ຕອນເຊົ້າວັນທີ 16 ຕຸລາ, ລົດໄຟສອງຖ້ຽວທີ່ໄດ້ຮັບການປະກອບວັດຖຸອຸປະກອນແຊ່ເຢັນ ຂົນສົ່ງໝາກໄມ້ ແລະຜັກໄດ້ເດີນທາງອອກຈາກແຂວງຢູນໜານ, ທາງທິດຕາເວັນຕົກສ່ຽງໃຕ້ ຈີນ ໄປຍັງປະເທດລາວ ແລະຫວຽດນາມ ຕາມລຳດັບ. ເຫດການນີ້ໄດ້ສ້າງຂີດໝາຍແຫ່ງການເປີດນຳໃຊ້ການບໍລິການຂົນສົ່ງສິນຄ້າທີ່ໄດ້ເກັບຮັກສາແບບແຊ່ເຢັນ ໃນບັນດາຖ້ຽວລົດໄຟແຕ່ຈີນ ໄປຍັງລາວ ແລະຫວຽດນາມ.
 |
| ພາບປະກອບ:TTXVN |
ລົດໄຟສອງຖ້ຽວທຳອິດ, ເລີ່ມເດີນທາງແຕ່ສະຖານີລົດໄຟ Yanhe ຂອງນະຄອນຢູຊີ ຂຶ້ນກັບແຂວງຢູນໜານ, ຄາດວ່າຈະໄປຍັງນະຄອນຫຼວງວຽງຈັນ, ລາວ ແລະແຂວງລາວກາຍ, ຫວຽດນາມ ພາຍຫຼັງວັນໜຶ່ງ. ຕາມຕາຕະລາງປັດຈຸບັນ, ແຕ່ລະມື້ຈະມີລົດໄຟຂົນສົ່ງສິນຄ້າແຊ່ເຢັນຈາກນະຄອນຄຸນໝິງ, ຢູນໜານ ໄປຍັງວຽງຈັນ 1 ຖ້ຽວ ແລະແຕ່ຄຸນໝິງ ໄປຍັງລາວກາຍ 1 ຖ້ຽວຕໍ່ອາທິດ.
ກຸ່ມບໍລິສັດເສັ້ນທາງລົດໄຟຄຸນໝິງ (ຈີນ) ໃຫ້ຮູ້ວ່າ ຄວາມຖີ່ການເຄື່ອນໄຫວຂອງລົດໄຟ 2 ຖ້ຽວນີ້ ຈະໄດ້ຮັບການດັດປັບຕາມຄວາມຕ້ອງການຂອງລູກຄ້າໃນອະນາຄົດ.
ບູນມີ
