັນດີຈີຕອນປະດິດຄິດສ້າງ, ຫັນເປັນເຕັກໂນໂລຢີ ແລະ ບົດບາດຂອງການສຶກສາໃນຍຸກສະໄໝດີຈີຕອນເພື່ອແນໃສ່ສ້າງຄວາມສະເໝີພາບລະຫວ່າງຍິງຊາຍ ແລະ ມອບສິດໃຫ້ແກ່ແມ່ຍິງ ແລະ ເດັກຍິງ”.
ກ່າວຄຳເຫັນທີ່ກອງປະຊຸມ, ທ່ານນາງ ເລທິມິງທວາ ອັກຄະລັດຖະທູດທີ່ປຶກສາ, ຮອງຫົວໜ້າຄະນະປະຈຳຜູ້ຕາງໜ້າ ຫວຽດນາມ ປະຈຳ ສປຊ, ຢັ້ງຢືນວ່າ ການໝູນໃຊ້ວິທະຍາສາດເຕັກໂນໂລຢີດີຈີຕອນມຸ່ງໄປເຖິງເປົ້າໝາຍຄວາມສະເໝີພາບລະຫວ່າງຍິງຊາຍ ໄດ້ຮຽກຮ້ອງຄວາມຕັດສິນໃຈດ້ານການເມືອງ ແລະ ການກະທຳຕົວຈິງຂອງລັດຖະບານ ແລະ ການກຽມພ້ອມໃນການຫັນປ່ຽນດີຈີຕອນຂອງບັນດາພາກສ່ວນທີ່ກ່ຽວຂ້ອງໃນສັງຄົມ. ຜູ້ຕາງໜ້າ ຫວຽດນາມ ໄດ້ຍົກໃຫ້ເຫັນຢ່າງຈະແຈ້ງເຖິງບັນດາຜົນງານຂອງ ຫວຽດນາມ ໃນຂົງເຂດນີ້ຄື ລັດຖະບານໄດ້ຮັບຮອງເອົາໂຄງການແຫ່ງຊາດກ່ຽວກັບການຫັນເປັນດີຈີຕອນຮອດປີ 2025, ວິໄສທັດຮອດປີ 2030 ແລະ ເປັນຄັ້ງທຳອິດທີ່ຈັດຕັ້ງການສະເຫຼີມສະຫຼອງ ວັນຫັນເປັນດີຈີຕອນແຫ່ງຊາດ.
![]() |
ທ່ານນາງ ເລທິມິງທວາ ອັກຄະລັດຖະທູດທີ່ປຶກສາ, ຮອງຫົວໜ້າຄະນະປະຈຳຜູ້ຕາງໜ້າ ຫວຽດນາມ ປະຈຳ ສປຊ (ພາບ: TTXVN) |
ຫວຽດນາມບັນລຸໄດ້ຫຼາຍຜົນສຳເລັດໃນການຊຸກຍູ້ຄວາມສະເໝີພາບລະຫວ່າງຍິງຊາຍຄື: ໄດ້ຈັດຢູໃນອັນດັບທີ 83 ກ່ຽວກັບຕົວເລກດັດສະນີສັງລວມ, ຢຶນຢູ່ອັນດັບທີ 31 ກ່ຽວກັບດັດສະນີແມ່ຍິງເຂົ້າຮ່ວມການເຄື່ອນໄຫວດ້ານເສດຖະກິດ, ມີອັດຕາແມ່ຍິງເຂົ້າຮ່ວມກຳລັງແຮງງານບັນລຸ 62,5% ສູງກວ່າລະດັບສະເລ່ຍທົ່ວໂລກ 56%. ບັນດາວິສາຫະກິດເວົ້າລວມກໍ່ຄືບັນດາວິສາຫະກິດໂດຍແມ່ຍິງແມ່ນເຈົ້າຂອງຢູ່ ຫວຽດນາມ ໄດ້ສ້າງເງື່ອນໄຂຄວາມສະເໝີພາບລະຫວ່າງຍິງຊາຍເພື່ອຂຸດຄົ້ນເຕັກໂນໂລຢີດີຈີຕອນ ແລະ ບັນດາໂປແກຼມທາງໄກ.
ເພື່ອຊຸກຍູ້ການເຂົ້າຮ່ວມຂອງແມ່ຍິງ ແລະ ເດັກຍິງໃນຂະບວນການຫັນເປັນດິຈິຕອນທົ່ວໂລກ, ຜູ້ຕາງໜ້າຫວຽດນາມ ຍັງແບ່ງປັນບາງປະສົບການຄື: ຕ້ອງການສືບຕໍ່ລົບລ້າງບັນດາຮົ້ວກີດຂວາງດ້ານບົດບາດຍິງຊາຍໃນບັນຫາກຳນົດທິດກ່ຽວກັບອາຊີບ, ການສຶກສາ ແລະ ບຳລຸງສ້າງວິຊາສະເພາະວິທະຍາສາດທໍາມະຊາດ; ຮັດແຄບຊ່ອງຫວ່າງບັນຫາເພດໃນບັນຫາດິຈິຕອນ; ຮັບປະກັນໃຫ້ແມ່ຍິງ ແລະ ເດັກຍິງໄດ້ຮັບໝາກຜົນແຫ່ງຄວາມກ້າວໜ້າທາງວິທະຍາສາດ ແລະ ເຕັກໂນໂລຊີ; ສ້າງຄວາມເຂັ້ມແຂງໃຫ້ແກ່ແມ່ຍິງ ແລະ ເດັກຍິງໂດຍການປະກອບໃຫ້ເຂົາເຈົ້າມີຄວາມຮູ້ ແລະ ທັກສະໃນການຊອກຫາວຽກເຮັດງານທຳໃນຍຸກດິຈິຕອນ.
ບຸນຄົງ