ແຂວງດົ່ງນາຍ ແລະ ແຂວງຈໍາປາສັກ (ລາວ) ແລກປ່ຽນປະສົບການໃນການເຄື່ອນໄຫວສະພາປະຊາຊົນ

15:49 | 26/07/2023

ຍສໝ - ວັນທີ 24 ກໍລະກົດນີ້, ຄະນະຜູ້ແທນສະພາປະຊາຊົນແຂວງຈໍາປາສັກ, ສປປ.ລາວ ນຳໂດຍທ່ານ ແກ້ວລັດຕະນະ ສີຫາວົງ, ກຳມະການສູນກາງພັກ, ຮອງປະທານສະພາປະຊາຊົນແຂວງຈຳປາສັກ ໄດ້ລົງຢ້ຽມຢາມ ແລະ ເຮັດວຽກກັບສະພາປະຊາຊົນແຂວງດົ່ງນາຍ.

	ການນໍາແຂວງເງະອານ ຕ້ອນຮັບການນໍາແຂວງຈໍາປາສັກ
	ແຂວງກວາງງາຍ ແລະ ແຂວງຈໍາປາສັກ (ລາວ) ແລກປ່ຽນປະສົບການວຽກງານແນວໂຮມ

ທີ່ການພົບປະ, 2 ຝ່າຍໄດ້ແລກປ່ຽນບົດຮຽນໃນການເຄື່ອນໄຫວຂອງສະພາປະຊາຊົນ, ບັນດາຂໍ້ກຳນົດກ່ຽວກັບກົດໝາຍທີ່ກ່ຽວຂ້ອງ, ພິເສດແມ່ນບັນດາການເຄື່ອນໄຫວຕິດຕາມກວດກາ, ກໍ່ຄືການເພີ່ມທະວີບົດບາດຂອງການເຄື່ອນໄຫວຂອງອົງການເລືອກຕັ້ງ 2 ປະເທດ.

2 ຝ່າຍໄດ້ລົງນາມໃນບົດບັນທຶກເຮັດວຽກ ເພື່ອເປັນພື້ນຖານໃຫ້ສະພາປະຊາຊົນສອງແຂວງປະຕິບັດການຮ່ວມມືມິດຕະພາບ, ປະກອບສ່ວນຮັດແໜ້ນ, ເພີ່ມທະວີ ແລະ ພັດທະນາສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງ 2 ແຂວງໃນໄລຍະຈະມາເຖິງ.

ແຂວງດົ່ງນາຍ ແລະ ແຂວງຈໍາປາສັກ (ລາວ) ແລກປ່ຽນປະສົບການໃນການເຄື່ອນໄຫວສະພາປະຊາຊົນ

ແຂວງດົ່ງນາຍ ແລະ ແຂວງຈໍາປາສັກ (ລາວ) ແລກປ່ຽນປະສົບການໃນການເຄື່ອນໄຫວຂອງສະພາປະຊາຊົນ

ຕາມທ່ານປະທານສະພາປະຊາຊົນແຂວງດົ່ງນາຍ ໄທບ໋າວ ແລ້ວ, ການຢ້ຽມຢາມ ແລະ ເຮັດວຽກຂອງຄະນະຜູ້ແທນແຂວງຈໍາປາສັກ ແມ່ນໜຶ່ງໃນບັນດາການສະແດງໃຫ້ເຫັນຄວາມສາມັກຄີ, ມິດຕະພາບ, ການພົວພັນສະໜິດຕິດພັນລະຫວ່າງ ຫວຽດນາມ ແລະ ລາວ ເວົ້າລວມ ແລະ ລະຫວ່າງ 2 ແຂວງດົ່ງນາຍ - ແຂວງຈໍາປາສັກ ເວົ້າສະເພາະ.

ທ່ານ ໄທບ໋າວ ເຊື່ອໝັ້ນວ່າ ດ້ວຍຄວາມຮັກແພງອັນພິເສດ, ບ້ານໃກ້ເຮືອນຄຽງສະໜິດສະໜົມ, ນ້ຳໃຈມິດຕະພາບ, ຄວາມຮັກແພງອັນເປັນມູນເຊື້ອຢ່າງເລິກເຊິ່ງລະຫວ່າງສອງປະເທດ ຈະໄດ້ຮັບການເສີມຂະຫຍາຍ ແລະ ຮັດແໜ້ນກວ່າອີກ.

ໂດຍຕາງໜ້າໃຫ້ຄະນະ, ທ່ານ ແກ້ວລັດຕະນະ ສີຫາວົງ, ຮອງປະທານສະພາປະຊາຊົນແຂວງຈໍາປາສັກ ໄດ້ສະແດງຄວາມຫວັງວ່າ ການພົວພັນຮ່ວມມືລະຫວ່າງສະພາປະຊາຊົນແຂວງດົ່ງນາຍ ແລະ ແຂວງຈຳປາສັກ ເວົ້າສະເພາະ, ແລະ ການພົວພັນລະຫວ່າງຫວຽດນາມ - ລາວ ເວົ້າລວມ ຈະນັບມື້ນັບມີຄວາມສາມັກຄີຍິ່ງຂຶ້ນ ແລະ ຕິດພັນກັນທີ່ແໜ້ນແຟ້ນກວ່າໃນອະນາຄົດ.