| ສ້ອມແປງ ປະຕິສັງຂອນເຂດອະນຸສອນສະຖານປະທານ ໂຮ່ຈີມິນ ຢູ່ແຂວງ ສະຫວັນນະເຂດ | |
| ADB ໜູນຊ່ວຍເງິນເປັນຈຳນວນ 683 ລ້ານ USD ເພື່ອສ້າງໂຮງງານຜະລິດໄຟຟ້າແຮງລົມແຫ່ງທຳອິດຢູ່ ລາວ |
 |
| ພິທີວາງສີລະລຶກ ໂຮງຮຽນມັດທະຍົມຕອນຕົ້ນ ເອກະພາບ (ພາບ: Conganquangbinh.gov.vn) |
ຕອນເຊົ້າວັນທີ 11 ເມສານີ້, ຄະນະຜູ້ແທນແຂວງກວາງບິ່ງ ໄດ້ເຂົ້າຮ່ວມພິທີວາງສີລາລຶກໂຄງການກໍ່ສ້າງໂຮງຮຽນມັດທະຍົມຕອນຕົ້ນ ເອກະພາບ ແຂວງຄຳມ່ວນ, ປະເທດລາວ.
ຕາມການສະເໜີຂອງສະມາຄົມຊາວຫວຽດນາມ ອາໄສຢູ່ແຂວງ ຄຳມ່ວນ ກ່ຽວກັບການໜູນຊ່ວຍການລົງທຶນກໍ່ສ້າງໂຮງຮຽນມັດທະຍົມຕອນຕົ້ນ ເພື່ອສ້າງເງື່ອນໄຂການຮ່ຳຮຽນໃຫ້ແກ່ລູກຫຼານຊາວຫວຽດນາມ ຢູ່ແຂວງ ຄຳມ່ວນ, ໂດຍໄດ້ຮັບການເປັນເອກະພາບຂອງການນຳສອງປະເທດ, ແຂວງກວາງບິ່ງ ໄດ້ຕົກລົງໜູນຊ່ວຍກໍ່ສ້າງໂຮງຮຽນມັດທະຍົມຕອນຕົ້ນ ເອກະພາບ ໃຫ້ສະມາຄົມຊາວຫວຽດນາມ ຢູ່ແຂວງຄຳມ່ວນ.
ໂຄງການມີມູນຄ່າທັງໝົດ 25 ຕື້ດົ່ງ, ໂດຍອອກແບບ 3 ຊັ້ນ, ໃນນັ້ນມີຫ້ອງເຮັດວຽກຂອງຄູ, ຫ້ອງຮຽນທິດສະດີ, ຫ້ອງຮຽນໜ່ວຍວິຊາ, ຫ້ອງສະໝຸດ, ຫ້ອງການແພດ, ຫ້ອງອຸປະກອນການສອນ... ໂຮງຮຽນບໍ່ພຽງແຕ່ແມ່ນບ່ອນສຶກສາໃຫ້ແກ່ນັກຮຽນທີ່ເປັນລູກຫຼານຊາວຫວຽດນາມ ຢູ່ແຂວງຄໍາມ່ວນ ເທົ່ານັ້ນ, ຫາກຍັງສະຫງວນໃຫ້ແກ່ນັກຮຽນທີ່ເປັນລູກຫຼານຊາວເຜົ່າລາວຢູ່ແຂວງ ຄໍາມ່ວນ ອີກດ້ວຍ.
ຕາງໜ້າໃຫ້ຄະນະພັກ, ອຳນາດການປົກຄອງ ແລະ ປະຊາຊົນແຂວງ ຄຳມ່ວນ, ສະຫາຍ ວັນໄຊ ພົງສະຫວັນ ເລຂາຄະນະພັກ, ເຈົ້າແຂວງຄຳມ່ວນ ໄດ້ຂອບໃຈຄວາມເອົາໃຈໃສ່, ສະໜັບສະໜູນຂອງຄະນະພັກ, ອຳນາດການປົກຄອງ ແລະ ປະຊາຊົນແຂວງ ກວາງບິ່ງ ໃນໄລຍະຜ່ານມາ. ພ້ອມກັນນັ້ນ, ທ່ານຍັງໄດ້ເນັ້ນໜັກວ່າ ເລື່ອງແຂວງກ໋ວາງນິງ ໜູນຊ່ວຍ ກໍ່ສ້າງໂຮງຮຽນມັດທະຍົມຕອນຕົ້ນ ເອກະພາບ ຈະປະກອບສ່ວນບຳລຸງສ້າງແຫຼ່ງຊັບພະຍາກອນມະນຸດໃຫ້ແຂວງ ຄຳມ່ວນ ໃນອະນາຄົດ, ແມ່ນສັນຍາລັກແຫ່ງນ້ຳໃຈມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງ ແຂວງ ກວາງບິ່ງ ແລະ ແຂວງ ຄຳມ່ວນ.
ບຸນຄົງ
