| ສະພາແຫ່ງຊາດ ຫວຽດນາມ - ອານເຊຣີ ເພີ່ມທະວີການຮ່ວມມື | |
| ການສົ່ງເສີມດ້ານການຄ້າລະຫວ່າງ ຫວຽດນາມ - ອານເຊຣີ |
ຕາມສຳນັກຂ່າວສານຫວຽດນາມ ປະຈຳອານເຊຣີ ແລ້ວ, ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນຕໍ່ສູ້ຍາດເອົາອະທິປະໄຕແຫ່ງຊາດ ແລະ ຄົບຮອບ 61 ປີແຫ່ງວັນປະກາດເອກະລາດ ອານເຊຣີ, ສະມາຄົມບັນດາເພື່ອນມິດສາກົນຂອງການປະຕິວັດອານເຊຣີ ໄດ້ຮັບການສ້າງຕັ້ງຂຶ້ນພາຍໃຕ້ການອຸປະຖຳຂອງກະຊວງນັກຮົບເກົ່າ ແລະ ຜູ້ມີຄຸນງາມຄວາມດີ ອານເຊຣີ.
ດ້ວຍເປົ້າໝາຍຮອງຮັບ ແລະ ຮູ້ບຸນຄຸນຕໍ່ຄວາມສາມັກຄີ, ການໜູນຊ່ວຍ ແລະ ການເສຍສະຫຼະເພື່ອການປະຕິວັດ ອານເຊຣີ, ພ້ອມກັນນັ້ນ ກໍ່ປະກອບສ່ວນເຜີຍແຜ່ຄຸນຄ່າມະນຸດສາດ ແລະ ຊຸກຍູ້ມິດຕະພາບລະຫວ່າງບັນດາປະເທດ, ປະກອບສ່ວນເພີ່ມທະວີສັນຕິພາບຂອງໂລກ, ສະມາຄົມໄດ້ເຕົ້າໂຮມຜູ້ແທນ 70 ຄົນທີ່ມາຈາກ 30 ກວ່າປະເທດໃນໂລກ, ໃນນັ້ນ ມີ 2 ທ່ານຜູ້ແທນທີ່ມາຈາກຫວຽດນາມ, ທ່ານ ຫວໍຮົ່ງນາມ ແລະ ທ່ານ ເຈີ່ນວັນບິ່ງ.
 |
ນະຄອນຫຼວງ Algiers |
ຫວຽດນາມ ໄດ້ເຊີດຊູຢ່າງພິເສດ ຍ້ອນການປະກອບສ່ວນເຂົ້າໃນການເຄື່ອນໄຫວປົດປ່ອຍຊາດ ເວົ້າລວມ ແລະ ການປະຕິວັດ ອານເຊຣີ ເວົ້າສະເພາະ. ບັນດາຜູ້ແທນສາກົນ ແລະ ເພື່ອນມິດອານເຊຣີ ທີ່ເຂົ້າຮ່ວມກອງປະຊຸມສ້າງຕັ້ງສະມາຄົມ ລ້ວນແຕ່ສະແດງຄວາມເຄົາລົບຕໍ່ປະທານໂຮ່ຈີມິນ, ພົນເອກ ຫວໍຫງວຽນຢາບ; ຖື ຫວຽດນາມ ເປັນແບບຢ່າງໃນການຕໍ່ສູ້ປົດປ່ອຍຊາດ ແລະ ພັດທະນາປະເທດຊາດ; ສະແດງຄວາມຫວັງວ່າ ຫວຽດນາມ ຈະສືບຕໍ່ມີບົດບາດຕັ້ງໜ້າກວ່າອີກໃນການຊຸກຍູ້ສັນຕິພາບ ແລະ ຄວາມກ້າວໜ້າໃນໂລກ.
ທ່ານ ຫວໍຮົ່ງນາມ ໄດ້ກ່າວວ່າ, ປະຊາຊົນອານເຊຣີ ມີຄວາມຮັກແພງແຂກຄົນຫຼາຍ, ພິເສດແມ່ນຄວາມຮັກແພງຕໍ່ປະທານໂຮ່ຈີມິນ, ພົນເອກ ຫວໍຫງວຽນຢາບ ແລະ ຕໍ່ກັບສົງຄາມປົດປ່ອຍປະຊາຊົນຫວຽດນາມ. ນັບແຕ່ປີ 1958, ພາຍຫຼັງໄດ້ຮັບໄຊຊະນະດ້ຽນບຽນຝູ, ບັນດາເພື່ອນມິດອານເຊຣີ ກໍ່ໄປຫວຽດນາມ ເພື່ອຮ່ຳຮຽນປະສົບການກ່ຽວກັບສົງຄາມປົດປ່ອຍ, ເພື່ອມາປົດປ່ອຍ ແລະ ທຳລາຍລະບອບອານານິຄົມ, ຈາກນັ້ນໃນປີ 1962 ອານເຊຣີ ກໍ່ກາຍເປັນປະເທດເອກະລາດ.
ຄຳຮຸ່ງ
