| ໂອ້ລົມສົນທະນາກັບພະນັກງານຂອງມະຫາວິທະຍາໄລສົງຄາມ ອານເຊຣີ ກ່ຽວກັບການພັດທະນາແບບຍືນຍົງຂອງຫວຽດນາມ | |
| ຫວຽດນາມ ແລະ ອານເຊຣີ ເພີ່ມທະວີການຄ້າທາງອອນລາຍ |
 |
| ພາບປະກອບ (ພາບ: Tấn Đạt/TTXVN) |
ເຫດການນອນຢູ່ໃນລາຍການລະດັບຊາດກ່ຽວກັບການສົ່ງເສີມການຄ້າປີ 2022 ແລະ ຄາດວ່າຈະມີວິສາຫະກິດ ຫວຽດນາມ ແລະ ອານເຊຣີ ຈໍານວນ 40 ຫົວໜ່ວຍຈະເຂົ້າຮ່ວມການພົວພັນການຄ້າແບບທາງໄກ.
ທີ່ກອງປະຊຸມ, ຕາງໜ້າຝ່າຍ ຫວຽດນາມ ແລະ ອານເຊຣີ ຈະແນະນຳກ່ຽວກັບສະພາບການຕະຫຼາດ, ຂໍ້ກຳນົດກ່ຽວກັບການນຳເຂົ້າສົ່ງອອກ ແລະ ການພົວພັນດ້ານການຄ້າ, ການລົງທຶນລະຫວ່າງສອງປະເທດ. ນອກຈາກກອງປະຊຸມຄົບຄະນະແລ້ວ, ຄະນະຈັດຕັ້ງກໍຈະຈັດວາລະພົວພັນການຄ້າແບບທາງໄກລະຫວ່າງບັນດາວິສາຫະກິດ ເພື່ອໜູນຊ່ວຍວິສາຫະກິດຂອງສອງປະເທດໄດ້ເຊື່ອມຕໍ່, ຊອກຫາກາລະໂອກາດຮ່ວມມືເຮັດທຸລະກິດ.
Algeria ຕັ້ງຢູ່ໃນ ອາຟຣິກາເຫນືອ ແລະ ເປັນພື້ນຖານເສດຖະກິດໃຫຍ່ທີ 4 ຂອງ ອາຟຣິກາ ດ້ວຍຍອດຜະລິດຕະພັນພາຍໃນປະເທດປີ 2020 ແມ່ນ 145.200.000.000 USD. Algeria ຍັງເປັນຕະຫຼາດທີ່ມີຄວາມສາມາດບົ່ມຊ້ອມໃຫ້ແກ່ສິນຄ້າ ຫວຽດນາມ ເພາະວ່າ ຕະຫຼາດແຫ່ງນີ້ມີຄວາມຕ້ອງການທີ່ຈະນໍາເຂົ້າບັນດາສິນຄ້າທີ່ເປັນທ່າແຮງຂອງຫວຽດນາມ ເຊັ່ນ ກາເຟ, ໝາກພິກໄທ, ແກ່ນໝາກມ່ວງຫິມະພານ, ອາຫານທະເລນ້ຳຈືດ.
ປີ 2021, ວົງເງິນການສົ່ງອອກຂອງ ຫວຽດນາມ ໄປຍັງຕະຫຼາດນີ້ຫາກໍບັນລຸໄດ້ 151.100.000 USD; ໃນ 5 ເດືອນຕົ້ນປີ 2022, ບັນລຸ 65.200.000 USD, ເພີ່ມຂຶ້ນ 17,6% ເມື່ອທຽບໃສ່ໄລຍະດຽວກັນຂອງປີ 2021. ເພາະສະນັ້ນ, ບັນດານັກຊ່ຽວຊານດ້ານການຄ້າຖືວ່າ ກອງປະຊຸມພົວພັນການຄ້າ ແລະ ການຮ່ວມມືລະຫວ່າງວິສາຫະກິດ ຫວຽດນາມ - ອານເຊຣີ 2022 ແມ່ນໂອກາດທີ່ດີ ເພື່ອກໍາໄດ້ບັນດາຂໍ້ມູນກ່ຽວກັບຕະຫຼາດ ກໍຄືວັດທະນະທໍາການເຮັດທຸລະກິດ. ຈາກນັ້ນ, ເພີ່ມທະວີການຮ່ວມມືດ້ານການຄ້າລະຫວ່າງ ຫວຽດນາມ ກັບ ອານເຊຣີ ເວົ້າສະເພາະ ແລະ ຕະຫຼາດ ອາຟະລິກາ ເວົ້າລວມ.
ຫອມມາລາ
