| ໄຂຊຸດຝຶກອົບຮົມວຽກງານກູ້ຊີບ, ກູ້ໄພພິບັດທຳມະຊາດໃຫ້ແກ່ພະນັກງານກອງທັບປະຊາຊົນລາວ ປີ 2023 | |
| ປີ APEC 2023: ຫວຽດນາມ ໄດ້ຕີລາຄາສູງຄຳໝັ້ນສັນຍາຂອງຕົນ ກ່ຽວກັບການເງິນສີຂຽວ |
ກອງປະຊຸມຂັ້ນສູງວິສາຫະກິດ APEC ແມ່ນ ເຫດການທີ່ສຳຄັນທີ່ສຸດຂອງປະຊາຄົມວິສາຫະກິດໃນຂົງເຂດ, ໄດ້ຈັດຂຶ້ນປະຈຳປີ ເນື່ອງໃນໂອກາດສັບປະດາຂັ້ນສູງAPEC 2023, ເພື່ອສ້າງກາລະໂອກາດໃຫ້ບັນດາວິສາຫະກິດໄດ້ພົບປະ, ແລກປ່ຽນໂດຍກົງ ແລະ ຍົກບັນດາຂໍ້ສະເໜີແນະຕໍ່ບັນດາການນຳ APEC.
 |
| ທ່ານປະທານປະເທດ ຫວໍວັນເຖືອງ ແລະ ບັນດາຜູ້ແທນໄປຢ້ຽມຢາມຮ້ານ Sovico ທີ່ວາງສະແດງຢູ່ນອກກອງປະຊຸມ |
ດ້ວຍຫົວຂໍ້ “ສ້າງກາລະໂອກາດດ້ານເສດຖະກິດ: ຄວາມໝັ້ນຄົງ. ກວມເອົາ. ສ້າງຄວາມເຂັ້ມແຂງດ້ວຍຕົນເອງ. ປະດິດສ້າງ”, ກອງປະຊຸມປີນີ້ລວມມີ 20 ວາລະປະຊຸມສຸມໃສ່ບັນດາບັນຫາທີ່ປະຊາຄົມວິສາຫະກິດມີຄວາມສົນໃຈເປັນອັນດັບຕົ້ນໆຄື: ສະພາບການເສດຖະກິດໂລກ, ພູມີສາດການເມືອງທົ່ວໂລກ, ນະໂຍບາຍການຄ້າເພື່ອກວມລວມ ແລະ ຄວາມໝັ້ນຄົງ, ບົດບາດຂອງລັດ ແລະ ວິສາຫະກິດເພື່ອສ້າງການປ່ຽນແປງ, ຍົກສູງຄວາມສ້າງຄວາມເຂັ້ມແຂງດ້ວຍຕົນເອງຂອງວິສາຫະກິດໃນໂລກທີ່ພວມມີວິກິດການ, ບົດບາດຂອງປ່ຽນແປງໃໝ່ປະດິດສ້າງ, ອະນາຄົດຂອງສະຕິປັນຍາປະດິດ, ການກໍ່ສ້າງລະບົບນິເວດສໍາລັບແນວຄວາມຄິດປະດິດສ້າງ.
ໂດຍແບ່ງປັນກັບປະຊາຄົມວິສາຫະກິດ ອາຊີ - ປາຊີຟິກ ທັດສະນະ ແລະ ນະໂຍບາຍການພັດທະນາຂອງຫວຽດນາມ, ທ່ານປະທານປະເທດ ຢັ້ງຢືນວ່າ ການຮັກສາການເຕີບໂຕເສດຖະກິດແບບໝັ້ນຄົງຈະໄປຄຽງຄູ່ກັບການປະຕິບັດທີ່ກ້າວໜ້າ, ຄວາມສະເໝີພາບຂອງສັງຄົມ ແລະ ປົກປັກຮັກສາສິ່ງແວດລ້ອມນິເວດ, ຮັບປະກັນໃຫ້ປະຊາຊົນທຸກຄົນໄດ້ເສີມຂະຫຍາຍຄວາມສາມາດບົ່ມຊ້ອນ, ເຂົ້າຮ່ວມ ແລະ ໄດ້ຊົມໃຊ້ຄວາມສະເໝີພາບຜົນສຳເລັດຂອງການພັດທະນາ ແມ່ນຄວາມຕ້ອງການໃນວິວັດການພັດທະນາຂອງຫວຽດນາມ.
ການເຕີບໂຕທາງດ້ານເສດຖະກິດ ຄຽງຄູ່ກັບການປະຕິບັດຄວາມກ້າວໜ້າ ແລະ ສະເໝີພາບສັງຄົມ ຕ້ອງປະຕິບັດທັນທີໃນແຕ່ລະບາດກ້າວ, ແຕ່ລະນະໂຍບາຍ ແລະ ຕະຫຼອດຂະບວນວິວັດການພັດທະນາ; ຢ່າ"ເສຍສະລະ" ຄວາມກ້າວຫນ້າ ແລະ ຄວາມສະເໝີພາບສັງຄົມ, ສະພາບແວດລ້ອມເພື່ອເດີນຕາມການເຕີບໂຕທາງເສດຖະກິດດ້ານດຽວ.
