ສ​ປ​ຊ ຮຽກ​ຮ້ອງ​ໃຫ້​ໜູນ​ຊ່ວຍ​ບ້ວງ​ເງິນ​ເກືອບ 400 ລ້ານ USD ໃຫ້​ແກ່ ຊີ​ຣີ
	ສະ​ພາ​ແຫ່ງ​ຊາດ: ຫວຽດ​ນາມ ສ້າງ​ເງື່ອນ​ໄຂ​ສະ​ດວ​ກ​ໃຫ້​ແກ່​ທຸກ​ນັກ​ລົງ​ທຶນ

ພາບ​ປະ​ກອບ: dangcongsan.vn

ຫວ່າງ​ມໍ່ໆ​ມາ​ນີ້, ທະ​ນາ​ຄານ​ພັດ​ທະ​ນາ ອາ​ຊີ (ADB) ແລະ ບໍ​ລິ​ສັດ​​ໄຟ​ຟ້າ​ແຮງ​ລົມ Monsoon ຈຳກັດ (Monsoon) ໄດ້​ເຊັນ​ບ້ວງ​ເງິນ​ໜູນ​ຊ່ວຍ​ໂຄງ​ການ​ທີ່ບໍ່ມີການຮຽກຮ້ອງໂດຍ​ມີມູນ​ຄ່າ 682,55 ລ້ານ USD ເພື່ອ​ກໍ່​ສ້າງ​ໂຮງ​ງານ​ໄຟ​ຟ້າ​ແຮງ​ລົມ​ສະ​ມັດ​ຕະ​ພາບການຜະລິດ 600 MW ຢູ່​ບັນ​ດາ​ແຂວງ​ຄື: ເຊກອງ, ອັດ​ຕະ​ປື ຢູ່​ເຂດ​ພາກ​ໃຕ້ ຂອງປະ​ເທດ ສ​ປ​ປ.ລາວ ເພື່ອ​ແນ​ໃສ່​ສົ່ງ​ອອກ ແລະ ຂາຍ​ໄຟ​ຟ້າ​ໃຫ້​ແກ່​ປະ​ເທດ​ບ້ານ​ໃກ້​ເຮືອນ​ຄຽງ ຫວຽດ​ນາມ. ດ້ວຍ​ກັງຫັນ​ລົມ 133 ຕົ້ນ ນີ້​ຈະ​ແມ່ນ​ໂຄງ​ການ​ໃຫຍ່​ທີ່​ສຸດ​ຢູ່​ອາ​ຊີ​ຕາ​ເວັນ​ອອກ​ສ່ຽງ​ໃຕ້​ ນັບແຕ່ມ​າ​ຮອດ​ປັດ​ຈຸ​ບັນ ແລະ ກໍ່​ແມ່ນ​ໂຮງ​ງານ​ຜະ​ລິດ​ໄຟ​ຟ້າແຮງລົມ​ແຫ່ງ​ທຳ​ອິດ​ຢູ່ ສ​ປ​ປ.ລາວ.

ບ້ວງ​ເງິນ​ໜູນ​ຊ່ວຍ​ລວມ​ມີ​ການ​ກູ້​ຢຶມ A ທີ່​ມີ​ມຸນ​ຄ່າ 100 ລ້ານ USD ຈາກ​ແຫຼ່ງ​ເງິນ​ທຶນ​ທຳ​ມະ​ດາ​ຂອງ ADB, ບ້ວງ​ເງິນກູ້​ຢືມ B ມີ​ມູນ​ຄ່າ 150 ລ້ານ USD, ບ້ວງ​ເງິນ​ໜູນ​ຊ່ວຍ​ມີ​ມູນ​ຄ່າ 60 ລ້ານ USD, ບ​ວ້ງ​ເງິນ​ກູ້​ຢືມອື່ນໆມີ​ມູນ​ຄ່າ 382,55 ລ້ານ USD ແລະ ບ້ວ​ເງິນ​ຊ່ວຍ​ເຫຼືອລ້າ ມີ​ມູ​ນ​ຄ່າ 10 ລ້ານ USD. ການ​ນຳ​ໃຊ້​ແຫຼ່ງ​ການ​ເງິນ​ສົມ​ທົບ​ບຸ​ລິ​ມະ​ສິດ​ທີ່​ກ້າວ​ໜ້າ​ນີ້​ມີ​ຄວາມ​ສຳ​ຄັນ​ທີ່​ສຸດ​ໃນ​ການ​ຜ່ານ​ຜ່າ​ບັນ​ດາ​ຮົ້ວ​ກີດ​ຂວາງ​ກ່ຽວ​ກັບ​ຄວາມ​ສາ​ມາດ​ດ້ານ​ການ​ເງິນ​ຂອງ​ໂຄງ​ການ​ເພື່ອ​ລະ​ດົມ​ທຶນ​ການ​ຄ້າ.