| ເລີ່ມເຄື່ອນໄຫວຖ້ຽວລົດໄຟຂົນສົ່ງສິນຄ້າແຊ່ເຢັນຈາກຈີນ ໄປຍັງຫວຽດນາມ ແລະລາວ | |
| ລົດແທັກຊີໄຟຟ້າຫວຽດນາມ ເຂົ້າສູ່ຕະຫຼາດລາວ |
ຕາມສື່ມວນຊົນລາວ, ເສັ້ນທາງລົດໄຟຂາໄປຂາກັບາ ທີ່ເຊື່ອມຕໍ່ນະຄອນຫຼວງປັກກິ່ງຂອງຈີນ ແລະ ນະຄອນຫຼວງວຽງຈັນຂອງລາວ ໄດ້ເລີ່ມດຳເນີນຢ່າງເປັນທາງການໃນຕົ້ນອາທິດນີ້. ຄາດວ່າທາງລົດໄຟ ຈະເປີດກາລະໂອກາດໃໝ່ໃຫ້ແກ່ການທ່ອງທ່ຽວຂ້າມຊາຍແດນ ແລະ ຊຸກຍູ້ການເຕີບໂຕດ້ານເສດຖະກິດລະຫວ່າງສອງປະເທດ.
ລົດໄຟດັ່ງກ່າວ ຈະໄປຜ່ານບັນດາແຫຼ່ງທ່ອງທ່ຽວຂອງຈີນ ແລະ ລາວ ໂດຍຄາດວ່າຈະເປີດໂອກາດໃໝ່ໃຫ້ແກ່ການທ່ອງທ່ຽວຂ້າມຊາຍແດນ ແລະ ສົ່ງເສີມການເຕີບໂຕທາງດ້ານເສດຖະກິດຂອງສອງປະເທດ.
 |
ລາວ ແລະ ຈີນ ມີເສັ້ນທາງລົດໄຟເຊື່ອມຕໍ່ລະຫວ່າງສອງນະຄອນຫຼວງ |
ຕາມບໍລິສັດທາງລົດໄຟລາວ-ຈີນແລ້ວ, ນັບແຕ່ໄດ້ເລີ່ມດຳເນີນການກໍ່ສ້າງໃນທ້າຍປີ 2021, ທາງລົດໄຟລາວ-ຈີນ ໄດ້ປະກອບສ່ວນຫຼາຍຢ່າງເຂົ້າໃນການພັດທະນາການຄ້າ ແລະ ການທ່ອງທ່ຽວຂ້າມຊາຍແດນລະຫວ່າງສອງປະເທດ ກັບບັນດາປະເທດໃນອາຊຽນ.
ມາຮອດເດືອນກັນຍາປີນີ້, ທາງລົດໄຟລາວ-ຈີນໄດ້ຂົນສົ່ງຜູ້ໂດຍສານ 3,1 ລ້ານເທື່ອຄົນ ແລະ ສິນຄ້າ 26,8 ລ້ານໂຕນ, ໃນນັ້ນມີສິນຄ້າກະສິກຳ, ໂລຫະມີຄ່າ ແລະ ແຮ່ທາດ.
ປັດຈຸບັນ, ລັດຖະບານໄທ ພວມພັດທະນາທ່າກຳປັ່ນໜອງຄາຍຢູ່ພາກຕາເວັນອອກສຽງເໜືອຂອງປະເທດ ເພື່ອເຊື່ອມຕໍ່ກັບທາງລົດໄຟລາວ-ຈີນ. ຕາມການຄາດຄະເນແລ້ວ, ທາງລົດໄຟຈະຊ່ວຍໃຫ້ການຂົນສົ່ງສິນຄ້າຂ້າມຊາຍແດນໄທ-ລາວ-ຈີນ ໄດ້ໄວຂຶ້ນ, ແລະ ຄ່າໃຊ້ຈ່າຍດ້ານການຄ້າຈະຫຼຸດລົງ 30 - 50%.
ຄຳຮຸ່ງ