ດ້ວຍທັດສະນະດັ່ງກ່າວ, ຫວຽດນາມ ພວມຜັນຂະຫຍາຍກຸ່ມມາຕະການແກ້ໄຂ 3 ກຸ່ມຄື: ທີໜຶ່ງ, ກໍ່ສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງຕິດພັນກັບການຕັ້ງໜ້າ, ເປັນເຈົ້າການເຊື່ອມໂຍງເຂົ້າກັບສາກົນທີ່ເລິກເຊິ່ງກວ້າງ, ເອົາກຳລັງແຮງພາຍໃນປັນພື້ນຖານ, ຍຸດທະສາດ, ຕັດສິນ, ກຳລັງແຮງພາຍນອກເປັນສຳຄັນ, ບຸກທະລຸ;
ທີສອງ, ເພີ່ມທະວີການວຽກງານຄຸ້ມຄອງ ແລະ ນຳໃຊ້ຊັບພະຍາກອນຢ່າງມີປະສິດທິຜົນ, ການປົກປັກຮັກສາສິ່ງແວດລ້ອມແລະ ການຮັບມືການປ່ຽນແປງອາກາດ, ການຊຸກຍູ້ການຫັນເປັນສີຂຽວມຸ່ງໄປສູ່ບັນດາເປົ້າໝາຍ, ຄຳໝັ້ນສັນຍາທົ່ວໂລກຂກ່ຍວກັບດິນຟ້າອາກາດ;
ທີ່ສາມ, ສ້າງສະພາບແວດລ້ອມທີ່ຊຸກຍູ້ໃຫ້ຜູ້ທຸກຍາກ, ຜູ້ທີ່ມີຄວາມບຸກບືນອ່ອນ, ໄດ້ລຸກຂຶ້ນຢືນດ້ວຍກຳລັງແຮງຂອງຕົນ, ເຊື່ອມໂຍງເຂົ້າກັບປະຊາຄົມ, ລົບລ້າງການຈຳແນກໃນສັງຄົມ.
ທ່ານປະທານປະເທດ ຢືນຢັນວ່າ: ເພື່ອປະຕິບັດບັນດາເປົ້າໝາຍພັດທະນາທີ່ໄດ້ສະເໜີນັ້ນ, ຫວຽດນາມ ຫວັງວ່າ ບັນດາເພື່ອນມິດຈະສືບຕໍ່ຮ່ວມເດີນທາງກັບຫວຽດນາມ ໃນການປຶກສາຫາລື, ສະເໜີບັນດານະໂຍບາຍ ແລະ ແນວຄິດການລົງທຶນໃໝ່; ຖ່າຍທອດບັນດາວິທີແກ້ໄຂ, ເຕັກໂນໂລຊີທັນສະໄໝ, ຮູບແບບເສດຖະກິດໃໝ່; ແລະດຶງດູດການລົງທຶນ ແລະ ໜູນຊ່ວຍການພັດທະນາ.
ດ້ວຍນະໂຍບາຍຖືຄຸນນະພາບ, ປະສິດທິຜົນ, ເຕັກໂນໂລຊີສູງ ແລະ ປົກປັກຮັກສາສິ່ງແວດລ້ອມເປັນມາດຖານແຖວໜ້າ, ຫວຽດນາມ ໃຫ້ບູຣິມະສິດດຶງດູດບັນດາໂຄງການລົງທຶນໃນບັນດາຂະແໜງການ ແລະ ຂົງເຂດຄື: ວິທະຍາສາດ - ເຕັກໂນໂລຢີ, ນະວັດຕະກຳ; ເສດຖະກິດສີຂຽວ, ເສດຖະກິດດິຈິຕອນ, ເສດຖະກິດໝູນວຽນ, ເສດຖະກິດພູມປັນຍາ; ເຄື່ອງອາໄຫຼ່ເອເລັກຕຼົງ, ລົດໂອໂຕໄຟຟ້າ...; ການຜະລິດທາດເຄິ່ງຊັກນຳໄຟຟ້າ, ພະລັງງານໃໝ່ (ເຊັ່ນ: hydrogen), ພະລັງງານທົດແທນ; ພັດທະນາສູນການເງິນ, ການເງິນສີຂຽວ; ແລະ ເຕັກໂນໂລຊີຊີວະສາດ, ສາທາລະນະສຸກ,...
ທ່ານປະທານປະເທດ ກໍ່ເນັ້ນໜັກວ່າ ຜົນສຳເລັດຜົນຂອງ APEC ຈະສາມາດໄດ້ຮັບບົນພື້ນຖານມິດຕະພາບ, ຄວາມໄວ້ເນື້ອໃຈລະຫວ່າງບັນດາສະມາຊິກ, ການຮ່ວມເດີນທາງຂອງວິສາຫະກິດ ແລະ ປະຊາຊົນເທົ່ານັ້ນ ແລະ ຢັ້ງຢືນວ່າ ຫວຽດນາມ ພ້ອມແລ້ວທີ່ຈະພ້ອມກັບບັນດາສະມາຊິກ APEC ແລະ ປະຊາຄົມວິສາຫະກິດ ອາຊີ - ປາຊີຟິກ ເພື່ອສ້າງອະນາຄົດທີ່ສົດໃສໃຫ້ສໍາລັບປະຊາຊົນທຸກຄົນ.ມິງດຶກ
